الله يبارك فيكم
اي بنك اسلامي اعلى في الارباح
ولكم جزيل الشكر
عرض للطباعة
الله يبارك فيكم
اي بنك اسلامي اعلى في الارباح
ولكم جزيل الشكر
على حسب المدة..
يعني في المصرف اذا حطيت وديعة لمدة 5 سنوات,, ممكن توصل الأرباح السنوية الى 7%..
في الدولي ,, وديعة لمدة 18 شهر(سنة ونصف) ممكن تصل الى 6%..
والله أعلم..
وبالتوفيق ان شاء الله
الله يبارك فيك اخوي سهم عتيج
ونشوف ردود اخواني
بنك الدوحه الأسلأمي 6,5 % في السنه .
الله يعطيكم العافيه
حبيت اذكر لكم بنك قمة في المعاملة والشفافية وانا اتكلم عن تجرية لي ولم اسمعها من اي شخص
مصرف الريان من البنوك اللى تقدم نسبة 5.7% لكل 3 شهور (فايف بوينت سفن)....لكن
اعتقد العمولة اصبحت اقل لهبوط معدل الفائده ولاعلم لي عن المعدل الحالي, لأن عقدي يستمر مع المصرف الى حين كسري الوديعه بنفس النسبة.... وبعدها تطبق العمولة اذا وقعت عقد جديد مع البنك
اعتقد افضل بنك موجود بين البنوك الاسلامية من حيث الاهتمام والعمولة وانا من عملائة وسعيد جدا معاه
تحياتي للجميع
بارك الله فيكم اخواني
اخوي قطري تنصحني في المصرف الريان
وهل اعلى الارباح هو الريان
اخواني ممكن اعرف وش المقصود بالوديعه يعني شنو بالظبط تتكون من شنو
وكم لازم يكون سعرها الوديعه تحطها تبدا من كم السعر الوديعه ؟؟؟
اسموحلي ترا انا غشيم بهالسوالف
بوعليا...قبل لا اكتب لك عن الريان حبيت اوضح لك شيئ افضل تسوية ولمصلحتك,اقتباس:
المشاركة الأصلية كتبت بواسطة boalia
اتمنى واعتقد انت من تبحث عن الدخل الحلال, احصر البنوك الأسلامية الموجودة (المصرف, الدولي, الريان, والبنوك الربوية اللي اعلنت اسلامها مثل الوطني, الدوحة, الأهلي, التجاري وغيرها....
اتصل على البنوك اذا تبحث عن افضل عرض واهي اكيد منفعتها بنكون لك لأنك انت صاحب المال, او ادخل المواقع الألكترونية وقارن بينها اذا تبي توفر وقت وركز واعيد عليك بكلمة ركز, على نسبة المرابحة واكيد تأكد على المدة, هناك بنوك تعطيك من 3 شهور, 6 شهور, سنة, وانت طالع....واكيد كل ماتزيد بالمدة ترتفع المرابحة....لكن حط في بالك اذا احتجت للمبلغ في أي ظرف كان وما كملت المدة المتفق عليها مع البنك, كل المدة اللي صبرت عليها بتروح عليك وما تستحق أي مبلغ...ويفضل تكون مدة صغيره يعني انا شفت أقل مده كانت 3 اشهر.
اما بالنسبة لمصرف الريان, انا اتكلم عن تجربة لي انا مع الذكر والله ما اعرف أي شخص او أحد نصحني على المصرف, او حتى املك اسهم للريان لمدحي له..
الفايده لمدة 3 اشهر كانت 5.7% والوديعة تستمر في حسابك كل 3 اشهر مع التجديد التلقائي دون أي توقيع اذا ما كسرت الوديعة, وفي بعض المرات المبلغ اللي استلمه احيانا يكون على شكل شهري, ودون عناء او حتى مشاكل....فعلا بنك صريح وذكي في كسب عملاء...
