عشان نرضي الطرفين اللي يشوف المؤشر ايجابي و اللي يشوفه سلبي ...راح نطرح الرسمتين و نوضح احنا وين بالضبط ( ارجع للكلام المكتوب وقارنه مع الرسم عشان ما تتشتت)
تنوية : لازلت مع الطرف الايجابي :p
المؤشر الايجابي
https://invst.ly/y-i9i
https://elliottwavemonitor.com/wp-co...ave-Theory.png
المؤشر السلبي
https://invst.ly/y-i7j
https://i0.wp.com/elliottwavemonitor...00%2C400&ssl=1
الحين الكل له اسبابه سواء ايجابي ( كاس العالم و ارتفاع العقار و ارتفع مداخيل النفط والغاز وفائض الميزانية بعد انخفاض الانفاق على المشاريع الرئيسية و غيرها و غيرها) و سلبي ( الحرب الروسية الاوكرانية وربما استخدام النووي و التضخم و ارتفاع الدولار واثره على اقتصاد والدول و الركود وازمات قتصادية عالمية و غيرها و غيرها)
انت كمتداول يصيبك ارتباك وعدم استقرار في الراي وعدم وضوح رؤية لقراءة المؤشرات فما تعرف شتسوي هل اخاطر هل اتم خارج السوق هل اشتغل ب 20% او 50% او 70% ...فتدخل في دوامة العواطف اللي ماراح تنتهي. تقعد تسال نفسك ياخي المحلل الفلاني قال هدف المؤشر 15000 لكن في واحد ثاني قال 9000 فتم تراقب الاخبار
يجيك واحد ثاي يقول ياخي ترى الاخبار هي نفسها اللي كانت شهر 6 وبعدها صعد السوق 2300 نقطة ....وكل مرة الاعلام الموجه يبث الرعب ويشتري اسهمك برخيص و ينزل كم سهم لمت داون عشان تبيع اسهم ثانية و يلقطهم برخص
هالنوعين من المتداولين موجود عشان جذيه عندنا بايع و شراي والفرق هو موضوع نسبة المخاطرة المقبولة للعائد. هذه تختلف من شخص لاخر اليوم اعرف اخوان 100% اسهم واعرف غيرهم 100% كاش لان واحد قبل المخاطرة ومكافئته عائد كبير والاخر مايبي يخاطر فنسبته قليلة من الربح.
الحين ندخل كترجيح لاي سيناريو.... نقول الترجيح بناء على معطيات فنية وتحليل للسيولة وهذا تكلمت فيه وايد واسهبنا فيه من ناحية الكميات و وتشكيل الموجات
حط في بالك المسببات الخارجية لاول مرة تكون قوية وتسرع الاهداف لكن تضعف مع الوقت وتبقى السيولة هي الاساس
طولت عليكم و تصبحون على خير