[quote=مواقف النجادة;7439358]اكثر الشركات يبون 180 في 180 سم من الداخل يعني من الخارج 220 في 220 كاقل شي و اعتقد متر و نص تحت مستوى الارض و متر قوق البنت هاوس
هذا للفت الصغير بو 4-6 اشخاص
عرض للطباعة
السلام علييكم
المساحة المطلوبة للمصعد 2 × 2
ولازم يكون له عمق لايقل عن 60 سم بالدور الارضي
والافل انها تكون غرفه خرسانية للبنت هاوس
وشوف شركة عسكر
يعطونك الاستشارة مجاناً
عندهم مهندس لبناني اسمه شادى - يمكن يفيدك بمعلومات وتفاصيل أكثر .
بخصوص الاصنصير من الاحسن تحددون الشركه مع بدايه بناء المنزل
لمعرفه المقاس وعمل قاعده له في الارضيه تجهزونها وتتركونها
الشركات المعروفه بقطر وهي الي ننصح فيها دائما
شركات عالميه وفيها مواصفات الامان عالي حسب الترتيب
1- المتسوبيشي
2- otis
3- كوني
الاصنصير يكلف تقريبا من 120 الف الى 200 الف
فرق السعر في عدد المستخدمين شخصين او اربع اشخاص
وفي الاكسسوارات ايضا
مذهب وزجاج ومرايا والحركات هذي ترفع السعر
اول سنه صيانه مجانيه والمتسوبيشي يعطي ضمان اكثر من 10 سنوات
اخوك
شموخ دائم
هذا من الاخر بعدهذا التوضيح ما يحتاج
انا حالياً شركة موتسبيشي هي الي تركب لي المصعد
وتقريباً مابين 60 -80 سم الحفره
وفوق البنت هاوس نفس الشئ 60 سم
بس اللفت بدون غرفه للماكينه فوق ..
عدد الاشخاص 7
والسعر 150 الف على حسب مواصفات انا طالبها ..
لكن في امور كنت موقعها في العقد وماتوقعتها
يمكن لجهلي للغه الانجليزية
وهي انهم يبون سقالات داخل المصعد ( انا اوفرها ) والسقالات خشب ..
ثانياً حديد تفصيل لبعض المناطق ومن ضمنها ( درج السيرفس ) كلفني في حدود 2400 ريال هالتفصيل
كرين اشيل المصعد واحذفه فوق السطح ، هذا كلفني 600 ريال
وهذا كله انا ملزووم فيه لان انا موقع العقد معاهم على هالاساس ...
وحالياً المصعد قيد التركيب ..
وان شاء الله التشغيل اول ماتدخل الكهرباء للبيت :)
الله يوفقني ويوفقكم
اشكرك اخوي على الرد والتوضيح
بالنسبة لبعض الاشياء تتكلف فيها بدفع القطع والدرج ليش هم مايتحملون
المفروض على المبلغ اللي تدفعه والله بوق عيني عينك ولا غير كذا تقول اخوي أجر السياره
علشان ترفع اللفت ما اقول الا الله يعينا
الله يتمم عليك ويشغلون اللفت
وعقبالي اركب اللفت ونفتك
السلام عليكم ورحمة الله وبركاته
كيف الحال اخواني الكرام
وكل عام وانتم بخير
اخواني حبيت اسئل عن المصاعد
واي شركة افضلهم
وعندي سوال بخصوص الحفره المناسبه للمصعد
لاني سويتها
135*135 اي متر وخمسة وثلاثين في متر وخمسة ثلاثين
والي عنده الاسعار ياليت يفيدني بارك الله فيكم
وخصوصا البانروما
والسموحه
اخوي احسن اصنصير متسوبيشي وسعره تقريبا 130 الف العادي
