السلام عليكم ورحمة الله وبركاته
أخواني الاعزاء
سؤالي بارك الله فيكم هل فيه حد نزل له القرض الاضافي ؟
ومتى نزل بعد استلام اول دفعه من القرض الاول ؟
تمنياتي بالتوفيق للجميع :)
عرض للطباعة
السلام عليكم ورحمة الله وبركاته
أخواني الاعزاء
سؤالي بارك الله فيكم هل فيه حد نزل له القرض الاضافي ؟
ومتى نزل بعد استلام اول دفعه من القرض الاول ؟
تمنياتي بالتوفيق للجميع :)
السلام عليكم و رحمة الله و بركاته ...
بخصوص سؤال أخي الكريم ... لم يتم حتى الان دفع اي مبالغ من القرض الاضافي للمتقدمين.
على حسب علمي انه لم يتم حتى الان اعتماد قائمة اسماء المنتفعين للقرض الاضافي حتى تاريخه من رئيس مجلس ادارة البنك.
ارجو انني افدتك ... و ان كانت هناك اي مستجدات فسوف انوهها ان شاء الله.
تقبل مروري بود و محبه
وعليكم السلام ورحمة الله وبركاته
شكرا لك جزيلا اخي العزيز على هذة المعلومات لكن فعلا شيء محزن
أن مثل هذة الامور الى الان لم تتضح بعد وخاصة أن هذا الامر يعتبر مصيري للبعض
وأنا اولهم .
عندي لهم مراجعه حتى احصل على الموافقة مع العلم أنني وفرت لهم جميع الشروط المطلوبة .
أسئل الله العلي القدير التوفيق لكم ولي .
اخوي سمعت عن بيض الصعو
هاذه هو الله يسلمك
انا اليوم عندهم
وفرت لهم كل شروطهم التعجيزيه...
وسألت المسؤول قالي بالحرف الواحد لحد الحين مانزل القرض حق حد....
لانه ما بين شي عندهم ولين الحين الموضوع شكله مطول وفيه اجتماعات.
وعلى فكره كل يوم تغير طلباتهم...
والله العظيم حرااام الي يصير باهل قطر ...
وانا من هاي الموضوع اطالب بمحاسبه المسؤول عن هاي التأخير...
يا خي ما يبيلها فهلوه زياده امر من سمو الامير صرفوا اصرفوا خلاص لازم تسوون فيها خبراء ذره.. عذرهم انه نبي انتأكد من الي ياخذ القرض انه يبني.
انا ما اقد اقول الا الله المستعااان ويعين اهل قطر على هاي النوعيه من المسؤولين...
انا اتمنى يوم من الايام اواجه سمو الامير....والله العظيم لاقوله عن الي يصير في بنك التنميه ..وخصوصا في اهل قطر ...
اسف على الاطاله ...
لانه الي اشوفه كل يوم في بنك المصخره حرااام يصير في اهل قطر والله العظيم شيبان وشباب يبيون يكملون بيوتهم والي مسحب معاااه المقاول والي رايح وراجع عليهم رابع مره والموظفين ..مايدرون شسالفه لانهم مساكين ما يعرفوووووون وش السالفه!!!
انا اتمنى انهم يحولونها على البنووووك خلاص
وكل واحد يخلص من بنكه
بلا بنك التنميه بلا مصخره والله....
اسمع اجراءات القرض الاول تختلف عن الثاني
الاول ما عندك مشكلة
والمشكلة في القرض الثاني
كل مئة الف عليها حسبة من قسط وفوائد
مب مشكله على الفوائد نبي نعرف شلون ناخذه والله ان الموظف اهناك شكله مايدري شالسالفه والمقاول عنده مليون شغله غيرنا مب فاضي حق كم بيت ٥٠٠ متر ، الله يعين الجميع والله
نطالب سمو الامير الشيخ حمد بن خليفه ال ثاني ، الله يخليه ذخر لنا انه يتدخل شخصيا للحل من هالمشكله وصرف القرض الثاني بسرعه
لو عرفت الفوائد وقيمتها
يمكن ما تفكر تأخذ القرض الثاني
كلش يهون الا سواء المعامله الله يهديهم كانك اطر منهم ماهو قرض على ظهرك ولا بعد والله مااحد يدري شسالفه..
اما بخصوص القرض الثاني الجماعه مسافرين وانتو اصبرو الى ما بعد الصيف راح ينزلو القرض..
حسبنا الله ونعم الوكيل ،،،
الله يصبرنا ويصبركم وييسر لنا ولكم ..
