إستفسار ..

مساء الخير

شربت اليوم في بيت الأهل شاي الحبة الحمرا (الحسو) وشاي الحليب بالمكسرات .. وعجبني ..

اللي يعرف من يسويه للطلب .. وهالشاي عبارة عن ايش بالضبط ..

وأحسن مكان يسوونه ..

للرفع .......

ليش ماسئلت الأهل احسن لك :)

اقتباس:

---

المشاركة الأصلية كتبت بواسطة umhend

ليش ماسئلت الأهل احسن لك :)

---

بيت ناس من أهلنا .. واستحيت الصراحة

يمكن هم يسوونه وأنحرج أني أطلب منهم

أنا أدري أن في ناس يسوون للبيع ..

أبي حد مجرب .. وشيء حلو ..

والله الوالده تسوي .. ((الحليب اللي مع الحسو))عاد مادري نفس اللي شربته ولالا؟؟
اذا نفسه باقول لك الطريقه :-

المقادير ..
لتر حليب مراعي
مقدار فنجان قهوه حبه حمره ((حسو))
ملعقه كبيره كستر
وقليل من الزعفران والهيل والسكرعلى حسب الرغبه

الطريقه..
تسلق حبة الحمرا مع كأس ماء اللى ان يتضاعف حجمها
قبل ان يغلى الحليب يوضع عليه الكستر والزعفران والهيل والسكر
قبل ان يغلى يوضع عليه حبة الحمرا ويترك على النار حتى يغلى .

بهناء والشفاء

اقتباس:

---

المشاركة الأصلية كتبت بواسطة أم عبدالرحمن

والله الوالده تسوي .. ((الحليب اللي مع الحسو))عاد مادري نفس اللي شربته ولالا؟؟
اذا نفسه باقول لك الطريقه :-

المقادير ..
لتر حليب مراعي
مقدار فنجان قهوه حبه حمره ((حسو))
ملعقه كبيره كستر
وقليل من الزعفران والهيل والسكرعلى حسب الرغبه

الطريقه..
تسلق حبة الحمرا مع كأس ماء اللى ان يتضاعف حجمها
قبل ان يغلى الحليب يوضع عليه الكستر والزعفران والهيل والسكر
قبل ان يغلى يوضع عليه حبة الحمرا ويترك على النار حتى يغلى .

بهناء والشفاء

---

تسلمين أختي أم عبدالرحمن ..

أعتقد أن هذا اللي شربته ..

بس شكثر أحط حبة حمرا ؟؟

خبرج أنا عليمي .. :shy:

ما قصرتي أختي ..

كثر فنجان قهوه (( وعلى حسب حجم الدله ))

وفيه العافيه

اها الشاي الي تقصدة يسمونه شاي الملوك لونه اصفر جنه محلبيه وفيه حبه حمرا
تذكرته اهلي يسونه من زمان بس مااعرف اسويه وما احبه .. المهم اسئل الناس
الي شربته عندهم ولا تستحي الناس لبعضها واذا قالولك طريقه الشاي الي بالمكسرات
ههههه قول لنا:)

شي الحليب بالحسوووو رووووعه

ايجنن

الحليب بالمكسرات نفس الطريقه ثرا

اللوووووووووود شراااايك تعزمنا هههههههههههههه على الحليب شفيتونا علية هو صج صج حلو اخبر يسونه هل الامارات

انا ضرب في راسي الشاي الي بالمكسرات احب المكسرات يالله اللورد عطنا الطريقه

ماطلبتوا شي

يالله وين دفتر الخلطات والاكلات العجيبه



جيبوه



والقلم لاتنسونه



مستعدين؟؟؟؟؟




نبدأ



لا لا

نسيت

باقول بس ع شرط
الي تسوي تعزمني والا بتقص بالفستق
ههههههههههههه

(خلطة الامارات)

المقادير:
سكر
حليب مراعي
مكسرات(فستق حلبي-لوز) حسب الرغبة طبعا تكون شبه مطحونه مع شوي هيل وزعفران وماي ورد
للتزيين:عسل خفيف حسب الرغبه خفيف يعني اشوي بس بيطلع لذيذ نكهه بس مع اشوي جوز الهند
الطريقة:
تحطون الحليب والمكسرات والهيل والزعفران والسكر في الوعاء
تخلونه يفوح وانتوا تقلبونه لين يتجانس
ومن بعدها ع طول في الدله

ويعله في العافيه
لاتنسون تعزمونااااااا
هههه

لاتكثرون منه ترا تنسون عمركم وتخلصون الدله واخرتهاااااااا نقول نبي نضعف
هههههههههههه


انشالله استفدتوااااااا

تقبلوا تحياتي

ام سعود