السلام عليكم ورحمة الله وبركاته
الموضوع للجميع ومن يقدر يمدنا بصور أو لقطات حتى لجديد السيارات وللنقاش عن عيوب ومزايا بعض السيارات حسب تجاربكم
انا من النوع اللي يحب السيارات الصغيرة والعملية وهذي في قطر تعودنا نحط عليها اكس بسبب ثقافة المرور عندنا .. أذكر أمريكي يقول شحادكم كله سيارات كبار وما فيها الا واحد .. وهم في الغالب لكل عائلة سيارتين صغار أو صالون وسيارة كبيرة للعائلة والبعض عندهم فان أو بيك أب
مع تقدم الموضوع إن شاء الله باحط مقاطع وصور للسيارات اللي مرت علي وأتمنى حد يبدأ باللي عنده
وعليكم السلام
موضوع حلو :nice:
لازم يجي اماف وبونفس ووطن بعد :telephone:
صادق الامريكي اهني كل واحد سيارته شكبر اخر شي هو شحص واحد داخلها دايما :omen2:
يالله من يقترح لنا سياره نتناقش عنها :telephone:
تصدق كلام الامريكي صح شحادكم على السيارات الكبيره ؟؟ يلا جداااااامي عطني الكزس ههههههههههههههه شتبي فيييييييه شكبرررره عطني اياااه واخذ الهولكس يالشرير :tease:اقتباس:
المشاركة الأصلية كتبت بواسطة .قطر.
لي مشاره يامعماري بموضوعك الجميل مثل جمال اخلاقك :shy:
الامريكي قال السيارات الصغيره احسن ماقال البياكم احسن ولا جان عطيتك اللكزس ههههه:tease:اقتباس:
المشاركة الأصلية كتبت بواسطة نفسي عزيزه
انتظر مشاركتك الحين بتقول لنا الهلكس طبلونه ليزر وفيه aux ههههههههههههه
قطررررررررر ههههههههههههاي
تصدق والله اني ماتغشمر الهولكس مواصفاته احسن من الجيكسار
الجكسار خالي مافيه شي :weeping:
خالي ولا عمي المهم طوفها :shy:
ان شاء الله هالموضوع بيكون متجدد وانا بانزل صور من الانستقرام مع معلوماتهم لاني اتابع حسن كتبي باليوتيوب والاماراتي عندي معلومات طيبه منهم
خاطري في نيسان بلاتينيوم ابيع الجكسار مادري بصراحه فخم النيسان :telephone:
هههههه ضحكتني عن بو نفس .. مسكين نسيته بس فكرت من نكه نفسي وتذكرت أخيراً .. شكله بيغير النك
انا أول سيارة خذتها كانت يوم خلصت ثالث إعدادي وكانت تيوتا جيب المسماة كبسولة .. اللون أبيض وفيها مكيف مقابل الراكب الثاني وتفره يطير غترتك
موديلها كان 1980 وكانت مجرمة وانا ساعدتها على الإجرام كسرتها بسرعة حوادث وقلبات وكم مرة ينكسر القير .. كنت اجي مسرع والف اخليها ترد ريوس واعطيها واحد تقول أرجوك ما اتفقنا على هالحركة وبعد شوي القير يخرخش والعزم يطيح لين توقف .. خذت بعدها يمكن بسنة وحدة ثانية بيج وكان ذاك الوقت وقتها وتعتبر السيارة الشعبية في قطر
أول العام كنت أدور في فريجنا في تامبا - فلوريدا - أمريكا وحصلت وحدة بيضا نظيفة جداً و صورتها يبي لي ادورها على راحتي بعدين
تسلم يا اخوي كنت اكتب الرد وما شاء الله مداخلتكم أكثر وأسرعاقتباس:
المشاركة الأصلية كتبت بواسطة نفسي عزيزه
اللكزس صغيرة ثرى بس ما تحسون بها .. شفت في لوس أنجلوس لكزس فز قلبي وادقق في الرقم الا qtr وما ادري وشو بعده لكن مخفية سودا ولا باأشر له باسلم ولا باسوي حركة
