السلام عليكم ورحمة الله وبركاته
تم الاعلان عن فتح منفذ ابوسمرة لاستيراد السلع والمنتجات مع السعودية اعتبارا من يوم الاحد الماضي 14-2-2021، وبعد مرور 3 ايام من قرار السماح ، ايش السلع والمنتجات الي دخلت الدولة من بعد فتح المنفذ الحدودي؟؟؟؟؟
السلام عليكم ورحمة الله وبركاته
تم الاعلان عن فتح منفذ ابوسمرة لاستيراد السلع والمنتجات مع السعودية اعتبارا من يوم الاحد الماضي 14-2-2021، وبعد مرور 3 ايام من قرار السماح ، ايش السلع والمنتجات الي دخلت الدولة من بعد فتح المنفذ الحدودي؟؟؟؟؟
وعليكم السلام .. لحد الحين ماعينت شي في الجمعيه ..
الالبان والمنتجات البارده مااظن وصلت ..
يمكن دخلوا مواد جافه او مواد بناء ..
عموما انا اعاملهم معامله المنتجات الفرنسية :p .. وندعم منتجاتنا الوطنيه :tooth:
مب متاكدة لكن اتوقع بنسبه 20٪ فقط راح يدخل السوق ..
عشان مايخربون على تجارنا ومنتجاتنا المحلية ..
بالنسبة لمنتجات الالبان ما اعتقد نحتاجها لانه منتجاتنا المحليه اوريدي مكفيه وموفيه
من اول مابدا الحصار
صحيح ندعم المنتجات الوطنيه 100%
ولكن نضع بين قوسين (الغير مبالغ بسعرها)
اذا كان المنتج يجي من برى وتكلفة نقل يكون اقل سعرا من المنتج الوطني هنا بنقول لا للمنتج الوطني
لان المفترض المنتج الوطني يكون سعره اقل من اللي يجي من برى
وهذا الامر المفروض الشركات الوطنية تراعيه عشان نستمر في مساندتها ودعمها
لان الحاصل عندنا الان احتكار قاعد يصير لبلدنا لدرجة جبنة الموزاريلا مثلا كانت بالعشرين ريال اصبحت احتكار لبلدنا ب 45 ريال
وفوق هذا اللي ب20 كانت مدة الصلاحية سنه او 6 شهور
اصبحت لبلدنا مدة الصلاحية شهر !!!
يعني تدفع اكثر من دبل السعر وفوق هذا الصلاحيه شهر تكون انقضى نصف مدتها لانهم يصنعونها بتاريخ 15 من كل شهر فقط !!!!!!
يعني اخر الشهر تشتريها لمدة 15 يوم ههههههههههه
مع ذلك الدوله تقدم دعم مالي ضخم للشركه لدعم الاسعار في حين الشركه رافعه الاسعار ومحتكره السوق
وهذا قاعد يصير للاسف في ال8 شهور الماضيه تختفي المنتجات البديله المستورده من دول العالم عن الارفف (فيما يخص اصناف الاجبان: الموزاريلا والييتزا والحلوم وغيرها ووصلت من شهرين للبنه)
ويبقى فقط اشتر بلدنا او لا تشتري :(
خلاص لاتشتري :)
لاتهولون الامور ترى الجبن اللي بو 45 ريال مب لازم تاكله ..
هو في النهايه اكل وفي بدائل اشكثر .. يعني مب دواء ماتقدر تستغني عنه ..
كيس الخبز معروف بريال او رياليين ولكن في شركة تطرحة ب خمس ريال بالفيت فيه حبوب والياف .. الخ
لكن مب مجبور تاخذه .. انا ماادافع عن السلع الغاليه لكن فلوسي في جيبي :strong ابيه باخذه ماابي باخليه عالرف ..
بلدنا مكتسحين السوق صحيح لانهم عوضونا عن كل منتجات المراعي ..
لكن الوجبه الذ وقاموا ينزلون اشياء جديدة ونكهات مش موجودة بالسوق نهائياً ..
:
هالموضوع شوي مختلف عن المقاطعه الفرنسيه لانهم بينزلون منتجاتهم بشكل قانوني ..
