السلام عليكم، مساء الخير
خطر لي أن اكتب أي عائق أو عذر لتأخير الزواج عند شاب أو فتاه، ومن سمع أو واجه عذر من تلكم الأعذار الكثيرة فليضعه لنا في هذا الموضوع السريع.. وشكراََ مقدماََ
عرض للطباعة
السلام عليكم، مساء الخير
خطر لي أن اكتب أي عائق أو عذر لتأخير الزواج عند شاب أو فتاه، ومن سمع أو واجه عذر من تلكم الأعذار الكثيرة فليضعه لنا في هذا الموضوع السريع.. وشكراََ مقدماََ
لو بغيت أبدأ بالشباب فأعذارهم كثيرة لكن بنأجلهم ، لذلك نبدأ بالفتيات، وأول عذر هو
الدراسة
ثاني عذر عند البنات هو (مب مفكرة في الزواج الحين، مليتوا مني).
واظن ناطره كل رفيجاتها يتزوجون عشان تكون البطة الأخيرة اللي تدش البحيرة!
الخوف من المسؤوليه ( للجنسين )
التجارب السيئة لبعض الزيجات تجعل الفتاة تتروى في قبول الخاطب الاول والثاني والثالث غالباََ مهب جاي..
طلبات بعض الفتيات غير مقبولة وفيها الكثير من التقليد والتبذير..
من الأسباب العصرية الحديثة وجود الفتاة في حسابات التواصل، فمن ناحية البنت تضع حساب انستجرام أو سناب فوق الزواج في الأهمية، وقد بلغني مؤخراََ اشتراط احدى البنات ان تستمر في الاهتمام بسنابها والخروج والدخول والقيام بالتغطيات حسب طلب المتابعين.
من ضمن الأسباب اشتراط أمور (رغم أنها قد تكون تحصيل حاصل) مثل السفر الموسمي لأوروبا.
هناك شرط اغفلته وهو (اشتراط الوظيفة، أو البقاء فيها)، وقد اغفلته لأن هذا الشرط قد يكون وجيهاََ أحياناََ من وجاهة الوظيفة نفسها. لكن أغلب وظائف النساء شكلية لا تفيد وتفوت مصالح أكبر من الدخل المادي الإضافي.
وعليكمـ السلامـ ورحمة الله وبركاته
أسعَدَ الله صباحَكَ وجميع أوقاتك يا أخي العزيز ( أبو زيــــــد ) ،، حَفِظَكَ الله
لقد وضعتَ يَدَكَ الكريمة على جرحٍ غائرٍ وعَميق ، وقدَ سبقتموني مشكورينَ بذكر العديد مِنَ مُعوّقات الزواج
التي لا نختلف عليها بما فيها ( عَدَم التنازل عَن الوظيفة - التمسّك بحسابات التواصُل الإجتماعي - الطلبات التعجيزية
والتي يُبالَغ في التمسك بها - والخوف مِن تحَمُّل المسؤولية - و الـدراســـة - والحُجَج كـ مليتوا مني / توني صغيرة )
إن وُجُود الجَو المشحُون بالخلافات والضّجر والشّجار بينَ الوالِدَين قَد ينعكسُ على الأبناء بأخذ إنطباع سيء وسلبي
عَن الصُّورة النمطيّة للزواج ، وعَن ذلك القفص الذهبي الذي ما عادَ ذهبياً في أذهانهم !! إلا أن لكل قاعِدةٍ إستثناءات
فقد يرغب الأبناء بالزواج للهروب مِن هذا المُستنقع وهذا الوَحل وهذه الحياة النكديّة وقد تقبلُ الفتاة بأي زوجٍ وبأدنى
مُواصفات لكي ينتشلها مِن مَشاكِلِهم إلى مَصيرها المَجهُول كقولنا الشهير ( لقحَت ولا ما ضرّها التيس ) :con2:
يوجد لدى الكثير مِنَ الفتيات الموظفات إكتفاء مادّي وذاتي نسبياً مِن دخل ثابت وسيارة خاصة وغرفة بملحقاتها
وجميع مستلزمات الظهور الإجتماعي والإحتواء الأسَري مِمَّا يجعَلُ ارتباطها بأهلها أشبَه بارتباط "الروح مَعَ الجسد"
فتخافُ في قرارةِ نفسها مِن أن يُفقِدَها الزواج كل هذه المُكتسبات والمُحَصّلات فترتعِبُ مِن كابوس الزوج المُتسلط
والحَمَاة النكديّة التي غلبت عليها غيرتها فتجدها تتدخل في كل شارِدَة و واردَة :confused:
تقبلوا أرَق تحيّة وتقدير ،، ودُمتم بخير
<><><><><>
من معوقات الزواج، انتظار الفتاة لحد ما تسوي العملية التجميلية (اسنان، أنف، تنحيف.. الخ).