الهيلوكس نزلوا منها 6 باي 6 حق ثلوج روسيا ومستخدمة وايد هناكاقتباس:
المشاركة الأصلية كتبت بواسطة نفسي عزيزه
اول امس موقفيني يامعماري فالشمال ناس ماعرفهم ف الاربعين اواخر الاربعين يشفونه يبون مثله على بالهم دريول مانتبهو الا انا ههههههه بتلشو فيني
بصراحه حلال كل ريال في الهايلوكس الجديده
انا اول سياره سقتها ميستوبيشي 87 ذهبي عجيب بوقته هههههه وعقب نيسان 92 كسرته 13 كرونه بدلت له
ان شاء الله تكون مشاركاتنا جميعا المره الجايه موثوقه بصور
عني بانزل صور سيارات بعضها بمعلومات وبعضها فقط السياره وموديلها
وابشروا بالجديد :shy:
عشان جي انا شريت فكسار قبل لان الجكسار افضى منه مافي على موتر موديل 2015 :rolleyes2:اقتباس:
المشاركة الأصلية كتبت بواسطة نفسي عزيزه
اي والله الجكسار مشكله يعني على سعره المفروض مواصفاته مواصفات فكسار من شاشه وعدادات يعني يكون نفس الشي بالضبط من داخل بس بدون الكي دي اس اس ولا نظام الزحف وغيرها من الانظمه اللي ف الفكسار
لان اذا تبي مواصفات تحصلها بس ف الفكسار وسعره فوق اذا ماتقدر عليه ف ماعندك الا الجكسار وفاضي بعد :(
زين تسوي لو بتاخذ نيسان حتى لو بو 320 حصان الصراحه فخم وشوفه اشلون فيه مواصفات مع انه ف الفئه يتساوى مع الجكسار
بس اي بلاتنيوم بتاخذ بو 400 حصان ولا بو 320 حصان ؟ :telephone:
اقتباس:
المشاركة الأصلية كتبت بواسطة معماري قطري
هههههههههه اهم شي ماتفقنا على هالحركه :funny:
لو سيارات هالايام جان ماستحملت الاجرام اللي سويته فيها
اوووووووووووه ذكرتنا بأشياء ماكانت لا على البال ولا الخاطر
سلمك الله اول سياره حقي مقي ملك خاص كانت الخنفسانه فولكس وايجن بعد شهرين شهر8 شبت النار فيها وهي ماشيه
في شارع الريان والعالم هرنات وانا ولا على بالي زين مانفجرت فيني شراها لي ابوي من شخص انجليزي
بعدها بمده خذت حصان الموت بيجو 404 الي كانت تعشيقاتها في السكان كانوا يسمونها شيك في المخباء
وبعدها خذيت 504 عاد من قدي هذي فيها مكيف تمت معاي 3 سنوات وبعتها على واحد من الربع بسبب
ان 604 نزلت كان طبلونها 240 و6 سلندر هذي اطبعت في بحر المحرقه بعد سنتين وتكنسلت
عاد غيرنا من البيجو الي الدتسون خذت GT هاي بعد 6 شهور تكنسلت دشيت فيها محطة كهرباء بن عمران زين ماشلعت السب استيشن
خذت تعويض من التأمين وخذت لي ميستوبشي جالنت رديت على الدتسون وخذت z
وبعدها خذت امريكي من شيخ ورارد امريكا 8 سلندر سبورت ترانز ام تمت معاي سنتين لعوزني سعودي الا يبيها غصب طيب
اطريت ابيعه استفدت فيها 30 الف
خلني اخذ استراحه
فاصل وبعدها نواصل
هذي الهيلوكس 2016 شكلها حلوة والله
هدية حق نفسي عزيزة
https://www.youtube.com/watch?v=u7FvlIhDeYI
وذيك ما استحملت مسكينة والله .. أحاول اتخيل شلون كنت اسوي اللي اسويه القلب ميت صج ميتاقتباس:
المشاركة الأصلية كتبت بواسطة .قطر.
