مرحبا بكم جميعا ً
احببت اخواني الكرام
عمل احصائية سريعه
حول مكاتب الوساطه التي تتعاملون معها في
بورصة الدوحه
ولنرى ايها الاكثر
ونشووف آراؤكم
وياهلا فيكم :)
عرض للطباعة
مرحبا بكم جميعا ً
احببت اخواني الكرام
عمل احصائية سريعه
حول مكاتب الوساطه التي تتعاملون معها في
بورصة الدوحه
ولنرى ايها الاكثر
ونشووف آراؤكم
وياهلا فيكم :)
بالنسبة لي كل تعاملي مع بنك قطر الوطني
حالياً افكر افتح حساب مع المجموعة
ياهلا فيك اخوي الكريم
قطري
تسلم على التواصل ياغالي
يعني انت مع الوطني
بالنسبة لي مع الاستثمارات الخليجيه و مؤخرا ً عملت لي كم صفقه
عن طريق البنك الاهلي
وسبق وتعاملت مع الاسلاميه
لكن المكاتب اللي مش بنوك
عيبها ان لازم يعني تفتح حساب عندها
مثال الاسلاميه لازم اكون فتاح حساب بالدولي اذا ابي اشتري وابيع بنفس الوقت
وكذلك اكثر من مكتب
لكن اللي فعلا ً معاملتهم تعجبني الاستثمارات الخليجيه
التعامل مع الوطني صعب شوي لان قبل تنفيذ عملية الشراء يتم حجز المبلغ من حسابك واذا بعت شي انتظر 3 ايام لين تقدر تشتري مرة ثانية وفي عندهم التداول عن طريق فتح حساب استثمار عن طريق التليفون .... مع ذلك ياخي تحس بطمأنينة معاهم لانه يعتبر بنك الدولة.
بس مايمنع ان يكون عندك اكثر من وسيط يعني لو تهاوشت مع واحد في الثاني سبير :)
تحياتي لك
السلام عليكم ....
المجموعة وسيط ممتاز ..... واي صفقة تنباع على طول يكون المبلغ في جسابك
وشكرا
سلام عليكم
ارجوا ان يتم اقرار التداول عن بعد اكيد من خلال الوسيط ولاكن التحكم شي جيد
و شكراً
السلام عليكم .
اشكركم على افتتاح هذا المنتدى أولاً ومن ثم طرح هذا الموضوع.
بالنسبة لي .. فأنا أتعامل مع المجموعة ... طريقة التعامل مع المجموعة ممتازة .. وبغاية السهولة ... حيث يمكنكم البيع والشراء بإتصال هاتفي فقط .. كما يمكنكم البيع والشراء اكثر من مرة بنفس اليوم .. بنفس المبلغ .. واول ما تتم عمليةالبيع أو الشراء يوصلك مسج على الجوال يخبرك بعدد الأسهم المباعة وبسعر البيع والوقت الي تمت فيه الصفقة.. انا حسابي عندهم ومرتاح وراضي كل الرضا ...
ولكم مني سلام.
السلام عليكم ...
أتعامل مع بنك قطر الوطني .. لسهولة التعامل من الحساب للحساب .. لكن فيه مشكلة سلبية كبيرة .. وهو تأخر وصول المبلغ ...
لكن نستنتج أن المجموعة هي الأفضل أداء .. بنفس اليوم ممكن تبيع وتشتري وغير الخدمات عن بعد ... وإن شاءالله بفتح حساب فيه ..
تحياتي
كلامك صحيح 100%اقتباس:
المشاركة الأصلية كتبت بواسطة roadrunner
وترى فتحو فرع جديد عند محطة التييسير للي مايبي يروح السوق ويفتك من الزحمة ومن الـ 3 ريال الي بياخذونها منه مواقف النجادة <<<< بل صج قح حاسبها بالدرهم
تحياتي لكم
كلهم واحد يخدمون الهوامير وبس
لأن في مقابل مجزي نظير هذه الخدمة
اما انتوا فأنهم يجمعون اسهمكم للهوامير بسعر منخفض
صدقوووووووووووني عصابة
على قولة المثل ؟ أخو ؟
شركة العالمية بالنسبة لي جيدة
ومع العلم هناك خدمتين للهوامير وللناس العادين
..........
