عرض للطباعة
السلام عليكم ورحمه الله وبركاته
الاسبوع الماضي في دبي وحصلت عروض على جهاز رسيفر osn
والعرض هو مجاني 3 شهور واشترك سنه بسعر مناسب
واعطاني مجله تعريفيه عن الجهاز
وفكرت اخذه وحبيت استفسر عنه هل احد جربه
وهل يستاهل الواحد يقتنيه
وهل اقدر اضيف فيه قنوات غير القنوات اللي فيه
ووين احصله في الدوحه
بغيت تجارب اللي استخدموه للفائده
مع الشكر الجزيل *
ستارلنك
افضل جهاز رسيفر حتى الان اشتراك سنوي تقريبا 3000 ريال يطلع لك كل قنوات العربيه + قنوات osn الي مايقارب 80 قناه
واغلبهم بث hd
اي صيانه او عطل تكلم مركز الصيانه في دبي
لا تحتاج لتحديث القنوات ولا عوار راس
كل شي لك جاهز بس غير القنوات بين فتره وفتره
ولا تنسى الجهاز الكبير في هاردسك ممكن تسجل افلام وتتابعها
الشي الوحيد الي العالم تشتكي منه هو ترتيب القنوات ( انك ماتقدر ترتب بنفسك ) كل القنوات مرتبه من قبل الشركه
وانا ماجوفه عائق مقابل كل المميزات الي فيه
وتقبل تحياتي شكرا
انا استعمل الاوس ان صار لي قريب ال٣ سنين الصراحه جهاز روعه افلام وبرامج
هو طبعا الاساس اقنوات الاو اس ان قريب ٥٠ او ٦٠ قناه ومنها قنوات عالية الوضوح hd وبعدها تجيك القنوات العاديه نفس الرسيفر العادي
انا عندي الرسيفر القديم اسمه شو بوكس نزلوا واحد قبل كم اسبوع ماعرف شسمه بس كانه فيه قنوات الجزيره وابوظبي الرياضيه على كلام واحد من الربع
بس الجهاز بشكل عام لا يعلى عليه وانصحك فيه
عرض حلو
انا هذي ثاني سنة من اشتركنا فيه وفيه برامج اجنبية وايد حلوة ومسلية
وهذا غير الافلام الواضحة وتقدر تشوفها باي وقت بعجبك
وفي ميزة حلوه وهي تسجيل اي مقطع او حلقة تعجبك
وبعد ممكن تعيد مقطع من البرنامج او توقف البث اذا بتروح شوي وبترجع
وخدمة العملاء عندهم ممتازة
بس لازم تجدد الاشتراك كل سنة *
اخوي اذا عندك يهال لا تاخذة
الرسيفر يعرض الافلام .. بدون تشفيـر
وبيني وبيـنك الافلام قديمة .. يعني تشتري الافلام دي في دي اوفـر واحسن
وكل يوم يعيدون نفس الافلام وخلال شهر تلقى الافلام نفسها تتكرر في كل قنوات الشو تايم
-------------------------------------------------------------------------------------اقتباس:
المشاركة الأصلية كتبت بواسطة qews
مرحبا بك السعر 3000 ريال شامل سعر الجهاز والاشتراك ولا شلون
وهل اقدر اضيف عليه قنوات اللي في الرسيفر عندي القديم
----------------------------------------------------------------------------------------اقتباس:
المشاركة الأصلية كتبت بواسطة qdvc
هلا والله
هل الستنغ حقه عربي ولا انجليزي
وهل اقدر اضيف عليه قناه من خلال التردد بالبحث اليدوي
ولا مجبر عالقنوات اللي تطلع
-------------------------------------------------------------------------------------اقتباس:
المشاركة الأصلية كتبت بواسطة لمعة الالماس
هلا والله بالغالي
كم قناه فيه
ماحب القنوات الكثيره
--------------------------------------------------------------------------------------------اقتباس:
المشاركة الأصلية كتبت بواسطة بوجاسم566
بس اللي قريته في الاعلان ان الافلام تعرض قبل اي قنوات عربيه
وهذي خاصيه جيده
بس السؤال الافلام مترجمه بالعربي ولا لا
qews - QDVS - لمعه الالماس - بوجاسم 566
شكرا على المرور والردود وبانتضار اجوبتكم
وبانتضار باقي اراء اصحاب التجارب
بصراحه ترددت لاني متعود على رسيفري وحافض ارقام
القنوات وخاصه انها ماتتجاوز ال 70 قناه
ـ اتوقع تقدر تخلي الاعدادات بالعربي
ـ بخصوص القنوات تقدر تحط بس مب كل القنوات مثلا قنوات الكاس ماقدرت احط البلاس ولا ال اتش دي لكن بغض النظر فيه قنوات وايد موجوده ومتوفره قولي شنهي القنوات اللي تبيها وبقولك اذا موجوده ولا لا
ـ عن القنوات تقدر تخليهم مفضله وراح يكون اسهلك
ـ بخصوص الاطفال تقدر تتحكم بنظام الحمايه وتمنع اي فلم علي حسب العمر المسموح (+18 , +15 , PG , family ,R )
- والافلام طبعا كلها جديده ماتكمل ٣ شهور الي ٥ شهور الا تكون نازله في الجهاز وراح تدفع ٥ دولار عشان تشوف الفلم لمده يوم كامل راح يكون متوفر عندك
ـ طبعا غير خاصية تسجيل اي مسلسل يعجبك حتي لو كنت مسكر الجهاز اتوماتيكيا راح تتسجل كل حلقات المسلسل ال ي تنعرض وتقدر اتوقف اي فلم ولا اي برنامج ينعرض.
