عرض للطباعة
بعد الفحص النظري بمركز المغربي للعين والاذن والاسنان دخلت الى محل المغربي للنظارات بنفس المركز وطلبت عمل عدسات للقرائه حسب الوصفه فكان سعر العدسات 850 ريال وطلب مني العوده بعد 10 أيام
وبعد كم يوم وجدت محل نظارات طبيه في العزيزيه فتوقفت عنده واعطيته الوصفه لعمل نفس العدسات وكان السعر لاستغرابي الشديد 120 ريال وقال لي الموظف ستكون جاهزه خلال نصف ساعه فهل هذا التباين بالسعر معقول وما السبب ياترى ارجو الافاده ولكم جزيل الشكر
cc: شركه التامين الوطني صحه
نوع العدسة والكواليتي يختلف ومغربي مايستخدم الا احسن نوع وفي محلات نظارات مو ثقة ابدا
كلام ام محمد صحيح .... و خدمه مابعد البيع
وحتى بنفس نوع العدسه توجد مواصفات... الكل منها... لها سعر
السبب الاحتكار يجب على المسئولين في التامين (صحة) التحرك بسرعة للقضاء على هذه الظاهرة
ومنع الاحتكار وفتح المجال لجميع الشركات بالانضمام تحت مظلة التامين .
اوف زين بلغتونا والله
في التأمين الصحي الله يخلي الحكومة ماتقصر علينا
يختلف الكوالتي والنوع
وفس العدسات لازم تاخذ احسن كوالتي تلقاه لانه العين حساسه والعدسات الرخيصه ممكن تشبب لك التهابات وحساسيه في العين
هالتوضيح في محلهاقتباس:
المشاركة الأصلية كتبت بواسطة أم محمد 90
واشكرج عليه اختي ام محمد
كلامج صحيح
الكواليتي يختلف
فعلا كلام ام محمد صحيح..... في تقنيات اوروبيه و اشياء وايد ممكن تتوفر بالعدسه وما تتوفر بغيرها....العدسه نصين مختليه و فيها خط والا ما فيها خط...و سماكتها كم هاي لحالها بتفرق وايد....ما تتخدش بسهوله او ما تتخدش اصلا و ما توقف عليها قطرات الماء و ما تظهر هاله بيضاء عند النظر لاشعة الشمس و تخفف من امتصاص الضوء على العين ....و كمان من وين يجيبونها و اشلون و خلال كم المدة ....من دبي مثلا و الا المانيا و الا فرنسا.......و من اي محل و كم ايجار المحل و سمعته .....الخاقتباس:
المشاركة الأصلية كتبت بواسطة أم محمد 90
مستحيل هالفرق ونفس الجوده!!
العدسات الرخيصه تتعب وتاثر ع العين اذا مب على طول، بيبين بعد مده
انزين وشهو احسن محل نظارات فالدوحه حق الطبيه وموثوق ان نظاراته اصليه وعدساته مظبوطه
اصلا المغربي اسعاره نااار
لا تقعدون تقصون ع انفسكم
وايد محلات تبيع عدسات بجوده عاليه بس مايوصلون نفس اسعار المغربي
حتى اطارات النظاره عندهم دبلات الاسعار عن المحلات الثانيه
الزين ان مافي احتكار في وكالات النظارات الحين في قطر ..
تشوف تنافس بين المحلات على الاسعار ..
تشوف محل عنده نظاره ب1200 و نفس النظاره في محل ب1000 و يعطيك خصم بعد ..
كل شي يعتمد على السعر اللي يحطه المحل و يعتمد على سعر النظاره لما ياخذها من الشركه الام ..
لان سعر الجمله يختلف .. يجيك محل ياخذ 1000 نظارة ومحل ياخذ 10.000 نظارة فالسعر يفرق