عيل إنت قديم .. أذكر اثنين من الربع كان عندهم البيجو استيشن واحد اسمه عيسى وواحد راشد بن عيسى .. هم ألحين نسوا أكيد .. بس كانت سيارة تستحملاقتباس:
المشاركة الأصلية كتبت بواسطة النهار
ومن فترة شفت الستروين القديمة موديل 1971 عند واحد ألماني وسئلته عن الهيدروليك ذيك لو بنشر تاير كانت توازن نفسها وتمشي على 3 تواير وكانت صج بدعة مع الهيدروليك المتطور .. بس استغربت طلعت اللي عنده مب هيدروليك
حلو هالموضوع خصوصا للي يبغى يشتري سياره جديده
أول ما طلعت الليسن 2005 أبوي فديته قال أمري على أي سياره تبغينها
فكرت كثيير بين ألماني أمريكي ياباني عقب قلت حرام اخذ سياره فخمه وانا توني عليميه واذا انشمخت والا انطعجت قلبي بعورني عليها.. وبعد إن كان حبيبك عسل لا تلحسه كله
فشلت الالماني من الحسبه
خليتها ياباني عاد شفت تيوتا نيسان والا هوندا انا التيوتا ما احبها كلش بتاتا البته هههه
المهم رسيت على هوندا اكورد 2006 حسيتها الاجمل والارسى والارهف بالسواقه من بينهم كلهم
الكل استغرب من الاختيار بصراحه وسمعت بعض التعليقات مايحتاج اقولكم هههه ^_^
واخذتها وماقصرت معي وانا ماقصرت معها دعمت فيها واندعمت أكثر من مره ووحده من هالدعمات خشنه وربي سلمنا
صلحنها قطع اصليه من الوكاله وللحين عندي وعزيزه علي حيل ورغم الي جاها لو تركبها وتركب كامري 2006 بتلاقيها افضل بكثييييير منها وشاده نفسها مو متخلخله وراسيه
طبعا مريحتها بس زوجي يستخدمها للمشاوير القريبه حلاق ماركت وكذا
وفيها خير وبركه الظريف إن بعض من علق عليها يطلب يستخدمها إذا دخل سيارته الورشه ^_^
الزد اخوي النهار خذت ال 300 تيربو أول ما نزلوا سنة 1984 وكنت اسرع فيها سرعة رهيبة فوق ال 230 بوايد .. تسابقت مع مرسدس 560 وطفته بمسافة طويلة يقول لي هو يمشي فوق 260 ومستغرب شلون انا ابتعد عنه وانا ما اتوقع موصل 260
بس صار لي حادث بشع فيها وزين سلمت بشلخ بسيط في الحوض ترقدت على سبته فوق الشهر
هلا بأشجع العضوات .. الباقي أكيد يدخلون يقولون غابة رجال خلونا نطلعاقتباس:
المشاركة الأصلية كتبت بواسطة Dior'1
انا خذت أكورد في أمريكا تجميع أمريكا وبمواصفات غير عن اللي عندنا وباب واحد .. ألحين الباب الواحد اللي في قطر أمريكية
المهم كانت وايد مريحة ويوم خلصت حولت ملكيتها لإخوي وجاب رقمها بس ما ادري وين وداه IQK 81 U لحد يسئلني شلون اتذكره .. ببساطة لأني بجاوب .. كنت رابط I Love Qatar and Kuwait والرقم واليو .. الحلو في فلوريدا الرقم من ينصرف يبقى ذكرى لك وباسمك طول العمر
شي طبيعي في هذيك المرحله من العمر انك تسوي اللي سويته وتحسه عادياقتباس:
المشاركة الأصلية كتبت بواسطة معماري قطري
ويوم تكبر تقول شقاعد اسوي انا قبل :omen2:
بس ذكريات والله :nice:
انا صراحه مافي موتر مأستخدمته
خذت سياره يسمونها سهان بيرد كان الشريف وكيلها ماعندهم كراج ولاقطع غيار كان تروح تاخذهم من الحوطه مقابل سينما الخليج هههههههه عمر الافتراضي للسياره 6 شهور فقط
الفارميو كان وكيلها ناصر بن خالد صج موتر رزه كربيترين بس خرباته كانت وايد او بالاحرى هنى في الوكاله ماكنوا يعرفون له عدل
خذت من عند الدرويش فيات ريجاتا وخذيت مازدا حراقت الايل
وخذت من عند صالح الحمد المانع دتسون نفس الكبسوله بس ناسي اسمها
وخذت من عبدالغني مارك تو تويوتا هاي جات فتره بسيطه ووقفوانتاجها.