الله يرزق الجميع الزواج هالوقت استوى هاجس
من ملاحظاتي كم كبير عائلة بنوا بيت مبالغ في مساحته والفكرة يبي كل عياله حوله .. واحد الله فاتح عليه بس تأخر في البنيان كثير .. هو يقول مب مهتم ويبغي الخدمات تخلص وممكن معاه حق بس بيته شبه جاهز
واحد ثاني بنى 5 بيوت ومجلس دفعة وحدة وسكن بس بيته طلع كأنه مجمع البيوت طبق الأصل لو غير شوي فيها بتكون أحلى
كل هذا الهدف الزواج والتكتل في مكان واحد
واحد ثالث بنى بيت ضخم وايد بعد حاب يجمع عياله معاه وصارت مشاكل مع المقاول وقضية وبيته واقف خرسانة وطابوق بدون بلاستر مهجور وموحش
اللي حبيت أقوله العيال بعضهم يحصلون أهل ما يقصرون معاهم بس هم ممكن يقصرون مع نفسهم
الشيء الثاني المبالغات في الأعراس ما احبها كلش وأتوقع وايد يأيدوني لكن الحريم لهم راي ثاني
الله يعين ويصلح الحال يبو عبدالله.. الاسرة اللي انا ونت خابرينها ما عادت موجودة، عيال اليوم عندهم عالمهم اللي غالباََ أكثر حرية بدون الأب والأم.. عيال الدولة ومتخرجين من مدارس الدولة.. لو بيسوون خير يعلمونهم دينهم أقل شيء.
من اسباب تأخر الفتاة عن الزواج رغبتها في معرفة تفاصيل عن شريك المستقبل (رغم أن المطلب هذا في ظاهرة شرعي ومنصف)، الا أن لا يكاد يكون فيه شجره ما هزها الهواء.. فشنو اللي بتستفيد البنت من تقصي تاريخ الخاطب هل سبق أن خطب قبلها،، شنو نظرته للموضوع الفلاني مثل (قيادة السيارة، السفر مع الأهل.. مع أن هذي أمور سابقة لأوانها).
فترة من فترات حياتي كنت ارفض اي حد يتقدم لي ..
اقول حق الوالده لا تستقبلين حد الا اذا فيه شروطي ..
وكان شرطي ( عدم التدخين / بيت مستقل ) طبعا الاخلاق والصلاة هذي مفروغ منها واخواني كانوا يطلعون السيرة الذاتيه لكل واحد .. :looking:
طرشت خاطب يشتغل معيد في الجامعة وتخصصة عقيدة، ولد عمي صلخه بمهر كبير.. والمشكلة ولد العم يقول شكله بخييييل عشان جذي حبيت أشرده؟ مع الأسف ولد العم هذا راعي دين وصلاة لكن بلانا هو الوجاهة نموت عليها موووت وننسى اي شيء مقابل الوجاهة. لو اعجبه الخاطب ما بيكثر عليه مهر :/
من معوقات الزواج عند الشباب أنهم يبون يتعرفون على زوجة المستقبل! ولا تستغربون، فولدي مثلاََ عشان يشتري سماعة وايرلس مثلاََ يسوي بحث طويل عريض. واذا ماهي من الأجود والأغلى ما يشتريها! فهذا كيف تطلب منه يتزوج وحدة لمجرد أنها من بيت طيب... الخ؟
للأسف عيالنا ما يشبهونا، على الأقل اتحدث عن نفسي والسبب هو المدارس اللي ارتادوها واجهزة الهاتف اللي صاروا يتحاورون بواسطتها مع كل من هب ودب.
انظروا كم حالة طلاق حصلت عقب العقد، كله بسبب أن الشاب والفتاة تحدثوا مع بعض واكتشفوا انهم unmatched!
سواءََ صدقوا أو كذبوا؟
أما بالنسبة لي ولجيلي فنحن تزوجنا بنات عاديات ما دورنا علي هذي التفاصيل وبعضهن كن مقصرات في الصلاة او لبسهم ما كان مثل اللبس الحشيم ومع ذلك تغيروا وصاروا هم مثال للتدين وللذرابة والحشمة وهذا بفضل الله اولاََ وبحسن العشرة والصبر من قبل الزوج (أو الزوجة اذا كان المقصر هو زوجها).
الحاصل موقف الوالد الواعي اليوم صعب
النظرة الشرعية مهمة جداً .. وايد ناس يرفضونها رغم شرعيتها ..
اعرف ثنتين انفصلوا عقب العقد لانهم اطلعوا للخاطب بالعبايه الوسيعة والشيله ..
الاولى تطلقت لانها وايد ضعيفه .. والثانيه اكتشف انها متينه وماجات على هواه ..