الموضوع مفهوم خطأ!
لازم تفهم أخوي ان فيه فرق بين السوق العادي و السوق الغير عادي لعملية تداول الاسهم بمعنى في عملية البيع او الشرا لو المبلغ لم يتعدى 5000 ريال قطري يتم التداول مع الاسهم البسيطه في السوق الغير عادي و بيكون المبلغ اقل بشويه من المعروض في السوق العادي اي الاسهم المعروضه و المطلوبه بمبلغ لا يقل عن 5000 ريال قطري.
السالفه مش سالفة هوامير و لا مو هوامير...السالفه قانون السوق!
السلام عليكم
المجموعة .. خدمتهم عجيبه لكن المشكلة من كثر الضغط عليهم كل خطهم مشغول
لكن مزاياهم حلوه سحب الطلب بسرعه وتنزيل الطلب في السوق بسرعه
واهم شي انه عن طريق الهاتف فقط ... وتداول نفس المبلغ اكثر من مره في نفس اليوم
فمان الله
السلام عليكم ورحمة الله وبركاته
بالنسبه لي , فأنا اتعامل مع المجموعه ... والحمدلله صار لي سنه تقريباً او اقل شوي .
بصراحه لا اعتقد اني سأجد افضل منهم في الشراء والبيع , وبهذه السرعه .
وبأمكاني ان ابيع وبعد ان تصلني رسالة البيع على الجوال اشتري بالمبلغ .
وسيط ممتاز ..... ( 100% )
الــمــجــمــوعــة
ماشاءالله
لو حمد المعضادي يقرا ردودكم ياخوان
جان بيخصص لكم مكتب كبار العملاء :)
امزح :)
خطهم مشغول !!!!!اقتباس:
المشاركة الأصلية كتبت بواسطة سوبر سهم
لا راحت علينا :confused: يعني لين قرر الواحد يبيع او يشتري
في وقت الزحمة ماراح يحصل بسهولة :mad:
وشدراك يمكن مسجل معانا في المنتدى ;)اقتباس:
المشاركة الأصلية كتبت بواسطة إنتعاش
مبين من الردود ان المجموعة نمبر ون
اهاااااااااا
والله مادري
كان بو خلف موجود
عيل مساه الله بالخير :)
اشلونكم عندي سؤال ديني الا وهو
هل يجوز اصلا التعامل مع هذه الشركات؟
وشكرا
alnaseer555
هلا فيك اخوي الكريم
بس حبيت اعرف
؟
تقصد الشركات المدرجه بالسوق للتداول ؟
او مكاتب الوساطه ؟
هلا والله
اعتقد (( جابي )) (( زوج ذهبية )) مايقصر بجد يشتريلك على طوووول والبيع مضمون
وكذلك الاسلاميه ممتازة والبنك الاهلي جيد
واعتقد الافضل في الفترة الحاليه المجموعه على كثر الزحمه اللي عندهم بس تنفيذ الطلبات تكون بصورة جيده
والله اشوف المجوعة معاملتهم زينه
انا اتعامل وياهم
السلام عليكم ..
بصراحه انا تعاملت مع اغلب شركات الوساطه من العالمية والخليجية والمجموعه وحتى الاسلامية لكن حاليا اتعامل مع شركة قطر للأوراق المالية .. شركة قوية وتعامل ممتاز وخاصه ان بالتلفون كل شي يصير .. لكن في نقظه على اغلب شركات الوساطة وهي الانحياز لكبار المستثمرين ..