خذت كريسيدا شيخة السيارات
وخذت سوبر صالون عاد هاي التوب لين الحين موجوده عندي بس واقفه وماتحركت من 2008
وخذت عراوي وهايلكس اول مانزل المتعوس البرتون خذته اتعس سياره على وجه الارض
فاصل ونواصل
هلا اخوي معماري
بالنسبة لي لو انا كنت عاقل مثل اليوم ايام شبابي كان كونت ثروة محترمة بدل السيارات اللي اشتريتها خلال 7 سنوات اللي فاتت
اشتريت السيارات التالية وكنت دايمها ابيعها بخسارة و اسبوعيا في الصناعية
1- تويوتا تيرسل 1995 ( اول سيارة في حياتي بسعر 7 الاف ريال وتقسيط كمان كنت ابحث عن شغل في بداية حياتي )
2- متسوبيشي باجيرو 2005 ( حللت كل ريال فيها بسبب السرعة لمن جابت اخرها معايا )
3- نيسان باثفيندر 2003 ( اخترب علي كمبيوتر و كذا شي كلفوني تصليح نص سعر السيارة خسرت فيها كتيير )
4- تويوتا كامري 2006 ( افضل سيارة كانت معي في الاستخدام ولم اصرف عيلها ريال صيانة وندمان عبيعتها )
5- فلوكس واجن باسات تيربو 2006 ( السيارة الوحيدة اللي بعتها بربح الف ريال ولم اخسر فيها )
6- bmw 520i موديل 2005 ( عذبتني كل اسبوع في الصيانة وكل سيرفيس بملبغ محترم يصل الي ثلث مرتبي )
7- مرسيدس S320 موديل 2000 ( مريحة جدا وعزم جبار وسابقة عصرها برغم قدمها وسويت فيها حادث خشن وبعتها بخسارة )
8 - كامري 2009 ( اشتريتها بسلفة لاني فلست من المرسيدس والحمدلله سددت ثمنها وحتى الان استخدمها صيانتها لا تذكر ونسيت الصناعية بعدها )
بعص الصور القديمة هناااااااااااااااااااااااااااااااااااااا
الستروين وكيلها المانع وكيل البيجو والفورد سقتها بس مادشت مزاجي شكلها كريهاقتباس:
المشاركة الأصلية كتبت بواسطة معماري قطري
كانوا يسون لها دعايه مهب طبيعيه السياره الوحيده في العالم الي ماتنقلب وانها لوبنشرت تمشي على 3 تواير
انا كنت اتسابق معاهم بالترانس المرسدسات ال 500 اقول له حرك وانا بحرك بعد بدقيتين بالراحه امر من جنبه وهو يطالع اسلم عليه وانا رايح عنه بمسافه كبيرهاقتباس:
المشاركة الأصلية كتبت بواسطة معماري قطري
بالمهلي ماشاءالله زين تتذكرها عجيبه اللوحه لوحهم تجيك ملونه وعليها رسم صحاقتباس:
المشاركة الأصلية كتبت بواسطة معماري قطري
أحب السيارات وأكثر سياره أحب اتفرج عليها اذا مرات او حتى واقفه الجموس الخوض القديمه*
وسيارات الكلاسيك كلها
الزد القديمه روووعه
النهار أخبر الستروين وكيلها النائل ولا أنا غلطان أذكر بمعرض السيارت كانت تمشي بين الستاندات بثلاث تواير صح .
أنا أول سيارة شريتها كانت بروتون وكالة موديل 2000 لونها أبيض صدفي وتيك بني من النوع البلاستيك هههه وحركات ، أذكر مرة على لفة محطة الوسيل دخلت مسرع فيها لقيت نفسي بوجه السيارات :nice: إلى أن إنتقلت لرحمة الله بعد حادث تسبب فيه الوالد الله يحفظه .
