مرحبا ..
اذا حد منكم يتعامل مع وسيط يكون امين وشاطر ياريت يبعث لي رقمه على الخاص ولكم كل الشكر
عرض للطباعة
مرحبا ..
اذا حد منكم يتعامل مع وسيط يكون امين وشاطر ياريت يبعث لي رقمه على الخاص ولكم كل الشكر
لا يوجد مع الاسف واذا حصلت عطني خبر
محتاجة وسيط علشان يشتري ويبيع حسب نظرتة هو ولا نظرتج ؟؟؟؟
اختي ممكن توضيح أكثر
السلام عليكم
انا اعرف وسيط أمين وحبوب ممكن على الخاص اعطيج رقمه
انا عندي وسيط ممتاز وصادق ومايكذب
انا عندي وسيط ممتاز وصادق ومايكذب
تسلمون على تجا وبكم معاي وياريت تبعثون لي ارقام الوسطاء اللي تشوفونهم اوكيه في التعامل على الخاص وبالنسبه لسؤالك اخوي الصياد انا ابيه يشتري ويبيع حسب نظرته يعني اعطيه توكيل يبيع ويشتري في اسهمي بس يكون امين ويستثمر أسهمي استثمار جيد
السلام عليكم ورحمة الله وبركاتة
أختي الكريمه تبين نصيحة اختك لا تصدقين ولا تثقين بااحد لو احد من هالوسطاء من وراها فايده كان فاد نفسه تعاملت مع اثنين واحد خسرني 500 الف اللي حطيتهم له يتداول لي فيهم وكانت موزعه على شركات والثاني خسرني 750 الف أختك مديونه بــ مليون ومئتين وخمسين الف تخيلي انك بااول حياتك وشبابك عليك هالديون وانتي مب عارفه تسددينهم شلون والموت مايعرف صغير ولا كبير
نصيحه اذا ماتعرفين لسوق اشتري للاستثمار وانسي عندك اسهم راح يكون لها مستقبل ممتاز واستشري المحللين هنا وماراح يقصرون معك اما وسيط يضارب لك راح يخسرك وفالاخير بيقول لك والله ياسيدتي هذا هو السوق ربح وخسارة والسوق مايتبع تحليل وا وا وا من الاعذار الواهيه وانتي اللي حلالك يطير مب هو
اسمحي لي اختي على الاطاله ولكن نصيحه وحبيت اقدمها لك لوجهه الله اللي مايعرف للسوق لايدخله
انا مع كلام المستحيله ..
اصلا مافي هالشي انج تعطين وكاله لوسيط وهو يتعامل بأسمج ..
مجرد كلام يكون بينج وبينه .. وطبعا اذا خسرتي وظاعت فلوسج بيقولج هاي السوق ..
ومافي وسيط مايخسر .. والي يقولج جيبي فلوسج وانا ما اخسر واظمن لج الربح
هذا (( كـــــذاب )) ولواص ..
فنصيحه أختي لاتسلمين حلالج لأي شخص تعلمي انتي عالسوق ..
وحوالي تشترين وتبيعين من نفسج ..
صدقتي أختي المستحيلة هاذي اللي قاعد يصير في السوق اللي يقول مايخسر كذاب حتى لو صادق بيكون مابيعرف اشي بسوق وماتعلم فيه حرام تسلمي حلالك لشخص معتمد على اراء واشاعات ومافي شي بيلزمه غير وعود انو راح تربحي ولما يصير السوق كله أحمر بتطلع الاعذار وقتها بصير يحكي هيك السوق ربح وخساره وماحد راح يقدر يحاسبه.... واسف على الإطاله
عزيزتي لاتسلمين حلالك حتى الى اقرب الناس لكي لان اليموتعبان فيها لايهمه ان يخسرها خاصتا اذا لايوجد لديكي اي مستندات علية السوق حالينا فرصة للشراء والاستثمار ابحثي و اقراء في المنتديات عن الشركات ذات العوائد الممتازة وتابعي التحليلات واستشيري المحللين والله يوفقك
كلمتين لج اختي
محد يراعي حلال الغير
كل يراعي حلاله حتى لو خسر
موفقة ان شاء الله
مشكووورين وماقصرتوا على النصيحه وفعلا انا اقتنعت بكلامكم وبالفعل طالما الفلوس مب فلوسهم فماراح يهمهم سواء خسرت ولا ربحت .. وأبشركم انا استفدت واايد من المشورات اللي في المنتدى ومن الجلسات الصباحيه والحمدلله صرت ابيع بنفسي واشتري والحمدلله توفقت في بيعاتي كلها وصفقاتي اغلبها ربحانه ولله الحمد والمنه .. يعطيكم العافيه جميعا ..
