اخوي ثامر اقتراح الاخت 100%
تبي الجديد يسمونه ( نظام الصرف الصحي الامريكي ) مسويه في بيتي بدون اي منهول صغير مباشر من الحمامات الى المنهول الكبير يعتمد ع نظام الميلان . حاليا 3 سنوات في البيت ولا اي مشكلة فقط رداد قبل المنهول الكبير . الرابط ادناه
https://youtu.be/gKQzOcDPXhI
شكثر الله يسلمك تكلمنا عنه وحطينا فيديوهات كم مرة بعد .. الرداد فيه صغار حق حتى بايب تصريف الشور والبانيو عن أي ريحة من الشعر وبقايا الجلد هذي تتحلل وتلصق في البايبات وتسوي ريحة كريهة مع مرور الزمن .. وفيه لبايبات مياه التغذية حتى تضمن اتجاهها في اتجاه واحد مع مضخة التدوير يسمونها One way check valve وهذي مهمة بس محد ركبها ولا نصحنا بها وكلها ممكن 5 أو 10 ريالات قيمتها تركبها خصوصاً عند مخارج المياه للمغاسل وللبديه وللشاور حتى ما يختلط الحار مع خط البارد وحتى التدوير يكون ماشي صح ومن تشغل الحار يجيك حاراقتباس:
المشاركة الأصلية كتبت بواسطة Thamer_Qat
صدقوني أبحاث الجميع هنا وايد ما يعرفونها حتى الإستشاريين ولا يطبقونها حتى لو عرفوها
:oops:اقتباس:
المشاركة الأصلية كتبت بواسطة Thamer_Qat
اذا ركبت للمنهول خلاص ماتحتاج تركب الفردي ..
لكن لازم بيباتك بينهم سعه عشان تقدر تركب نفس اللي بالصورة ..
انا ماقدرت اركبه عندي لان مافي مسافه بينهم .. فاكتفيت بالرداد الفردي لكل مكان ..
الفردي أضمن وأفضل .. نقدر نقول ضمان مزدوجاقتباس:
المشاركة الأصلية كتبت بواسطة sara jsm
رحت اليوم للي يبني بيته بروحه وهو مقاول عطيتك رقمه إخوي ثامر .. الله يعينه كل يوم جلسة مع العمال ومتابعة أحد جيرانه معطينه 25 متر إرتفاع وهو 14 ونص صورت شوي فيديوهات بس حر صعب أركز ما كثرت
وانا اشهداقتباس:
المشاركة الأصلية كتبت بواسطة معماري قطري
استفدت منك ومن باقي الأخوان اخوي عزيز يوكي بوسيف وختنا ساره و اخ سعود وغيرهم من الأخوان الكرام وماشاء الله خبره ممتازه وراي سديد من واقع تجربه وخبره وفوق كل هذا معدنكم طيب وتبون الخير لأخوانكم عيال ديرتكم
قضايا اخوانا كثيره في المحاكم ومازالوا في بيوت اجار او مازالوا ساكنين عند اهلهم مع عيالهم وبيوتهم واقفه صار لها سنين كل هذا انهم مالقوا شرواكم اللي ينصح ويمد يده لهم بأستشارات قيمة ومش بسيطه تجنبهم ضياع سنين من عمرهم وغش وخسارة ونهب اموالهم ويعيشون عمرهم في ديون مالهم ذنب فيها
الله يجزيك الخير اخوي بومحمد ..
وانا هم ماانسى وقفه بوسيف وبوعبدالله معاي .. فعلا نعم الاخوان والسند ..
نوروني وفتحوا عيوني على وايد اشياء ..
في ميزان حسناتهم ..
عند محلات الطيب بس سعره اغلى شيء موجود بالسوق وعنده مشكلة مايرجع البضاعة بعد الشراء
الله يعين الجميع .. ضربت يا اخوي على الوتر الحساس اللي هو الوضع القانونياقتباس:
المشاركة الأصلية كتبت بواسطة Thamer_Qat
مستغرب ليش وضعنا في تدهور وليش الحكومة ما تركز على حل شامل لموضوع البناء يتضمن تسجيل كل عامل وترخيصه حسب تخصصه بعد فحصه وكذلك المهندسين .. ألحين المهندسين شاملين يسوون كل شيء هندسي عندهم فيه خلفية وعلم والا دجل وتنظير كله ماشي والحسابة تحسب أهم شيء الكاش .. شعارنا في قطر إدفع كاش وخذ شيء بلاش
مستغرب من المسؤول عن شغل غير مطابق للمواصفات القطرية والجهات المختصة تاركتها إختيارية للمالك وللإستشاري وللمقاول وليش ما يعتمدون الإشراف العام ومتابعة البنيان بزيارات عشوائية وعقاب المخالف عقاب رادع حسب جريمته ( أيوا جريمة في الحق العام والخاص ) .. تدرون كان هالشيء موجود في السابق ويقدرون يكونون وسط ألحين يفرضون الشروط اللي تضمن ديمومة البناء ويتابعون تنفيذها ويعاقبون المتجاوز عقاب رادع .. المالك في غالب الأمور الهندسية ما يعرف لازم يركزون على الاستشاري والمقاول ولازم للعمالة تصنيفات ورخصة سارية وخلوا نقول مدتها 3 أو 5 سنين وتجدد باختبار وممكن تضاف خبرات ثانية حسب مثلاً أخذ العامل لكورس معين وتعلمه لشغله واستعداده للعمل بها
بهالطريقة نرتقي بالعملية العمرانية ككل وبالشركات وبالمهندسين وبكل شيء ونبتعد عن الدجل الحاصل
الله يسلمج يا اختي عني انا ما سويت شيء وتعودت هالشيء من بدايات شغلي .. كان معاي في المكتب مهندس كهرباء قطري صدقيني كلش ما طور نفسه ولا مارس ومرة كلمني قال أنت برفع الالف حسب لهجته .. كل شوي داز وجهك تبغي شغل .. قلت له استفيد وبعدين آمل بدون شغل وهو يجلس شوي ويطلعاقتباس:
المشاركة الأصلية كتبت بواسطة sara jsm
مرة الشباب مشغلين سي دي على الكمبيوتر فيه طقطقة وأغاني وهو مسكين يدور من وين يجي الصوت ووين المسجل قلنا له الكمبيوتر قام يتفحصه مستغرب ومب مصدق إن هذا الصوت يجي من هذا الجهاز حتى ما يعرف أساسيات الأجهزة
الحمد لله التقاعد وحبي للمهنة خلوني أستفيد من وقتي وأحاول أفيد بالقليل اللي أقدر عليه
عيل طلع الطيب مب طيباقتباس:
المشاركة الأصلية كتبت بواسطة رحال
وين محلاتهم هم سمعت افترقوا وفتحوا محل قريب على طريق سلوى بس ما دليته جوني وركبوا لي صخانات بسعر وايد زين وشغلهم كان زين بعد .. أرخص بوايد من تدمر ونفس النوعية