وخذوا هالنكتة مرة تفاديت كروزر طلع من لفة قدامي أيام اللفات اللي بنص طريق الشمال ..إلا وادوس هذاك الكلب :nice: النكتة إن الكلب كان ميت وعرفت بعدها إن الصبح واحد صديقي هو اللي داعمه :nice: المهم بعد ما دسته الصدام طاح من ورا ..وركبناه مع الشباب وأمورنا طيبة .
بعدها سونوما فديتها ما كنت أعرف امشي فيها كل شوي الشباب يسألوني للبيع ، كانت صاروخ ومكيفها ثلج وأعطيها ثالث ونااااااام سيدريك وكورولا وألتيما وبي إم دبليو الله يفكني منها بس :rolleyes2: فيه سيارات ثانية وخاصة الأيجار ما خليت سيارة ما دعمت فيها ولا ركبت فيها رصيف ، الله يرحمها من أيام حلوة .
أنا مستغرب من معماري قطري ههههههههه على قدر جديته في المواضيع تحسه انه كان الشخص المثالي الوحيد بقطر طلع شوماخر المنتدى ولا النهار ههههههه ما شاء الله عليكم .
لا سلمك الله قبل النائل كان المانع وكيلها الي هو وكيل البيجو والفورد الحالياقتباس:
المشاركة الأصلية كتبت بواسطة السكين
هاي الموديل الي كنت اقصده
http://bestcarmag.com/makes/Citroen/DS/1970-Citroen-DS
كان سوقها ضعيف القليل الي كان يشتريها توقفت فتره طويله وبعد ين جابوها شركة النائل
ما شاء الله عليك عيل إنت أقدم مني بقرنين من الزمان أقل شيء .. الله يعطيك العافية والصحة .. هذي السيارات بعضهم آذكرهم وبعضهم لااقتباس:
المشاركة الأصلية كتبت بواسطة النهار
بالنسبة للسوبر صالون انا خذت وحدة سنة 1993 للبيت بعد ما تخرجت وكانت نوع الرويال صالون وصج كانت سيارة عملية ومريحة .. بعتها بعد حول 15 سنة لأَني محتد آخذ سيارة جديدة ولا فيه مكان للوقوف .. أعتقد انتاجها مستمر بس للسوق الياباني .. كانت عند خالي قبل وكنت متعجب من الثلاجة فيها ذاك الوقت .. في اليابان هي سيارة الامبراطور بس نسخة خاصة منها
زين اللي محتفظ بالصور .. وصحيح الفترة قصيرة والسيارات كثيرة .. انا اشتري على فترات أطول خذ لي الوالد سنة 1982 كروزر وكانت أول مرة اتعرف على هذي السيارة والحمد لله كنت متقن للسواقة أكثر بعد تكنسيلي لسيارتين سنة 80 و 81 وآخر حادث كان شنيع جداً حول سبع قلبات وتقطعت السيارة وانقذفت منها انا واخوي على جنب الطريق .. في كل جسمي جروح وآثارها بقت بسبب السكر كان له معاي حول سنة أو سنتين ذاك الوقت.اقتباس:
المشاركة الأصلية كتبت بواسطة المبرمج صلاح
إخوي سووا له عملية 8 ساعات في المخ في لندن مع إن تقارير مستشفى رميلة إن ما فينا شيء .. وانا علاج طبيعي للظهر ومداواة الجروح وكان شق تحت عيني .. أذكر ولد عمي يقول شفناكم وثيابكم مشققة والجرح اللي تحت عيوني يقول بكيت وترحمت عليكم.
كان الحادث بسبب قطع الطريق علينا بسيارة طالعة من وسط الجزيرة وكنت أكيد مسرع .. والرجال شيبة إماراتي طلعوه من السجن من أول يوم لأَنه صاحب عائلة والحمد لله بعد 3 أيام في العناية المركزة بدينا نفيق .. والحمد لله ما فيه كسور سوى ضربة لإخوي في الجمجة وكان فيه نزيف داخلي مستشفى رميلة ما كشفه.
