حبتين كفتة و شقف واحد بخمسين ريال خافوا الله فينا ..

السلام عليكم



..

وين حماية المستهلك عن بعض المطاعم القصابة والله حرام هالارتفاع في الاسعار اللي نشوفة ومحد راضي يوقف هالمهازل اللي تصير لو قلنا ارتفاع معقول مو مشكلة لكن لما الارتفاع يوصل لـ 70 % و 100 % المفروض مانسكت ونشوف حد يقوم بإجراءات فورية تجاة بعض من عديمي الضمير والطمع والجشع

المطعم المعني في الموضوع هو " الشاطر عباس " اللي في السد طلبت منة حبتين كفتة و شقف واحد قلت لة بكم قالي بخمسين بطلت عيني قلت لة كم قال خمسين قلت له شدعوة خمسين يقول هذة اسعارنا قلت له لو اروح مطعم كباب ثاني اقصد " طرزان او شجاع او غيرة " كان بالخمسين هذة اعشي معاي خمسة من الربع مب 3 قطع بس بخمسين شدعوة ليكون لحم غزلان وانا مادري المهم قلت له يعطيك العافية وحركت عنة

بالله عليكم هل وصل الحال في بعض المطاعم اللي توصل اسعارها بهالقيمة الكبيرة !!
وعلى حساب من المواطن المغلوب على امرة :secret:

اترك التعليق لكم

:nice:

لا تزعل نفسك وانا اخوك غيره وهو الي خسران
والمطاعم ماليه البلد فيه مطاعم ب 20 ريال مشكل مشاوي
واربع اصياخ منوعة وعلى كيف كيفك :)

شاطر عباس توبة اخذ منة

خذيت مشاوي مشكل سيخ اللحم كل قطعة اتقول بلاطة كنة مب لحم يلوع الجبد

مطعم الشاطر عباس اسعاره سياحيه مثل المطاعم الي في سوق واقف

مسكين هالمطعم ماخد مقلب بنفسه

المشكلة اخوي ان غيرك وغيري بياخذ

والله استغرب من بعض الامكان يرفعون الأسعار والعالم تاخذ

من فترة مريت على معصرة طلبت عصير اناناس حجم كبير قالي 12 ريال فقلت له معظم الاماكن اخذ منهم ب 7 ريال رد علي هذي اسعارنا والناس ياخذون منا وفعلا كنت الاحظ عنده شباب يطلبون منهم

كنا نلوم حماية المستهلك ولكن المشكلة فينا اخوي واحنا الي نستاهل ونتحمل جشع التجار

اقتباس:

---

المشاركة الأصلية كتبت بواسطة كازانوفا

مسكين هالمطعم ماخد مقلب بنفسه

---

لو ماخذ مقلب بنفسه مارفع السعر ولكن مثل ما وضحت في الي ياخذ منهم :anger1:

عليك بمشاوي مطعم السنبوك الشعبي بالعزيزية
الصحن فيه اربع اصياخ بـ 25 ريال على كيف كيفك:nice:
جرب تاكل منه مره وعطني خبر :)

قاطعوهم ترى تنفع المقاطعه

اقتباس:

---

المشاركة الأصلية كتبت بواسطة ابوعلي

المشكلة اخوي ان غيرك وغيري بياخذ

والله استغرب من بعض الامكان يرفعون الأسعار والعالم تاخذ

من فترة مريت على معصرة طلبت عصير اناناس حجم كبير قالي 12 ريال فقلت له معظم الاماكن اخذ منهم ب 7 ريال رد علي هذي اسعارنا والناس ياخذون منا وفعلا كنت الاحظ عنده شباب يطلبون منهم

كنا نلوم حماية المستهلك ولكن المشكلة فينا اخوي واحنا الي نستاهل ونتحمل جشع التجار

---

والمفروض اخوي ابوعلي قبل لااطلب منه اسئل عن سعره عجبني اخذت منه شفت سعره مبالغ فيه اتركه واشوف غيره ,
ولكن فيه بعض الناس الله يهديهم يطلب بدون لايسئل وبعد ما يتفاجئ ان السعر مبالغ فيه يحرك عنه بدون لاياخذ الطلب منه وهذا الغلط يتحمله الزبون بالمقام الاول ويقدر يشتكي عليه صاحب المطعم وبياخذ حقه بالراحه .

