السلام عليكم ورحمة الله
كمحلل!؟ _
اتوقع باذن الله يكون هذا الشهر حاضن لمستويات سعرية تؤوسس مسار السوق حتى نهاية السنة
يعني و الله اعلم بيكون فيه نقطة سعرية للمؤشر ينعكس اتجاه السوق منها باذن الله _صعودا
وش توقعاتكم؟
عرض للطباعة
السلام عليكم ورحمة الله
كمحلل!؟ _
اتوقع باذن الله يكون هذا الشهر حاضن لمستويات سعرية تؤوسس مسار السوق حتى نهاية السنة
يعني و الله اعلم بيكون فيه نقطة سعرية للمؤشر ينعكس اتجاه السوق منها باذن الله _صعودا
وش توقعاتكم؟
وعليكم السلام ورحمة الله وبركاته أخوي السامر وجمعه مباركه على الجميع وربي يرزقك والجميع طاعته والبركة والرحمة ، وفي ميزان حسناتك دنيا وآخره لما تقدمه لأخوانك من وقتك وجهدك
والله اعلم ممكن من حوالين 10150
مساكم الله بالخير وجمل جميع أوقاتكم
انا توقعاتي مثل توقعاتك إخوي بو محمد لأن السوق مصخها ومتعطش للإرتفاعات
لازم بيصلحون مشاكل السوق ما اعتقد بيخلونه مثل شوارعنا من حفريات الى حفريات ما تنتهي
إحتمال كبير من الأحد نشوف تحرك جيد بقيادة محافظنا بدونها ما بنشوف شيء يستاهل
أمس غالبية الأسواق بقيادة الداو أغلقت حمراء وتحول مسارها أما اليوم بقيادة الداو مخضر من فجر وتابعته أسواق العالم وبرنت فوق ال 87.5 حالياً .. الداو رجع لخانة 35000 وتخلى عنها قليلاً
بإذن الله نشوف ال 11000 لسوقنا هذا الشهر وحلاتها قبل المنتصف حتى يرجع الثقة للي قاموا يهجرونه
والله يا ابو عبدالله انا اعتقد انه من الاجحاف مقارنة سوقنا مع اي سوق بالعالم وانا مع السامر انه قاعد يأسس وفعليا قاعد يأسس من فترة فوق ال 5 شهور بس السؤال هل انتهينا
جزء الله يطول عمرك من المؤثرات .. صحيح نقلل من مستويات أسواق العالم هشكل نقارن سوقنا بأسواق أفريقيا ممكن وأتوقعها ممكن أفضل .. حتى أسواق الخليج متفوقة بكثير على السوق التعيس بنكون مجحفين في حقها .. البعض تكلم عن الوضع العالمي والفائدة وكل العالم عنده ضغوطات وديون ويمكن شركاتنا بعضها ولا شيء من الديون عليها بالعكس عندها ودائع
الصانع اللي يأسس يشتري بقصد رفع السوق ما يبيع بقصد الضغط على السوق أو يقعد بليد لين باعوا البقية .. بإختصار سوقنا مثل المنتحب بلا هوية ولا روح
أنا اتوقع ان شاء الله من الاحد سوقنا بيرتد وبقوة
تخف المضاربات بتكون الامور طيبة بإذن الله
عاد ياريت المضاربات تضبط دوم!!!
