الصالون واسعاره يبي وقفه من حماية المستهلك
الصراحه شي فاق الخيال
والفاتوره عندي
ياحماية المستهلك الصوالين خاصه اللي ادارتها لبنانيه لاعبين لعبتهم
نبي توحيد تسعيره
الله يخليكم
عرض للطباعة
الصالون واسعاره يبي وقفه من حماية المستهلك
الصراحه شي فاق الخيال
والفاتوره عندي
ياحماية المستهلك الصوالين خاصه اللي ادارتها لبنانيه لاعبين لعبتهم
نبي توحيد تسعيره
الله يخليكم
الحل انك لاتروحين الصالون.. دوري صالون ارخص
اختي سكر نبات لا فديتج الحل يبغي لهم تأديب ع جشعهم وقوانين صارمه وتوحيد في الاسعار لكل خدمه انا رحت عندهم وقبل اسوي اي خدمه سألت عن الاسعار اتفاجأت من اسعارهم خذيت روحي وطلعت
قاطعوهم ولا تروحون عندهم
والله في بنات تجي البيت وشغلهم افضل منهم واسعارهم ارخص
دام الاداره لبنانيه وعارفين ان اللبنانين مش محتاج نتكلم لان الكل عارف انهم شعب يموت بالفلوس فاصبح لا تروحي لهم وشوفليك بديل واكيد راح تلاقين ان شالله الاحسن
تصدقين كنت جيتهم ليلة عيد هاي لايت وصبغ واستشوار وشريت شانبو وقناع بالف وخمسمائه وشي
امس رحت هاي ليت وصبغ وش تتوقعين يعني هاي لايت وصبغ بس 2200
طبعا انا تسعيرتي غير الاخت اللي قبلي غير اللي قبلها
والحساب حسب الزبونه وش لابسه
لهذه الدرجه مظاهرنا مهمه لهم
حسبي الله والنعم الوكيل
اتصلت اليوم كاتبين بالفاتوره هوم سرفس يعني كانهم مقدمين لي الخدمه بالبيت يعني مدبلين الثمن
الفاتوره عندي وماراح اسكت
مدري حد من حماية المستهلك يمر علينا بالمنتدى يقرا مواضيعنا او هم لا ارى لا اسمع لا اتكلم
مدري ليه الصالونات اللي ادارتها لبنانيه ما نشوف حماية مستهلك ولا نشوف بلديه ولا نشوف لائحة الاسعار
والا ما يدلون هالصالونات
شكلي بجيب لي وحده على كفالتي لي بالبيت والله مش حاله :anger1:
لا تروحين لهم
مادام انتي عارفه السعر من قبل ورحتي
لا تقولين ليش وليش
الصوالين صارت كثر محلات السوبر ماركت ماوقفت على صالون واحد
انا اكيد ما راح اروح مره ثانيه لكن بظل المشكله نفسها هي هي لازم يتادبون لكن من بيادبهم
والله يبي لهم تاديب
واتصلت ابي الاخت فاديه قالوا ماحد بلبنان يعني ما تدري الا بالمسج اللي يوصل من حسابها
لكن حماية المستهلك لازم يكون لها دور لا قادرين على خيايط ولا صوالين
خيايط رحنا الرياض ورحنا دبي ورحنا الصين ورحنا الكويت والاحساء والخبر
لكن الصوالين بعد نسافر والله مشكله
بس انتوا اتصلوا قولي لها كم الهاي لايت وكم الصبغ
حتى لو الشعر قصير من 1200 ل 2200
والصبغ بيتراوح ما بين 400 لجذور كيف لو صبغ كامل وكيف لو كان شعر طويل
وهو الصبغ حده 60 ريال لعلبه وقفاز فري
يستاهلون مادام مابه رادع
اجار صالون ورواتب عاملات كله فوق الفاتوره
سياستهم كذا
رايحه عند فاديا وب:)دك سعر رخيص ؟:)
مو مشكله فداكي ..في سبيل الجمال تهون المصاعب
:nice:
يختي يا كازو النسوان معطينها وش و ما بشوف شغلها بفرق كتير عن صالونات تانية ..
اصلا انا لو بدي اتعلم بصير احسن منها http://i106.photobucket.com/albums/m...s/connie_1.gif
بس مشكلتي مو فاضية
http://i106.photobucket.com/albums/m...s/TFR25png.gif
:shy:
سبحان الله انسب وننتقد المحلات ونتعامل معاهم وبخصوص حماية المستهلك الله يجزاهم خير على امور كثيرة والكمال لله وحده معنى حماية المستهلك تبيه وتوعية وارشاد المستهلك مب بس على الاسعار الله يرحمنا من الفسقة اللي وصلنا لها
ياريت بس لي صالون فاديه كل الصالونات صارت نهبه وبوق ولاحد يردهم
الذهاب لصالون آخر ....ليس هو الحل
مادام ليس لنا جهة تحمي المستهلك الكل يطمع فينا
واكبر دليل المعارض التجارية ولهيب الأسعار مقارنة بالسعر الحقيقي للسلعة قبل المعرض
اسوأ استغلال لللقطريين من كل صوب!!!!
مب بس صالون فادية
كلهم صاروا حرامية واسعارهم خيالية ..
أنا إذا متأكدة من السعر وعارفته
مستحيل أدفع ريال زيادة
و الهشي تكرر معاي أكثر من مرة
أقول لهم ما راح دفع أكثر من اللي دفعته المرة اللي فاتت
و لا خلاص بشوف صالون ثاني ..!!!
