مرحبا ،،
الموضوع زي ماتشوفون فالعنوان ،،
ياليت تكون الردود صريحه ومفيده ،،
لأنه فيه كثير محتاجين هالمعلومات ،،
تجاربكم مع أحسن حبوب لإنقاص الوزن ومفعولها سريع بدون مجهود ?؟
مرحبا ،،
الموضوع زي ماتشوفون فالعنوان ،،
ياليت تكون الردود صريحه ومفيده ،،
لأنه فيه كثير محتاجين هالمعلومات ،،
تجاربكم مع أحسن حبوب لإنقاص الوزن ومفعولها سريع بدون مجهود ?؟
حقيقه هالحبوب ما منها فايده والافضل تتاكدين بنفسج من اي دكتوره
البنات يجيبونها من مصر وسببت لهم املاح واضرار في القلب و الكلى
نصيحه خلوا عنكم الكسل والحلول السريعه مافي احلى من الرياضه
تنزل الوزن وتشد الترهلات
فيه محل في حياة بلازا يبيع انواع من الشاي اسأله عن النوع الجيد للرجيم
والله يوفقك
الرجيم افضل بكثير من الحبوب
احسن شي تمشين على مبدأ
كلوا و اشربوا و لا تسرفوا
قولي لا : للدهون في الطعام
قولي لا للسكريات
قولي لا للنشويات
او على الأقل قليليها الى اقصى شي تقدرين عليه
خلي الطعام على قد قبضة يدك في الوجبة الوحدة و كثري من الخضروات
حاولي ما تاكلين اكثر من ثلاث وجبات في اليوم و اذا اقل احسن
شوفي نظام السعرات مهم انج تاخذين فكرة عنه لو ما تلتزمين فيه 10
بس على الأقل بتعرفين ان قطعة الشكولاته اللي بتاكلينها ايش بتسوي في جسمك
صدقيني شهرين و بيتعود جسمك ... و بتصيرين ما تشتهين الشغلات المضرة للصحة
http://download.mrkzy.com/e/2612_md_13407401301.jpg
انا استخدمت هذا صناعه امريكيه والصراحه نزلت 7 كيلو بالشهر والنظام كان :
شرب ماء 2 ليتر باليوم ومشي نص ساعه واكلي ماتشتهيه نفسج ,
وبالتوفيق اختي .
نصيحة أختي اي ادويه لانقاص الوزن تحتوي علي مواد كيماويه بتكون آثارها الجانبيه ومضارها اكثر من نفعها ، ومن يومين بس نازل خبر في الجريده بمنع تداول بعض من شاي أعشاب الرجيم لاحتوائه علي مواد كيماويه ضاره، اشهر هذه الأضرار الاكتئاب الشديد والفشل الكلوي
حاولي تمشين علي نظام غذائي متوازن و رياضه خفيفه
بالتوفيق
ليبو سكس بلاك
بس عيبه يسهر ولازم تشربين لترين ماي باليوم
اختي في حبوب اسمها الليـبو x6
هاذي تعطيج قـوة عشان تسويين رياضـة + يزيد دقات القلب
مما يزيد من سرعة حرق السعرات الحراريـة
الحبوب جربوها عدة شباب والنتايج كانت زينـة
بس نصيحة الرجيم افضل وكثري من المشاوي ولا تاكلين عيش وخبز
بوجاسم والكلاسيكي حاسبو من هالحبوب معروف انها تسبب امراض الضغط والكلى- الله يحفظكم- وهذي الحبوب ما تنفع مع احد مايبي يعمل رياضه ..
يمكن تستغربون نوعيه الحبوب اللي بنصحكم بها
ولكنها تنقص الوزن
( حبوب السكر )
اي صح حبوب السكر واسمه جلوكوفاج
هالحبوب ينظم مستوى السكر بالدم
ويساعد على نقص الوزن بشكل مناسب
اول مرة تجربونه يجيك حالة صداع واسهال او قيء
عقب ماتتعود عليها تحس وزنك ينزل واايد
ويفيد هالحبوب حق الي عندهم مشكلة بالهرمونات والسمنة الزايدةخاصة عند النساء
حبوب المشي لمدة 30 دقيقة فقط يومياً .. أنا مجربها وماشي عليها .. :)
كل اللي مطلوب لبس سبورت وجوتي رياضة وانتوا بكرامه ومكان للجري واذا ما توفر يمكن استخدام جهاز المشي في البيت :)
الاكل الخفيف الي مايشبع ولكن في نفس الوقت مايحسسك بالجوع + الرياضه يوميا
نصيحه من اخو
لا ادورون السهل المضر
دور الصعب المفيد
تبون صحه تبون لياقه تبون اجسام المشي عليكم بالمشي والاكل الخفيف
تمرين + دايت + حبوب كلين بترول + حبوب إيفيدرين
^
ناس اوزانهم خياليه .. إنزلو للـ 80 و 70
لازم تلقين احد يجي يتفلسف .. ويقول ضرر ومادري وشو
انا بقولج .. وعن تجربه .. لاني اتمرن جيم .. وفترات احتاجها للتنشيف ..
مع الاستخدام .. حاولي تشربين في اليوم 3 لتر ماي ..
وبتشوفين النتيجه ..