فالنظرة الشرعية مهمة وخاصه البنت لازم تكون على طبيعتها بدون مكياج وبلبس محتشم ..
انزين ناقشوا معوقات الزواج عند الشيبان!!! ثرى معوقاتنا وشروطنا اقل :):) :)
المعوقات إذا ماهي بالرغبة الشخصيه
فهي بالأمور الماديه أو الصحية
أرى بأن أحَد مُعَوّقات الزواج كثرة وانتشار المُسلسلات الهابطة ذات الإنحلال الديني والأخلاقي
والتي غيّرَت مَفاهِيم ومُثل وأخلاقيات وقيَم النشئ مِنَ الشباب وخصوصاً الشابات وتحفيزهم وحثهم
على إنشاء علاقات غير سويّة وغير مَشروعَة لم يسلم مِنها حَتى الأرحام والعياذ بالله تعالى :anger2:
"حسبنا الله ونعم الوكيل ولا حول ولا قوّة إلا الله" ومِن هذه السموم التي يتفثونها في المُجمعات
عِبارَة ( مُراهقين ) والتي غَدَت شمّاعةً يُعلقون عليها أخطاء وأهواء وانحرافات الشباب في هذا السن
فتجد أحدهُم يقول بأن إبني أو ابنتي فعلوا كذا "وهُوَ غير راضي" فيُجيبه الآخر بكل بساطة ولا مُبالاة
دَعهُم فإنهم (( مُراهقين )) والويل لنا إن طبقنا هذا الأسلوب مَعَ فلذات أكبادنا والعياذ بالله تعالى.
وكأن لسان الحال يقول بأن هذا المُراهِق "مَرفُوعٌ عَنه القلم" :con2:
جزاك الله خير يبو ماجد، ما احسن ما كتبته..
مشاركاتكم طيبة خصوصاََ ابو ناصر :thumbup1:
أنا ما اتفق مع اللي يبغي يركز علي سوالف دقيقة ويتمسك بصفات قابلة للتغير عقب الزواج!
النظرة الشرعية يرى الخاطب من البنت ما يرى منها عادة (وجه كفين قدمين)؟
بنيتنا المتينة ما تنعرف من استدارة وجهها؟ ومن جفوفها؟ والضعيفة نفس الشيء!
استغربت من أحد الزملاء الشباب يقول في احدى نقاشاتنا انه يبي يشوف شعرها؟
قلت له ربع ساعة سشوار تخلي شعرها ناعم؟ كيف بتعرف؟
قال لي لا، أعرف من أصول الشعر؟ بصراحه استغربت (شكثر يبي يدقق) و شكثر صار عند هالجيل جرأة ما هي محمودة..
واذا تبون رأيي (مع احترامي للجميع) هذي الجرأة اللي عند الشباب في غير محلها مع الأسف، وياليت الواحد يطالع نفسه ويطالع باخواته قبل لا يتشرط على الناس.
الرجل اللي نعرفه يترفع عن هذي الأمور، لكن بيجيك مية الف واحد يقولون حق من حقوقه..
ليش يظلمون البنات ويطلبون انهم يكونون على قدر عال من الجمال؟ ويلغون أو يتغاضون كل المعايير الأخرى؟ من بيطاوعهم لا شك غلطان وخسران.
أنا ما اتفق مع اللي يبغي يركز علي سوالف دقيقة ويتمسك بصفات قابلة للتغير عقب الزواج!
النظرة الشرعية يرى الخاطب من البنت ما يرى منها عادة (وجه كفين قدمين)؟
بنيتنا المتينة ما تنعرف من استدارة وجهها؟ ومن جفوفها؟ والضعيفة نفس الشيء! بلى ينعرفون!
استغربت من أحد الزملاء الشباب يقول في احدى نقاشاتنا انه يبي يشوف شعرها؟
قلت له ربع ساعة سشوار تخلي شعرها ناعم؟ كيف بتعرف؟
قال لي لا، أعرف من أصول الشعر؟ بصراحه استغربت (شكثر يبي يدقق) و شكثر صار عند هالجيل جرأة ما هي محمودة..
واذا تبون رأيي (مع احترامي للجميع) هذي الجرأة اللي عند الشباب في غير محلها مع الأسف، وياليت الواحد يطالع نفسه ويطالع باخواته وحلاتهم قبل لا يتشرط على الناس.
الرجل اللي نعرفه يترفع عن هذي الأمور، لكن بيجيك مية الف واحد يقولون حق من حقوقه..
ليش يظلمون البنات ويطلبون انهم يكونون على قدر عال من الجمال؟ ويلغون أو يتغاضون كل المعايير الأخرى؟ من بيطاوعهم لا شك غلطان وخسران.