الله يعين الجميع ان شالله.
والله يا خوي انا موسع خاطري من زمان معاهم!!!
واليوم كنت عندهم وابشركم طلبوا شغلات جديده مني !!!!!
قالوا جيبلنا كتاب من عندك بترشيحك للمقاول وكتاب ثاني بترشيحك للاستشاري !!!!!!
شلووون ارشحك والشغل بلش عندي من زمان وانا الحين في الطابق الاول . . .
قلنا معليه بنجيبه... لكم
قالوا بعد جيب لنا كتاب من المقاول يحدد لنا الكميات الي راح يصرفها بالقرض الثاني!!!!!!!!!!!!!
((((قولولي وش الفايده من هاي الشي ))))!!!!!
يمكن انا ما افهم
وقالوا جيب لنا كتاب من المقاول ...يحدد فيه المده الزمنيه للمشروع ((جدول زمني))
ههه ههه ههه ههه
والله شي ضحكني اليووووم
غير الكتب الثانيه الي طلبوووها
يالربع والله انتوا مب مصدقيني
والوضع صار تعجيزي في بنك المصخره!!!
وانا اطالب سمو امير البلاد المفدى بالتدخل في هاي الوضع السيئ...للمواطنيين
مع العلم مبالغ القرووض نازله من الدوله في البنك من فتره مش بسيطه....
وانا ما اقول الا الله المستعااان
والله يصبرنا
حسبي الله ونعم الوكيل ، وعلى هالموظفين بالبنك ،، ودمهم ثقيييييييييييييييل ،، :shy:
اعتقد اخواني الاعزاء والله اعلم
اننا حاليا لازلنا في القرض الاول وممكن وقت ما ننتهي من القرض الاول
تبدء دفعات القرض الاضافي .
سئلت السؤال وتوقعت انه نزل لاشخاص لكن من خلال الردود اصبت بخيبت امل بصراحة :(
لا حول ولا قوة الا بالله
ملتزمين بدفعات مع المقاول .. وأنا شاد حيلي ومركز على الشرط الجزائي :telephone:
للحين في دفعات القرض الاول أن شاء الله تتعدل الامور ويقدر الواحد يخلص
بيت الأحلام ( لانه فعلا في وقتنا هذا أصبح امتلاك منزل يعد حلم والله المستعان ) :eek5:
الله كريم إن شاء الله
حطمتونا بصراحة :(
لا تتحطكم
خلك قوي
وادخل البحر
هالبحر شكلة ماله مريال :(
كان الله في العون
كنت اليوم عندهم وبعد السؤال جميع الطلبات تنتظر
الموافقة من المسؤلين الغير موجودين يعني نتحمل الزحمة والاستئذان من الشغل وانتظار الدور وفي النهاية مافي شيء مع العلم انهم انسى يردون على التليفون :weeping:
لكن الخبر المفرح ان القرض الاضافي راح ينزل بدون مشاكل ان شاء الله
فقط الموضوع محتاج صبر ودعاء للمسؤلين انهم يرجعون سالمين من الاجازة السعيدة :victory:
ان شاء الله
بمزيد من الحزن والأسى تلقينا نبأ بعدم نزول القرض الثاني ،، لحد الآن
وبدورنا نتوجه إلى مدير بنك قطر للتنمية وأحبائه بالتعازي وسائلين المولى عزوجل
إن يمن عليهم بالصبر والسلوان والشفافية
وان يتغمد المكرمة بواسع رحمته
إنا لله وإنا إليه راجعون:shy::shy:
لا حول ولا قوه الا بالله
متى وعلى اي خط
وليش ما قالوا متى بينزل
ان لله وانا اليه راجعون
يعني خلاص
المكرمة راحت
خرعتونا الله يهديكم ... :)
اللي سمعته انه القرض ما زال في طور الدراسة
فلو نزلوا المبلغ في حساب المقاول وتصرف فيه تصرف خاطىء فمن من يطالبون بالمبلغ ؟! العميل والا المقاول ؟!!
ولو نزلوا المبلغ في حساب العميل ... صار ربى.
القرض الاضافي ينزل في حساب المقاول
مع متابعة البنك لسير المشروع .
يعني كل شيء مخطط له في السابق وما يحتاج دراسة جديدة .
السؤال + المشكلة الكبيرة من قدم على القرض وخلص الدفعات
والمشروع قيد التنفيذ وتعطل على القرض الاضافي ايش يعمل في هذة الحاله ؟!!
أن شاء الله ما نصل لهذة المرحلة وتكون الامور تيسرت قبل هذا :)