محل life fitniss للادوات الرياضيه - موقعه شارع سحيم بن حمد مقابل تويز ار اص
عنده جهاز رياضي اسمهab coaster
http://www.abcoaster.com
سعره بعد الخصم 6000 ريال
دخلت النت بحثت عنه وجدت ان في ناس تبيعه مستعمل في الدول العربيه ب 450 ريال و 700 ريال
انصدمت قلت ليش يبيعونه مستعمل بهالسعر
دخلت موقعهم وامازون
حصلت سعره 230 دولار بس
يعني تقريبا 900 ريال
اوكي اربح 100% من السعر
مب 600% وتبيعه علي ب 6000 ريال !!!!!
وما خفى اعظم
هل حمايه المستهلك تحمي المستهلك من هذا الجشع؟؟؟
الله يعوضك انت شاري البضاعه برضاك يتدخلون حمايه المستهلك اذا القطعه مغشوشه وحتى لو تدخلوا راعي المحل بيتحجج بغلاء الاجارات والرواتب والشحن ووووالخ
بيقولك الاجار غالي
سعره في امازون 900 ريال تقريبا والشحن بالارامكس 2100 ريال لان وزنه ثقيل
بس بعد يتم ارخص من المحل
هل حماية المستهلك واجب عليها تشوف أسعار المنتجات برع قطر وتخالف اللي يرفعون السعر في قطر؟
او اتحدد نسبة أرباح المحلات؟
او اتحدد أسعار البيع في المحلات بناءا على الأسعار في الخارج؟
ماشريتها ... لكن شفتها وحبيت اقرا عنها بس وانصدمت بفرق السعر .. انزين هو وكيل لهالشركه .... مب بائع تجزئهاقتباس:
المشاركة الأصلية كتبت بواسطة الدبلوماسي
اقتباس:
المشاركة الأصلية كتبت بواسطة Chambray
زيادة الاسعار مهب على هذا المحل فقط .. لان الزيادة حاصلة بجميع المحلات وحتى لو بعشرة اضعاف السعر ..
ايش تتوقع السبب لهذه الزيادات ؟
على كلام احد التجار
وانت ما تحسب سعر الجمارك
والمخلص
وارضية ايجار الجمارك
واجار محل
وعمال
وموظفين
وكهرباء
ودفع لرسوم لغرفة قطر
غير تجديد الرخصة التجارية !!
اوف
اما
:eek5:
حسبي الله ونعم الوكيل
حكومتنا اتدفع التاجر .. و التجار يدفع المستهلك ..اقتباس:
المشاركة الأصلية كتبت بواسطة اللوز
فلذا ما نلوم التاجر على رفع اسعاره ..
في هذي الحاله لو ابي الجهاز ولي رغبة فيه اسافر واشتريه بيصير اوفر لي واهي بحجه بحاجه منها المشي ومنها اشتري الجهاز اوفر او يمكن نفقات السفر كلها تعادل قيمة الجهاز
دام هاذي السالفه الناس تطورت
فأتمنى الجمارك عندنا بعد يتطورون و ما يكرهون الشخص الي يشتري من برع
جتى لو يبون يحطون ضرايب بس سالفه المخلصين و النصب و البوابة الألكتروينية و هالخرابيط يقدر اي شخص يسويها بنفسه ليش يلزموني بمصاريف غير معروفه لمخلص بيتعبني.
و ...المستهلك ما بتسوي شي بتقولك اهو الوكيل بقطر او وين الوكيل و هاي ربحه.
و بس إلا اذا شكوى على بضاعه مغشوشة يتواصلون و لله الحمد او الوعود الكاذبه بس بعد ما بيسونلك شي بس بيخوفونه و بيحاول ينزلك بالسعر شي خفيف
اخوي انا شاريه من سنتين من الركن الرياضي بـ 700 ريال فرع الريان
يعني نفس البضاعه موجوده في قطر ، وفرق اسعار ..اقتباس:
المشاركة الأصلية كتبت بواسطة Rashid554
راح امر عليهم بكرة ، وامر على المحل المذكور ، لتصوير الاسعار ، لاثبات الحاله ..
تسلم على المعلومة القيمة
البعض على طول دار عالجمارك احنا شدخلنا لازم نحط رسوم عالاشياء اللي يستوردها مع العلم &%90 من التجار لما يستورد بضاعه يجيب فواتير مضروبه مثال على هالشي شنط السفر تنباع في كل المحلات اقل شي 100 ريال للشنطه الصغيره هم يستوردون 4 احجام شنط داخل بعض بسعر 30 ريال للأربع شنط ولا بعضهم يزعل اذا عطوه اضافه هههه
وعندكم اهل البولاريس سعرها من امريكا وواصله لقطر تقريبا الف79 او خل نقول 83الف والتجار(غير الوكيل) يجيبونها على 15 الف دولار(طبعا فاتوره ملعوب فيها) ومب عاجبهم عشان رسوم 5% واخر شي يبيعها عليكم ب 100الف او 115الف
اهي ردت بس على التجار؟؟؟
بعض ربعنا في المنتدى باعوا الايفون 6 بخمسة الاف وست الاف ريال. وقيس على ذلك باقي البضائع
واذا اعترضنا قالوا: كيفهم حرين في بضاعتهم، وانتوا مب ملزومين تشترون.
