عرض للطباعة
السلام عليكم
عندي سيارة نيسان بترول موديل ٢٠١٤
كان مكيفها ممتاز فجاءة صار فيه مشكله شي يسرب الغاز المهم ركبت غاز بدون تصليح المشكله اشتغل ست شهور وعقب رجع حار
الحين راعي الكراج هذاك سافر وابغي حد يصلح لي المشكله
ياريت حد يدلني على كراج مناسب لان ما اقدر على تكاليف الوكاله
والسياره حق استخدام عائلة واطفال فابي حد يصلحها عدل وبذمه وسعر مناسب
Sent from my iPhone using Tapatalk
تسريب في غالب يبين لك شوف العين ع بيبات الغاز يتغير اللون من التسريب ربله دائريه هي السبب قيمتها 2 ريال تكون متصلبه من الحرارة طوال هذه السنين .
مرحبا أخوي في محل في طريق سلوى تخصص مكيفات سيارات أشوفه أفضل محل يصلح مشاكل مكيفات السيارات بتنسى المشكله وسعره مناسب راسلني خاص أعطيك رقمهاقتباس:
المشاركة الأصلية كتبت بواسطة Hayaqtr2022
انا بنت ومالعرف بهالامور .. هذا كلام احد الكراجات..اقتباس:
المشاركة الأصلية كتبت بواسطة سعود.
المكيف في النهار حار جدا ولازم اسرع عسان يبررد شوي اذا وقفت السياره ولا كانه يشتغل
Sent from my iPhone using Tapatalk
المشكلة مش في المكيف ..
المشكلة لازم تركيب مراوح اضافية للتبريد
هذه مشكلة معظم سيارات النيسان
اقتباس:
المشاركة الأصلية كتبت بواسطة Hayaqtr2022
اها الي فهمناه بالبدايه انه تسريب للغاز . دام كذا نفس ماقال لك الاخ ( بن غيث ) طرشي الموتر لمحل اسمه ( المحرك الصحراوي ) له فرعين في طريق سلوى والاخر في مدينه خليفة الشمالية موقعهم في جوجل ماب يركبون لك مراوح اضافيه تبريد . تاكيدي من ماي الراديتر + كلتش المروحه انهم اوكيه
روح محرك الصحراوي ركب لك مراوح سبال والافضل تركب ثنتين سعر الوحده بحدود 750 ريال
عندي نيسان ركبت عليه مراوح مرسيدس في الرياض والحمدالله حتى خرباته ومشاكله خفت بكثير عن قبل والمكيف مشاء الله ثلاجه
المنتج ادناه صناعة ( المانية ) ينباع في وقود يعني ثقه تاخذ علبتين منه وتفضي الراديتر كامل وتفرغ العلبتين وتعبي ماي الوكالة جديد أضمن لكم الحرارة تنزل 20 % الى 30 %
عن تجربه
https://f.top4top.io/p_23582qf200.jpeg
طبعا هذا موضوع اخر غير عن موضوعنا
ماعندي ثقه في وقود ياسعود
المهم نصيحه اللي عندهم سياره نيسان وعمرها فوق خمس سنوات
كل سنتين او ثلاث سنوات اقل شي بدل الراديتر بواحد جديد عشان تفتك وترتاح من الصناعيه
اقتباس:
المشاركة الأصلية كتبت بواسطة توشيبا
انا مثلك ماحبذ ( وقود ) ماعليك منهم المنتج الماني
جرب وراح تدعي لي عن تجربة
صباح الخير
حرارة الموتر تخلي كلتش الكومبرسر مال المكيف ما يشبك فالتكييف أصلاََ ما يشتغل.
لذلك أو علاج للنيسان تزيد مراوح. والحل اللي قال عليه الاخ سعود بعد عجبني وبجربه (سائل التبريد الالماني في الراديتر).
قبل لا تسوون المراوح لا تروحون للتكييف عشان ما تخسرون.
لتوضيح فقط والاستفادة اي موتر له نوعين تبريد طبيعي وميكانيكي . الطبيعي هو بفعل الهواء لاحظو في الخط دوم الحرارة تنزل بسبب الهواء الطبيعي القادم من الخارج خلال الشبك الامامي . ميكانيكي نوعين مروحة تبريد راديتر الماى لتبريد المكينه الكبيرة تجي خلف الراديتر امام المكينه مباشره + مروحة تبريد راديتر المكيف ( الكندستر ) هذي تجي في الامام . بعض المواتر فيها والبعض لا النيسان اساسا من الشركة مافيه . اخيرا موضوع الثرموستات ( بلف الحرارة ) وهو الي يتحكم بدخول الماى من المصنع مكتوب عليه درجة الحرارة الي يفتح عليها مثال 80 c اذا وصلت الحرارة لهذا الرقم يدور الماي في ثلاجة التبريد ويفقل بعدها البعض يغيره وياخذ رقم اقل والبعض يشيله في الاساس ع اساس الماى يدور على طول وهذا غلط
يمكن البعض يقول اروح الوكالة اضمن كلام جميل اذا الموتر عليه ضمان . واذا كان خارج الضمان حط في بالك اغلب الوكلات اعطال بسيطه تحتاج مبلغ ووقت بسيط عادي في الوكالة تقعد اسبوع والتكلفه تصل اضعاف اضعاف . الوكالات اغلب شغلهم تبديل القطعه كامله مع ان العطل جزء منها وهم عارفين فقط للكسب المالي . ولا اقول كل الكراجات زينة لا فيه ازين وفيه اشين ابحث واسال عن الزين . واذا عرفت ازين راح تكسب وقت وتوفر فلوسك .
السياره بارد كانت من يوم شريتها توها من سنه صارت هالمشكله
اذا تعرفون كراج يعرف لها مشكورين
Sent from my iPhone using Tapatalk
مركز الوليد قوي جدااقتباس:
المشاركة الأصلية كتبت بواسطة Hayaqtr2022
مركز الوليد الفني للسيارات
https://goo.gl/maps/9YtVkpGwumPRjcrU9