-
اخوي معماري نزلت البرنامج بس ماعرفت شلون انزل الصور
وعن بلاط على شكل رخام قليل تحصل ذو جوده وإذا حصلت غالي سعرة يضاهي سعر الرخام
متوفر عند تدمر بالطلب والسعر ب 400 ريال للمتر فل بدّي بورسلان
وصراحه جميل شكلة
والطلبية تأخذ اقل شي 3 شهور
اللي قاهرني معظم البضاعة الممتازة بالطلب مب متوفرة مع العلم البلد في اتجاه التطور
مشكلة التجار يخافون
على سبيل المثال نابينا عنده أشياء ممتازة بس بالطلب والطلب عنده يأخذ 6 شهور
واكتغون في طريق سلوى بعد عنده باركية بورسلان من شركة مراتزي وبعد بالطلب
المشكلة ان المتوفر من الباركه البورسلان ألون الرمادي وهذا غير مرغوب فيه الا للمحلات والمطاعم
وأكثر الطلب على درجات البني الغامق ويدرج الى الفاتح الى البيج
والبروسلان على شكل باركه فل بدّي قَص ليزر غالي
والأسعار تتراوح من 300 ريال الى 400 ريال وغير متوفر الا بالطلب
-
-
للأسف استخدمة البرنامج بس ماعرفت شلون انزل الصور
-
سهل إِخوي عبدالعزيز .. بعد ما تزل تنسخ رابط المنتديات مكتوب forum وتشوف شلون .. بس حاول تخلي الصورة أَبعادها 1280 في 900 أَو حولها المهم العرض ما يزيد عن 1280 وفيه برامج لتضبيط الصور وايد منها مايكروسوفت اوفيس بكجر مانيجر
-
عن البورسلان صج حرامية تجارنا وهذا شيء يقهر .. عاد تدمر عندهم مخازن منظمة ومن أَفضل الشركات اللي تعاملت معاها .. الواحد في هالحالات أَفضل له يجيب من السعودية ولا دبي وغالبية التجار ياخذون من هناك ويضربون السعر في 2 أَو 3 ومحد بيحاسبهم والناس يشترون هنيه
-
مطابخ ايكيا
تنصحوني افصل عندهم
-
الله يوفقك ايكيا شركة مختصة وسعرها معقول
-
اليوم نزلت كتاب مفيد لتفاصيل عمل تجديد للحمام ( تكرمون ) فيه تفاصيل كثيرة وشرح بالصور .. المقاس بالفوت والفوت يساوي 12 انش والانش 2.205 سم للي يبي يحول وياخذ فكرة عن تصميم المساحات وتوزيعها .. كذلك خطوات العزل وتركيب البلاط والمواد .. ويمكن الاختلاف بسيط ولصالحنا في بنيان الطابوق وهذا ببورد خشب رخيص وخفيف لكن مواد العزل والتبليط ونظافة الشغل يكملون نقص ضعف مواد البناء الأَساسية.
وهذا طبعاً يوصلنا لنقطة مهمة وهي لو بغينا نمدد ونجدد تجديد كامل في الحمام ممكن نسوي طبقة حائط خشب ونمدد تحتها بدون تكسير مزعج للحائط .. ممكن نكسر شوي في الأَرضية بس ونجهز شغلنا قبل للصرف وبعدها حائط خشبي ووراه الحائط الأَصلي وعليه التشطيب مثل ما نحب .. ومثل ما ذكرت سابقاً نقدر نسوي كسرات تجميلية وعملية في الحائط.
http://s000.tinyupload.com/?file_id=...31787541985253
-
[FONT="Arial"][COLOR="Blue"][SIZE="6"]الكتاب اللي في الرابط مفيد وسهل .. وهذي صور منه
http://i.imgur.com/k2h8XPt.png
هنا جزء للتبليط وقبل صب روبة الفواصل
http://i.imgur.com/CfQUI0E.png
-
معماري يالغالي
سؤال ونصيحه
حاليا انا في مرحله اختيار بلاط الحمامات
حمامي 3*4 وفيه مغلستين ومرحاض وبانيو وشاور
ابي احط فاصل بالطابوق حق الدش ويكون منه كرسي وبحط باب زجاجي عقب
المقاسات كم تفضلها وكم ارتفاع الطوفه
هذا واحد
الشي الثاني شرايك في فكره ان البلاط الحمام يكون نوع ولون واحد ساده مثل الفنادق
بدون ديكور وبدون مزاييك
وهل تعتقد المزاييك يحلي الحمام صوب الشور ولا صارت قديمه
وشاكر لك