ارضيات رخام

اخواني صار لي اكثر من 4 شهور او اكثر وانا متعطل ادور ع ارضيات رخام واغلب الي ف السوق مصادقيتهم 0 اتفقت مع واحد من المحلات وقمت اوقع ع السلابات وشفت العقد وخلاص بوقع، سالته قلت تقدر الزايد من الرخام استخدمة ف بيتي مثل عتبة نافذة او اي شي استفيد من الهدر لو فيه
رد علي اي زيادة ف الهدر مش بتاعتك بتاعتي وقالي انت مالك الا بيركب ف بيتك فقط.
قلت له طيب انت متاكد انه مافيه زياده ولا فيه هدر خلاص وافق انت حاسب ومتر البيت كامل واثق ليش خايف قعد يحاول يقنعي هذا الي حاصل ف السوق وانه المتبع قلت له غلطان اذا ع كذا مايحتاج اشتري اوبن سايز سلابات كبيرة وبسعر اعلى وبشتري مقصص جاهز وارخص

الان الميزاينة عندي تقريبا بحدود 450 550 بالكثير ابي رخام ابيض عروقه خفيفة تقريبا شنو تنصحوني من الرخام او المحلات الي اسعارهم معقولة ومناسبة.

انا صراحة تعطلت بخصوص البند الارضيات امانة وتلعوزت

ركب بورسلان وريح مخك

إيه والله إخوي سعود .. في بيت إخوي أبيض بس ما كمل سنتين الا بقع من أُمور كثيرة

البورسلان فيه أبيض بعروق ومقارب للرخام وجودة عالية ما يوصل نص سعر الرخام وتقدر تتفق على قصه حق براويز الدرايش والنعلات وشغل البورسلان وايد أريح من الرخام بس تركبه على سكريد جيد ومستوي بدون ميلان

دخلت ميلس أمس رخامه بيج متشمخ ومعتم ما فيه لمعة كلش .. ودخلت ميلس مركب 80 في 80 وقعدنا نسولف في البنيان فاجأني إن المركب بورسلان ونوع رخيص بعد بحدود 50 ريال .. قلت له والله أحسبه رخام وتركيبه سيدة يبين صج صج رخام

بيتي الجديد بإذن الله وبيت ولدي بيكونون رخاملس وبورسلانفل

انصح بمثل ما قال اخونا معماري و اخونا سعود .. في بروسلان يشبه الرخام و موجود عند شخص ثقة و جودة المنتج عنده عالية. اذا بغيت طرشت لك رقم الشخص.

,

,



مرحبا


طبعا مافي افخم من الرخام للارضيات بكل العالم
مافي قصر ولا فندق ولا مكان راقي الا ارضياته رخام

ولكن

ولكن

تحتاج ايدي ماهره للتركيب ومصنع ممتاز يخدمك بالخامه

ارشح لك

مصنع جاما للرخام بقطر

https://youtu.be/LdiZu7LhB7s

https://youtu.be/LdiZu7LhB7s


والهادر من حقك لانك ( دفعت ) قيمته فهو لك


ونصيحه لا تشتري رخام وتجيب ناس ( رخيصه ) للتركيب

تحمل

تحمل

تحمل

تغلط هالغلطه

اذا من ناحيه ماديه يفوق ميزانيتك

خلك على شبيه الرخام مثل ما نصحوك الشباب



,

,

توني تعاقدت مع شركه بالصناعيه اشوف اسعارهم افضل شي حصلته بالسوق موالا وايت ابيض تركي سلابات للمصعد وبعد الحمامات موالا وايت تركي مقاس 60/30. الارضيات 60/60 والتركيب بعد من عنده مع الدرج داخلي وخارجي ولو تبغي شي يعطيك نفس الرخام روح كافود اشوف اسعارهم موب غاليه نفس ماسمعت قبل عندهم بورسلان اسباني باسعار اشوفها عاديه بالنسبه للي شفته بمحلات سارع سلوي هو افضل وارخص وتندمت اني مارحت له لان اكثر التعليقات انه غالي لاكن اشوفه افضل شي وسعر معقول