حماية المستهلك يقولون لك لو المطعم حاط السعر او اي محل حاط السعر على البضاعة مالهم شغل فيه
يتدخلون بس للي مب حاط السعر
يعني لو يقول لك الف عادي مش مشكلة دام انه حاط السعر علية

لين الحين مافهمت قضيت حماية المستهلك؟؟؟!!!!
وكنت متوقع انهم يحددون اسعار السلع وغيرة بس الظاهر انهم ياكدون ان الاسعار تتم عالية وبس.

لو كان في تفكير في الموضوع خصوصا على سلع ثانية مثل الالكترونيات والسيارات كان قارنوا الاسعار في قطر والاسعار في الدول الثانية والاسعار في المصانع ويحدد السعر او يحدد قيمة الربح
لانهم اقصبونا الشي تقدر تاخذة من برى بسعر وهنا يزيد عليك بلا رقيب ولا حسيب

والله يا اخوي لسه هالمطعم يعتبر رخيص جدا جدا مقارنة بغيره

روح مطعم ليال و الا ام الحنايا و الا الساحة و الا مطاعم مستواها اعلى شوي اللي في كتارا و شوف الاسعار الفلكية و بعدين قلنا ايش رأيك

الشاطر عباس من زمان واسعاره غالية

ت س م م

اقتباس:

---

المشاركة الأصلية كتبت بواسطة @north_star@

الشاطر عباس من زمان واسعاره غالية

---

بالضبط
هو من زمااااااااااااااان رافع اسعاره

حتى اصفان اكسبرس بعد اسعاره خياليه

خلاص دام كلكم مش عاجبكم دور على البديل واكيد في بديل واحسن بكثيررر
والله حرام عليهم هالمطاعم في علو اسعارهاا
وحرام عليناااا اللى يشوفونا يقول محرومين من الاكل

اقتباس:

---

المشاركة الأصلية كتبت بواسطة naklan

لا تزعل نفسك وانا اخوك غيره وهو الي خسران
والمطاعم ماليه البلد فيه مطاعم ب 20 ريال مشكل مشاوي
واربع اصياخ منوعة وعلى كيف كيفك :)

---

اذكر المطاعم

طبعا اذا تسمح الاداره

والله انا مشكله عندي الموضوع ....ماينفع معاي الخيمه ولا تركيا ولا الشاطر فرناس.... الله يخليلي شجاع وطرزان بس اللي يمشي معاي علشان آكل 20 سيخ ....السيخ ب 3 ريال = 60 ريال وسلامتكم ....لو اروح الشاطر عباس تقول 3 سياخ ب 50 حسابي بيطلع 300 الظاهر ههههههههههههههه

اقتباس:

---

المشاركة الأصلية كتبت بواسطة ANONYMOUS

اذكر المطاعم

طبعا اذا تسمح الاداره

---

هلا بالغالي انونيموس المطعم هو قصرالبخاري في جمعية زغوه
وذا تبي زعتر على طريقة العصر الحجري فيه ايراني قدام سوق غرناطة
الزعتر عنده بريال بس مشكلة الايراني كله يتشكى من قل الصحة :eek5:
ويمكن بعد ما تطلع من المخبز ياثر عليك ويكدرك وما تاكل الا :weeping:
نص الزعتر واذا تبي عشاء بنص ريال بيضة مسلوقة :nice:
هاه وش رايك فيني :)

اول كانت اسعاره ارخص كل الاطباق في حروة الثلاثين ويعد مب من زين اكله يغث على الكبد

حسبي الله عليهم ما يخافون الله .. ان شاء الله كل طماع ربي ما يوفقه بحلاله ويحترق محله ..

الله يخلي عصير بونص
وفاء على مدى الزمن

الشاطر عباس اسعاره فعلا مرتفعه بس اكله لذيذ

اقتباس:

---

المشاركة الأصلية كتبت بواسطة روح الاطلس

الشاطر عباس اسعاره فعلا مرتفعه بس اكله لذيذ

---

اكله لذيذ وتلصق ريحه باليد حتى لو غسلت يدي اكثر من مره ,
وعلى ما اعتقد مصدر الريحه من البهارات او التخمير الي يستخدمها قويية الظاهر يجيبها من مصدرها وليس محلي ؟؟