الله يسلمك اخوي ويبارك لنا ولك وللجميع ان شاءالله .. ماقصرتوا والله لاخلا ولا عدم
منكم ولاهانكم ربي جميعا ،،
بيض الله ويهج يا المستحيلة على النصائح و الله يعوضج خير ان شاء الله
مرحبا أختي مستثمرة جديدة
الغالية لو أحتجتي أي شي يخص السوق
أعتبرييني مثل أختج وأنا حاضرة بفيدج أنشالله بخبرتي واللي أقدر عليه بإذن الله
إذا تبين تواصلين معاي دزي لي رقمج عالخاص لاترددين
فالج التوفيق يارب
اقتباس:
مرحبا ..
اذا حد منكم يتعامل مع وسيط يكون امين وشاطر ياريت يبعث لي رقمه على الخاص ولكم كل الشكر
من دخل في راسكم كلمه اعطيه توكيلاقتباس:
تسلمون على تجا وبكم معاي وياريت تبعثون لي ارقام الوسطاء اللي تشوفونهم اوكيه في التعامل على الخاص وبالنسبه لسؤالك اخوي الصياد انا ابيه يشتري ويبيع حسب نظرته يعني اعطيه توكيل يبيع ويشتري في اسهمي بس يكون امين ويستثمر أسهمي استثمار جيد
بس حطي رقمه في الشركه الى انتي اتعاملين فيها وهو ايبيع ويشتري باسمكم
بدووووووووووون توكيل ولا بطيخ
فعلالالالالالالا التوكيل يرفع الضغط عندي
اذا مش عرفين معنا كلامي راسليني على الخاص وعلمج اتفاصيل كامله وخلالالالالالالالالالالالالالاص
اختى الفاضله /مستثمرة جديدة
أقدم لكي نصيحة رجل له خبره كبيره جدا بالسوق المالى القطري منذ تم إنشاؤه فى أواخر التسعينات ، لاتسمعين كلام اللي يقولك أنا خبير فى البورصة وأعرف إزاي أضارب بالأسهم واربحك ارباح خيالية ، كل ده كلام فارغ مفيش حد يقدر يقول أنا خبير وكم من الناس وقعت ضحايا مثل هذا الإدعاء الكاذب وبحكم شغلى فى هذا المجال فهناك العديد والعديد من القضايا أمام المحاكم والنيابة العامة والشرطة لاتزال تنظر بسبب من يدعون خبرتهم بالسوق المالى ويغرون أصحاب الأموال بأنهم سوف يحققون لهم أرباح خيالية وتكون النتيجة أن يخسر صاحب المال كل رأس ماله نتيجة المضاربات الفاشله التى يقوم بها مدعو الخبرة وعندما يصل الأمر إلى الجهات الأمنية أو القضائية يدافع عن نفسه بأنه قام بالمضاربه بموجب وكالة من المشتكي وبناء على طلبه وتكون النتيجة خسارة كل شئ ، لذا أرجو من الأخت وغيرها ممن لهم الرغبه فى الدخول للسوق المالي الإعتماد على أنفسهم مع الإستعانه بمشورة أهل الثقة .
