عرض للطباعة
موضوع شيق وتجربه جميله
شخصني الدكتور سكري نوع ثاني وطالبني اخذ حبوب نوعبن ، سايرته وماصرفت الحبوب مشيت على النظام الصح ثلاث شهور بس مع مشي ساعة راح السكر ورد كل شي طبيعي ولله الحمد ! ولازلت بفضل الله متعافيه من داء السكر اللي*كذبوا علينا وقالوا مرض مزمن لايمكن الشفاء منه
حياج الله إختي ضوى تعليقج ونشر تجربتج هي الأجمل والله يديم عليج وعلى الجميع الصحة والعافيةاقتباس:
المشاركة الأصلية كتبت بواسطة ضوى
هذا إنذار لج وزين سويتي دوم البداية تكون منا والحمية أكيد حل والرياضة ضرورية للكل .. النوع الثاني سهل ودوم أنصح اللي يصيبهم يبدون بهذي الإجراءات بس مع التأخير والتراكم لازم بنحتاج أدوية مساعدة .. انا وصلت لمرحلة أحتاج غلوفاج لتضبيط مقاومة الأنسولين وبعد استوى ما ينفع وايد وأحتاج مشي حتى لو قليل وأحتاج حمية وبنفس الوقت أعالج النوع الأول اللي هو انعدام انتاج الأنسولين والحاجة للإبر 4 يومياً .. يعني اللي عندي صار مزيج النوع الأول والثاني
أوقات تصير معاي ما لي نفس آكل وأنام شوي بعد بذل مجهود ويكون السكر زين فوق ال 200 وبس نومة خفيفة حول ساعتين ينزل يوصل 50 وهالتذبذب مشكلة من أيام في السيارة وزين واحد في البلدية تبرع لي ببسكوت حطيته في مخباي وكان عندهم حزتها 80 وانا في الطريق للبيت وصل 50 وكلت البسكوت كان وايد حلو مليان سكر ضبطه شوي وصلت البيت وكملت على الأكل أكثر ونمت شوي قمت الا 350 .. السكر طفل مزعج بهدلني والله
بس لا تهملين شوفي المعدل التراكمي لكل 3 شهور وخففي السكريات والنشويات
يارب العرش العظيم في هالشهر الفضيل ان يشفيكم من مرض السكري وجميع الامراض المزمنه
آمين ويشفي مرضى المسلمين ويبعد هذا الداء عنكم جميعاقتباس:
المشاركة الأصلية كتبت بواسطة توشيبا
اسال الله العظيم في الثلث الاخير من الليل ان يشفي كل مريض ويريح بالكم جميعا ويشفيك يابوعبدلله ويعطيك طولة العمر ويضبط عندك ويستقر السكر
آمين يارب العالميناقتباس:
المشاركة الأصلية كتبت بواسطة نفسي عزيزه
آمين جزاك الله خيراقتباس:
المشاركة الأصلية كتبت بواسطة نفسي عزيزه
طلبت فزعتك في موضوع مراجعة المخططات الحق علي انت وسالم وتوشيبا بعد كاتب أساميكم من فترة
جزاك الله خير بوعبدالله على هذا الموضوع الهام، أنا عندي النوع الثاني، وتغلبت عليه بواسطة نظام غذائي صارم بحيث صار التراكمي طبيعي جدا وبدون رياضة، يرتكز هذا النظام على الإبتعاد عن النشويات بقدر كبير جدا، يعني لو طلبت سندويش آكل الخلطة و ارمي الخبزة، اكل اي شيء بدون خبز، صحون العيش والمفاطيح آكل اللحم او الدجاج ولا المس العيش، الخ، طبعا مع دعم نوعين من الأدوية (بدون أبر) . .
نظام صعب في أول الأم. لكن إذا شفت النتيجة الإيجابية منه يصير نظام سهل على النفس وأسلوب حياة لا تقبل مخالفته، والله يشافي الجميع
الله يحفظك ويوفقكاقتباس:
المشاركة الأصلية كتبت بواسطة Breakaway
فيه بدائل للخبز والعجين بدون نشويات وبدون جلوتين هذي تعلم عليها حد من اللي يشتغل في البيت أو أم العيال وتستوي بديل صحي للخبز .. العيش فيه اللي كامل مع النخالة وزراعة تقليدية قديمة بعيد عن المكرر والمعالج وراثياً بعد يعطيك نسبة سكريات أبسط وتمشي شوي يومياً أو تسوي تمارين بسيطة في البيت بتحس بشبع وبتحافظ على مستوى طبيعي للسكر ولا بتحتاج للأدوية بس لتغفل ضروري تتابع من وقت لوقت السكر نذل يرتفع فجأة لتوترات وأسباب ثانية
جربت آكل السمج مع السلطة لذيذ ويشبع مع عيش شوي في البداية ولاحظت العيش وايد أخف من الخبز حتى للعشاء بس بكميات بسيطة