الكروزر واصلت فيه لين عام 1986 وكنت أتركد في السواقة قد ما اقدر غير بعض المغامرات الطائشة القليلة وسافرت ادرس وهناك وعيت على القانون الحقيقي للمرور وضرورة ربط الحزام وضرورة الوقوف عند اشارة قف بالكامل .. وفي هذه الأثناء خذت النيسان زد اكس سنة 1984 وتكنسلت عندي بعدها ب 8 شهور وكان حادث بشع تسبب لي في شلخ في الحوض وشقوق في الرأس من القزاز وما قدرت اقدم إمتحان وعدت السنة.
وايد كنت معذب والديني وانصح الكل الحين بعدم المغامرة بالسيارة.
اتذكر عنواني ورقم سيارتي وتلفوني .. العنوان والتلفون حافظهم من زمان وبالصدفة حصلت دفتر شيكاتي ومكتوب فيه العنوان والتلفون وتأكدت إن ذاكرتي صحيحة .. رقم السيارة بعد ما خلص اخوي جابه بس له فترة مفقود وزين للحين اتذكره .. إخوي خلص سنة 1996 وهندسة كهربائية وخذ ماجستير ادارة مشاريع من حول 3 سنين والحين يدير مشروع كبير الله يوفقه ويعينهاقتباس:
المشاركة الأصلية كتبت بواسطة Dior'1
حي الله إخوي السكيناقتباس:
المشاركة الأصلية كتبت بواسطة السكين
صحيح يا اخوي انا من محبي السرعة .. من أيام شفت رقم 240 في ألمانيا ومعاي إخوي مسكين يصيده تشنج كل شوي
ألحين فرق كبير السرعة بتحسب وبعقل قبل لا بتهور وسرعة على تحفيص على شل تايرين والمجال مفتوح والشرطة لو يشوفك شرطي يمكن يعطيك ثآمب آب .. أذكر سيارتي كانت السلنسر ( الدبة ) خربانة وتطلع صوت عالي وسحبيتها أقوى وانا داخل سوق العلي دوس وتحفيص مع كل لفة واشوف الناس يطالعوني شوي اركز الا الشرطة وراي وونان وليتات ومن هشكل الناس مستغربين شفيه هذا مجنون بكل قوة وجه شارد عن الشرطة وتحفيص .. كان الوضع عادي في هذي الأماكن وثقافة الاحراج مب موجودة .. لكن شرطي ينزلك من السيارة ويمكن يكلبشك قمة الاحراج .. المهم وقفت ونزل الشرطي وكان كبير سن وطيب .. قال لي حد يحفص في السوق .. وانا وجهي ألوان من الإحراج وشوي الناس بيلتمون على السيارة .. طلب الليسن وكان عذري إني كنت مستانس على الصوت ولا سمعت الونان وراي .. رد الليسن علي وقال لي حرك بسرعة ولا تعيدها مرة ثانية قبل ليجتمعون الناس عليك .. عاد مشيت منحرج ودي مطافيء تطفي وجهي
أيوا ذي والله عجيبة وكانت سابقه زمانهااقتباس:
المشاركة الأصلية كتبت بواسطة النهار
هذي الهيلوكس 6 باي 6 وشكلها سعرها معقول مقارنة بالمرسدس وغيرها من نفس النوع
https://www.youtube.com/watch?v=qRrIBbAYImo
الفراري اف 60 ب 2.5 مليون دولار النسخة الأمريكية
https://www.youtube.com/watch?v=q1_uTt6fsns
عجبني تصميمها من داخل صج الإيطاليين أفكارهم ما تخلص
https://www.youtube.com/watch?v=erddIrLxqAw
صحيح كلامك روعة واللون الأزرق راكب مع الأحمر الداخلي مع خط علم أمريكا على الكراسي يعني نسخة أمريكية بامتياز :victory:اقتباس:
المشاركة الأصلية كتبت بواسطة معماري قطري
صراحة استمتعت وانا اقرى الموضوع
والله يعطيكم الصحة والعافية ..
انا اول موتر لي كان كامري 1997 اللي تجي لونين ..
هذي كنت معاملها معاملة الفورويل .. وصراحة احلى المغامرات فيها !
وسنة من السنين وصلتها العديد هههههههه
وعقبها كروزر 2008 .. وللحين موجود ! مدعم من كل صوب
حللت قيييييييييمته وتوني مبدله مكينة من كم شهر ههههه
خذت جمس 2012 جديد ودعمت دعمة خشنة فالويه وما مشى 3000 كيلو ..