لكن كـ مستهلك ماراح اقرب صوبهم :strong
انا متوقع ان ترجع اغلب المنتجات و بيسوون خصومات بعد عشان تمشي اول فتره
اولا الي راح راح و الامور رجعت طبيعيه. اقصد المستوى التجاري و السياسي
شفت بعمان منتج سعودي كان عندنا ب 12 ريال و بعد الحصار عارضينه بعمان ب 7 ريال عشان ينافس سعر المنتج العماني
فمتوقع اول فتره ينزلونه لنا ب 7 ريال عشان الناس تتقبل قله السعر مقارنه بالوطني
و مثل ما قلتوا. بعض المنتج الوطني غالي بصراحه. الجبنه دبل سعرها السابق تقريبا
يعني اصحاب المطاعم و غيرهم من المحلات بينظرون للسعر الافضل مش المنتج من وين
اعتقد ان بعض شركاتنا بتخفض اسعارها لان المنافسه رجعت واذا تمسكوا بأسعارهم اول فتره بيتوجه المستهلك للمنتج الخليجي و يتعود نفسيا على قبولها و بعدها ما ينفع تنزل شركاتنا عشان ترجع تجذب زبونها القطري و الوافد
و يعني ان بعض شركاتنا ستنخفض ارباحها السنويه و توزيع ارباحها ايضا
تفهم ما تفهم مشكلتك هههههه
مو لازم تاكله بس تحتاجه اذا عندك مطعم مثلا :)
وماراح تقدر ترفع اسعار المينيو عشان ما تخسر زباينك
الاحتكار والاستغلال ايضا حرام
ف لما يتوفر لي منتج مستورد بسعر افضل من المنتج الوطني (اللي المفروض يكون سعره منافس) وقتها بكون بكل سرور اقول طاااف للمنتج الوطني (مو بس المطاعم حتى اصحاب الدخل المحدود والمقيمين بيقولون طااااااف للمنتج الوطني)
تكون اسعارك معقوله بنقول طااااف لكل المنتجات الاخرى وبندعم المنتج الوطني
هذا الامر صحيح 100000000%
صارت المنتجات المستورده شبه منعدمه عن السوق احتكارا او اقصد امتثالا لرغبة بلدنا اللي تاخذ من جيبك وانت مش مضطر تدفع لها اذا كانت اسعارها غاليه !!
وقتها بدت مرحلة الاحتكار حاليا وما في قدامك يا تشتري بلدنا او لا تشتري هههههههه
ومستغلين بعض المغردين ندعم المنتج الوطني وغيره لا ههههه
فالنهايه شي بتدفعه من جيبك
من راتبك
من فلوسك
ف اذا كان فارق السعر مثلا اعلى ب5% مااااشي مو مشكله
ولكن اذا يصل لل 100% وال20% فما فوق هنا عاد ستوووب!!
اختي بسألك سؤال
ليش مبدأ عدم شراء منتج خليجي هذه تجاره ما لها دخل بالي صار قبل
لا الشركات الخليجيه لها يد ولا الشركات الوطنيه تنتج عشان عيوننا
مسئله تجاريه بحته
نعم احب ادعم منتج وطني لكن بحدود العقل
مافي غيرك تحط لي سعر عالي ليش ؟. فرصه. اوكي الفرصه راحت ليش اشتري منك بالغالي الحين
المستورد توقف لاسباب سياسيه مش لان تجار الخليج يتعمدون هم ممنوعين اصلا ولا سمعت ان اسعارهم رفعوها على بلدانهم لاختفاء منتج قطري عندهم
انت اغلى بريال ريالين مش مشكله. لكن دبل يسمح امرك
دام انت انتجت و دخلت تكاليفك ثلاث سنوات ليش ماسك على سعرك القديم و غيرك يوفره بأرخص
كلن له خياره وانا مع اخونا مضارب بأن المنتج لازم ينافس مش يقول لي انا قطري خذ مني حتى لو غالي
التجاره حره و منافسه شريفه بالاسعار و القوي يستمر سواء اغذيه او طيران او غيره
الي نفسيا مش متقبلينه الحين بكره بنتقبله
و نرجع نقول كلن له خياره و نظرته للوضع
من طلعت منتجات وطنيه جديده مثل القصدير و الكلينكس و هالامور لقيتها نفس اسعار السعوديه تقريبا
و بعضها اقل من السعودي مثل المنظفات
الحين لو شفت منتج خليجي بقول كله نفس السعر باخذ الوطني نفسيا اعتبره دعم لهم
لكن اشوف منتج خليجي بعشر و قطري ب 22 بقول خله له لان ما في سبب يجبرني عليه. البديل موجود
انا احب فلوسي اكثر من الشركه الي تبيعني بغالي
انا مستهلك مثقف مش مدفوع نفسيا
هذا الصح اخوي بو عبدالله
الاستغلال خط احمر فقط مسموووح في حاله وحده
اذا كان المنتج الرخيص جودته رديئه
هنا ناخذ المنتجات اللي جودتها جيده جدا ونشوف الانسب سعريا
مثلا صابون الملابس بيرل ما يمشي فالبيت عندي
كنت اشتري اريل صاااار غالي جدااااااا !!!
وين الحل!
