السلام عليكم ورحمة الله . على حد علمي القانون المطبق حاليا هو قانون رقم 24 لسنة 2002 . هل في قانون جديد بيصدر للتقاعد؟ اذا اي، وين اقدر احصل بنوده . جزاكم الله خير.
عرض للطباعة
السلام عليكم ورحمة الله . على حد علمي القانون المطبق حاليا هو قانون رقم 24 لسنة 2002 . هل في قانون جديد بيصدر للتقاعد؟ اذا اي، وين اقدر احصل بنوده . جزاكم الله خير.
رجعت لقانون 2002 حصلت معظم فقراته تعدلت في قوانين ومراسيم لاحقة في 2004 و 2009 .. استنتج من ذلك انه بالامكان اضافة فقرة بسيطة او تعديل احدى الفقرات في اي وقت ليشمل الراتب التقاعدي بدل السكن
في تعديلات حصلت. مثل اضافه 60% سنه 2011
و غيرها من التعديلات لتشمل نهايه الخدمه ايضا
لما تنتهي الحكومه من تعديلات بدل السكن ستعلن عنها ان شاء الله
جزاكم الله خير جميعا وضحتو لي اشيا ماكنت اعرفها
تمت الموافقه على القانون
https://a.top4top.io/p_2154gzuh31.jpeg
https://f.top4top.io/p_2154txyr72.jpeg
https://j.top4top.io/p_2154doy0l3.jpeg
يحال الى مجلس الشورى
معماري قطر بوعبدالله يمكن يفيدنا بهالامور انا مافهم شي فيها
الحين مكافاة نهاية الخدمة بدل العشرين سنه خلوها ثلاثين؟ وبعدين شنو معنى بدل السكن وعلاوة الاختصاص تضاف الى وعاء صندوق التقاعد
السؤال الان متى التنفيذ لهذا القرار؟
والله يا اخوي الإعلان مبشر وهو إعلان عن تفاصيل وأقره مجلس الوزراء وأتوقع إحالته لمجلس الشورى حتى يناقشونه ولو فيه ثغرة معينة أو شيء منسي ممكن يطالبون بإضافته .. إحتمال كبير يختمون عليه مجلس الشورى بالموافقة ويتم إقراره حتى ينزل في راتب شهر 12
بنفس الوقت قامت تطلع إشاعات ببدء الضرائب من شهر 1 القادم .. البعض بدوا يقارنون أسعار بعض السلع في قطر بالدول المجاورة مع الضريبة تكون أرخص وبكثير .. واحد يقول لي مفاتيح كهرباء جيدة صناعة انجليزية ب 15 وعندنا ب 60
انا اشوف محاربة الغلاء ضرورية حتى لو طبقنا نظام ضريبي ونظام ضريبي بيضمن حقي وحق الحكومة وحق كل مقيم وبيضمن أسعار عادلة بيكون زين بعدين تجي أهمية تعديل الرواتب أو المعاشات التقاعدية والله يجزي حكومتنا كل خير ويوفق سمو الأمير ومن معه في اتخاذ القرارات الجيدة للبلاد
نقطة السماح للمتقاعد بأن يجمع بين المعاش وراتب الوظيفة هذي موجودة من زمان وبعضهم حتى في تعيينات حكومية .. ما أعتقد تغير فيها شيء بس ألحين أضافوا في حال العمل في القطاع الخاص .. زين واللي في الحكومة يسمون راتبه مكافأة حتى لا يستحق تقاعد ثاني ويكون راتبه مقطوع وعقد خارجي استثنائي
السؤال هل بدل السكن بيكون بأثر رجعي ولا لا؟
منح مكافئة تصرف لصاحب المعاش الذي تزيد مدة خدمته عن 30 سنة ..؟؟؟
شنهي المكافئة ..؟
المكافأه مبلغ مالي على كلامهم
لانزال نحتاج توضيحات و نتمنى ما تتأخر التفاصيل مثل ما صار مع موضوع نهايه الخدمه. ضل 14 او18 سنه بدون توضيح لين اشتكى الكثير و تم وضع التفاصيل و نهايه الخدمه
خصم 5% من بدل السكن ليترجل لوعاء التقاعد هل هو مبالغ محدد ليصرف بدل سكن محدد
او كلن و علاوته الحاليه مثل 4الاف للموظف الحكومي و 15 الف للبترول و 6الاف للي بدرجه الممتازه و الاولى
و يخصم 5ظھ من الكل و ياخذ نفس بدل السكن لما كان بالوظيفه
و ايش وضع الي كان ياخذ 15 الف و تقاعد قبل لا يصدر هذا القانون. هل سيعوض نفس بدل السكن ولا سيعطى كل المتقاعدين بدل سكن موحد
والي ع راس عملهم وضعهم غير لانهم سيدفعون 5ظھ حاليا
المكافأه هل يقصد بها. نهايه الخدمه لانها حاليا تحسب بعد عشرين سنه خدمه و بتصير ثلاثين سنه
ام نهايه الخدمه تختلف عن المكافأه المذكوره بالقانون الجديد
معماري. انا سمعت عن الضريبه و احتماليه وضعها بدايه السنه
5% كبدايه و ترتفع بعد فتره
تذكر كلامي عن التحول لدول مثل سنغافوره و هونغ كونغ ضرايب و غلاء معيشي و رسوم
الي يفرق ان الله رحمنا برواتب زينه نوعا ما و قياده تدعم
يا اخوي سمعت ولا أتمناها
زين زادت رواتبنا بحيث تغطي أي ضريبة وبنفس الوقت تم الغلاء يزيد علينا وعلى المقيمين وبعضهم والله يصارع للعيش كفاية القوانين التنظيمية مثل العلاج بمقابل وبتأمين صحي وتكاليف الدراسة والكهرباء والماء اللي تسعيره وايد عالي