اختى الفاضله /مستثمرة جديدة
أقدم لكي نصيحة رجل له خبره كبيره جدا بالسوق المالى القطري منذ تم إنشاؤه فى أواخر التسعينات ، لاتسمعين كلام اللي يقولك أنا خبير فى البورصة وأعرف إزاي أضارب بالأسهم واربحك ارباح خيالية ، كل ده كلام فارغ مفيش حد يقدر يقول أنا خبير وكم من الناس وقعت ضحايا مثل هذا الإدعاء الكاذب وبحكم شغلى فى هذا المجال فهناك العديد والعديد من القضايا أمام المحاكم والنيابة العامة والشرطة لاتزال تنظر بسبب من يدعون خبرتهم بالسوق المالى ويغرون أصحاب الأموال بأنهم سوف يحققون لهم أرباح خيالية وتكون النتيجة أن يخسر صاحب المال كل رأس ماله نتيجة المضاربات الفاشله التى يقوم بها مدعو الخبرة وعندما يصل الأمر إلى الجهات الأمنية أو القضائية يدافع عن نفسه بأنه قام بالمضاربه بموجب وكالة من المشتكي وبناء على طلبه وتكون النتيجة خسارة كل شئ ، لذا أرجو من الأخت وغيرها ممن لهم الرغبه فى الدخول للسوق المالي الإعتماد على أنفسهم مع الإستعانه بمشورة أهل الثقة .
لا وسيط ولا خرابيط
اشتري الأسهم بعد توزيع الأرباح آخر السنة شهر شهرين تحصلين الأسعار فوق بيعي
تصدقين احد الوسطاء صايده من يومين يشتغل فورمن في شركة مقاولات بعد الظهر ولما سئلته قال كنت في البروصه وبفلوسي اشتغل وقلت له والحين بفلوسك قال ان مهندس ومشرف مشروع وهوو مش مهندس لان صاحب المشروع اعرفه 100% وقال انه هو الفورمن من اول يوم كان فيه عمل في الموقع
بسم الله الرحمن الرحيم
السلام عليكم ،،
يوجد وسيط لدينا للتواصل يرجى الاتصال
xxxxxxxx
almansoorgroup@hotmail.com
المال عديل الروح ....... والمال السايب يسبب الخسارة . بيعي واشتري بحذر في البداية لين اتمرسين في المضاربة وموفقة انشاالله.
بالتوفيق بس اذا خسرتي راح تزعلين من الوسيط وترفعين قضيه واذا ربحتي كم للوسيط
ياجماعه الموضوع قديم من اشهر وانتوا للحين تخيطون
هههه
انا بعد ابي رقم وسيط ممكن
تبي النصيحة لا تدور على وسيط اشتري سهم عائده جيد لاخر السنة حلال ( الاولى - الاسلامية للاوراق المالية - الدولي الاسلامي ) واصبر علية لين شهر مارس 2009 توزيع الارياح وبتربح بدون وسيط .
بالتوفيق لج انشاء الله وانتي تقدرين اتبيعين وتشترين حق نفسج على كل حال والطريقه سهله
ما انصح اختي بهذه الطريقة
لان الوسيط قد يخسرج بدال مايربحج
واذا كونلج ربح طمع
والموضوع لايحتاج توكيل او شي .. كل الي تحتاجينه انج تسجلين رقم جواله كشخص
يقدر ينفذ اوامر البيع او الشراء
او تخلينه يتاجر من خلال موقع الانترنت
نصيحه استثمري على فترات طويله الامد .. ان شفتي الاسعار نازله لدرجة مغرية
بجوالج عطي امر شراء
وان شفتي ان السعر مناسب للبيع .. عطي امر بيع بالجوال
وبالتوفيق ان شاء الله .. واي خدمة احنا حاظرين
ماتقصرون جميعا والله لايهينكم على المساعده لاخلا ولا عدم بس خلاص اخواني
حاليا صرت انا ابيع واشتري بنفسي وماعدت احتاج لوسيط .. يعلكم تسلمون :)
اخواني الاداريين .. اتمنى اغلاق الموضوع اذا تكرمتوا ولا عليكم امر :)