عرض للطباعة
مشروع الخضار الطائر متخصص في توصيل المنتجات الزراعية من ساحة المزروعة والوكرة والخور بالاضافة الى السيلية والشحانية حديثاً وكذلك من السوق الخضار المركزي ( الشبرة)
ماعليك انك ترسل اللوكشين على الواتس اب لتصل سيارة مبردة محملة بالخضراوات والفواكة عند الباب يعني محل الخضار متنقل
ايش رايكم بهذا المشروع ، هل يصلح في قطر ؟
علما نفس المشروع موجود في الامارات ( الفوالة المتحركة )
شي طيب .
اذا بتغطي على اسعار الخضارين وجوده في الخضار بدون مواد فاسده بتكسب زباين وبترجع راس مالك وبتربح وبتقدر تثبت نفسك وتخصصك جهه حكوميه و يتعاملون معاك اغلب الوزارات والقطاعات
الله يوفقك واصدق وتابع بنفسك ولاتعتمد على احد وادع لنا
هم ما يحبون الاشياء الجواله على اساس مالهم تحكم عليها ،مافيها رخصة و قيد منشأة و هالخرابيط....
توكل على الله
وياك وجزاك الله خيراقتباس:
المشاركة الأصلية كتبت بواسطة r3aad
اهم شئ وجود محل خضار بسجل ورخصة بالاضافة الى سيارات متجوله مجهزه ب جي بي اس وشكرا لكاقتباس:
المشاركة الأصلية كتبت بواسطة مــاي ورد
الله يحفظك اخوياقتباس:
المشاركة الأصلية كتبت بواسطة زقرتي ومزاجي
والله ياخوي المشروع زين اذا حددت كمية الشراء مثلا ماتقل عن 100 ريال
المقصد انك تدرس الاسعار والسعر التقريبي للربح لكل مشوار تطلعه السياره
طبعا ماتسوا السياره تطلع على 2 كيلو طمام وربحك فيه 3 او 4 ريال
فعلا كلامك صحيح سيكون هنالك الحد الادنى للكميات او بمبلغ معين وجزاك الله خيراقتباس:
المشاركة الأصلية كتبت بواسطة البرونزي
والله يا الغالي شوف خبرات المطاعم كيف تستفيد من الديليفري ...يعني في حد ادنى للطلبات و التوصيل تلاقيه بعد 45 دقيقه تقريبا....و ايش بيصير في حالة ارتفاع البنزين لاسعار غير متوقعه و اعتقد ممكن تغير في سعرك حسب الكميات
الله يوفقك
جاري دراسة حالات الديلفرياقتباس:
المشاركة الأصلية كتبت بواسطة khaldoon
اما ارتفاع اسعار البترول لكل حادث حديث
وتسلم يالغالي
موضوعك يستحق التفكير و التأمل..... صراحة لما شخص يعرض علي فكرة جديده و يبيني اتعامل معاه اول شي بسأله اعطيني سبب مقنع اني اترك الناس اللي اتعامل معهم من سنين او الطريقه اللي انا ماشي عليها من زمان و ابتدي اتعامل معاك انت بس ....والحال نفسه للمنتجات و الادويه و غيرها....هذا السؤال المهم و هو ايش تقدر تقدم للعملاء خدمات و امتيازات بحيث يجون عندك و يتعاملون معاك و ينجح مشروعك بكل قوه...الله يوفقك لانك تستاهل كل خير
هلا اخوىاقتباس:
المشاركة الأصلية كتبت بواسطة khaldoon
هنالك الكثير من الامتيازات ساذكرها بعضها عشان خاطر عيونك
+ من خبرتي التعامل مع ساحة المزروعة الاسعار رخيصة جدا مقارنة مع اسواق التجزئة او محلات الخضار في الفرجان وخاصة للكميات كبيرة
+ جميع المنتجات الزراعية من مزارع قطرية طازج ( فرش )
+ معظم العوائل تتمنى التعامل مع تلك ساحات المزروعة ولكن صعوبة الوصول اليها ناهيك بعدم ارتقاء مستوى المكان ( يعني بهدلة)
+هذه الخدمة تخدم بشكل اساسي لتجارات مواقع التواصل الاجتماعي كمثال الانتسغرام غير المطاعم او شركات التغذية او حتى بيوت العوائل الكبيرة
+تشجيع وزيادة بيع اصحاب ساحات المروعة لكل المناطق ( المزروعة والوكرة والخور والسيلية والشحانية) مما يشجع الحصول على اسعار خاصة جدا
+الكثير من العوامل لاتعرف عن ساحات المزروعة وحتى اماكنها ، ولولا جوجل ماب ماوصلت اليها
وشكرا
بارك الله فيك يا الغالي على الرد الجميل.....مشاركتي فوق هي من باب مشاركتك الرأي في المشروع و ليس المقصود التدخل في خصوصيته و سريته...بس الهدف هو لفت نظرك ايش يبي الزبون او العميل....الله يوفقك و تحصل اللي تبيه و تروجوه من هذا المشروع الجميل و المميز و بالتوفيقاقتباس:
المشاركة الأصلية كتبت بواسطة jajassim
نخصص سيارة خاصة لك ياخلدون تأمر أمر ،،اقتباس:
المشاركة الأصلية كتبت بواسطة khaldoon
اخوي اجمالا التجارة بالخضروات والفواكه مجدي جدا ولو تمر على عشرات قصص النجاح لمن دخل في هذي التجارة في الدول المجاورة بتتأكد من كلامي لكن المشكلة في قطر ان هذي التجارة مسيطر عليها جدا وصعب تحط رجلك في السوق المركزي الا برضى الهوامير واذا تشجعت وسويتها واستوردت لك شحنة خضار او فواكه مابتحصل اللي يشتريها منك لان محد يقدر يزعلهم !!!
لكن فكرتك هذي هل الحل الوحيد لهذي المشكلة لأنك ما بتحتاج وسيط بينك وبين الزباين من المزرعة لمطبخ الزبون والربح اللي حاليا يتوزع على شخصين او ثلاثة لين يوصل الزبون بيكون لك انت بس وانا فكرت بموضوع استيراد الخضار والفواكه وسويت دراسة جدوى لكن واجهت عقبة التوزيع لاني مثل ما قلتلك اذا بنتظر التجار ياخذون مني بكون خسران مع العلم ان تكلفة استيراد شحنة خضروات من الاردن مثلا تكلف مع كل شي من 20 الف لل 30 الف وقيمتها في السوق من 40 الة 50 الف يعني متوسط ربح بين 10 و20 الف في الشحنة الوحدة واحيانا يكون هامش الربح اكثر بكثير على حسب المواسم لكن هذا المتوسط .
اذا محتاج اي معلومة بخصوص هالموضوع انا حاضر
حاليا اعمل تطبيق لهذا الموضوع ، وهذا سر نجاح الفكرة ، مااروح انافس تجار الخضراوات وخاصة الهنود عصابة متمكنة في السوق المركزياقتباس:
المشاركة الأصلية كتبت بواسطة حنظلة
وجزاك الله خير على اهتمامك ، وان شاء الله اذا احتجت لاى معلومة ما تقصر معي
وشكرا