للأسف رأي البعض في المبالغة في الربح " ان الموضوع حلال علينا وحرام على غيرنا" !!!
مع ان تجار المنتدى ما يدفعون ايجارات ورواتب عمال وباقي الخرابيط.....
السلام عليكم ..اقتباس:
المشاركة الأصلية كتبت بواسطة Rashid554
اليوم مريت على الركن الرياضي ، وبالفعل الجهاز ب 700 ريال ، لكن للامانه الجهاز نفس الاسم ونفس الشكل ، لكن حجمه اصغر ، الي موجود في ال life fitness حجم اكبر ، حسيت الي عند الركن الرياضي تغليد . وليس اصلي !!!
اخوي بالاول والاخير هذا الجهاز يدوي فما فرقت ان كان اصلي او تقليد ، اذكر انا خذته معاه الكتلوج والسي دي وانا استخدمته لفتره مش قصيره ونتائجه للبطن ممتازه ولكن انشغلت بالفتره الاخيره وغيرت الاثاث فا اضطريت ابيع الاجهزه الي عندياقتباس:
المشاركة الأصلية كتبت بواسطة Chambray
كلامك صحيح ، بس انا اتكلم عن الحجماقتباس:
المشاركة الأصلية كتبت بواسطة Rashid554
لو افترضنا في حجمين ،، الحجم الصغير ب 700 والكبير المفروض ما يتعدى ال 1400 ريال ( دبل سعر الصغير ) هذا على افتراض ..
مب 6000 ريال !!!
نصبه من النوع الجامد 600% !!!! في قطر كل شيء غالي المحلات قامت تبوق عيني عينك ويتحججون بالايجار طيب انت تجيب كميات وحتى الشحن ماتدفع عليه وايد من فتره لقيت نظارة طبية من قوتشي وبغينا ناخذها تخيل سعر ها 1900 في يتيم بدون تفصيل العدسات وخصم 10%ههههههههه خذتها من النت (امازون) 750 ريال واصلة لقطر توفير 1000 الله لايبارك فيهم
اخبار اسعار المطاعم
يقولون ولا اسعار لندن
قبل ناخذ بدون انترنت ولا شي الحين كل شي مكشوف
الله يعز ارامكس :)
اماااازون وبس ,والله ان كل شي ف الانستقرام البنات مستخفين عليه ف امازون اقل من 50 ريال
غير جهاز الليزر اللي يشيل الشعر ينباع ف الصيدليات ع 3600 ريال وهو ب 900 ريال تقريبا ؟؟؟؟؟؟؟
توني طالع من المحل وفعلاً الأسعار غاليه بس تقريباً كل بضاعته ماركة لايف فتنس
وهالماركه معروف انها غاليه وممكن تدخل على موقعهم وتشوف الأسعار
www.lifefitness.com
هالماركة أمريكيه أسعارها غاليه في موقعهم وفي قطر الفرق بين سعر الموقع وفي المحل شي بسيط
اتفق معكاقتباس:
المشاركة الأصلية كتبت بواسطة Mohammed2
عندي انا جهازين من عندهم
لكن انا اتكلم عن جهاز ( اي كوستر ) الي تكلمت عنه ..
هذا الي سعره مبالغ جدا بالمقارنه مع النت ...
قيمتها لما تشتريها من النت 645 ريال .......... لكن اتوقع شحنها على ماحسبت 13000 ريال
السلام عليكم
عفوا أنا شفت هالجهاز ب 700ريال اتذكر في الركن الرياضي يمكن تقصد المحل اللي في ازدان لان وأيد غااااااالي بس ماشفت الجهاز عندهم
انا عندي الجهاز ماخذه من الركن الرياضي اعتقد على 300 ريال من سنتين تقريبا
من زمان بطلت اشتري من المحلات كل مشترياتي من النت
والله احسن وارخص
الله يهدي تجارنا ويمسح الجشع من قلوبهم
خلونا نتكلم على مستوى قطر في محلات بطريق المطار اسعارها على سبيل المثال 2000 ريال ونفس المحل بس فرع بطريق سلوى سعره 3000 ريال وعند السؤال يقول لك ايجارات طريق سلوى غالية طيب انا وش ذنبي بالموضوع يوم ان الايجارات غاليه ليش ماخذ هناك ؟ هنا نقول وين دور حماية المستهلك ؟ ويشهد الله انهم شغالين على قدم وساق ولكن في امور اهم من هذه والدليل القرارات اللي نسمعها بين الحين والاخر من غش بالتجارة والسلع المضروبة واللي يشترونها من سوق السوداء ويصلحونها في الدوحة وتباع بانها جديدة من سيارات وغيرها .
