باذن الله اخوي مضارب وصابرين وبامور بتزين الامور ورب يرزقنا جميع
عرض للطباعة
باذن الله اخوي مضارب وصابرين وبامور بتزين الامور ورب يرزقنا جميع
ان شاء الله يالخالدي يكون خير
دخلنا منطقة الانفراجه ان شاء الله واتوقع القادم يكون طيب باذنه تعالى
ننتظر باقي الكبار يوزعون ونرجع نشوف الوضع ان شاء الله
حاليا 10185 مقاومه
اختراقها يفتح الى 10400
الموجه مضاربيه
تسلم ابومحمد الموجة هذه تشمل الاسهم جميع وكم مداها
الله يسلمك
اكيد تشمل الاسهم اللي حققت نتايج طيبه وتوزيع طيب بالدرجه الاولى
ومن ثم اللي عليها اخبار جيده
في سؤال لم يجيب عليه احد ابومحمد ياليت احصل اجابة عندك،
الاجارة عندها اطفاء خسائر ويقولون سيتم اطفائها من الاحتياطي القانوني ، هل هذا هو الكاش نفسه اللي عندهم او غيرة؟ وما هي توقعاتك بعد اطفاء خسائرها والمدى الذي تتحسن فيه؟ واطال الله عمرك على الطاعة
ملاحظة :ماصدقنا نشوف مشاركتك لذلك لازم نستانس برايك وعلمك
اطفاء الخساير شي صار متكرر عندنا فالسووق
وليس كل الشركات تنجح بعد الاطفاء
لذلك الموضوع يعتمد على مجالس الادارات وفكرهم واستراتيجيتهم هل عندهم طريق يمشون عليه مثل ما حصل مع فودافون مثلاا
ام الوضع بيحتاج وقت اطوول
اي طبعا الاطفاء بيكون من الكاش اللي فالشركه واكيد راح يقل هذا الكاش بعد الاطفاء
بس المهم مثل ما ذكرت خطة الشركه واستراتيجيتها بعد الاطفاء
شكراً جزيلاً
دائما تتحرك الاسهم الخفيفه اولا قبل بداية اي موجه حلووه
بدا يحلى السوق بعد ال 15 فبراير
باذن الله
قدامها 0.750 ونشوف كيف تتعامل معاها
المشكلة ابومحمد المؤشر يرتفع مع اسهم معينة واخرى نزول او ثبات
سلمت اخوي مضارب
الله يسلمك ياخوي فصل
الحين نبي منه يثبت فوق ال10173_10238
المقاومه 10350 اختراقها بادره لبشاير الخير باذنه تعالى
ثباته بين الدعمين حلووو
ويعطي تاسيس حلوو ان شاء الله
اليوم خربها الوطني وفتح لقاع جديد
مع انه كانت اموره ثابته وزينه
الله كريم
نتفائل والخير قادم بإذن الله
باذن الله الخير قادم وحتى لو حصل مواصله للهبوط فالمتوقع يكون قريب وباستخدام الشركات الكبيره
مسألة وقت وتزين الامور خاصه مع اعلانات الربع الاول 2024
انا اشوف الهبوط كان مبالغ فبه واحيانا ممكن نسميه لتاسيس لمرحله جيده باذن الله
اخوي مضارب ممكن تحليلك لانماء والمناعي لو تكرمت
بما يخص السوق للاسف مع الضغط الزايد من قيادات السوق الظاهر والله اعلم يبونه و رايحين نبحث عن قاع جديد ما بين 9100_8800
السلام عليكم
بومحمد مبروك عليك باقي الشهر وتقبل الله طاعتك
رأيك في مقداد إذا سمحت
وجزاك الله خير
عساك ع القوة وماقصرت
لا والله للاسف
كان فيه شوية بوادر وكنت اظنها ممكن تكون بوادر لفخ وسحب رجول
بعد تداول اليوم تاكد هالشي
اذا على الارقام مهم جدا ان الثلاثاء القادم 30 ابريل
ما يكون الاغلاق تحت 10300 وغالبا شبه مستحيل
بيكون اغلاق شهري ثاني تحت الغيمه على الايشميوكو لاول مره منذ مارس 2020 وقت بدء انتشار جائحة كورونا
السوق كل ما قلنا ممكن ممكن يزين يزيد خساير ولكن لازلت اعتقد ان مرده بيضبط (لما يكون فيه قرارات تصحح اي خطأ حصل او اي ادوات تسببت في ارباك السوق مقارنه بالاسواق العالميه و المجاوره)
التضخم في امريكا فوق ال3
واحنا على حسب تقرير قريته نزل اقل من 1 ( يعني نقدر نقول ركود اصبح عندنا) في حين ما تقدر البنوك مثلا تقدم عروض فايده او مرابحه لتواجه هذا الركود. لان مرتبطين بالفدرالي الامريكي من ناحية الفوايد
ولكن يبقى الواضح والواقع ان الادوات اللي تم ادخالها على التداول تسببت في مشاكل ولازالت تسبب الكثير من المشاكل للسوق والمتداولين وحتى المحللين باختصار اثبتت فشلها لين يحصلون وقت يرتبون الوضع ويعدلونه.
لان باختصار العرض والطلب يتم من خلال كمبيوتر وليس من خلال متداولين
صار التداول عندنا مشتري وبايع وكمبيوتر
لولا هالادوات اللي تسببت على السوق من اكثر من سنه كان ممكن تقريبا يكون المؤشر عندنا حاليا مع قصص التضخم والركود مش اقل من 10400_10500
ونازل من 11200 قبل شهر ونص
مضارب دوسري ما قراءتك لسهم انماء
السلام عليكم ابومحمد ،،،
تعليقك على مجريات السوق
وعليكم السلام اخوي معتز مثل ما تفضلت الظاهر متجهين الى ما بين 9100_8800 مناطق حلووه ومناسبه ومتوازنه الى حد كبير