تبي تزيد تدفع اكثر بانوراما اتوقع يمكن 300 الف او اكثر بعد
وبعدها ماركة اوتيس
وفي اصنصير المعموره اسم الشركه على ماعتقد م
من واقع تجربه
افضل شركه هي مصاعد فوجي ( شركة المفتاح )
يكفيك ان المكينه بالكامل ياباني 100 %
والكبينه سعودي وسماكتها اكثر من الشركات الثانيه
بس من المهم انك تتفق مع شركة المصاعد اولا
وتشبكهم مع المهندس الاستشاري مباشرة
على شان اي تعديلات في الخرايط
والله يوفقك انشالله
من واقع تجربه
افضل شركه هي مصاعد فوجي ( شركة المفتاح )
توي موقع معاهم عقد مصعد ل 8 اشخاص ب 133000
متابع
متابعه ويهمني الموضوع
شركة اعرضت علي عرض سعر لمصعد للفيلا وبصراحة للحين ما تعاقدت
اسم الشركة : رن للمصاعد
والحد الأعلى للسعر 142000
وحسب الاختيار بيخفض السعر
واذا حد تعاقد معاهم وجرب اللفت يالليت يقولنا
المتسبيشي لامنافس له
مؤسسة القافله وبلاتردد وبتدعيلي
من حيث السعر والتركيب والصيانه والمعامله
عرض حفره المصعد يفضل ان يكون
1.8 × 1.8
الحفره السفليه لازم تكون 60 سم اقل تقدير
والارتفاع العلوي مش اقل من 60 سم عن آخر طابق
تمنياتي لك بالتوفيق وكل شركة لها مواصفاتها تأكد من الشركات افضل
الله يجزاكم خير اخواني وخواتي على ردودكم الطيبه
ووانا شاورت المقاول وهو مهندس قالي الحفره مناسبه
والشركة الافضل هي الموستيبيشي
ودونت كل ملاحظاتكم مع الاسعار عندي الله يعطيكم العافيه جميع وبارك الله فيكم على مساعدتكم
عساكم على القوه
يالربع فزعتكم ورايكم في مصاعد فوجي للفل الى جرب التعامل معاهم من ناحيه
المعامله والتركيب والصيانه يفيدني واكون شاكر لكم
وبانتظار المجرب لمصاعد فوجي يبدي رايه
اخوي افضل مصاعد فوجي وجربنا التعامل معهم بعمارة مكونه من 7 طوابق وحتى خدمتهم للصيانة جيدة جدا وازيدك من الشعر بيت كنت ساكن بفيلا ايجار ومركبين من فوجي مصعد وكان ممتاز وفوق الممتاز
وبعدهم مصاعد متسبيوشي
مرحبا اخوي ,,, بالنسبه لمصاعد فوجي احنا مركبين من عندهم ,,, المشكلة الوحيده اللي صادتنا هي في التاخير ويمكن كانت عندهم مشاكل حزتها ,,, لكن المصعد تمام ويجون كل شهر يشيكون المصعد والحمدلله صارلنا كم شهر مركبين والامور تمام
السلام عليكم ورحمة الله وبركاته
power tech
اخواني عندي استفسار عن شركة باور تيك للمصاعد اذا حد من الاخوان قد اشتغل معاهم ولا سامع عن الشركه نبي الراي ولا عليكم امر
انا مريت على الشركه وعطوني سعر جيد بنسبه للشركات الاخرى والمواصفات جيده
فياليت اذا حد عنده معلومه يفيدني بها ...
شاكر للجميع
الله يوفقك و يسهل عليك ان شاء الله و الربع فيهم البركة و ن شاء الله بيردون عليك
امور لازم تعرفها
نوع المصعد
اسمه
صناعه
نوع الصيانة
عمر الشركة في قطر
مشاريع الشركة
الخ ........
