عرض للطباعة
للاسف عندي جهاز ماك بوك وبدون سابق انذار اصاب النظام عطل لا اعلم سببه ..
المهم الجهاز جديد ولم يكمل ال 6 اشهر وديته للشركة office one
وتم تصليحه .. الغريب في الموضوع انهم طلبوا مني مبلغ 150 وريال.
فهل صحيح ان الضمان لايغطي اي خلل في السوفت وير ؟؟
وان كان فعلا هالكلام صحيح فصراحة خدمة سيئة يعني مش معقول جهاز صار له اربع اشهر ويتم تصليحه بمبلغ من المال.
Office One من اسوا محلات قطر تجربتي شخصية معهم
للاسف لايوجد تعامل محترم مع الزبون .. من واقع تجربتي القليلة معهم.اقتباس:
المشاركة الأصلية كتبت بواسطة Liali
المفروض ان الضمان يغطي السوفت وير اخوي بويوسف.... بصراحة كنت افكر من فترة اني اشتري من عندهم بس بعد اللي صار لك ترددت :secret:
هو والله يابولينجر مبلغ بسيط بس قهروني انهم اجبروني ادفع المبلغ ..اقتباس:
المشاركة الأصلية كتبت بواسطة بولينجر
وانه اول مرة اروح لهم عشان الجهاز يعني لاتقول اني ملعوزهم مثلا.. تفاجأت انه قال لي في خلل في السوفت وير وصلحنا ولازم تدفع 150
لا والادهى يوم رحت لهم يقول لي الجهاز خالص بس الموظف محد تعال بكرة خذه .. (الجهاز على مكتبه) قلت له يبا خذوا فلوسكم وجيبوا جهازي وين بعد اروح وآجي مب فاضي انه.
على فكره مب خدمهتهم زفت بس
اسعارهم غاليه بجداره عيني عينك نصابين
انا صار لي نفس الشي وكنت ماخذه الجهاز من بي سي ون والقهر ان المشكله مب فالسوفت وير فالهارد وير وبدلووه
وبعد خلوني ادفع 200 يوم قلت له ليش قال سيرفس ما كان لي بارض احاججه والمبلغ بسيط بس بعد استغلال
شنسوي النصب في بلادنا صار مثل الهوا عاااااااااااااااادي تعودنا
خوش واللهاقتباس:
المشاركة الأصلية كتبت بواسطة biz-qtr
على فكرة انه كنت من المتحمسين للماك بس بعد هالموقف كرهتهم وكرهت الماك .. ماله داهي نشتري شي ويعاملونه بخياس نفس واستغلال .. الله لايحوجنا (لبعض الناس).
الله يعطيك العافية ،،، للتصحيح ،، الضمان لايشمل البرامج ،، بأى حال من الأحوال ،،اقتباس:
المشاركة الأصلية كتبت بواسطة بولينجر
ومن الأسباب اغلاق محلي الكمبيوتر ،، الكثير من الزبائن ،، كانوا يطالبون بتصليح البرامج وبحجة على الضمان ،، :victory:
اخوي المشكله ان الضمان بعد ما يشمل مشاكل الهارود وير :eek5::eek5::eek5::eek5::eek5::eek5::eek5:اقتباس:
المشاركة الأصلية كتبت بواسطة jajassim
اقتباس:
المشاركة الأصلية كتبت بواسطة biz-qtr
فقط اذا كان عيب في التصنيع يشمل الضمان ،،،
وللأسف أخوى ،، دائما يقولون لك سوء استخدام الجهاز ،،
مثل محلات الماسة في المنتزة ،، :nice:
اخوي جاسم الجهاز ثمنه حوالي ال 5000 ريال تخيل بعد كم شهر يصير فيه خلل مش معقولة تقول لي ادفع فلوس. وبعدين انت تتكلم مع شركة كبيرة مفترض انها تكسب زباين مش تشردهم ..اقتباس:
المشاركة الأصلية كتبت بواسطة jajassim
ماعتقد في مقارنة محلك مع محل كبير مثل اوفيس ون ثم ان الاخت تقول لك دفعوها بسبب هارد وير.
شكلك تحب تخالف :( (صادتني عقدة منكم).
يا حبيبي ،،، كان اسعارهم على 9000 ريال ،، وبعد مايشمل الضمان ،،اقتباس:
المشاركة الأصلية كتبت بواسطة بويوسف
وانا اتكلم من واقع الخبرة ،،
يعني معقوله ،، تشتري سيارة ،، وضمان الوكالة يشمل الحوادث ( لوقدر الله ) :victory:
أخوى يكفي ،،، انت تدفع مخالفات الجوازات ،، وانت جالس في البيت ،، :taunt:
تبون ماك وتبون ضمان مثل الناس روحو آي سبوت بـ فيلاجيو .. مافي احسن منهم ويتعاملون معاك بإحترام
احنا بالشغل ماخذين لابتوبات ماكنتوش منهم .. وخدمتهم الصراحه رهيبه .. + خدمه مابعد البيع احسن من الوكيل اللي هو المانع
-------------------------
لاتنسون انه اوفس ون او بيسي ون او جرير مهب وكلاء للابتوب .. بإستثناء جرير مخول انه يصلح بضمان دل غيره مايقدر
يعني الافضل انه ترجعون للأساس اللي هم شركه المانع اللي عند دوار الجيده .. او تروحون آي سبوت :)
ولي قال لكم المصري مال أبل انه يبي فلوس قولو له الضمان يشمل السوفتوير والهارد وير لمدده سنه حسسوه انكم تدرون شسالفه مب لي قال لكم ادفعوا على طول بطلتو البوك :)
ترى فلوس السرفس وفلوس التصليح هاي كلها استغلال واغلبها بالنصيفه للمحل والهندي؟
بالنسبه للهاردوير ومشاكله
ينقسم لنوعين ..
خطء مصنعي ..
وخطء من الاستخدام الخاطىء
المصنعي يغطيه الضمان .. الاستخدام الخاطء مثلاً استخدمت نوع معين من السيديات يخرب العدسه .. او الكيبورد مثلا مايكتب ويوم بطلوه لقو انه منكت عليه شي او مرشوش عليه شي داخل
هاي يعتبر خلل بسبب خطأ بالاستخدام مهب خطأ من المصنع :)
هم وايد دقيقين في هالسالفه علشان قد مايقدرون مايصلحون ببلاش :)
انتو عندكم اياهم .. مثلا .. انا مره الشاشه عندي كان فيها مثل خط تحت .. قالوا هاي عادي مع الوقت يطلع ..
دخلت النت سويت ريسيرج اتضح لي انه هاي خلل من المصنع وانه الشركه تبدل الشاشه ببلاش للي تصيدهم هالمشكله
طبعت الكلام من موقع الشركه ووديته للمحل وقلت له شوف قال بالحرف الواحد وباللهجه الهنديه
this is the first time i hear this ?
خذ الابتوب قال خله عندنا وبنرد عليك بكره؟
في نفس اليوم اتصل لي بالليل قالي الابتوب جاهز وبدلوا لي الشاشه ببلاش ؟
يعني اشياء بسيطه ممكن تنقذكم .. مثل ماشفتو .. لكن هم جيدين في سالفه انهم ينصبون على الواحد فـ خلكم حريصين شوي :)