السلام عليكم ورحمه الله وبركاته
عندي مبلغ بسيط من المال والصراحة صايرة افكر بالمستقبل ودي احسن دخلي وافكر بحياة العيال ومااعرف ابتدي من وين وكل مااقول بسوي شي اقول اخاف اخسر وتروح علي فلوسي واندم :(
فشنو اكثر شي مضمون حتى لو ايدخلي ربح بسيط :shy:
عرض للطباعة
السلام عليكم ورحمه الله وبركاته
عندي مبلغ بسيط من المال والصراحة صايرة افكر بالمستقبل ودي احسن دخلي وافكر بحياة العيال ومااعرف ابتدي من وين وكل مااقول بسوي شي اقول اخاف اخسر وتروح علي فلوسي واندم :(
فشنو اكثر شي مضمون حتى لو ايدخلي ربح بسيط :shy:
؟؟؟؟؟؟؟
حطيها وديعه في بنك اسلامي وفايدته ممتازه للمده اللي انتي تبي تحددينها سنه سنتين ....
والوديعة هي
انج تحطين مبلغ معين عندج في البنك
وهم يشتغلون لج بالفلوس
وبنهاية المدة اللي انتي تحددينها
3 شهور او 6 شهور او سنة او اكثر
يرجع لج المبلغ كامل + نسبة الارباح
وبالتوفيق لج
الوديعة عليها عائد بسيط جدا ولكنها مضمونه..
كل راس مال وله مشروع مناسب .. يعني على حسب كم راس مالج ممكن بعدها تحددين المشروع
الله يوفقنا واياك
اختي ممكن تبتدين بشغله بسيطة لان راس المال الي عندج بسيط
اعطيج اقتراحي وانا اشوف وايد صراحة انجحو في هالمشروع ..
لو كنتي تجيدين الطبخ .. انصحج تجيبين شوية عاملات وتاخذين رخصة مطعم وتسوين طباخ في البيت
مثل بوفيهات او اكلات شعبيه او حلويات .. هالمشروع وايد بنات اسبقوج فيه ومدخولهم ممتاز
خصوصا لو كان الاكل حلو ..
وغير في ناس تسوي عقود شهرية ريوق وغيره .. مشروع بسيط راس ماله بسيط بس اهم شي النظافة والطعم والاسعار المعقوله
اختي بالنسبة للمبلغ اللي عندج حطيه وديعة في مصرف قطر الاسلامي لمدة سنة وتجدد تلقائي.... والله يرزقج من واسع فضله....
شوفي أختي ، أنا من وجهة نظري المتواضعة أشوف مبلغ 50,000 ريال في هالوقت ما تفتح مشروع ولا تسوي شي ، بالعكس بتخسرين فلوسج ، وإقتراحي هو نفس ما قالوا الأخوان تحطينها وديعة في بنك إسلامي لمدة 3 شهور وتا خذين أرباحها وبعيد تردين المبلغ مرة ثانية وديعة أحسن لج ..
والله يرزقج الرزق الحلال الطيب .
تبين نصيحتي دخليه في الورة
أشتري عراوي 2009 بأ 60.000 وكل شهر 4000 ريال
لمدة 6 اشهر قابلة للتجديد وإذا ماجددوا أقلبيها باسم عيالج ودخليه مرة ثانية وهكذا
شاكره لكم هالردود الطيبه
وبانتظار اراء اخرى
لكم مني كل الشكر والتقدير
فكرة المطبخ حلوة
الكل يبي ياكل هالايام
خصوصا مع قلة الخدامات والسيدات اللي لهم نفس طباخ
مغسله - محل حلويات - محل ملابس
واقدر اسوي لك خطة المشروع
ومنكم نستفيد :)
الله يوفقج عزيزتي وشكلي باخذ مبلغ شهري وبدخله في الوديعه
فكرة البيكام حلوه .. بس اشلون؟
وبعد فكرة المغسلة ومحل الحلويات والملابس حلوه .. بس بعد شلون؟؟؟؟؟؟؟؟؟؟؟؟
الله يوفق
مغسلة الملابس نوعين وهي مربحة لو تلقى إدارة جيدة
الأولى متواضعة ماغير غسالة صغيرة وطاولة وأوتي صناعة الهند وكلها على بعضها ماتكلف 15 الف وربحها شهريا من 1000 لين 1300
الثانية متطورة بالبخار وتكلفتها من 80000 لين 130000 على حسب الفخامة ودخلها شهريا مع الإدارة الجيدة من 5000 صافي لين 9000
بس أول سنة لاتحسبين أرباح
والله موضوع الاستثمار ذو شجون
انا من رأيي إذا لفلوس فيها بركه بتكثر..
لو مافيها بركه.. سلمي عليها..
خذي عراوي للوره او حطيه وديعه في البنك غير كذا ماتضمنين
الله يوفقك انشالله
موووووووووووووفقه ان شا الله
وانا لو بداالج احطها وديعه
الورة ماتقبل مواتر إلا بالتي واللتية لاتشترين وتطورين انشدي أول
يعطيكم العافية جميعا
اللي اعرفه ان الوديعه ارباحها بسييطة جدا
زين ممكن حد يقول كم يعطون على المبلغ 750 الف فوائد لو كانت الوديعه لمدة 6 شهور ؟؟؟
كم كل شهر!!
وديعة السخاء
مصرف قطر الإسلامي
النسبة تقريبا 5.2 %
وديعة سنة كاملة
المبلغ المودع 750,000 ريال
شهريا ينزل لك 3,250 ريال.
6 شهور 19,500 ريال.
12 شهر 39,000 ريال.
الدولي الإسلامي
النسبة تقريبا 5.75%
وديعة سنة كاملة
التوزيع كل 3 أشهر
المبلغ المودع 750,000 ريال
كل 3 شهور 10,781 ريال.
وديعة سنتين الدولي الإسلامي النسبة قد تصل إلى 6.75 %
بيض الله وجهك اخوي القناص
ممكن ولا عليك امر تحسبلي الأرباح بالنسبة للسنتين
لنفس المبلغ المذكور 750
بإمكاني أفيدك بس ع الخاص
إذا يناسبك .
مبلغك 750 ألف ريال (وديعة السنتين) بتكون الحسبة كالتالي:
كل 3 شهور ينزل لك 12656 ريال. ( إذا النسبة 6.75%).
كل 3 شهور ينزل لك 12187 ريال ( إذا النسبة 6.5%).
كل 3 شهور ينزل لك 11625 ريال . ( إذا النسبة 6.2%).
النسب في البنوك الإسلامية مختلفة بس أنا ذكرت لك تقريبي
بمعنى كل توزيع نسبة مختلفة بس إن شاء الله لا تقل عن 6%
لوديعة السنتين في الدولي الإسلامي.
مرحبا اختي مسمس12
بارك الله فيكي وجزاكي الله خيرا وان شاء الله خيرا وبتمنى لكي التوفيق والنجاح وان تستفيدي من هالاراء من هالاعضاء الطيبين بارك اللهم فيهم وهداهم ورزقهم ان شاء الله
اختي لدي اقتراح صغير انا دخل جميل بأذن الله تعالى كل شهر تحصلي على عائد بين 1500-2000 ريال قطري
وهذا المشروع حلال ونسبة الخطورة منخفضة و يحتاج الى راس مال 50000 ريال قطري وهذا المشروع خيري قبل كل شئ
واتمنى اختي ان اعجبتك اقتراحي ارجو التواصل عبر الخاص وان شاء الله ربنا يجازيكي خيرا
وبانتظار تواصلك اختي