السلام عليكم
موضوع قطع قلبي اليوم عندما رأيت ولد عمره لا يتعدى العشر يقوم بضرب أمه حتى رماها أرضا في احدى المؤسسات الحكوميه ويهددها انه سوف يجبر أباه على تطليقها
من يلام على ذلك
عرض للطباعة
السلام عليكم
موضوع قطع قلبي اليوم عندما رأيت ولد عمره لا يتعدى العشر يقوم بضرب أمه حتى رماها أرضا في احدى المؤسسات الحكوميه ويهددها انه سوف يجبر أباه على تطليقها
من يلام على ذلك
تربية الخدم
وتربيه الاب لو احسن تربيته ما مد يده
يمكن مو أمه مرت أبوه مثلا ؟؟
على العموم تربية العيال صعبة في هالزمن صراحة مالوم حد اذا فشلوا في تربية ابنهم
هل غياب الأب له دور ومن يحمي الام من ان يتطاول عليها ابنائها بالشتم والركل والضرب
هذي نتائج اهمل الاولاد معا الخدم
وحذرو منها ان الخدامه من تقوم بتربيه
الاجانب العادين لا يسمحون للخدم بلامس اطفالهم وهم كفار يخافون على تربيتهم
وعندنا مسلمين طفل من عمره شهر لحد ما يخلص اعداديه للخدامه تصير امه ميري وابوه كومار الدريول
هذي نتيجة تربية خاطئة من الام والأب
المفروض اخوي الكريم او اختي
انك تقوم بالواجب وترضه لين يعض القاع ويعرف ان الدنيا ماهيب سايبه ولي فيها فيها
اذا عرف السبب بطل العجب
الله يصلحه و يهديه
لو الولد هذا تربية خدم كان شفنا خدامته معاه ، لكن الواضح انه مدلع وقليل ادب ومب قادرين عليه ، ومرت علي نماذج شفتها بعيني لا تربية خدم ولا شي بس دلع ودلال زايد ، ولد يحذف امه وابوه بنعال لانه ماعطوه لعبه وعمره ماتجاوز ظ¨ بذاك الوقت ، وماعندها شغاله هي اللي قايمه ببيتها وزوجها وعيالها بس مدلع على قله ادب ، لو انه ولدي بذاك الوقت ذبحته وشرشحته ،
اظاهر الابو يمد يده ع الام فتعلم الابن منه ...والله اعلم
ما الذي جعل فيه هذه الجرائه
وما الذي سيقوله لابيه يوصل للطلاق
ووشو الشي الي مخوف الام من معرفة الاب لما هو حاصل ؟
مسكين هذا الولد
لاحول ولاقوه الابالله
اكيد جايف ابوه
لا حول ولا قوة الا بالله والله المستعان امر غاية في الحزن والألم نسأل الله العفو والعافية اللهم ارحمنا برحمتك بالله
والله يصبر الام :weeping:
استغفر الله العظيم
هاي من صغره جذي باجر لين كبر اش راح يسوي ..!!
واضح ان الوبد مدلع واااايد
تربية خاطئة ..!!
حسبي الله ونعم الوكيل.. والاسباب هي كالاتي: عدم التربيه. الاعتماد عالخدم. سفر الاهل وترك العيال لحالهم. الجهل. انتشار المسلسلات والفساد والافكار الخاطئه وقله الوازع الديني
ياجماعة هذا منكر
والي يشوف منكر لازم يغيرة
ايش دخل الخدم
الولد قليل الادب
هل الخادمه هي امرته
هل الخادمه تظرب وتسب امه
ايش دخل مادري
الام والاب
لا حول ولا قوة الا بالله
للأسف دليل سوء التربية وهذا عمره صغير والله يستر اذا كبر
الخدم يقدسون أمهاتهم (الاغلب منهم) .. ويعلمون اليهال يحترمون امهم لانهم تاركين عيالهم ويبوون خير علشان حد يسوي خير في عيالهم
الولد ذيه قاعد يكرر نفس المشهد اللي يسويه الابو حق الام .. ضرب وشتم واهانات والام مكسورة وضعيفة شخصية
الابو ساقيه الطبع والاسلوب ...
نفس ذيه الولد في الفيديو
http://m.youtube.com/watch?v=C0I4joN...ature=youtu.be
يمكن الولد مب صاحي
الواحد مهما يقرا ويتخيل .. يعجز عن تخيل مشاهد العقوق الحقيقية
نفس السالفة تعدها صاحبة مشغل لآختي
تقول جاية الام والبنت .. تبي تفصل لها فستان ..
والبنت صغيرة ماتعدت ثانوية ..
تقول ماخلت مسبة ماسبتها الام .. اوووووف .. ماتفهمين انتي .. يالله انجبي انجبي لا علم عليج ابوي !!
صاحبة المشغل اسالت الام مستغربة: هذي بنتج والا اختج ؟
قالت لها ذي بنتي .. ! وذيه اسلوبها معاي حتى في البيت .. ابوها مقويها علي وانا ماقدر عليهم هم الاثنين !!