تحياتي
المعرس
السلام عليكم ورحمة الله وبركاتة
أنا اتعامل مع المجموعة
بصراحة تعاملهم ممتاز
;)
المجموعه وسيط مميز مع انهم بعض الاحيان لما تقولهم بيعوا ماايبيعون ولما تتصل ماايردون لكنهم احسن من غيرهم !
المجموعة الفلاع الجديد الي عند التيسير
المجموعة الي قرب التيسير
هلا
سابقا كنت في الاسلامية
وحاليا في المجموعة
والفرق شاسع جدا جدااااااااااااا
المجموعة افضل بكثير وحرام نقارنها بغيرها
التعامل مع المجموعة ممتازة وسريع والي اهم شي ان احسن وسيط بقطــر من وجة نظري انا والمرتبة الثانية بنك الاهلي جيد
المجمووووووعه
البنك الاهلي
بصراحة فأنا أتعامل مع البنك الأهلي,, والحمدلله فهم مايقصرون معاي رغم انني لست من كبار المستثمرين,, ولكن العشرة خلت بينا ود طيب,, والحمدلله اذا آنه اتصلت فيهم فعلى طول مايقصرون معاي ويثقون فيني ثقة كبيرة,, لأنني لم أزعجهم أبدا,, ولم أشتري وحسابي مكشوف ولا مرة منذ ما يقرب 3 سنوات ولله الحمد,, لذلك فانني مرتاح جدا جدا معاهم,, ولا أفكر بالتغيير
ممكن سؤال ملقوف اشلون طريقه فتح الحساب في المجموعه ولا شلون شسالفه ؟
علموني انا نيوووو في هالمجال
ياليت حد يقدر يفيدني
اتجهي الى مبنى المجموعة اما في الدائري الثالث المقابل لوكالة التويوتا,, أو اللي في طريق سلوى,, وما عليك الا اعطائهم بطاقتك الشخصية حتى يفعلوا رقمك بالبورصة,, وتكتبين لهم شيك بمبلغ ما تضعينه عند الصندوق,, وكل ما شريتي شي يخصمون المبلغ والعمولة,, واذا بعتي,, يضيفون المبلغ لرصيدك,,وهكذا,,
وبالله التوفيق
تسلم على الرد مشكور ويعطيك الف عافيه :)
ماتقصر
بنسبة لي فأن اتعامل مع شركتين ..الاول شركة المجموعة الخليجية والثانية المجموعة للوراق المالية.
بنسبة الاول فأن اتعمل معها منذ و ثلاث سنوات فهيه شركة جيدة من حيث التعامل حتى لو فرضنا لوهناك لايوجد مبلغ
في الحساب مجرد اتصال واليوم الثاني ادفع ...
اما الثانية جيدة ولا وان اخر اليام مايردون على التليفون
فالاحسن تعامل مع شركتين حتى لو سمح الله مارد عليك
تحصل الاخرى...
والله يوفق الجميع
اقتباس:
المشاركة الأصلية كتبت بواسطة AEAE
اعذرني على المداخله.... اخوي ... بس من سن تقريبا خذت كورس عن البورصه و الاسهم.. و كان من ضمن المواضيع اللي انطرحت .. هو موضوع آلية مكاتب الوساطه .. و قوانينهم ..
واذكر انه المحاضر ركز على نقطة انه ال brokers او ال brokrage firms ملزومين بقانون دولي بأن ينفذون الطلب اللي فيه مبالغ أكبر ...
بمعنى لو انا وانت اتصلنا في المجموعه عشان انبيع اسهم صناعات مثلا ... انا كنت ابي ابيع 500 سهم ...
مع العلم اني متصله قبلك ... و انت اتصلت بعدي ... و كنت تبي اتبيع 3000 سهم ... هم مجبوريين ايبيعون لك انت قبلي ...
وبس :)
اخوي انتعاش انا اقصد شركات الوسلطه وسوري على التاخير
السلام عليكم اخواني انا اتعامل مع المجموعه في اعتقادي هي افضل الموجودين مجرد راي وتمنى التوفيق لكم