من صوب ثاني الحكومة تسجل فوائض وتستثمر في الخارج وتعطي حكومات ثانية مساعدات وهبات وغيره وفي البلاد ناس من أهلها في حاجة .. والله أشوف شوارع فرجاننا كشرة شوي عليها حتى لو العام مخلصينها تحفرت لا وتارسينها شاحنات خربت الشوارع والأرصفة والمشكلة حتى هرنات يهرنون وآخر الليل .. حق تنظيم كاس العالم تحتاجون تنظيم شغل مرتب بدون أذية للخلق
لا يا زلمه ههههه
بعد عشرين سنه تنحسب نهايه الخدمه. و اذا القانون هذا بيغير الى ثلاثين عيل رحنا فيها
الا اذا المقصود مكافأه اضافيه غير نهايه الخدمه فيا هلا بها
بسألك. من فيه شده يخلص ثلاثين سنه و يدور شغل ثاني بعد التقاعد
احنا مب مكاين كروزر ما لنا عمر و صحه افتراضي
اذا الواحد يدرس و يبدأ شغل ع 26 و 28 سنه. ع الاغلب يعني
بيكرف ثلاثين سنه. بعدها يتقاعد قريب الستين او بيخلص ستين
بعدها بيدور شغل ثاني يسند راتبه التقاعدي
لين متى. للسبعين مثلا
و هالوظيفه مب المفروض ياخذها شاب صغير. و المتقاعد يدور بزنس يسنده كدخل
من عيل بيفتح بزنس و عقله فاهم و فاضي و عنده وقت
عطني راتب تقاعدي عدل و مكافأه خدمه فوق العشرين سنه خلني اسدد السلف و ابدأ بزنس من المكافأه
عطني بدل سكن 15 الف للتقاعد خلني اولع و ارتاح و اخطط شاسوي للعيال و لنفسي
نبي نفتل و نرتاح ترى بنصرف ع العلاج عقب نبي راتب يشيل و يستحمل
ولا بنسوي بعد التقاعد مثل الصعيدي الي يقول جسمك اذا عطست و ————. يعني يكبجر ههههههه
ما تدري ان حسران ولا جوعان ولا نعسان كأنك بومه تشوف و ساكت بس تفر راسك و تشوف الي حولك
يا اخوي الليلة مع شباب واحد منهم مقدم على التقاعد ويحاول يخلصه بسرعة قبل إقرار القانون .. يقول إذا بتطلع بعد القانون المكافأة تنحسب بعد 30 سنة خدمة بدال ما كانت 20 وذكر تفاصيل ما استوعبتها مثل لو تبغي تطلع قبل ال 30 سنة وتدفع لشراء الفترة الباقية تكون خسارتك كبيرة ما فهمت شلون ولا ودي أنقل تفاصيل ما عرفتها عدل .. يقول وايد مقدمين وموقفين الموافقة وهو قدم عن طريق تقرير طبي .. القانون زين بس مسألة ال 30 سنة شوي تخوف ومب مفهومة ولا أعتقد هو فاهم غلط وعلى هالأساس قدم
قوه
مب خوش خبر
شالفايده اذا المكافأه بتنسحب بعد ثلاثين سنه. من بيبقى فوق ثلاثين اصلا.
يعني الي بناخذه من بدل السكن بتنشال من المكافأه
ع فكره. المكافأه ما انحطت الا من كم سنه بس. لان قبل الناس اشتكت من عدم وجودها و يالله يالله انحطت. الحين صارت شبه مستحيله
وينك يامجلس الشورى .. سمعني نقاشك
اليوم يقولون الإحتفالات في الكورنيش مشعللة اللي يهز راسه بقوة واللي يرقص رقصة الديج المستانس
تسخين حق 2022 هههههه
شكل الجماعه مشغولين مع كاس العرب ونسو اعتماد القانون .
حولوه على مجلس الشورى .. وحاليا تتم دراسته في لجان المجلس
هذه الامور تحتاج ماهي اقل من سنه رحمة
بخصوص ربط التقاعد بالعمر وتجاهل الخدمه الزمنيه يعني شخص توظف وعمره 20 سنه وشخص توظف وعمره 46 سنه جميعهم يتقاعدون بعمر 60 عام اتمنى ان يكون للمده الزمنيه كذلك لها سقف معين
سألت أحد المطلعين وقال المشكلة في القانون المدني شغالين عليه بس العسكري المفروض جاهز والله يجيب الخير لأهل قطر جميعهم يستاهلون خصوصاً جايتنا بطولة كاس العالم وما يصاحبها من غلاء وزحمة
قانون التقاعد صار شي غير دارج في اجتماعات مجلس الوزراء ..يعني بالمفتوح لاتتامل شي قريب ابدا
السلام عليكم ورحمة الله
بالعكس حسب ما نقرا في الجرايد الموضوع عند مجلس الشورى وفي مراحلة النهائية ومن بعدها يرفع مجلس الشورى توصياته لمجلس الوزراء.
هذا عدد الراية يوم الثلاثاء 1-2-2022
https://qtr50.com/files/qtr01.jpg
نتأمل خير ان شاء الله
تحياتي للجميع ودمتم سالمين
السلام عليكم ورحمة الله
بالعكس حسب ما نقرا في الجرايد الموضوع عند مجلس الشورى وفي مراحلة النهائية ومن بعدها يرفع مجلس الشورى توصياته لمجلس الوزراء.
هذا عدد الراية يوم الثلاثاء 1-2-2022
https://qtr50.com/files/qtr01.jpg
نتأمل خير ان شاء الله
تحياتي للجميع ودمتم سالمين