رسالة جديدة إلى أشغال والبلدية

رسالتي بإختصار لين متى بنقعد الشارع مخلص ومب مخلص .. وشكثر ياخذون المقاولين حتى يصبون الطبقة الأخيرة وشكثر بعدين حتى يخططون الشارع .. حسيت الناس سكرانين في طريق الوعب

بعدين شمصير الحفر في بعض الأرصفة ولين متى بتبقى الرصيف كله مسكت الا كم بقعة ما خلصوها وطالع الرمل من جهتها .. هشكل في رايكم قطر تستحق الأفضل والا ما سلمتوا المقاول فلوسه وزعل عليكم؟

مريت اليوم وسط الدوحة ورصيف وسطي عرضه ما يتجاوز متر قريب من مركز العاصمة والشارع ما شاء الله منتهي ومسكت ( ألحين بس والله يستر بعد سنة ) المهم كم بقعة في الرصيف مفتوحة ليش؟ وليش نستخدم دفان تحت الرصيف الغالي والنوعية الجيدة من الحجارة وأعتقد بازلتية بس التركيب سيء ولا يبغي ينتهي الرمل العادي مال النقيان ناعم ولا يثبت فوقه الرصيف ومن أول رشة مطر يتحرك .. ما عندكم رمل خشن والا دفان زين حطوا خلطة اسمنتية مع هذا الرمل حتى 1 اسمنت ل 5 رمل متأكد تنفع وتستوي أرضية قوية لقطع حجارة الرصف .. أرجوكم سووا شيء يدوم لتسوون شغل فشخرة حق يوم

شوارع العزيزية انتهت من سنتين أو ثلاث تقريباً وانتهائها قطعة قطعة بالتقسيط الممل ألحين اللي يمر عليها يشوف بلاوي تعرجات وهبوط وارتفاع ووضع يضحك العدو علينا .. وشوارع معيذر الشغل فيها بطيء جداً جداً والوضع لا يطاق وأكيد كل مناطقنا تعاني انا ذكرت المناطق اللي أمر عليها

إضافة الى ما ذكرت اخونا معماري، لاحظت أن الشارع يكون تنفيذه المبدئي جيد وبمواصفات.. لكن أول صيانة للشارع بعد ما ينتهي المقاول الأول من عقده (تنفيذ وصيانة)، تقوم الجهة الحكومية بإسناد مهمة صيانة الشوارع لمؤسسات ما تجيد العمل.. فمثلاََ يسوون أعمال تجديد ولا يلتزمون بالأعماق اللي يكشطون فيها الطبقة الاسفلتية العلوية واحياناََ يخربون الطبقات الأساسية اللي تحت.

فيطلع معهم الشارع عقب عملهم التخريبي شكله مجدد، لكن مع مرور الوقت تظهر عيوب و مطبات و مساكل كثير حتى في الأرصفة.

الحاصل الفلوس المصروفة على مشروع سواه مقاول جيد، تذهب هدر بيد مقاول تعبان لان عقب خمس سنين انتهت العقود الأساسية وبدت عقود تشغيل وصيانة كسبها مقاولين مالهم ناقة ولا جمل بشغل البنى التحتية او تطوير المدن.

اللهم حوالينا ولا علينا omen

تكلمنا وايد عن المشاريع الفاشله وتخطيط الغير سليم للأسف المسؤولين قاعدين في مكاتبهم ولا يكرم نفسه يطلع يتابع المشاريع بس يعرف يطلع إذا كان هناك فتتاح شارع راح علشان يطلع في الجريدة نعم هناك بطء في الكثير من المشاريع خاصه لي بعيده عن العين عندنا شارع فرعي فجأه طلعت فيه حفرة تقول نيزك طايح من السماء بالله عليكم هل هذا شغل لكن مثل ماقال غانم السليطي استفيد

اقتباس:

---

المشاركة الأصلية كتبت بواسطة سالم الزهران

إضافة الى ما ذكرت اخونا معماري، لاحظت أن الشارع يكون تنفيذه المبدئي جيد وبمواصفات.. لكن أول صيانة للشارع بعد ما ينتهي المقاول الأول من عقده (تنفيذ وصيانة)، تقوم الجهة الحكومية بإسناد مهمة صيانة الشوارع لمؤسسات ما تجيد العمل.. فمثلاََ يسوون أعمال تجديد ولا يلتزمون بالأعماق اللي يكشطون فيها الطبقة الاسفلتية العلوية واحياناََ يخربون الطبقات الأساسية اللي تحت.

فيطلع معهم الشارع عقب عملهم التخريبي شكله مجدد، لكن مع مرور الوقت تظهر عيوب و مطبات و مساكل كثير حتى في الأرصفة.

الحاصل الفلوس المصروفة على مشروع سواه مقاول جيد، تذهب هدر بيد مقاول تعبان لان عقب خمس سنين انتهت العقود الأساسية وبدت عقود تشغيل وصيانة كسبها مقاولين مالهم ناقة ولا جمل بشغل البنى التحتية او تطوير المدن.

---

هذي مشكلة الطيبة الزايدة والثقة في غير محلها ولا فيه حساب ولا عقاب .. ومشكلة الإدارة الهندسية للمشروع أو لاستخدام وصيانة المشروع .. قبل كانت الحكومة تجهز فرق للصيانة مختصة وفاهمة وتخلص بسرعة وبمعدات جيدة .. ألحين يدورون أرخص مقاول أو مقاول يحبونه ومب مهم لو يعطي عقده بالباطن لشركة تدور دراهم بسيطة كربح

اقتباس:

---

المشاركة الأصلية كتبت بواسطة sara jsm

اللهم حوالينا ولا علينا omen

---

انتي عرجج في الماي ملعب استاد البيت مقابل بيتكم ووراه كورنيش الخور ومهتمين بأدق التفاصيل

اقتباس:

---

المشاركة الأصلية كتبت بواسطة Rider

تكلمنا وايد عن المشاريع الفاشله وتخطيط الغير سليم للأسف المسؤولين قاعدين في مكاتبهم ولا يكرم نفسه يطلع يتابع المشاريع بس يعرف يطلع إذا كان هناك فتتاح شارع راح علشان يطلع في الجريدة نعم هناك بطء في الكثير من المشاريع خاصه لي بعيده عن العين عندنا شارع فرعي فجأه طلعت فيه حفرة تقول نيزك طايح من السماء بالله عليكم هل هذا شغل لكن مثل ماقال غانم السليطي استفيد

---

إخوي رايدر شوارع مهمة هذي وفي وسط الدوحة واستحملت تأخير كبير والباقي شغل ساعات مب يوم ليش مخلينه ما ادري .. أقلها لو يبون الحفرة يدفنون فيها تعاويذ أو يخلصون شيء تحت ما خلصوه يركبون قطعة حديد تغطي وتنفك وقت ما يبون يشتغلون حتى ضروري يصبغونها بلون محايد كأنها الرصيف ولا تلاحظ

المهم رحت أمس مستشفى حمد لموعد ولحقت قبل بحول ساعة الا ربع بس درت أدور موقف في المواقف متعددة الأدوار رجعت السيارات المتكدسة فوق شكثر ومتأكد وايد منها لناس مسافرين .. حاطين ليتات تولع خضراء وعداد يعطيك عدد المواقف المتوفرة ولا فيه شيء الا قليل للمعاقين والباقي خربان السنسر وحاجز الدخول والخروج من كثر ما يخترب خلوه مفتوح للكل .. هذا جزء ثاني من مساويء التخطيط عندنا ومتابعة العقود والمقاولين والصيانة

اقتباس:

---

المشاركة الأصلية كتبت بواسطة معماري قطري

إخوي رايدر شوارع مهمة هذي وفي وسط الدوحة واستحملت تأخير كبير والباقي شغل ساعات مب يوم ليش مخلينه ما ادري .. أقلها لو يبون الحفرة يدفنون فيها تعاويذ أو يخلصون شيء تحت ما خلصوه يركبون قطعة حديد تغطي وتنفك وقت ما يبون يشتغلون حتى ضروري يصبغونها بلون محايد كأنها الرصيف ولا تلاحظ

المهم رحت أمس مستشفى حمد لموعد ولحقت قبل بحول ساعة الا ربع بس درت أدور موقف في المواقف متعددة الأدوار رجعت السيارات المتكدسة فوق شكثر ومتأكد وايد منها لناس مسافرين .. حاطين ليتات تولع خضراء وعداد يعطيك عدد المواقف المتوفرة ولا فيه شيء الا قليل للمعاقين والباقي خربان السنسر وحاجز الدخول والخروج من كثر ما يخترب خلوه مفتوح للكل .. هذا جزء ثاني من مساويء التخطيط عندنا ومتابعة العقود والمقاولين والصيانة

---

إذا ماصار هالشي ياخوي كيف تبغي التجار يستفيدون مثلا تبغيه يسوي لك شارع يعيش 30 سنة لا طبعا بيسوي شي يمشي معاك كم سنة علشان يستفيد ركز على كلمة يستفيد

اقتباس:

---

المشاركة الأصلية كتبت بواسطة Rider

إذا ماصار هالشي ياخوي كيف تبغي التجار يستفيدون مثلا تبغيه يسوي لك شارع يعيش 30 سنة لا طبعا بيسوي شي يمشي معاك كم سنة علشان يستفيد ركز على كلمة يستفيد

---

التجار يا اخوي مب بس عندهم الطرق وبس عندهم أمور كثيرة وإجادة العمل الهندسي ما تعتمد على التاجر تعتمد على الإدارة الهندسية والنظام المحاسبي والرقابي في البلاد .. شاللي يخلي دبي شوارعها أحسن وتعيش وأرصفتها والمسطحات المائية والزراعية هناك ومشاريعها الكبيرة أرخص من بعض شوارعنا

إذا بتعين مقاولين فوق مستوى التغطية ولا عليهم حسيب ولا رقيب أو بتسوي تصميم رديء وهم بيطبقونه إنت كمسؤول هندسي متواطيء معاهم ومسهل لهم أو إنك أقل من المكان اللي انت فيه وتسوي شغل أي كلام .. جيب لي شارع إنرصف وخلص ما فيه مشاكل .. يمكن محور صباح الأحمد من أفضلهم بس تبقى الإغلاقات لبعض المسارات لأمور تافهة يركبها مقاول قطري ويطول فيها براحته وكأنه يشتغل متطوع وببلاش

فعلاََ المشكلة حكومية، الجهة الفلانية تبدد المال العام وتنفقه لتضخيم حسابات مؤسسات وشركات وطنية فاشلة..ولوما هي فاشلة ما احتاجوا للمقاولين الأجانب من الأساس.

اللي يدلكم على انها مؤسسات تعبانه، انهم في حالة الشكوى على المؤسسة واذا حصل منها اهمال، تحصل الغرامات اللي تصدر في حقها تتخفف لأقل حد.. فشنو علاقة الجهة الحكومية وشنو مصلحتها مع مؤسسات ومقاولين من هذا القبيل؟

فعلا
اول شي يلاحظه اي زائر للدوحة هو الشوارع.. واجهة البلد الحقيقية ..فوضي تصليحات وفوضى سواقة شاحنات على سياكل على مرور غير متواجدين

اقتباس:

---

المشاركة الأصلية كتبت بواسطة سالم الزهران

فعلاََ المشكلة حكومية، الجهة الفلانية تبدد المال العام وتنفقه لتضخيم حسابات مؤسسات وشركات وطنية فاشلة..ولوما هي فاشلة ما احتاجوا للمقاولين الأجانب من الأساس.