وهني خذت كدلك cts-v واستانست فيه بس للاسف الصالون ما يصلحلي ..
صلحنا الجمس وسقناه وداومت عليه واموره طيبة الحمدلله ..
وبعدها بسنة شريت جمس 1985 رفرف من السعودية .. اشتغلت عليه ..
من الصدام للصدام .. صبغته وجددت داخليته وصرفت علييه لكن للاسف من حلاته ما تهنيت فيه ..
وبعته بعد التعب والشقى والخساير .. وبعت الجمس 2012 العام وخذت لي رابتر ..
وبس والله مرتاح عليه والحمدلله !
ما شاء الله عجبني إختيار الكدلك وانا من محبيه بس خذت اسكاليد للبيت مستخدم بأقل من نص القيمة وماشي 45000 وقتها وكان باقي له سنة على الضمان .. خذته 2009 وهو موديل 2007 وللحين استخدام شبه يومي .. آفكر في الجديد والصالون حلو منه أنواع كثيرة الفي v آظن سبورتاقتباس:
المشاركة الأصلية كتبت بواسطة بعيد النظر
الله يوفق الجميع ويحفظكم من أخطار السيارات والطرق
خطيرين في تصاميمهم الطلياناقتباس:
المشاركة الأصلية كتبت بواسطة السكين
الله يسلمك أمريكا دولة قوية وتفرض على الدول الثانية شروط قوية للتصدير .. يقول لي مرة أحد الدبلوماسيين اللي يشتغلون هناك عن السيارات اللي تصنع عندهم وهي كثيرة منها النيسان أرمادا والتيوتا الكبيرة والتاكوما البيكم والتندرا والأفلون .. الأفلون جربتها وللحين عندي في البيت للسائق خذتها سنة 2007 .. سريعة ومريحة كنت اوصلها سرعة 200 أوقات على طرق خطرة في الأُردن وهناك سواقتهم غريبة يحبون يمشون وسط الشارع سادين مسارين
اقتباس:
المشاركة الأصلية كتبت بواسطة النهار
يالشيبه
هاهاهاي
ماشاء الله عليك عاصرت اجيال ...
العمر كله
امممم
موضوع جميل ..
اول ما سقت سنة 1997 وخذت لي كان نيسان 90 استيشن ..
تم عندي قريب الـ سنتين عقب بعته وخذت نيسان 92 مال اخوي طبعاً هالنيسان صارت افلام فيه وقصص
بس في الاخير اخوي دخل فيه بدوار والحمد لله على سلامته وعدلته
وخذت لي نيسان موديل 95 ابيض بعد كان حق اخوي استخدمته وخبط بهدلني تبهدل من كراج لي كراج ..
عقب حلفت الا اعطي النيسان اكس .
خذت لي فيكسار 98 كديته كد لين قال بس
عقب بعته وخذت فيكسار 99 اسود بعد حللته
عقب بعته وخذت لي جيسكار 2003 اسبير علاق
وعقب بعته وخذت جيكسار 2005 ورده ما تهنيت فيه ودعمت وعلى طول بعته
عقب خذت فيكسار 2007 كان الحب وبعته
وحالياً على فيكسار 2008
والحمد لله
وحالياً افكر اخذ لي رابتر موتر ماشاء الله ..
): تذكرونا بالسيارات الجميله ليش .؟
اول موتر خذته نيسان مكينة تيوتا 1991 باب
عقبه نيسان 1992 مكينه تويتا باب
عقبه نيسان 1995 لونين ستيشن
وعقبه نيسان 1997 مكينة تيوتا ستيشن
وعقبها بالفيت اني متطور خذت نيسان 1998 وكرهت ام النيسان وبطلت عنه ..
وتميت ع التيوتا ولكن بهدلني بعد كان جي اكس ار 2007 قير عادي ):
وخذت بعده فتك 2008 وكان موتر موتر مايتفرط
وعقبها رسيت ع تاندرا 2011 باب موتر مشاء الله .. ويستاهل الكد والكرف .. طعبا خلونا ع فرويل السبورتات مب موضوعها هاي ههههه