عرض للطباعة
السلام عليكم ورحمة الله
باختصار انا على وشك شراء ماكينة اسكريم (لا احد يفرح بتاخذ شهرين في البحر لين توصل من الصين) للإستخدام المنزلي والجيران بس.
السؤال:
هل بودرة الاسكريم السوفت متوفره محليا؟ او لا زم اطلبها من امازون وغيره، وهل عادي تنشحن والا سالفة بعد باعتبار انها أغذية.
https://doha2010.com/muntada/Soft%20Ice%20cream.png
فيه في الجمعيات خلطات اسكريم بس للنوع الصلب (المثلج)
تحياتي للجميع
انا فرحت :happy: وعادي بننطر شهرين ..
اهم شي نجرب مكينتك :dance
عندك كدي كي علب خاصه لمكائن الايسكريم يجي شوكلاته وفانيلا
وتقدر تتواصل مع هالشخص ممكن يوفر لك سائل حليب الايسكريم
https://e.top4top.io/p_2114pjaru0.jpeg
الحين يكلم من فيهم ؟
ايمن ولا كومار :happy:
اقتباس:
المشاركة الأصلية كتبت بواسطة sara jsm
اي واحد فيهم كومار والا ايمن اهم شي الايسكريم :thumbup:
المكينه عندي من سنة وحليب الايسكريم عندي بس للأسف والا مره استخدمتها :yes:
الله يجزاك خير ان شاء الله باكلمه،اقتباس:
المشاركة الأصلية كتبت بواسطة Azizuk
بس اللي مستغرب منه أني من نزلت الموضوع، اشوف وحده متحمسه للعسكريم اكثر مني،
مع انه ما راح يكون فيه توصيل للخور والمناطق الشمالية.
بس عن خاطرها باحط صورة المكينة اللي شريتها وبتوصل ان شاء الله على بداية 2022.
https://sc02.alicdn.com/kf/Ha18f39e9...3dba0a3bdL.jpg
تحياتي لك وللجميع
الله يعز ماك
بريال ولذيذ :weeping:
كسرتي خاطري......:cry2:اقتباس:
المشاركة الأصلية كتبت بواسطة sara jsm
على كل حال اذا مريتي على ماك اسأليهم من وين يجيبون خلطة اسكريمهم :)
وجم المقابل ؟؟ ولا ليكون اشتغل عندكم !! :anger3:
السلام عليكم ورحمة الله
أخيرا وصلت المكينة
بس ننطر الصيف حتى نجرب الأسكريم
https://doha2010.com/muntada/ice%20cream.png
تحياتي للجميع
الف مبروك و اذا بقي شي عسكريم طرشوا لنا :dance
شهالمذله بعد :waiting:اقتباس:
المشاركة الأصلية كتبت بواسطة بوNasser
كان خليتها بكرتونها بدال ماتحرق قلبي وقلب اليهال :waiting:
اقتباس:
المشاركة الأصلية كتبت بواسطة بوNasser
خن نجرب معك :thumbup: كي يعم الفرح والسرور على اعضاء المنتدى :thumbup:
الاسكريم يمشي صيف وشتاء لتنطر الصيف يجي جرب أول بأول
انا طحت في نوع سعودي يجيبه ولدي على تمر وبدون سكر والتمر فيه خفيف
عاد الله يستر من معاملهم تحصلون معمل اسكريم قرب مصنع طابوق والنظافة مب حولهم
السلام عليكم ورحمة الله
اليوم تحمست شوي وسويت ستكرات للمكينة، مثل ما تشوفون
https://doha2010.com/muntada/ic1.png
https://doha2010.com/muntada/ic2.png
https://doha2010.com/muntada/ic3.png
وسوينا الخلطة الأسكريمية، وهذي النتيجة والحمد لله
https://doha2010.com/muntada/ic5.png
https://doha2010.com/muntada/i4c.png
سعود وسالم وساره تمنيتكم تذوقون معاي لكن للأسف ما عندنا (توصيل سفري) خيرها بغيرها.
اما معماري فأخاف عليك من السكر ، بس اذا تبي بخلي لك بسكوت لأنه خالي من السكر وسلامتك من كل شر.
تحياتي للجميع
بما انك حاط ( مجاني ) :dance
نرجو من سيادتكم ارسال موقع المنزل لستلام العسكريم
لا شنو خيرها في غيرها .. طرش اللوكيشن بنجيك ركض :fight:اقتباس:
المشاركة الأصلية كتبت بواسطة بوNasser
لازم تعلمنا بسالفتها وتكلفتها ولا بنخلي واحد يقبس عليها وتحول مكينة فشار ههه
للأسف استخدم نوكيا بو ليت، مافيه لوكيشناقتباس:
المشاركة الأصلية كتبت بواسطة سعود.