ـالافلام كلها والمسلسلات كلها مترجمه بالعربي
طريقة الدفع اما انك تسجل بطاقة الفيزا عندهم وراح يحاسبونك كل سنه وحتي الافلام تتصلهم عن طريق نفس التلفون اللي مسجل عندهم ووتحط الكود حق الفلم وراح يتم الخصم علي من البطاقة المسجله عندهم
او علي نهاية كل سنه راح يطرشون لك مسج علي الجهاز نفسه وراح تتصل وتعطيهم رقم البطاقه وتدفع
وكانه علي ماعتقد في نظام ٦ شهور او شهريا
ومبلغ ٣٠٠٠ كامل مع التركيب والدش والرسيفير والاشتراك ... وفي عرض اللي هو تاخذ رسيفير زياده تكون في قنوات الاطفال فقط
اتمني اني افدتك بالرد
انا اقصد ان الافلام نفسها كل كمن يوم عادوها :)اقتباس:
المشاركة الأصلية كتبت بواسطة ali a
تقدر اتضيف قنوات بالبحث اليدوي
صارلي استخدمه اكثر من سنه .. ومثل ماقال اخوي اذا عندك يهال ماينفع .. في بعض الافلام اللقطات مش مقطوعه نهائيا
بس في تحكم بالافلام والمسلسلات تقدر تقفل القناه اذا انعرض فلم فوق ال18 ولا 15 وتخلي بس الافلام اللي PG , family
صح كلامك عندهم تنويع بسيط جدا من ناحية الافلام اللي تنعرض لكن الافلام الاوكي في البوكس اوفيس البوكس اوفيس اتش دي وتقدر تطلبهم ب 5 دولاراقتباس:
المشاركة الأصلية كتبت بواسطة بوجاسم566
الجهاز روعة بس بعد سنة يبدا الجهاز يخرف يبدا التعليق وبعد بعض الافلام تنعاد اكثر من 30 مرة بس الحلو في الجهاز ان فية mbc hd شي حلو وانا انصحج فية
غالبية الافلام الي يعرضونها و المسلسلات موجودة ع التورنت اتش دي و قبلهم بفترة طويلة ..
لو يهمك فقط هالاشياء انصحك تركب الالياف الضوئية و تعيش حياتك مع التورنت ابرك منهم :) انا كنت مشترك وياهم لكن عقب ماندمجوا مع اوربت ماجددت ..
صج يعرضون الافلام قبل القنوات المجانية لكن ما يعرضونه الا قدني شايفه في السينما او منزله من التورنت .. ماستفدت شي
طبعا الناس اهتمامات .. وكل واحد يهمه شي مختلف .. بس انا تهمنى المسلسلات و الافلام و احصلها بالتورنت اسرع بثلاث شهور او شهرين ع الاقل
والله الي ما عنده مشكله مع العربي أما الدريم بوكس أو رسيفر سكاي ايطاليا برامجهم روعه وأفلام جديده
الشيخ الجهاز عندنا اعتقد الباقيه الي عندنا ب 2700 او 3 ماذكر والله الجهاز اوكي بس احس سعره مبالغ فيه شوي ,, وثاني شي الجهازز لووعه كله يعلق وبطيى مش نفس الدش العادي سريع,,بس قنواته ماعليها كلام بس اذا تبي تحطه في الصاله ترا ماينفع اذا كان عندك اولاد صغار لانه افلامه مب مقطوعه يطلع كل شي
بالتوفيق
سبحان الله و بحمده ، سبحان الله العظيم
روعه والله
وفيه خاصيه التسجيل وقنواته حلوه
انصحك فيه
الشيخ شوف فيه قنوات اوكي وايد بس فيه وايد عيوب اول عيب الجهاز وايد يعلق ويشير وبالذات يوم تجي تقلب من قناه ل قناه عكس الدش العادي
وثاني شي ترا الافلام الي فيه مب مقطوعه يعني لو بتحطه في الصاله وعندك صغار مشكله
بس احلى شي فيه انه لما ينزل فلم في السينما ينزلون هل الفلم بعدها بشهرين على الاو اس ان
نصيحة لوجه الله انصح بها نفسي اولا ثم انصحك اخوي
اترك رسيفر osn اذا مثل ما قالوا الاخوان عن الافلام ، وخلك على الرسيفر العادي
رغم ما فيه من بلاوي لكنه اهون من رسيفر OSN