مرحبا
بنات انا بعرس قريب ابي نصائحكم من أفضل محل كوش ومسكت عروس وميكاب وتسريحت
شعر وتصوير وديجي ودخلت عروس ومصمم فساتين لعروس وحناية واي شئ يفيدني بخصوص
العرس .
وشكر لكم تعاونكم ,,
عرض للطباعة
مرحبا
بنات انا بعرس قريب ابي نصائحكم من أفضل محل كوش ومسكت عروس وميكاب وتسريحت
شعر وتصوير وديجي ودخلت عروس ومصمم فساتين لعروس وحناية واي شئ يفيدني بخصوص
العرس .
وشكر لكم تعاونكم ,,
مبروك مقدما اختى وديرى بالج من بعض المحلات يقولج بنسوى لج واخرته تكتشفين يوم العرس حاطين شى ثانى ولا تنسينا بالسويت
صح مثل اي محلات ؟ عشان ما تعامل معاها
مبرووووووووووووووك مقدماً وربي يتمم لج على خير :app2:
فيه عندج منتدى عروس قطر وااايد حلو وبيفيدونج البنات هناك أكثر :victory:
يسلمو مافيا قطر ودانة قطر
ياليت اعرف اكتب الزغرطه كان كتبتلج
مبروووووووووووووووووووووووووووك والله يوفقج
سمو الاميره .. كل شيء حسب الميزانيه اللي انتي حاطتها //
كتصوير .. احلام وذكريات اشوفه التوب حاليا فقطر :)
والكوش .. ماسيس تودين لهم صوره الكوشه اللي تبينها ويسوونها لج ...
والف مبرووك والله يوفقج ويتمم لج على خير ..
الله يوفقك حبيبتي
ويبارك لك
ويرزقك الذريه الصالحه
انا من زمان متزوجه ونسيت المحلات
ان شاء الله البنات يفيدونك
ماحبيت ادخل من غير مابارك لك
يسلمو والله يوفقكم دنيا واخره
هلا حبيبتي
عندج حق الشعر : نعمات / وحق المكياج شريفه المهندي ودينا خوري
مصمم فساتين / مودا ليدي او استانزا شغله حلو / تصوير : احلى شي شفته استديو فوتولايف
دي جي عندج المنى / محل كوش وطاولات عندج قصر الشانزليزيه وماسيس بس صاير حرامي ومحل بستاش
دخلت عروس عندج وحده اتسوي زفات وباسعار حلوة اسمها احلى عروس / حناية عندج زبيده او رحاب
وانشالله اكون ماقصرت معاج لان انا قاعده امر بهالشي والي كتبتهم لج عن تجربه
بخصوص الكوش وترتيب الكرس من الى عندج رفلكشين يجنننننن وراااقي
عندج المناسبااات بعد ولاماري وماسيس
الميك اب \ فاديا \ شريفه المهندي \ هذوول التووب
الحناا \ زبيده \ ريماا
الدق\ خيريه \ ابتسااام الزري
الفستان ااخذيه جاهز صراحه هارووودز عجيب دخلي الويب سايت مالهم وشووفي ..
وبالتوفييييق مقدما واي خدمه حاضريييييييين
مبروك مقدما
انا سمعت عن محل فلورنسا حق تجهيز الطاولات يمدحونه
القهوه والشاي والفطاير عندج محل المراسيم
صباح الخير
الف مبرووووووووووووك ويارب تتهني
سمو الاميرة .. عندي اسألة بعدين راح اجاوبج بالتفصيل الممل ..
مكان العرس وين بيكون .. بعدين ميزانيتج في حدود كم ؟؟
يعني تبين شي غالي وهاي ولا شي عادي بس يكون حلووو و مرتب ؟
اذا كان تبين شي من الدوحة او الخارج حددي .
لان انا صار لي كم شهر شغاله في هالمواضيع
انتظر ردج عان اعطيج التفاصيل .
أسعاف راح يفيدج أكثر ...
الف مبروك ان شاء الله فديتج و الله يتمم لج على خير
وان شاء الله العضوات يفيدونج ..
هاي اختي مناي ..
بالنسبة للعرس في قاعدة الجيوان والكوشة من اختياري ومو مشكله السعر وتكون ماالدوحة
ياليت تفيدوني بالنسبة للميكاب عن سعاد شاكر ايش رايك به وسمعتوا عن وحدة اسم حلا حق شعر
وابي اسوي تبيض للاسناني شو افضل عيادة او تركيب خزف على الاسنان بدون حك وبسوي كرستال وتنظيف
بشرة عند من ؟؟
الله يبارك لج اختي سمو الاميرة ويجمع بينكم انتي وزوجج على خير ويرزقكم الذرية الصالحة والجنه بعد عمرّ طويل
الف مبروك اختي وربي يتمم لج على خير
مثل ماقالت اختي دانة عندج عرووووووووس قطر كل ما يخطر ببالج صج بتستفيدين
الف مبررروك اختي بس تحملي تتعاملين مع امسيتي الي بالغرافه مسويين نفسهم كلشش وهم اكبر
غششاششين في عرس اختي الكوشه طلب فيها 26000 كله من البيبي فلوور الطبيعي حتى الكراسي والمخدات اكتشفنا يوم العرس برغم روعه الكوشه الا انه كله بلاستك في بلاستك ومب جذيه وبس
الطاولات الوحدة 1000 وشوي تحتها جيبون اول مانزل الجيبون وكانو عارضينها في المحل يوم العرس
مافي جيبونات تحت الطاولات ليش قال لا هذولاك للعرض بس اف اف قسم بالله لو مب المصورات مسكوني
كنت ذاك اليوم ذبحتها...