بس بعد لازم حماية المستهلك يتدخلون
و يلزمون الصالون يحط قائمة أسعار
مب يسعرون الشي بكيفهم
و كل وحدة لها سعر ..!!!!
مشكله بناتنا يدورون الغالي عشان عقب تقول صبغت في فاديا يعني شوفيني ..
ممكن اعرف مكان الصالون
قبل لا تلومون حماية المستهلك لوموا المستهلك
هذي اشياء مهب ضرورية تقدرون تستغنون عنها
المشكلة تروحون وتشوفون الاسعار وترجعون لهم وبعدها تتشكون !!
لو كل مستهلك حس بدوره وقاطع غصبن عليها بتنزل الاسعار
لكن لما تشوفكم تدفعون وش اللي بيمنعها ؟ الا بتزيد عليكم بعد
اللي أعرفة أن لائحة الاسعار شرط أنها تكون عند الباب ولو ما شفتيها المفروض تطلبينها وإن ارفضوا هدديهم بحماية المستهلك وراح يطلعونها لج .
2200 صبغة ؟؟ عسى ماشر ليش صابغة بماي الذهب ؟؟؟
600 واقول وايد اشلون 2200 ؟؟
والله اسراف هذا
حسبي الله عليهم هم يرفعون وحنا ندفع >< وللأسف في بعضنا مايعترض ..
لاحظت الصالونات اللي فالفنادق أسعارهم أرخص من الصالونات اللي منتشر في قطر >> زرت اللي في شيراتون بس مادري عن الفنادق الباقيه :nice:
الله المستعان والله اتذكر العام اللي طاف كنت في الاردن وافخم صالون انا واختي سويت تنظيف بشرة جلسة ساعه واختي بدكير واخذت كريمات ماركة جينتو طلع الحساب 76 دولار انصدمت بس يوصلو الدوحة يعلو الاسعار صراحة انتو عطينهم ويه انا من اتزوجت للحين مادشيت الصالون غير 5مرات كل شئ اسويه بنفسي حتي لو رايحة عرس مكياجي وشعري اسويها بروحي لان الصبغة معروفه تسقط الشعر موناقصه وكله والاستشوار احس راسي بتنفجر من حرارته الطبيعه احلي والله ريلي يتصل ويدري اني في الصالون يتم معي لين اخلص مايحبني اذهب الصالونات من سمعتهم الزينه علي فكرة كنت رايحة الصالون عشان جلسات تساقط الشعر بعد الولادة دفعت في المشاطه 1500ومارحت غير 3مرات من خمس سنوات الحين ماادري باسعرهم اشوف قاطعهم احسن والله وتيبي علي كفالتك وتخلينها حج هالسوالف ابركلك وهذا رأي
والله روحي صالونات ارخص
سوري اختي
البنات يتشكون غالي وغالي محد قالكم
تروحون حق هالفاديا وحق هاليحيى والزكريا !!!
وايد صالونات ارخص وبروفشناااال
من زين شغلهم اصلن
اخبر رفيجتي اصبغت شعرها وقصته واسحبت لون وحطت كريم عناية ب 4800 ريال
شدعوة شنطة ولا ساعه >< !!
من يوم هذا الصالون ما أشتغل والاهل عندهم .. وأسعارهم ما تغيرت
وعندهم قائمة بأسعار جميع الخدمات ..
والصبغ والهاي لايت .. اسعارها واحدة في كل دول العالم مب في قطر بس .. في الامارات ومصر ولبنان وتركيا ..لانها بدون امونيا
حبيبتي هالاماكن (الراقية)
عندهم طريقة خبيثة ومبتكرة للنصب على الفتاة القطرية
رفيجتي كان عندها موعد وياهم 11 الظهر عشان تصبغ شعرها وتقصه ..
اول ماجات قالت لها كم السعر .. ؟ قلت لها بنتفق مابنتخالف ان شاء الله
لانه على حسب نوع وطول الشعر
ورفيجتي شعرها طويل واسود حبت تقطعه وتفتحه شوي
المهم قالت لها شعرج اسود لازم نسحب لون ونحط كريم وماسك علاج ونصبغه
اول شي سوت سحب اللون وخربطت كريمات ف شعرها
بعدها حق القص هي كانت تبي فاديا تقص لها
عاد فاديا ماتتنزل واقفة ع راسها ووحدة ثانية تقص لها واخر شي بس قصت لها الكذلة
وعقب جا وقت الصبغة حطو لها الصبغة ماصبغت ومرة ثانية ماطلع نفس اللون قصت عليها قالت لها مع الغسيل بيكون اللون المطلوب
يوم رفيجتي جات تدفع قالت لها 4800 والله انصدممممممت
تمت تطالع الفاتورة
حاطين لها ان فاديا قاصة شعرها سعر ثاني وفاديا مامسكت شعرها الا بس للكذلة ومسكت المقص مرة هاي مانسميه قص
وحاطين لها علاج
ماسك شعر
غسيل شعر
سحب لون
وصبغة مرتين
والله تمت ف الصالون من 11 لين 4 العصر واخرتها شعرها يلوع الجبد متحسفة وامها زفتها زف وتمت تنطر امها تجي تدفع لها الباقي
آآآآخ لو كنت مكانها :anger1: جان علمتهم