الكوظفين الموجودين, (قطريين) وياحلاة اخلاقهم, فهلا رجال قمة بالأحترام, وبنات الله يستر عليهم قمة بالحشمة وللجميع الأحترام
يعني من دخولك البنك تستمتع بالمنظر فمابالك بالمعاملة, انا ارجح مصرف الريان وبقوة, واكيد ولا مرة حصلت هناك زحمة, وأول شي يستقبلونك في كلمة وابتسامة تبين انه مصرف مميز وادارة محترمة, وانا أييد الريان
ارجح انك تسأل عن نسبة المرابحة الحالية, لأني ما ادري عنها أي شيئ حاليا, على حسب علمي تغيرت الحين
واتمنى لك التوفيق
المصرف الاسلامي
كل 3 شهور تقريبا 3 ونص الى 4
الوديعة هياقتباس:
المشاركة الأصلية كتبت بواسطة فـــــواز
انك تحط مبلغ معين عندك في البنك
وتخليهم هم يشتغلون لك بالفلوس
وبنهاية المدة اللي انت تحددها
3 شهور او 6 شهور او سنة او اكثر
يرجع لك المبلغ كامل + نسبة الارباح
مثلا عندك 10 آلاف ريال
تخليها بالمصرف
بنهاية السنة يرجعلك 10500 ريال
لو كانت الفائده 5%
اقل مبلغ للوديعة اظن 10 آلاف ريال
اخ فوازاقتباس:
المشاركة الأصلية كتبت بواسطة فـــــواز
اتمنى افيدك بمشاركتي عن الودائع....تسمع وتقرا دعايات البنوك في الجرايد ومن الناس واكيد قريت هالموضوع...انا اوضح لك. البنك يعلن عن نسبة المرابحة اللي يعطيك اياها فقط اذا اودعت (حطيت فلوس في حساب خاص فيك عندهم من دون ما تسحب المبلغ) يعني رحت بنك من البنوك اللي توفر لك نسبة مرابحة (فائدة في البنوك الربوية, واسمها مرابحة في البنوك الأسلامية) وحطيت مبلغ مالي (بعض البنوك تشترط عليك مبلغ معين لكن الأغلبية من 25000 ريال وتعطيك نسبة الفايدة اللي تستحقها من ايداعك هالمبلغ في البنك)
نفترض عندك مليون ريال قطري ورحت مع رفيجك لبنك قطري عرض نسبة 5% فايدة لكل 3 شهور, يعني يطلع لك 5000 ريال لكل 3 اشهر وكثر مايكبر راس المال وتزيد المدة ترتفع الفايدة....بس بشرط ماتكسر الوديعه( اقصد بالكسر انك تسحب المبلغ من البنك وانت ما كملت المدة اللي متفق مع البنك عليها) هنا يرجع لك فلوسك دون ارباح
اود ان اذكرك, الفرق بين الأسلامي والربوي هي طريقة تشغيل فلوسك (الربوي يعطيك فلوس مقابل فلوس وهذا حرام في الأسلام, اما البنك الأسلامي فعلا يشتغل بالفلوس اللي اودعتا ويعطيك حصتك لأنك صاحب راس المال, وهنا حبيت اوضح لك ان مشايخ في كل مكان اقروا بحلال هذا المبلغ دون تطهير للمبلغ وفلوسك اعتقد تعمل بطريقة حلال)
هنا طريقة ثانية يستخدمها البعض لكسب مبلغ من المال بطريقة حلال في (بنك اسلامي) والفرق ما بين استثمارك في البورصة والوديعه (البورصة تستثمر انت فيها وراس المال علية خطر وانت موب متأكد من المبلغ اللي يطلع لك وبيكون على حسب حالة السوق, اما الوديع اتفاق مابينك وبين البنك, تعطيه مبلغ وتأخذ فايدة او مرابحة وراس مالك ثابت وتقدر تاخذه في اي وقت يعني ماعلية خطر)
اتمنى شرحت لك دون ملل واذا عند سؤال اكون سعيد بالأجابة
تحياتي
الله يجزاكم الف خير بيض الله وجهيكم على التوضيح
اخوي قطري بارك الله فيك
هل الوديعة عليه زكاة سنوية ؟
و اكون شاكر لك
اخوي الكريم الزكاة هي اخراج من المال وما اعتقد فيها سؤال وهذا احد ركائز الدين وتأكد المبلغ اللي يخرج منه زكاة يتبارك ويزيد...اما اذا سؤالك عن التطهير الجواب لا...على العموم انا ما افتي ولا حتى املك علم لكن هذي مجرد اساسيات لازم الشخص القادر والمقتدر اخرج الزكاة للمحتاج والمسكين...واتمنى تسأل اكثر من شخص, سبحان الله اكاد اكون على خطأاقتباس:
المشاركة الأصلية كتبت بواسطة boalia
www.zf.org.qa
هالموقع بيساعدك على معرفة مقدار الزكاة الواجب اتخاذها من مالك ولك التحية منى
بارك الله فيك قطري
وكل اخواني
اخوي قطري .. حتى لاتختلط الامور علينااقتباس:
المشاركة الأصلية كتبت بواسطة Qatarii
الوديعة في اي بنك اسلامي .. هي مثلها في اي بنك ربوي
اي انهم يستثمرون اموالك .. ويعطونك الارباح من الاستثمار
الفرق .. انك في البنك الاسلامي .. مطمئن ان استثمار اموالك بطرق شرعية اسلامية
اما في البنوك الربوية .. فهي تستثمرها حسب ماتراه هي .. اسلامية او غير اسلامية
اما الطريقة فهي نفسها .. مبلغ الوديعة مقابل نسبة ثابتة من الارباح كل 3 اشهر او 6 او سنة او اكثر