قامت صاحبة المشغل هاوشت البنت واطردتها برا .. وقالت لها .. ملعون ابوها الفلوس اللي باخذها من بنت عاقة أمها ما تحترمها !
# من الواقع
# الدم_يجمد_في_العروق
الله يخلي عيالج ويبارك لج فيهم ..
هذول العاقين مايجون عاقين صدفة ..
إما ابتلاء اللهم عافنا وإما متسبب في العقوق أحد الوالدين ..
القضية الأهم .. قضية الموضوع ..
لما نشوف مثل هالولد صغير .. 10 سنوات .. يضرب أمه في مكان عام
لو الام تبي تسقط حقها المعنوي من الاهانة والضرب في مكان عام كيفها ..
لكن مايسقط الحق العام في مشاهدة مثل هالمناظر المخلة بكل شي الدين والاعراف والاخلاق
ماعندنا قانون يلزم الاسرة أن تودع هالطفل في إدارة الاحداث ويتم علاجه أو معاقبته واعادة تأهيله!
مب بعيد بكرة يسوي نفس الولد اللي في الفيديو
السبب (( الوجبات السريعه ))
جلب بن جلب الله يعزكم
لو انا ما تركته الا وهو يحب قاع رجولها يطلب رضاها من العقال اللي بيزين ظهره
هالجلب طالع جلب على ابوه الظاهر انه طايح اهانات في هالفقيره وضرب وكل كلمه والثانيه انا المفروض اطلقج ويلا لا اطلق ولو فيج خير بتتطلقين وهالبزر يقلد تقليد اعمى ولا هو فاهم شاللي صاير من الاساس لجنته وناره
انا متأكد ان الام بتصيح وبتترجى اللي يمد يده على ولدها انه يتركه من حرقة قلبها عليه بس لازم الناس ما تسكت تستنكر بالكلام والهواش والضرب حتى لو وصلت فيكم تتصلون فالشرطه اتصلوا خل يتلونه الاحداث الخسيس
لج الله لا زوج صانج وحفظ كرامتج ولا ولد بار فيج الله يصلحهم لج ويعوضج عن كل شي ويدخلج الجنه من غير حساب فعلا موقف يعور القلب كل شي ولا الوالدين بالذات الام
يلام الأب وتلام الأم
هالولد حقير وابوه احقر منه
الاطفال في حين نموهم العقلي يمتلئ المخ من اشياء تحصل من حوله، كونها صح ام خطأ
انا ما اقول الطفل هذا تعلم من ابوه، او من امه. احتمال تعلمها من التلفزيون. كون البرامج حاليا مكثفه عن حياه الاجانب.
او يمكن تعلمها من اصحابه. لا يهم من وين تعلمها، لانه مسؤليه الأب والأم هي التربيه، مايقدرون يمنعون انه ابنائهم يتعلمون اشياء ثانيه من برى.
وهذا عشان فيه مجاري لا تحصى من المعلومات اللي توصل لنا كـ بشر من اماكن متعدده، عندنا الانترنت وغيره محد يقدر يوقف هذي المعلومات انها توصل لنا.
وحن كـ مجتمع يجب علينا ان نتحمل مسؤوليه تربيه الابناء، ليس الخطأ من تعلم الابن اشياء خاطئه لكن الخطأ انه الأهل ما يبينون له انه هذا خطأ
وللأسف الثقافه الخليجيه عندنا انه الابناء كالميداليات، لا يهتم بهم الاهل الا بعد ان يصبح هذا الطفل الاول على المدرسه او الجامعه او غيره. فيتباهون به.
واثناء الطفوله لا يهتمون وتصبح مسؤوليه الخدم والتلفزيونات واصحاب السوء هي مصادر التعليم الوحيد.
لا اتكلم عن الجميع ولكن عن شريحه موجوده في هذا المجتمع للأسف
اسف على الاطاله
هذه تربية الأم والأب ونتيجة الدلع
الله يصلح الحال
الوازع الديني وتقوى الله ، من صحلت فية صلح حالة
تهجمتي على شخصي دليل مرضك وحقدك انتي ونقص عقلك
لاكن تشخيصي لهذه الحاله
===
لانختلف فعلته انها كبيره عند الله
بعضكم
سب الولد
والي سب الاب
ماشوف حد منكم تطرق ان العيب بتربية الام
وشدراكم بالاب انه العيب منه وشدراكم ان الاب يضرب الام دخلتو بالغيبات وظلم الرجل وبعضكم سبه
وليش مافيكم من قال يجوز العيب من الام ياريت لو نسمع من هلولد
انا على يقين ان الولد مثل العجينه ووالديه شكلوه وان الله لايضرب بعصى
وان هناك سبب قوي في جرائته على والدته وهو بعمر 10 سنين
وعاجزه عن ردعه الا هناك شي او خلل
لو كان ابيه يضرب امه مثل ما تدعون لخاف من الاب لاكن واضح
واجزم ان هناك خلل في الام وخوفها من شي يقوله الولد للاب ويهددها به
بدليل كلمته ساقوله له ليطلقك
والله يستر عليهم ويصلح حالهم
واستغفر الله لي ولهم ان كان تخميني خاطي