عندهم نوعين من المصاعد
واحد صيني و الثاني اوروبي (يوناني او اسباني) و التقنية المانية
و الفرق بينهم بسيط في السعر
مواصفاتهم جيدة جداً و خدمتهم جيدة على كلام واحد من الربع ماخذ من عندهم
الزين فيهم يركبون لك لفت 140 في 140 على بير 180 في 180 و يكون الباب يفتح من الوسط
اذا معزم توكل على الله
و شوف راي باقي الاعضاء
اخوي وين مكانهم ؟
نصيحة طق منهم ادفع اكثر 20 او 30 الف واخذ من شركة ثانية ميتسوبيشي او غيره لمصاعد يجيبونها من كويت انا موقع وياهم من شهر 10 الي فات وقالولي بيوصل خلال 4 شهور قلتلهم انا مستعجل قالي لهندي باجيبه خلال 3 شهور ولين الحين ماشفته واخر وعد كان تاريخ 22 وجا تاريخ ولمصعد ماجا كلمت لهندي يوم لخميس قالي باشوف الطلبيه وبارد عليك و ذاك وجه الضيف ولا حد كلمني وانشا الله بكر ...... اه يا بكرا بارويك فيهم :anger1:
الله يوفق الجميع
مشكور اخوي على المشاركه
مشكور اخوي على المشاركه
نوع المصعد اوربي حسب كلام مندوب الشركه
عمر الشركه في الدوحه 6 سنوات ولها عدة مشاريع
مشكور اخوي وتقريبأ نفس كلام مندوبهم لي
شاكر لك اخوي
هلا اخوي
موقعهم السد واذا تبي رقم مندوبهم حاضر
شاكر لك مشاركتك
هلا اخوي
مشكور على النصيحه وهذا المطلوب من فتح الموضوع والله يعينك وان شالله
تخلص مشكلتك ويرجع لك حقك
انا تكلمت معه وقال لي المكينه اوربيه من ايطاليا تقنيه المانيه والديكور الداخلي ماليزي
وبنسبه لفرق السعر والله كثير بينهم وبين المتسوبيشي هم عطوني 95 الف والمتسوبيشي
160 الف ومش مثل الديكور الداخلي والباب عادي مش زجاج اتمنى اخوي تعطيني اخر
تفاصيل مشكلتك ووين وصلت لحد الان
شاكر لك تفاعلك
اخوي انا انصحك انك تدفع زيادة وتاخذ موتسبيشي او اوتيس
انت بحاجه إلى مصعد 4 - 5 اشخاص مب اكثر
لانك في بيت مب عماره
الصيانه مطلوبه واسم الشركة مطلوب في هالمشاريع
اخذ ارقام هواتف العملاء الي تعاملوا معاهم ( الاشخاص ) - فلل
واتصل بهم واسألهم عن جوده مصاعدهم والصيانه والشركة في خدمة ( مابعد البيع )
لان خدمة ( مابعد البيع ) هو الاهــــــــــــــم ..
هلا يابو محمد اخر الاخبار كلمني مديرهم لهندي ويطلب اسبوع اضافي غسلت شراعه وسكرت التلفون في وجهه وقلتله اذا مارجعت فلوسي خلال يومين انا شكاي ، وفي واحد كلمني قبل شهر قالي ان الشركه عندها مشاكل ، لمصعد الي عندهم ماركتين واحد الماني كامل ، ونوع الثاني ايطالي اسمه يونايتد واحد من لجماعه ماخذه يجيبون لكبينه من كويت واعتقد لمحرك يمكن من ايطاليا اذا مش لبنان او كويت انا لمصعد طالع علي 100000 بدون غرفه وهذا يكون اغلا من داخل خشب ، وخلك متابعني بتجيك لعلوم اول باول
اخوي اذا بخاطرك لفت نوع فوجي من شركة كمفيرت
انا باتعاقد معاهم وسئلت عنهم أكثر من شخص واسعارهم قريبه من سعرك
ممكن بعد اذن صاحب الموضوع رقم الشركة ومكانهم ومواصفات المصعد
بخصوص شركة الباور تيك ترآ شغلهم وتعاملهم بعد البيع لك عليه من خلال تجربة احد الاشخاص واسعارهم بالنسبة للماكينة والكابينة عالية .. اذا حبيت مر على شركة اطلس للمصاعد في التاون سنتر وسعر المصعد مكينة ايطالية محترمة والكابينة خشب تصنيع كويتي حول 75 الف والشركة لها خبرة طويلة في الكويت ومعروفة
وبعد عندك شركة قطر للمصاعد وكلاء شندلر اسعارهم جيدة وارخص من المستوبيشي
السلام عليكم
الموضوع تكرر واااايد لكن ماوصلت حق شي !!!!!
ابي اعرف كل شي عن مصاعد فوجي
صناعة الكبينة ؟؟؟
صناعة المكينة ؟؟
جودة المصعد ؟؟
الخدمة بعد البيع ؟؟
السعر اذا حد ركب لــ 5 أشخاص؟
كم سنة شركة المفتاح شغالين في المصاعد ؟؟
والسرعة 5, في الثانية هل هي السرعة مناسبة لمصعد الفيلا ؟؟؟
واايد اسأله بس تدرون ان شي مهم ومب ناقصين خساير:weeping:
تحياتي للجميع