عرض للطباعة
السلام عليكم ورحمة الله
اخوي حاب يدخل في عالم التجارة وهو توه صغير
ومره وحده لقيناه مهتم في هـ الموضوع ويدخل ويتعرف على متطلبات التجارة من سجل تجاري ورخصة تجارية و و و و الخ
قالي انه حاب يفتح محل للإحتفالات وتأجير النطيطات
شجعناه انه يتخذ قراره وحاب يبدأ من الصفر
مع العلم ان راس ماله 25000 الف ريال مجمعهم من صغره :shy:
اتمنى تفيدونا يا اهل الخبره من وين يبدأ , وهل يكفيه هـ المبلغ انه يحقق النجاح في مشروع ؟؟
في انتظاركم
يحتاج سيارة لنقل النطاطيات من والى
يبدى الشغله من غير سجل بين الاهل والاصدقاء وبعدين يتوسع
ياخوي خليه يبعد عن محل الاحتفالات خير شر ناس كان لها اسم في السوق قربت على الافلاس
البداد والعالميه ماكلين السوق
وبعدين 25000 الف في الوقت الحاضر ماتسوى شي
اقل اجار في الوقت الحاضر في الاماكن المعروفه من 18 لي 20 الف للباب الواحد طبعا + النفقات الاخرى
لوهو شاطر هذالمبلغ يكفيه لفتح مكتب عقارات وصيانه
الدلاله خوش بزنس اهم شي الواحد عنده معارف
بالنسبه لاخوك ممكن يبتدي مشروع كشك في مجمع بالمبلغ اللي عنده اعتقد مناسب لكشك
او محل دعاية واعلان ويكون المشروع من البيت
مثل تصميم وطباعة
اقتباس:
المشاركة الأصلية كتبت بواسطة عيون الدوحة
مشكورة اختي ع التواجد
فعلا نسيت اقوله عن هـ الشغله
اقتباس:
المشاركة الأصلية كتبت بواسطة النهار
حاولت اوصله هـ المعلومة بطريقة غير مباشرة
بس لقيته وايد مهتم ومتفائل بهذا المشروع
مشكور اخوي النهار ع المرور
اقتباس:
المشاركة الأصلية كتبت بواسطة غاردينيا
مشكورة اختي ع المرور
بس هو حاب مشروع الاحتفالات
ومقرر انه يسافر الصين ويشتري من هناك البضاعه
حاولت اقنعه يغير مساره بس لقيته مب مقتنع في كلامي
في نصايح ولا افكار ثانية :telephone:
يدش فيها الاسهم احسن
يكفي لأجار شهرين فقط بالكشكاقتباس:
المشاركة الأصلية كتبت بواسطة غاردينيا
يعطيكم العافية
وبالنسبة لإيجار الكشك كم يكلف في اليوم
ومن وين يشتري البضاعه الصين احسن ولا السوق الصيني اللي في دبي
وهل يحق له المتاجرة بدون سجل ورخصة
يعني بين الاهل والمعارف ؟؟
نعم يقدر يتاجر فالبيت ووايد ناس يسوونها بس الله اعلم البلدية يقولون انه بيسوون حمله لان الشي مخالف للقانون وايجار الكشك يتراوح من 7000 ريال الى 25000 ريال في الشهر شخصيا انصح بالاسهم
بالغالي يتوكل علي الله
يفتح له أنستغرام بلا سجل بلا رخص ويبدي شئ بسيط بكم نطاطيه حتي النقل يتفق مع شخص عنده سياره تنقل الأغراض وأموره بتمشي اهم شئ ألهمه والعزيمة
الله يعطيكم العافية ماقصرتوا
قرر انه يبتدي مشروعه
بعد ما شاف الآراء من اصحاب الخبرة
:)
اسئل الله لنا وله التوفيق
يستخير الله قبل يبدا فاي شي
خل يدش الاسهم :)
بنصحه ببيع و شراء السيارات المستعملة
شئ حلو الإنسان يبدا في شي يحبه ..
أعتقد لو يبدا من المنزل أحسن يجيب نطاطيات
ويعرضهم في إنستغرام وبين المعارف .وينافس الغير بفرق السعر ..
ويعرض خدماته على المدارس والحدائق .
أعتقد هالشئ له مستقبل ..
وبالتوفيق أختي
(( حاب يفتح محل للإحتفالات وتأجير النطيطات ))
انصح اخوج بإنه يدرس الموضوع بشكل موسع ويحاول يقلل التكلفه بقدر الإمكان وبالعكس انا اشوف اتجاهه طيب وتحديدا انه هو يبغي يفتح المشروع والكل بيساعده ان شاء الله
في وايدد بسس لو يبدا الشغل ف البيت اححسسن :victory:اقتباس:
المشاركة الأصلية كتبت بواسطة دانوو
ولا تنسين انا بادي التجارةة من وانا صغيرر ^^
من 6 سنين بديت خفيف خفيف وكل ف البيت ولليوم ف البيت لان ماقدر اسجل شيءء باسمي ^^
يقولون اضن العمر 18 وفوق ..
اول شي الله يوفقه ويسدد خطاه يارب ,, وانا فعلا" احييه واشجعه على مبادرته في التفكير في عمل مشروع يدر عليه المال وتشغيل نفسه بأمور جدا" مفيدة لكن المبلغ المذكور لن يكفي في عمل ذلك المشروع حسب اعتقادي ويجب عليع عمل دراسة جدوى بالاعتماد على الله ثم على اهل الخبره في عمل محل للإحتفالات وتأجير النطاطيات وهل المقصود بالاحتفالات يقتصر على احتفالات للاطفال ام عمل حفلات للزواج ؟ اذا كانت هذه رغبته فلا يجب التدخل في رغبته وعدم اجباره على مشروع ثاني ومن وجهة نظري ونصيحتي له هو زيادة المبلغ وشراء سجل تجاري لفتح مغسلة سيارات ثم البدء في شراء محل يشتمل على غسيل وتلميع السيارات وهناك مؤسسات تقوم بالمساهمه معه واعانته لعمل المشروع المطلوب كبنك التمنية على مااعتقد
والله الموفق
بالتوفيق
راس المال قليل اعتقد
ممكن يقدم على دار الانماء الاجتماعي
مزرعه دواجن وطيور
مزرعه دواجن وطيور تفقيص
الإصرار من أسباب النجاح لكنه ليس السبب الوحيد للنجاح يلزمه أسباب أخرى بجانبه ومن أهم أسباب النجاح لأي مشروع ضرورة وجود الخبرة فهل يمتلك أخوك الخبرة الكافية لإدارة المشروع أم هو هاو
اقتباس:
المشاركة الأصلية كتبت بواسطة سهم متردد
مشروع ممتاز ومربح بس يبيله خبره ووقت فراغ كبير
عن تجربه ،في بيوت مفتوحة على هالمشاريع