نفس الرد السابق وزياده عليه اخاف احد من المنافسين يشتكي على عند حماية المستهلك واتوهق.اقتباس:
المشاركة الأصلية كتبت بواسطة sara jsm
يا مرحبااقتباس:
المشاركة الأصلية كتبت بواسطة سالم الزهران
لا تكفى لا احد يقبس على المكينة، توها جديدة واليهال مستانسين.
السالفة بأختصار مطول اني ادمنت النت والتسوق الالكتروني من امازون امريكا وبريطانيا وغيره ومن علي بابا الصين.
كنت اتسكع في موقع علي بابا، انفتحت لي المغارة ولقيت مكاين الايسكريم وشفت الاسعار رخيصة، خاصة ان العيال يقولون ان اسعار تأجير المكاين عندنا بين 800 - 1200 ريال لأقل من ست ساعات وكمية محدودة من الايسكريم.
طلبت هذي المكينة مع التوصيل للبيت وطلعت علي تقريبا اقل من 5000 ريال.
الخلطة حصلت في الدوحة الكيس حوالي 70 ريال نخلطه معا ماي يعطينا 7.5 لتر وهذي كمية محترمة تسوي لك بالراحة اكثر من 70 كوب من الحجم المتوسط.
الطعم ما شاء الله ممتاز وكريمي والسكر خفيف مش نفس المعاصر مثلج وكله شكر.
اخيرا
العيوب:
الوزن حوالي 100 كلغ
صوت الماكينة شوي عالي مثل برادات الماي السبيل
كمية الايسكريم كبيرة اذا ما عندكم يهال وايد وناس اكيله بتوهق بها (ما تقدر تحط كمية بسيطة لان المكينة لها حوضين ايس كريم لازم تتعبا بالخلطة، واحد فانيلا والثاني فراولة او شوكليت اذا تبون المكس) طبعا الباقي ممكن نصبه في وعاء ونخليه في الثلاجة يذوب ونستخدمه مرة ثانية خلال 4-5 ايام.
التنظيف آخر النهار او عقب ماتنتهي الحفلة ويخلص الايسكريم لازم، وهو بسيط بس ممل، عبارة عن تفريغ المكينة من الاسكريم من خلال المقابض، صب كمية من الماء في احواض الخليط، تشغيل المكينة على وضع التنظيف، تفريغ الماي، اعادة الكره مرتين او ثلاث.
الخلاصة:
اللي عنده يهال او فعاليات مستمرة، بتكون هذي المكينة (so much fun)
وسلامتكم
اشوفك سكت عن اهم نقطه بالسالفه كلها !!!!
من وين جبت الايسكريم ؟؟ من اللي ساعدك وعطاك رقم كومار ؟؟؟
ترى انا مطرشه حق عزيز عشان يكتب لك .. لان هو بعد عنده مكينة ايسكريم ..
لكن مومشكله ..
دار السلام يعزك ولا بوناصر يذلك :oops:
هههههه ، الله يسامحكاقتباس:
المشاركة الأصلية كتبت بواسطة sara jsm
أولا: انا ما خذت من كومار ولا كلمته، لقيت المورد بكبره.
ثانيا: هذا يختلف عن اسكريم دار السلام ، تقريبا نفس او الذ من اسكريم ماكدونالدز (فعلا وبدون مبالغة)
بس اذا تحبين الشماتة بقول لك سالفة:
قبل ما اكتشف المورد ومن الشطه والعجلة الزايدة، قلت باطلب خلطة اسكريم من امازون من باب الاحتياط،
كيسين واحد فانيليا والثاني شوكليت ب 40$ ( حوالي 150 ريال) والشحن عن طريق اراميكس.
المهم يوم وصل الطلب والا قيمة الشحن 287 ريال يعني دفعت 287 + 150 = 437 ريال .
يعني الحبة ب 218.5 ريال واهنية الحبة بأقل من 70 ريال.
اصلح تاجر صح؟
تحياتي للجميع
ههههههههه يبه مانبي منك شي ..عليكم بالعافيه ..
ماكندونالدز بريال ولذيذ .. :happy:
مشكور على الايضاح يبو ناصر.. وبالهنا والعافية