كلامي من الاخر .. إن كنتي تبين حل مفيد .. مع العلم .. حبوب الليبو مفعولها جدا بطيء .. : )
بالتوفيق
لاحول ولاقوة الا بالله
حبوب الشاي الاخضر جدا رائعه
فيه مركز اسمه vlcc عنده اجهزه للتخسيس تقدر تشترك عندهم
وفي مركز نيوتريشن للحمية الغذائية
تقدر تشترك في المكانين وبتشوف النتائج في اول شهر
انا ولله الحمد نزلت عشر كيلو اول شهر
والحين ابي اثبت الوزن فقط
متابعة لأني بعد ادور حبوب تنحيف
انا امارس الرياضة و ما اكل نشويات بس بعد جسمي من النوع الي ماينحف بسهوله
عقاقير انقاص الوزن تضر اكثر من تنفع ... تغير الهرمونات وتشحب الوجه وترهل الجسم .. الرياضة وبس ..
لا تحسباً المجد تمـرٌ أنت آكِـلـهُ
لن تنال المجد حتى تلعق الصبرَ
رياضه المشي واكل الفواكه والابتعاد عن اكل المكابيس الحل الاكيد بأذن الله لانقاص الوزن
واحد من الربع سجل في اظن اسمه نيوترشن
ينزل اسبوعيآ من 3-5 كيلو .. اسبوع قاسي واسبوع مفتوح بنسبه 40%
وماشي حاله ونزل في شهر 11 كيلو ويقول ماتعب ولاهم يحزنون :)
ف الاحسن الرجيم والرياضه اصح وافضل ب الف مره من الكيميائيات والادويه
مافي حبوب مفعولها مضمون بدون نظام غذائي متوازن وصحي
فالأحسن الواحد يبتعد عن الكيماويات
ويخفف الأكل ويراقب الكميات
و يتمرن تمارين خفيفة
وبالتوفيق
مافي حبوب ماحبوب
انسوا الكتب وانسوا البحوث والكذب
نصيحة اولى واخيره ولا بعد منها
1- الاكثار من شرب الماء. (الكميه 2 لتر فاليوم) وشروطه: - محاولة شرب الماء قبل الاكل بربع ساعه وبعد الاكل بربع ساعه..ولاتشرب ماء خلال الاكل. وايضا قبل النوم ب ساعه وبعد الاستيقاظ ب ربع ساعه
2- اكل السلطات بانواعها (ومحاولة الابتعاد عن شرب العصير حتى لو فريش) وكل هالفاكهه اللي كنت بتعصرها مثل ما اهيه
3- كل لحم وكل دجاج ع كيفك ولكن مره كل 3 ايام بكميه قليله..ك قطعة برغر او ستيك صغيره
4- مزاولة الرياضه ساعه فقط كل يوم (مشي بطئ..عادي)
5- بعد الافطار بربع ساعه تناول حبه واحده من اي نوع من الفواكه التي تريدها...وبعد الغداء تناول قطعه من قطع الحلويات من اي نوع تبيه..كيك..شوكولاته..ايس كريم..كيفك ولكن مره وحده وشي واحد
لاتفكر انك يوعان...خذ كميه قليله وكل..وقف ربع ساعه وبتشوف ان مالك خلق تاكل اي شي زياده
وشرط...بعد هذا..ان مانزل وزنك 2 كيلو كل اسبوعين و 3 ايام ... قول عني كذاب...وسيقل محيط الخصر بمقدار 0.6 سنتميتر
وشكرا
انا الي سمعته في الفترة الاخيرة عن شاي اسمه شاي ميجان
والي اخترعه دكتور مصري معروف اسمه سعيد حساسين صاحب قناة الخليجية.. وفي
ناس نفعت معاهم لانها تسد الشهية
مافي احسن واحلى من الرياضه ومن واقع تجربه قديمه
الرياضه غير انها تنسق الجسم تعدل مزاج ونفسية الانسان
واعتقد الشغلات اللي تساعد
الشاي الاخضر
والشاي الابيض يقولون انه ممتاز
والماي بدون املاح او الاملاح تكون قليله
واذا الواحد كان يعاني من اضطرابات هرمونيه او مشاكل وراثيه او صحيه
كيف يفحص ؟
او ايش الحلول المناسبه ؟
انا ما انصح باستخدام اي حبوب لإنقاص الوزن
ما في احسن من استخدام الطرق الصحية :
الرياضة .. التقليل من الأكل
صحيح ان الوقت بيكون أطول شوي حتى تتحقق النتائج المطلوبة
ولكن المهم انها طُرُق صحية ونتائجها ايجابية ان شاء الله
اعرف ناس مشوا بالطرق هذي وحققوا نتائج باهرة
المووضع يحتاج فقط لعزيمة واصرار .. أو بالأصح إرادة قوية
:)
بالتوفيق لكل المتان ان شاء الله
خليفــة
اعرف ناس استخدموا حبوب امريكيه "تنباع بالصيدليات ومرخصه" للريجيم,,
بعد اسبوعين من استخدامها التهبت البويضات, وكيس دهني في المبيض, وقعدت في المستشفى قريب الاسبوعين,, السبب ان جسمها يتفاعل بشكل غير موفق مع بعض المكونات في الدواء,,
مافي شيء اسمه "حبوب تضعف" الا يكون لها اثار جانبيه سيئه جدا,,
نصيحة أخويه: مب كل شئ ينفع مع فلان معناته بينفع مع علان .
يرجى توخي الحذر ،، حتى لو كان يباع في الصيدليات بدون وصفة يجب إستشارة أخصائي .
حاسبو ثم حاسبو ثم حاسبو :(
انا خير تجربة وبرهان :( جربت وندمت - لحد ماوصلت الطواري في حالة يرثى لها والدكتور (هاوشني) :)
نصيحتي لكم لحد يجرب شي من الادوية - والحل هو الاستعداد في تقوية النفس للتقبل لتقليل الاكل فقط :)
ان شاءالله بعلق على بعض الردود بس لما يرجع الكمبيوتر