حياك الله يا دانه، تقبل الله منا ومنكم الصيام والقيام وصالح الأعمال. واذا كان الشاب مأذي أهله يبي يعرس وموظف وأموره زينه، لكن يبي وحدة مدري شنو مواصفاتها! صراحة أنا احسهم ماديين وينظرون للمراة ك commodity لازم تكون فارهة مثل باقي الأمور، والنظرة المادية السطحية هذي ما تجيب لهم الا المشاكل.
بوزيد هاي حقه الشرعي .. وايضاً حقها الشرعي ..
لان باجر بيقول ماعجبتني وبيكون له عذر عشان يطالع برع ..
ترى مقايس الجمال او القبول مختلفه بين الناس ..
مرات اشوف حد شكله ابد مش مقبول لكنه متزوج ملكة جمال ..
فاكيد البنت شافت فيه اشياء او حبت شكله وقبلت فيه ..
لان الاذواق تختلف ..
:
لكن سالفه اشوف شعرها ماله داعي .. عندك والدتك وعندك خواتك بيقولون لك اللي ودك تعرفه كله ..
انا لما خطبني زوجي .. قلت حق والدته قوليله اني البس نظارة طبيه .. فضحكت وقالت عادي يمه ..
فاصريت انه يعرف .. لان واحد من اخواني كان يقول ماابي وحدة تلبس نظارة :fight: فالاذواق والميول تختلف ..
ترى كل ما الشاب او الشابه اكبروا بالعمر الشروط تقل .. :)
في البدايه بس المواصفات تكون فل اوبشن .. لين راح العمر بتقول ظل راجل ولا ظل حيطه ..
مساء الخير جميعاً، واشكركم على المشاركة والتفاعل.
اعتقد (والله اعلم وذمتي بريئة)، اذا تكلمت عن الشباب فأظن ان من اسباب عزوفهم عن الزواج هو كما يقول المثل (كثرة المساس تقلل الإحساس).. فللأسف الاختلاط خلا الشباب انتقائيين لدرجة كبيرة لأن الجنس الآخر مب غايب عنهم مثل الأجيال القديمة. فصار الجنسين اغلب الوقت يختلطون ولو بصورة غير متعمدة من المقاهي الى الأسواق وأماكن العمل... الخ.
مساء الخير
اعتقد من معوقات الزواج عند الشباب هو تغير سلوكهم ونمط تفكيرهم بحيث تحولوا الى أشخاص يفكرون في الفلوس والصرف على انفسهم ولا يحتملون فكرة انهم بيتزوجون وبيصرفون على زوجات (خصوصاََ أنهم يشوفون بنات جيلهم ماديات أكثر منهم)!
موضوع يتكرر و لا نتائج و تغييرات ملموسةّّّ
مساء الخير
من معوقات الزواج عند بعض الشباب هو فشل علاقة سابقة كانت ينتظر منها الشاب أن تنتهي بزواج، فتتحطم نفسيتهم ويصعب انتشالهم من هذي الحالة، اتحدث هنا عن شباب جادين وكان متعلقين ببنات غالباََ يصيرون لهم أو قربتهم المساكن.. الخ.
أحد هؤلاء الشباب طلب أن أبحث له بيت يناسبهم، فقلت له بشوف لك عند آل فلان.. فتغير علي وقال لي (لا) أنا ابيك تجوف لي من بعيد، لا يمكن آخذ من الجماعة بعدما فاتتني بنت فلان.
فهذا الشاب هداه الله، يبغي يترك كافة الناس اللي ينتمي لهم أو تصله بهم قرابه لأنه كان متكلم على وحده وزوجوها أهلها لغيره.
الآن ما يبغي بنات الجماعة كلهم، يبغي من آخر العالم لو يقدر.. وهذا بعد ولو لم يعترف (ونا ما حبيت أقول له) يالس يعاقب نفسه.. والغُرب ممكن تحصل فيهم اللي أخير لك من أقرب الأقربين.. وكل شيء نصيب.. لكن لا تلوم الغُرب لو تعاملوا معك بحذر أو اشترطوا عليك شروط كثيرة.
طبعاََ أقف مع الشباب وأقف مع الزواج المبكر وأقدر وضع كل من خالفه الحظ ولم يحالفه ولا يسعنا الا أن نشجع الشباب ونناقش متطلباتهم بهدوء وانفتاح وتقديم النصح لهم مهما ظنوا أن نصحنا هو نقد أو معارضة أكثر من نصح.. والله الموفق
ماينلام الصراحة :)
لان الانسان اذا تعلق بحد بيحبه ويحب طوايف يده ..
لكن ان عاف .. بيعوف البلاد كلها :(
السلام عليكم
من معوقات الزواج عند الشباب نظرتهم المادية بحيث انهم يقارنون value for money
لا تستغربون لأني واجهت الشيء هذا من شباب العائلة.
يبي نجمة هوليودية مقابل المهر اللي متعارف عليه هالأيام