برسيل سعره فالنص بين بيرل واريل وممتاز جدا
بصراحة بعض منتجاتنا فيها استغلال واضح لنا ,, دائما يعتبرونا اغلب التجار في قطر انا دخلنا مرتفع فلازم نمص دمهم هذا مفهوم واضح عندهم للأسف,,,,,,, لاااااااااااا للاحتكار خلو الناس هي اللي تختار الافضل بالسعر والجودة ,, عن نفسي شخصيا باشوف الأنسب لي ماعلي من التجار اللي يبالغون باسعارهم خلوا بضاعتهم على الرف
في النهاية سوقنا كبير وفيه فئات كثيرة غالبها يهمه السعر .. القطريين يشكلون 18% منه وأتمنى يستمر التنوع لصالح المستهلك في النهاية .. بعد أتمنى حماية منتجاتنا المحلية والحل جمارك عالية على المنتجات اللي تدخل من ذيك الدول
ما عرف
أصحاب القرار ابخص بالمصلحه العامه ..
موضوع الجمارك الموحد بين دول المجلس تسعاد منتجاتهم باغراق السوق المحلي للاسف
يمكن المنافسه الخليجيه افضل بالسعر نوعا ما لبعض المنتجات مش كلها
لكن ليش ما المحلي يتميز بالجوده عشان يبيع حتى لو اغلى بشوي
الحليب بشتري بلدنا لاني جربت الفرق بينه وبين الخليجي مثلا
الكلينكس و القصدير باخذ قطري لانه بنفس سعر الخليجي الحين و نفس الجوده
لكن جبنه خليجي ب 20 و جبنه قطريه ب 45 لا ما ابي
حاط مقياس مثل اخونا مضارب و ساوث
انا مستهلك مش محفظه مفتوحه للتجار
معيار الجودة هو اللي يخليك كمستهلك تميل على معيار السعر. لكن اذا الجودة نفس الشيء فماله داعي اشتري الغالي.. مصيره يراجع سعره.. المستهلك في الاخير هو يحدد سلوكه وكثرة البضائع ما تعني كثرة الخيارات اذا كان معيار الجودة اللي يدورها المستهلك مب متوفرة.
بالنسبة للانتماء والامور النفسية، هي جيدة ونطلب التاجر ينتمي لبلاده ولاهله ولا يغشهم.. اذا وصلنا لوضع صار التاجر القريب والبعيد بنفس الاهداف شنو الفايدة.
هلا
يا ليت الكل يتحصن بثقافه استهلاكيه
الموضه و الرفاهيه و قله الوعي بالمنتج و الاعلانات غيرت سلوك الاستهلاك عندنا
من زمان ما امشي مع فكره القطيع في الاستهلاك او موضه اليوم
حتى مرت كم سنه الكل طلع طلعه بلون لموتر فورويل ياباني قلت بشع والله مادري ليش مسوينه موضه
لين مرت سنتين ثلاث الا محد صار يشتري هاللون والي شراه اضطر يبيع ارخص من غيره
حتى اللون ركضه عليه حتى لو بشع بس اسمها موضه جديده
الحين موضه مكيفات صينيه الكل يشتري و يقارنونه بجنرال بعد ههه
لما تحريت عن ميزاته لقيته اقل بكثير من ماركه يابانيه و اغلى بعد
تعال اقرأ قوه التكييف و استهلاك الطاقه. لا. ابي هالنوع مثل غيري
محتاجين خطة لفرض جمارك ورسوم على بعض المنتحبات وحماية لمنتجات اخرى وتحديد نسبة دخولها لقطر.. يعني تمر الازمة واحنا ما استفدنا شي ولاتعلمنا اشوفها صعبة وماتنهضم.. مثال امريكا تفرض رسوم على الصين وحتى على قطر سابقا في تجارة الملابس ووضعت كوتا للاستيراد من قطر .. ايضا الدولة تحتاج تفضل المنتج المحلي في مشاريعها وهذا حاصل واذا في محال امثر يكون افضل .. والوزارات والشركات الكبرى تلتزم باستخدام منتجات محلية للمواد الاستهلاكية مثل الشاي والماي والعصاير وغيرها
ما بختلف معاك بالتعليق لكن حاب اضيف معلومه
احنا كسبنا كثير
و سوينا الي ما قدرنا نسويه من عشرات السنين
قبل كان في اتفاقيات عدم فتح صناعات تنافس الموجود بدول الخليج وكانت بعض الدول المجاوره فاتحه عشرات و مئات الصناعات و اضطرينا ما نسوي مثلهم و نشتري منهم
مثل البيتومين ماده مهمه و بعشرات الملايين سنويا نشتريها من الدول المجاوره
لما صار الحصار فتحنا صناعات كنا محرومين منها الحين محد بيقول لنا سكروا هالمصانع لانها فتحت منعهم لمنتجاتهم من دخول قطر و احنا معذورين بفتح هالصناعات