فيه بعد محل بشارع سلوي عنده بورسلان هندي اسباني صيني اسعاره رخيصه وتري مديرهم اسمه علي هندي عليك فيه يسوي تخفيض غير الاسعار الي تحصلها عندهم وجوده الهندي الي عندهم افضل نوع بالسوق ويعطوك ضمان بعد عليه انا اخذت من عندهم مقاسات 160/80 هندي ومقاس 120/60 اسباني

اقتباس:

---

المشاركة الأصلية كتبت بواسطة شموخ دائم

,

,



مرحبا


طبعا مافي افخم من الرخام للارضيات بكل العالم
مافي قصر ولا فندق ولا مكان راقي الا ارضياته رخام

ولكن

ولكن

تحتاج ايدي ماهره للتركيب ومصنع ممتاز يخدمك بالخامه

ارشح لك

مصنع جاما للرخام بقطر

https://youtu.be/LdiZu7LhB7s

https://youtu.be/LdiZu7LhB7s


والهادر من حقك لانك ( دفعت ) قيمته فهو لك


ونصيحه لا تشتري رخام وتجيب ناس ( رخيصه ) للتركيب

تحمل

تحمل

تحمل

تغلط هالغلطه

اذا من ناحيه ماديه يفوق ميزانيتك

خلك على شبيه الرخام مثل ما نصحوك الشباب



,

,

---

انت من مشجعي الرخام القدامى والقصور طلعت قبل البورسلان غالبيتها .. ألحين من خلال متابعتي للمنازل التي ترتقي لدرجة قصور كثير يستخدمون البورسلان ويقولونها صراحة .. هذي المواد الحديثة والمصنعة بجودة رحمة من رب العالمين حتى الحجر الصناعي كثير منه فيه تحكم في القوة والمتانة والشكل المتجانس الواحد

أكيد أوقات التصميم يحكمك لو تبغي شيء طبيعي وتبين فيه العروق والشوائب وما تحتاج لمعة ممكن الرخام يكون أفضل وفيه نوعيات حتى مع القدم تبقى قيمتها فيها وتزيد بسبب ندرتها وشكلها

هي إتجاهات وتقدر تركب سلابات كبيرة بورسلان مثل ما سمعت لين مترين ونص في 3 ونص وحتى تحط فواصل ستانلس ستيل ذهبية أو فضية أو كروم .. وأكيد التركيب الجيد يبين وهو الأهم

أحد المقاولين والتجار عنده محل بورسلان كنت أكلمه عن عدة التركيب والقطع الكبيرة وراويته فيديو قال مستحيل نسويه هذي شغلة .. ألحين اقتنع من كلامي الظاهر لطلب الناس ولمنافسة بقية المحلات في استيرادها حتى اني شفت محل يعرض قطع التركيب للي يبي يشتري منه مجاناً بس يحط تأمين ويحافظ عليها

السوق لازم يتطور ويجاري الحديث من المنتجات وأكيد القديم يبقى له سوقه بس المنافسة شديدة مع الأحدث والأجمل والأرخص والأكثر عملية

حط في بالك ان الرخام يبي له عناية كل كذا سنه ..
وهالمادة بالذات نفس الاسفنجة تشرب السوايل اذا طاحت القهوة ولا غرشه العطر :) اشلون بترقع ..
فاذا لك بارض ومتاكد انك بتحافظ عليه عدل .. شوف محل الامانه .. والمتحدة ..

واذا بتسمع نصايح الشباب فاكيد راح تتوفق .. لان احنا مانتكلم الا من تجربه :)
والله يسهل لك .. :nice:

اقتباس:

---

المشاركة الأصلية كتبت بواسطة ابراهيم 2012

توني تعاقدت مع شركه بالصناعيه اشوف اسعارهم افضل شي حصلته بالسوق موالا وايت ابيض تركي سلابات للمصعد وبعد الحمامات موالا وايت تركي مقاس 60/30. الارضيات 60/60 والتركيب بعد من عنده مع الدرج داخلي وخارجي ولو تبغي شي يعطيك نفس الرخام روح كافود اشوف اسعارهم موب غاليه نفس ماسمعت قبل عندهم بورسلان اسباني باسعار اشوفها عاديه بالنسبه للي شفته بمحلات سارع سلوي هو افضل وارخص وتندمت اني مارحت له لان اكثر التعليقات انه غالي لاكن اشوفه افضل شي وسعر معقول

