هنا حبيت الكرسي الدائري هذا مع قطعة السجاد تحته عملي يمشي لدورات المياه الكبيرة ويمشي كذلك لغرف الملابس
https://i.imgur.com/7Ey9irZ.png
عرض للطباعة
هنا حبيت الكرسي الدائري هذا مع قطعة السجاد تحته عملي يمشي لدورات المياه الكبيرة ويمشي كذلك لغرف الملابس
https://i.imgur.com/7Ey9irZ.png
مثل هذي
https://i.imgur.com/kkFUcuo.png
والا هذي
https://i.imgur.com/ST4eelh.png
والا ذيلا
https://i.imgur.com/FFlYqFx.png
ذيلا شوي عرضهم أزيد من 60 سم لو بنسوي الكبت ستاندرد 60 سم بيطلعون بارزين شوي ولو نخليهم وسطيين بيبينون أحلى ببروزهم البسيط وتكون تحتهم أرضية شوي مرتفعة بحدود 7 سم حتى يكونون بعد بارزين من الأرضية لسهولة الوقوف جنبهم وتحميلهم
وبشكل قريب من الصورة ذي ممكن بعد ولو على كبير وبعرض كبير وثنتين وممكن مختلفين بعد النوع العادي والتاور
https://i.imgur.com/TDQ5bN6.png
الله يرضى عليك يا بوعبدالله، ساره وينها ووين هالغسالات،
حدها هذي اللي تعلچ الثياب وقت التنشيف.
http://media-cache-ak0.pinimg.com/73...a22c898ca8.jpg
دمتم سالمين
الصراحة اول مرة في حياتي اشوف غسالات هالشكل !!!
اشلون جذي دورين :omg: .. انا غسالتي دورين بس ارتفاعها يمكن متر ونص مب هالكبر كانها ثلاجة ..
:anger1: وايد تضحك الصراحة ..
حتى هذي مامرت علي ولا شفتها الا منك واكيد مصورها من ستورك وخاش داخلها ريموتات المكيفات :tease::tease:
صادقة الغسالات الأمريكية قليلة يجيبونها وكلها حديد ثقيلة وهيفي ديوتي تعمر صج غالية بس سعرها فيها .. كانت موجودة عند المناعي أظن وايت وستنغهاوس
هذا الفرن من سامسونغ يعتبر 4 في 1 بخار وبالهواء وعادي والأخير ما فهمت شيعني
https://i.imgur.com/fcNql1F.png
للي يبي يدلع زوجته فرن بكاميرا من سامسونغ بعد تتابع الطبخ بالكاميرا عن بعد
https://i.imgur.com/vF2htPY.png
60 دي بي للصوت هو صوت هاديء جداً ومقبول ويقال انه صوت الهمس تحته 57 هذا وايد نازل لمروحة الشفط ذي
https://i.imgur.com/42ilGg0.png
قريت مقال في المجلة عن تصميم مساحات دورة المياه وتوزيعها صح وعلاقتها ببعض .. ضرورة عمل البارتشنات في الحمامات الكبيرة وعمل فجوات التخزين وهذي تكلمت عنها وايد هنا كل شيء زين ما عدا عندي ملاحظة لو دمج الشور مع البانيو في منطقة مغلقة وحدة أفضل وأوسع للشور حتى لو كان العرض له 80 سم أو حتى 70 عرض الفراغ شامل البانيو بيكون بحدود 70 + عرض البانيو ممكن 70 أو 80 أو بينهم بس بيكون عندنا متر ونص لحركة اليد وعدم الإحساس بالضيق وكذلك بنكون عزلنا الماي في جهة وحدة .. بعدين استخدام البانيو الواقف مثل هذا جنب الحايط سوى لنا منطقة ضيقة صعب الوصول لها تحت ولو استخدم بانيو عادي أو جكوزي بيطلع أرخص وعملي أكثر وأحلى لهذا المكان
https://i.imgur.com/IP9hzcY.png
بالنسبة للصورة اليسار تكلم المقال عن وضع لوحة فنية وهنا حطوها مقابلة للجالس في البانيو .. انا أشوف أفضل تركيب شاشة عرض بمقاس مناسب وممكن تلفزيون ال اي دي ولو موصول بالنت ممكن نشوف يوتيوب أو أي قناة تبث لايف أو أبسط شيء عرض صور عن طريق يو اس بي .. بيكون يعطي صور متغيرة وممكن فايلات صوت لو نحب
مكان الكرسي عمل البارتشن الصغير سواه معزول ومرتب مكانه والمغاسل كذلك
https://i.imgur.com/AOK6R3e.png