اتمنى من غرفة وصناعة قطر تحدد الاسعار الرئيسية خصوصاً ان السوق انترس مواد ( شيب ) .
ولو قارنا الاسعار بدول الجوار للايجار السنوي لشقة عائلية على سبيل المثال لوجدنا ان قيمة ايجار لمدة سنة ندفعه في قطر لايجار شهر !!!
والله المستعان
الله يحمينا وياكم من الغش والجشع
صراحة اخوي المبلغ كبير وهذا يعتبر استغلال
اللي يقول إيجار وعمال وجمارك وغيره للعلم التاجر يشتري البضاعه ويشحنها بأرخص سعر شحن
وتكون كميه كبيره في كونتينر ( حاويه ) كبيره بسعر بسيط بالنسبه للبضاعه المستورده ولكن انتوا
تتكلمون عن شحن البضاعه المشحونه جويآ بالنسبه لكم لأنكم مش تجار واستعمال شخصي وتبونها
توصل بسرعه وبعدين رسوم الجمارك 5% من قيمه البضاعه والمخلص الموجود في الجمارك موجود
لتسهيل عمليه وصول البضاعه لصاحبها دون عناء الوقوف في المعاينه والتفتيش وصدنوق دفع الرسوم
وطباعه البيان يعني يخلصك بمعنى الكلمه ولكن حظك ونصيبك تطيح في مخلص جيد ومرات مخلص بطيئ
وماخذ اكثر من معامله مع بعض وفي الأخير تدفع له 150 ريال تخليص ولكن التاجر لو عنده إيجار محل وكهرباء
وتجديد سجل ورخصه تجاريه وإقامات عمال هذي كلها مره في السنه وماتعدي 15000 وعلى حسب العمال طبعآ
من غير الإيجار ولكن لو يبيع ثلاث اجهزه فقط في الشهر انتهى موضوعه طيب وباقي الاجهزه مافيها ايجار ومعاشات
وغيره ليش الزياده بتقولون يعني يبيعه براس المال أو يسوي تنزيلات كل شهر طبعآ لا بس ينزل الأسعار في تغطيه
تكاليفه وياخذ له نسبه ريح نفس أغلب الدول نسبه ربح التاجر ماتعدي 25% على سبيل المثال والباقي تاخذ من الدوله
ضريبه بنسبه كبيره .. هنا راح يتوقف الجشع لدى التجار
وفي الأخير مايمدح السوق إلا من ربح فيه !!
حسبي الله ونعم الوكيل
الحمدلله .. ما قمت اشتري شي ..
قبل لا اجيك .. ال rating ماله قبل ..
وعقب اقارن سعره + الشحن ..
مافي اغلى من قطر بالاسعار
علاج الشعر ( الثعلبه ) كنت اخذه من الصيدليه 370 ريال ؟؟
لقيته في دوله شقيقه مجاوره 95 ريال !!!!
يعني دبل 3 مرات تقريبآ ...
حسبي الله ونعم الوكيل
والله الحقيقه مره ياخوي
وكلام الصج ينقال
الغلط منا احنا نشتري اشياء مانشيك عليها قبل فالمواقع ونشوف سعرها قبل
فاكيد المحلات بيستغلونا
وانا صارتلي وايد اشياء في منها استغلال ونصب
لكن الحمدالله على كل حال صرت كل ما افكر اشتري شي اشوف عنه وابحث عن سعره فالانترنت ولا من الناس عشان تكون عندي خلفيه عن المنتج
ومعوض خير انشاءالله وتقبل مروري يالشيخ
وين يمدينا نشيك يالربع بنقعد على كل سلعه نشيك ماراح نشتري شي يفترض جهه حكوميه رقابيه عندها صلاحيات واسعه منوط بها هالمهمه لانه هذا غش وتحايل واضح قلنا اربح قلنا سولك هامش ربح عاد مب هشكل تمصخها يعني واحد يجيب منتج من بلد المنشاء يطلع عليه بالف ريال شامل كل شي مصاريف شحن ونقل يبيعه هنيه ب5000!!!!
انا شاري غتر من محل ف سوق العلي بسام مايفير وماحصلت عنده القحافي الي ابي رحت المحل الي جنبه بصدفه وتفاجاءت باسعاره اقل بوايد من المحل الي كنت فيه وسالته عن غتر البسام وهي هي نفسها بضبط ونفس المقاس
حسبي الله ونعم الوكيل
هذى استغلال