---

اقتباس:

---

المشاركة الأصلية كتبت بواسطة ابراهيم 2012

فيه بعد محل بشارع سلوي عنده بورسلان هندي اسباني صيني اسعاره رخيصه وتري مديرهم اسمه علي هندي عليك فيه يسوي تخفيض غير الاسعار الي تحصلها عندهم وجوده الهندي الي عندهم افضل نوع بالسوق ويعطوك ضمان بعد عليه انا اخذت من عندهم مقاسات 160/80 هندي ومقاس 120/60 اسباني

---

السلام عليكم .. لو سمحت ممكن اسماء المحلات ؟

اقتباس:

---

المشاركة الأصلية كتبت بواسطة ابراهيم 2012

فيه بعد محل بشارع سلوي عنده بورسلان هندي اسباني صيني اسعاره رخيصه وتري مديرهم اسمه علي هندي عليك فيه يسوي تخفيض غير الاسعار الي تحصلها عندهم وجوده الهندي الي عندهم افضل نوع بالسوق ويعطوك ضمان بعد عليه انا اخذت من عندهم مقاسات 160/80 هندي ومقاس 120/60 اسباني

---

يعطون ضمان ضد التقوس؟

خذت هندي 40 في 40 حلو وبتشكيلة نوع من الغرانيت الراقي بس عيبه شوية تقوس لكن مع التركيب حوائط طلع روعة وزيرو جوينت ركب .. التقوس عليه طلع ميزة مب عيب بس للأرضيات بيكون عيب أكيد النتوء في الأطراف بحدود ملم أو أجزاء منه يحتك في قدم اللي يمشي

لفحص التقوس ناخذ مسطرة مستقيمة أو قطعة ألمنيوم أو حتى خشب ونشوف عينة عليها لو طلع فيه فراغ في الوسط معناها التقوس موجود

اقتباس:

---

المشاركة الأصلية كتبت بواسطة QaTaR_OnE

السلام عليكم .. لو سمحت ممكن اسماء المحلات ؟

---

ان شاءالله بشوف الفاتوره وارسلك اسمه

اقتباس:

---

المشاركة الأصلية كتبت بواسطة معماري قطري

يعطون ضمان ضد التقوس؟

خذت هندي 40 في 40 حلو وبتشكيلة نوع من الغرانيت الراقي بس عيبه شوية تقوس لكن مع التركيب حوائط طلع روعة وزيرو جوينت ركب .. التقوس عليه طلع ميزة مب عيب بس للأرضيات بيكون عيب أكيد النتوء في الأطراف بحدود ملم أو أجزاء منه يحتك في قدم اللي يمشي

لفحص التقوس ناخذ مسطرة مستقيمة أو قطعة ألمنيوم أو حتى خشب ونشوف عينة عليها لو طلع فيه فراغ في الوسط معناها التقوس موجود

---

ممكن يكون بالمقاسات الصغيره مقاسات الكبيره الي عندي الي ركبته ميبين شي للحين وممكن يعتعمد علي الصنايعي الي يركب

اقتباس:

---

المشاركة الأصلية كتبت بواسطة ابراهيم 2012

ممكن يكون بالمقاسات الصغيره مقاسات الكبيره الي عندي الي ركبته ميبين شي للحين وممكن يعتعمد علي الصنايعي الي يركب

---

اللي خذته كمية صغيرة وبرخيص تكلفته 30 ريال للمتر المربع واللي يركبون وضحوا لي التقوس والحمد لله كشكل ما له تأثير وبالعكس زيرو جوينت ويبين انعكاس النور عليه بشوية تموج يطلع أحلى