وعندج شاعر سعوي نسيت اسمه باجيبه لج يسوي دخله وزفه وطلعه باسمج بصوته مع الموسقى والاكشن وكل شي بس فظيييييييييييع رهيب لا يفوتج
المكياج شريفه لشريم الشعر فاديه ... التصوير لايفوتج استوديو ناجي تصويرهم خيال
مبروك اختي سمو الاميره والله يهنيج ان شاء الله للميك اب عندج سارا امان ، وللشعر افراح صالون رذاذ ومنى السودانية ، للحنا الهلتون ، وفي وحده اسمها نبيله حناها رهييييب كلاً سالني عنه ، وللزفه عندج الاشقر سوي لي زفه لحد الان كلا يشهد لها وخليته يدخل اسمي الحقيق مع لقبي الجوري فكان شي بالنسبة لي اسطوري وللدجي للحنا او العرس عندج المنى او الصقر اللي بالغرافه واذا تبين حمام مغربي عندج صالون العالميه وطلبي سميرة المغربيه لانها التوب هناك وزحمه دايم عندها ، لفستان العرس عندج لوميراج اللي بالسد والمصمم اسمه علي لبناني تصميماته حلوه واسعاره احلى لانه انقذني وصمم لي فستاني بوقت قياسي وخلصه لي في 10 ايام بس مع انه دانتيل عادي وهو الشكه لي كلة ، واخيراً موفقه اختي والله يعينج ان شاء الله .
يسلمو كل الاخوات المشاركات واتمنى لكم التوفيق جميعكم
يسلمووووووووون لي اهل قطر
بالنسبة للكوشه اكسوتيكا اللي في النصر
من كم يوم مسوين لقاء مع المصمم في التلفزون في برنامج نسيت اسمه
صج حلو انا سويت كوشة مرتي من هناك مااشاء الله شغله ماعليه كلام
اسم المصمم عمر
موفقه اختي والسموحه اللقافه دخلتني :p
كوشه = ماسيس
تصوير = محل جديد ورى محلات دوار المرخيه
تسريحه = حلا لبنانيه
مكياج= سعاد البلوشي ...
الحنا = زبيددددددددده ...
فستان العرس = نصيحه فصلي واجري عند محل ... على ذوقج
ووووومبـــــــــــــرووووووووووووووووووووووووووووو وووووووووووووووووووووووووووك
عقبال فرحة الزواج والذريه الصالحه ..
مشكورين اخواتي على مشاركات
اختي او اخوي محمد كيو تقصد بحل التصوير لي بالمرخية لجديد وحلا سمعتي عنها تسريحاتها حلو
وسعاد تقصيد سعاد شاكر .
مبرووووووووووووووووك فديتك
اذا تبين شعرك ايكون حلو وجنان يوم العرس فاخذي حلا شغلها رووووعه تسوي الشعر خياااااااااااااااااااال اذا تبين الرقم بطرشلك اياه نصيحه مني تاخذينها لان شغله يجنن خصوصا اذا شعرك خفيف تخليه كان لابسه باروكه بدون وصلات ولاحشوات
واذا عالميك اب انا براي تاخذين دينا الخوري
هلا أختي ...
العرس .... الكوشة من ماسيس أو مارياج
الزفة ... حطي بالج من المصايب الي اتصير ...
الحنه ... إذا بتسوين حفلة حلو إنج تاخذين من أفراح الجلوة كوشهم حلوه واسعارهم معقوله ...
امممممممممممممم
اولا مبروووك ياقلبي
ثانيا .. انا عندي خبره ممكن افيدج
الحنااايه انصحج بوحده اسمها ريما
المكياج دينا الخوري
الشعر مرسيدس
الكوش عندج محل في الغرافه اسمه لمسات روووعه
والفستان افضل تفصل لبسه اولى ووايد في السد
واي شي تبينه انا حاااااضره راسليني ع الخاص ومن عيوووني
الله يوفقج ويبارك لج
لو ناقصك حاجة في الانجيري قوليلي
ممكن ابعتلك صور المجموعات تشوفيها
مبروك يا عروسة
مبروك اختي والله يوفقج واختي عندنا فساتين زفاف راقيه من امريكا واسبانيا باسعار مناسبه وفساتين سهره كذلك والمحل في فندق الانتركونتنتل وتفضلي الرابط لمزيد من المعلومات
http://qatarshares.com/vb/showthread.php?t=227245
يسلمو حبايب والله يوفقكم ماتقصرون وهذي عوديدكم
الله يبارك لج اختي .. ويوفقج ..