متى ما ردت للريان عافيته اعتقد بنشوف السوق عند 11000 والله اعلم
من يوم ما وصلنا الى 10800 قلنا خلاص الامور طيبه
فجاه وبدون مقدمات بدات الانهيارات واسعار ماتسر
قبل فتره وصلنا لاسعار والسوق وضعه اصعب من هالاداء
اللي يشوف هالاسعار يقول الموشر عند 7000
نتمنى يبتدي السوق يتجه الى اعلى وقمم ما وصلناها من سنتين تقريبا
الله كريم ورب يرزق الجميع ان شاء الله
كنسل التجزئه
كنسل مزود السيوله
كنسل البيع عالمكشوف
رجع السوق القديم
بترجع له الحياه
اما تعامل سوقك مثل سوق امريكا ولا اي سوق اخر و انت سيولتك ماتتجاوز ال500 مليون مافي فايده
اغلاق قوي وخشن لخام برنت عند 89$
متوقع ارتداد قوي بقيادة صناعات ومسيعيد والدوليه
مولع الالمنيوم عالمياً
ان شاء الله ينعكس هذا على السهم
قامكو بكره ان شاء الله ارتفاع يسر الناظرين
هو بدأ الإرتفاعات ومتوقع يواصل بإذن الله وبإذن الله ما تطلع متغيرات سلبية
يمقن يمقن يجي مطر :pic:
كان يوم تداول غريب .. إرتفاعات حلوة في البدايات وهبوط تدريجي .. بعض الأسهم يضحك تداولها مثل صندوق المؤشر المرتفع فوق ال 9% عادي بكرة لمت داون والسبب سيولته بسيطة وحجم التداول ما تعدى 31,362 سهم .. وايد بسيط وثاني أعلى سهم مرتفع التحويلية وتداول كئيب 1,204 .. الخليج الدولية الأعلى سيولة المفروض يغلق أخضر بس بعد صار عليه بيع شكله تخارج
المحافظ الأجنبية مبيعاتها في خانة ال 22 مليون شكلهم يذكرونا ب 2022 .. والمحافظ الخليجية إتجهت للبيع اليوم بحدود 10.2 مليون ريال .. وأفرادنا بيع بحدود 10 مليون ريال
على قمة الشراء محافظنا بحدود 33.5 مليون ريال .. كأنها تقول للبقية تعالوا وين رايحين ونست ضغطها المتواصل على السوق بالبيع .. الأفراد العرب شراء حول 4.3 مليون ريال .. والأفراد الأجانب اقل بشوي من 3.5 مليون .. والخليجيين الأفراد شراء بسيط ما يوصل نص مليون
باختصار شديد المؤشر على هذي التداولات متجه إلى
أرقام تحت لا استعبد اي سيناريو سلبي حاليا لان طريقة التداول تصريف حتى الآن والله اعلم
هذي وجهة نظر لا تبني عليها قرارك
تحياتي للجميع
تداول متوقع .
السوق عنيد ويتجاهل اي ايجابية وكما قلت سابقاً مازال يشمشم عن اي سلبية تحقق له المطلوب وبيجي وقت يتحقق له المراد .
الاقتراب من حاجز العشر آلاف شيئ يجعل المتداول يرتجف ويجعل اي سيولة داخلة تتردد وتفكر ألف مره وتنتظر مليون مرة قبل ان تدخل .
مازلت ايضاً انتظر كسر العشر آلاف بفارغ الصبر او حتى الاقتراب اللصيق لها سواء اعلى بكم نقطة او اسفل بكم نقطة ..حتى ننتهي من هذه الحالة الكئيبة ونخلص من العرضي الممل. ونبدأ ارتداد حقيقي ومشجع وجاذب .
هذا بالنسبة للمؤشر اما بالنسبة للاسهم فكل سهم له وضعه الخاص وهناك اسهم من الاساس منهكة وبالقرب من قيعانها ..مثل الريان والرعاية والمتحده وغيرهم ولذلك ملاك تلك الاسهك لا يتعبون نفسهم ولا يهمهم مؤشر ..باستثناء الريان .
على اي حال اتوقع على المدى المتوسط وبعد تحديد نقطة انطلاق ان ندخل في وجهة صاعدة تستمر لمنتصف شهر نوفمبر مدفوعة بنتائج الربع الثالث .
والله اعلم .