القطع الكبيرة بيبين فيها بوضوح أكثر .. وقصدي بالضمان تحصل ضمن مواصفاته درجة التقوس لو البايع يضمن لك ما فيه تقوس ويسجل هذا الفاتورة وتقدر ترجعه لو حصلت تقوس هنا يكون الضمان فعلي وفي محله .. أي تقوس يحصل من تمدد البلاط بعد التركيب هذا أكيد مشكلة ثانية وللبلاطات الكبار أفضل تركب فواصل مرنة ولو كانت ستانلس ستيل أو نحاس تقبل شوي تمدد بسيط هذي لها حسبة سهلة .. تشوف معامل الإنكماش والتمدد للبلاط بعد من المواصفات يجيك مثلاً +/- 0.1 ملم لكل 10 درجات فرق في الحرارة في كل متر طولي والأرقام ممكن تتغير .. اللي بيركب يعرف إن الحرارة تنزل في الشتاء ل 15 درجة في مكان مفتوح وترتفع في الصيف ل 55 درجة في نفس المكان مجال التغير 40 درجة وتمدد البلاط أو انكماشه يكون 0.4 ملم هذي يشوف لها فاصل يسمح بهذا التمدد البسيط ولو عرض البلاطة مترين معناها بيكون التمدد 0.8 ملم وقريب من 1 ملم .. هذي الأرقام لو نحسبها فعلياً ممكن تطلع رقم قليل كلش ولا يحتاج فاصل تمدد الا في الأطراف وبعضها تطلع أرقام أعلى ووضع يكون فيه خطورة أكثر وتحتاج فواصل مرنة تتقبل تمدد مثلاً 2 ملم ولو اتخذنا هذي الاحتياطات ما بنوصل لتقوس وانقشاع البلاط من مكانه بعد فترة من الزمن بسبب تقوس من ضغوط التمدد .. والحسابات سهلة جداً لو عندنا المواصفات ومعامل التمدد

فيه معامل ثاني للتقوس وفيه درجة التقوس الممكنة لكل بلاط منتج هذي غير وتكتب حتى مصنع البلاط يخلي مسؤوليته من أي تقوس بسيط طبيعي يحصل أثناء الإنتاج .. ما اذكر كيف يقاس هل هي نسبة أو تغير بالملم وكسور من الملم .. على سبيل المثال يقول لك التقوس لن يزيد على 1 ملم في وسط البلاطة والبلاطة عرضها متر هذا يعتبر 1/ 1000 وصعب تلاحظه حتى الا بجهاز قياس دقيق لكن يقول لك 5 ملم الوضع صالونة باميا يصلح لحوائط غير مهمة ويصلح تركبه بفواصل وانت مطمئن

كثيرين ما يوجعون راسهم بالعمليات الحسابية ويقول لك حتى لو ركبت زيرو جوينت وخليت الفواصل مفتوحة عندي درجات بسيطة من الملم تسمح بالتمدد والإنكماش وهذا ما سويته في بلاط خارجي للباربيكيو والمطبخ المفتوح الخارجي .. يصير بشرط ما نحط مونة صلبة فاصلة والا نحط روبة مطاطية وأعتقد فيه شفافة

للبيت داخلي مع التكييف وتقريباً ثبات درجة الحرارة الخوف أقل والفرق ممكن لو بندت المكيفات يكون نص اللي تحصله برا لو بيتك معزول لكن لو بيتك مب معزول ووقت الشتاء توصل درجة الحرارة 15 واحتمال 10 في البلاط وهذي مستبعدة ممكن نقول 20 في عز البرد وما اعتقد بتوصل مثلاً 40 في عز الحر لكن لنكون في جانب الأمان غير مستبعدة هذي الحرارة في عز الظهر لو البيت مب معزول والكهرباء مبندة مثلاً مسافرين أهل البيت .. الفرقية بتكون 20 درجة وتأثير التمدد والانكماش بيكون نص تأثيره الخارجي

اناتعاقدت مع الامانه في الرخام والبرسلان والهدر والزايد حطوه لي في البيت واستخدمته في اماكن متفرقه

اقتباس:

---

المشاركة الأصلية كتبت بواسطة ابراهيم 2012

ان شاءالله بشوف الفاتوره وارسلك اسمه

---

ايه بي سي هاوز قبل محطه بترول الجزيره بحدود مائه متر