ومثل ما قالوا البنات روحي شوفي منتدى عروس قطر بيفيدج اكثر
اولا مبروووووك والله يوفقج يارب .. اتمنى افيدج عن تبيبض الأسنان لاني مجربته في الملكة للأسنان وصراحه ممتاز شغلهم بس لا تسوين ليزر عالاسنان هي ماده يعطونج ياها واذا تبين توفرين بتلقينها في الصيدليات أرخص انا عشان مابي العب في أسناني رحت لهم .. والكريستال عندج محل في فيلاجيو وله فرع في اللاند ماعرف اسمه صراحه بس احذا محل التصوير ومحل العبي في اللاند في محل صغير لونه وردي كله اكسسوارات عندهم عليه كريستالات انتي تسوينم بالبيت وما تكلفج العلبة 65 اعتقد او 69 .. وانا احط كريستاله من شهور وتتم الكريستاله ما بين شهرالا ثلاث اسابيع الا 3 شهور لو طبقتي الطريقة صح في تركيب الكريستال .. وبخصوص الاستديو انا سألت فوتو لايف في المرخيه حق عرسي لاني اروح لهم كم مره وتصويرهم رووعه لدرجه انهم ممكن يعدلون في المكياج ويضعفون الواحد ويمتنونه و و و قالي ياخذون 15 الف باكج فوتوغرافي وفيديو وصراحه سعرهم رووعه .. ومكياج ام حمد رووعه بعد .. وحنا ماريا اعتقد اسمها .. وكوشه وطاولات فوشون .. وعندج فندق لا سيجال شغلهم عجيب بعد في هالأمور ..
وبالتوفيق ..
يسلمو حبايبي ع مشاركاتهم
عن نفسي احسن عيادة اسنان مريت لها اللي صوب الدعوة والارشاد صوب مدينة خليفة اظن اسمها العيادة القطرية اللبنانية التخصصية للاسنان تعاملهم روعة وشغلهم ممتاز بس الدكتور المتخصص اللي سوى لي اسناني انتقل لفرع المطار واسمه جورج ....
وبالمبـــــــــــــــــــــــــــــــــــــــارك فديتج وعسى الله يوفقج ويطرح فيج وفي زوجج البركة اللهم امين ويتمم لكم على خيــر تقبلـي تحيـتي الغـلا :nice: .....
باقولج .. لازم انتي تلفين وتدورين على المحلات ..
وحاولي هل الفترة تروحين الاعراس وتشوفين الشي الحلو وتسالين عنه من وين خخخخ
بس بالنسبة لي .. انا حق عرسي ركزت على كل التفاصيل والحمد لله طلع حلو وراقي ..
الكوشة .. ماسيس طبعا بدون كلام .. بس انا سويتها عند الغردينيا اللي في شارع سحيم بن حمد .. نفس اللي بغيته في ماسيس سواه لي بسعر ارخص .. على ايامي كانت الكوشة 30 الف وهو سواها ب14 الف ,..
فستاني سويته في كارولاين عند مصممة امريكية .. غيرت فستاني يمكن 3 مرات وصبرت علي وطلع نفس ما ابي ..
المكياج .. انا سويت عند سعاد البلوشي .. بس يقولون اختربت اللحين .. بس اللي صج اشوفه حلو دينا الخوري .. اذا طلبتي منها ناعم ..
التصوير ... احلام وذكريات وفوتو لايف .. بس انا سويت البومي عادي وطلع روعة مع التنسيق عند كريستال ..
الشعر : مرسيدس .. والحلو في تسريحتها ما تحط سبراي وايد .. وعندج بعد وايد .. نعمات .. ام ياسين .. منى السودانية .. الخ .. ممكن اعطيج اللستة لو حبيتي ..
الديجي جي .. دايما في مناسباتنا نطلب منى .. من محل المنى .. عندج الديجي رخيص وحلو ويونس ..
الحناية ... سويت عند الفنون وتحسفت .. لين اللحين نفس الديزاينات ..ماتغيروا ..
عندج هيلتون احسن شي ..
المسكة عند جورج .في كازا فلورا . انا احسه مبدع صراحه :)
وعندج الريفيرا ..اللي في السد ...مسكاتهم حلوة ...
وبعد الدخلة مالتي سويتها في الكويت ..
الحلويات خذتها من كذا مكان .. هلا في طريق سلوى .. من شغل بيت .. سوان ..
عاد اللحين في اشياء وايد احلى ..
وبعد انتي شاللي في بالج عشان نساعدج ؟
تبيض الاسنان .
عندج عيادة د تميم .. واللبنانية مثل ما قالت الاخت ..
د تميم انا جربتها في تنظيف الاسنان بس وشو احسن تنظيف جربته ..
حتى تحسين ما ييبلها تبيض عقب.. وعالجت عندهم عصب كل من شافه دكتور سالني من سواه لج .. شغله نظيف
اللبنانية جربته علاج .. ود كتور جورج قال لي انهم نفس شغل عيادة د تميم بس الاسعار ارخص بنسبة 25%