بدايه الحصار فتحت الدوله 250 ارض صناعيه لدخول شركات عالميه مقراتها بدول الجوار
9200 شركه عالميه قدموا على هالاراضي عندنا
و اعتقد ان الدوله رفعت عدد الاراضي اكثر
تخيل اكثر من 250 صناعه دخلت و فتحت بأول سنه حصار فما بالك بعد ثلاث سنوات حصار
برأيي. حققنا الي ما قدرنا نحققه من عشرات السنين
منتجاتنا المحليه مدام موجوده ومتوفره ، بكون مخلصه لها من ناحية الشراء
بشرط ان تكون الجوده مقاربه للمنتجات المستورده
وانا شخصيا احب كل شي محلي لانه طازج وجديد من المصنع او المزرعه
المشكله اذا ماكان فيه منتج محلي بديل للمستورد تضطر تاخذ الموجود بالسوق
او اطلبه من الاون لاين بتكلفه اعلى
مب كل شي فرش اختي
بعض منتجات الحليب يسوونها من البودره الحليب و الروب كمثال
ما اذكر اي شركات تستخدم البودره لكن في عندنا بعضهم
اغلب المنتجات متوفره محليا. شدعوه دول الخليج بتورد طيارات او صواريخ. يا حليب يا جبن يا بيض :)
الي مب عاجبني ان بعض المنتجات الخليجيه من دول غير الحصار رفعت اسعارها وقت الازمه والحين نزلت
مثل كرتون الدجاج المجمد وصلوه فوق 150 الحين ب 105
ما ابي اذكر اسم شركات عشان التعقيدات القانونيه :)
صراحة وبدون مجاملة وغرور منتجاتنا جودتها طاغية .. صدقوني ما كنت أتوقع هذي الجودة .. مثلاً صابون لوكس والا الصابون الأحمر يخليني اتسبح في اليوم مرتين
العيب كان في بلاط الأرضيات كله بودرة وغش بس من دخلت التحويلية في الشغلة وبمواد أولية مستوردة من دول فيها خير وموادها أجود وأرخص استوت هذي الأرضيات تنافس سيراميكهم اللي طرشوا الحجرف يسوق له وكأن قطر اللي مسكره الحدود ومانعه دخول البضائع الرديئة
منتجاتنا كبنت بعمر العشرين وقمة في الجمال ومنتجاتها كعجوز شمطاء وقمة في البشاعة ووضعهم بيكون صعب بيتهافتون على منتجاتنا
حديد قطر عالي الجوده وكان اغلبه يروح للخليج
في منتجات عندنا اجود و افضل بالتسويق حتى البتروكيماويات بسعر تنافسي لان الغاز ارخص في تشغيل المصانع و وفره الانتاج
الكهرباء كنا نصدرها للخليج عبر شبكه الربط الخليجي و ناخذ منها ربح
وايد امور عندنا اجود و افضل
لكن ببعض الصناعات كنا محكورين ما نقدر نفتحها سابقا و بالحصار فتحناها
حتى شاي لبتون صرنا نعبيه بقطر كمنتج قطري
أتوقع نفس السلع اللي كانت تدخل من قبل بتدخل حاليا
و ممكن بسبب جائحة كارونا تأثر على الخط التجاري بين دول المنطقه عموما
الله الموفق
ممنوع منعا باتا دخول منتجات دول الحصار الى بيتي. سعرها اقل , سعر المحلي 3 اضعاف ما يهمني. اهم شي دعم المنتج الوطني, تفعيل المنافسه لتخفيض السعر. ترا ما يرفعون مثلا السعر بس للربح, يمكن في اشياء تتعلق بالمواد الاوليه مرات تساهم في رفع السعر... ويمكن مصخوها صراحه ههههه. بس لا تتوقعوا شي صاروخي في مايخص الجوده والسعر في فترة حصار كل شي تقريبا علينا كان ممنوع. عطوهم وقت. ترا سنين كثيره كان الاعتماد على هذه الخمه والحين الدوله انتبهت للموضوع هذا.
ويعطيكم العافيه.
^
^
الخمه :happy: :happy:
:
الجماعه اللي معترضين على اسعار الجبن في بلدنا ..
ترى في بدائل وشركات ثانيه انا شخصياً اخذ منها انتاج امريكا او هنغاريا او تركيا ..
الواحد يدور وبيلقى .. شركات الالبان او العصاير اكثرت ( عوافي / الوجبه / المها / غدير ) غير طبعا الشركة الام ( داندي ) :pic:
حتى المنتجات اكثرت روب يوناني / روب قليل او خالي الدسم / قشطة فرش / لبن لوّل / يقط / روب بالفواكه ..
ومنتجات الدواجن ( بيض / ودجاج حي / وفري )
المخبوزات والتصبيرات فرش ..
:
كل شي متوفر عندنا ويسد باب الاحتياج وعندنا تنوع في كل شي اللهم لك الحمد ..
حتى الاسعار تختلف مب كلها نفس بلدنا ..