اللي يدلكم على انها مؤسسات تعبانه، انهم في حالة الشكوى على المؤسسة واذا حصل منها اهمال، تحصل الغرامات اللي تصدر في حقها تتخفف لأقل حد.. فشنو علاقة الجهة الحكومية وشنو مصلحتها مع مؤسسات ومقاولين من هذا القبيل؟

---

ما ودي أكون واضح أكثر من هالوضوح

كبار رجال الحكومة نواياهم طيبة ويبغون أهل قطر يستفيديون وبنفس الوقت ينجزون المطلوب .. تجيك الطبقة التنفيذية من الإدارة الهندسية يبون يخلصون مشاريعهم بسرعة ومب مهم عندهم يركزون على ديمومة المشروع وعادي طريقة بدائية وبس .. جددنا جبنا أرصفة غرانيت وبلاط أرضية غرانيت ونسوا يجددون طريقة التركيب ويركزون على شغلة مهمة إن هذي النوعية من الأرضيات علشان تبرز جمالها تحتاج تلميع وتنظيف من وقت لوقت وإزالة للواصق مثل العلكة وغيرها .. بعدين التركيب على رمل وأوقات ما فيه شيء تحت حتى نحتاج نفك الرصيف ونصين ونرجع نركبه .. يقدرون يسوون أجزاء تنفتح حق بعض التمديدات وموضوعها سهل حتى فيه سيليكون الوان متعددة يتركب بدال القراوت ويزال بسكين وترفع القطعة ويصان تحتها في مجرى تمديدات معمول وسط الخرسانة الداعمة

هم قبل يعتمدون الرمل والدفان حتى يتخلل الماي وينزل تحت وتشربه الأرض .. بس هذا أثبت فشله لأن الماي يسوي فجوات وهبوط ويخرب اللأرضية المرصوفة وألحين عندنا تصريف مطر يقدرون يسوون سلوبات بسيطة تجاهه

اقتباس:

---

المشاركة الأصلية كتبت بواسطة مرتبش

فعلا
اول شي يلاحظه اي زائر للدوحة هو الشوارع.. واجهة البلد الحقيقية ..فوضي تصليحات وفوضى سواقة شاحنات على سياكل على مرور غير متواجدين

---

صلحوا الإنترلوك البازلتي عندنا بطريقة سهلة وهذ دكاكة اللي تجي تهتز هذي يحطون قطعة كرتون أو خشب تحتها وتضغط القطع البارزة تساويها بالثانية .. الطريق من أفضل ما يكون بعد ما كان منتهي وفيه حفر وأتوقع دفنوا تحت المناطق الواطية وايد .. حل مؤقت وما أتوقع يدوم لين كاس العالم لازم بتطلع عيوب بس أقل من قبل .. المشكلة في فريج السودان مقابل محطة الريل والمناطق المحيطة بها الطريق منتهي وصعب للسيارات الرياضية ويمر عليها الباص الثقيل وللحين ما صانوه ونفس الشيء للمسرب اللي يودي على طريق الدوحة السريع في المنطقة .. المفروض أما يرصفون فوقهم طبقة قار ناعمة أو يفكون الانترلوك ويحطون تحته صبيات خرسانة حتى يتحمل وما يهبط مرة ثانية

بدوا متأخرين ومستعجلين والهدف كاس العالم لو حاطين الهدف ديمومة المشاريع لفترة طويلة وضامنين إنها بتخدم لين فترة كاس العالم كان سووا هذي التصليحات الصغيرة من زمان .. في هالحالة ممكن يلجئون لشركات قوية خارجية يعطونها قطاعات وفرجان ومناطق معينة تحتاج شغل ويخلونه تصميم وبناء أو صيانة وفي هالحالة ممكن ينجزون صح وفي وقت قياسي