نعم بعض الأسهم تحت القاع ،،،، لكن اصحاب الملايين شالو كشهم من السوق يمكن اتجهو للابن البار او الذهب؟؟؟
هذا السوق لايوجد لة توقع
سهم يرتفع قريب 5%والشراء ملايين ويتحمس المستثمر لدخول وبعد كم ساعة تم بيع ملايين الأسهم
ويغلق السهم احمر
الداو يقول لل 35000 تعالي تعالي بعد ليلة مش قبل ليلة لامسها ونزل الجمعة .. والنفط على مشارف ال 89 بعد يقول لها تعالي تعالي
نحنا كنا نتحرك مع النفط، بس حاليا سوقنا هابط والنفط صاعد، إن شاء الله نرجع للصعود
انا انتظر الريان على 1.8 او 1.9
ومزايا طبعا على 0.6 وحواليها والاجاره على0.7 او فوقها شوي .. اللي بعض الناس غاصين فيها ههههه
مع الدولية اموري في الروب ان شاء الله
مع اغلاق اليوم بلغ حجم استثماري في البورصة مبلغ 300 الف ريال
القناعة كنز
في أسهم كنا نحلم نشتريها بالأسعار الحالية، مثل بروة ومخازن وغيرهم، بس بسبب وضع السوق في عزوف عن الشراء حاليا
السوق يمشي على رؤية صانع مايسترو يمتلك كل ادوات التحكم لتحقيق رؤيته ...
والآن هل اكتفى بالاقتراب لحاجز العشر آلاف بهذه المسافه اللصيقه ؟؟ اليوم المؤشر سجل ادنى نقطة تحت 10100 ثم ارتد من الادنى ..لذلك من ضمن الاحتمالات انه قد اكتفى ...او ربما لديه محاولة كسر اخرى ايضا ينتهي منها ويرتد في جلسة واحده ...وان شاء الله يبدأ يعكس اتجاه قريبا جدا جدا
وفي كل الاحوال ان شاء الله اقتربنا من نهايات الهبوط بإذن الله قريب بنعوض كل الخسائر والله المستعان .
باعتقادي ان من يضارب او بما يسمى الصانع السوق هم البنوك انفسهم فا الامر طبيعي لديه يقدر يتحكم بالسوق
تجد بعضهم يطرح توصيات سهم معينه وهو المستفيد بالاخر والله هو العالم ههههههههههه
اسهم محددة في بعض الشركات ناوي ان شاء الله اشتري فيها ع أواخر هذا الشهر يعني قبل إيداع الرواتب واستلام المعلومomen
ميزة
زاد
الميرة
الاجارة
وبس
هذه ليست دعوة للشراء او البيع،،،،كلن مسؤول عن قرارة
الصبر جميل
ما شاء الله من انجاز لإنجاز لسوقنا في الغوص في الأحمر
محافظنا اليوم دفعت وايد في السوق 4.7 مليون بس .. وأفرادنا شراءهم أعلى بوايد 25.5 مليون فرق كبير والسوق على هبوطه يستحق الدخول بقصد الصبر للتوزيعات .. .. الأفراد الخليجيين أيضاً شراء بمليون و 400000 ريال .. مع قلة تداولهم لكن شراؤهم مؤثر وليس مثل محافظنا اللي تداولها فوق 140 مليون .. الأفراد الأجانب شوي أكثر من 0.7 مليون شراء والمحافظ الأجنبية تحولت للشراء بحدود 2.3 مليون ريال وبعد يعتبر شراء قليل
اللي باعوا بس فئتين صادهم احباط الظاهر أولهم المحافظ الخليجية حول 26 مليون بيع وثانيهم الأفراد العرب بحدود 10.2 مليون بيع
السوق يقترب من القاع ومشكلته بيسبح حول القاع شكله طول ما الكل يبيع واللي يشتري يشتري بخوف وعدم اهتمام
اليوم اسواق امريكا اجازه
وكانت السيوله ضعيفه في سوقنا مما ادى الى نزول سريع وقوي في بعض الاسهم من غير اي سبب
باذن الله بكره اخضر غامق لان النزول ماله اي سبب او اخبار والبترول والاسواق طالعه
وهذا اللي يشكك إن نزول سوقنا متحكم فيه ومفتعل و 440 مليون مب شوي حتى المحافظ الأجنبية اللي بدت تبيع رجعت تشتري صحيح شراء قليل بس اشترت مثل محافظنا محافظنا 4 من 140 ومحافظهم 2 من 84 تداول كنسبة يطلعون متقاربين
نتمنى يكون بكرة أخضر غامق وبعد بكرة واللي بعده بس ممكن بكرة فزة أول التداول ونزول مهما يكون بسيط يعتبر قاسي لأننا قرب قاع
الارتداد على الإغلاق اليوم برعاية صناعات والتجاري والمصرف نوعا ما، أما الباقي كومبارس