قصدك إخوي مهندس مدني؟ أول مره أسمع عن مهندس مباني .. الله يوفقك في شريك إن شاء الله فيه خير.
عرض للطباعة
اخوي مهندس مدني متخصص في البناء .. انت فاهم قصدي اكيد بس يمكن شاك بكلامي .. على العموم انا قطري لا داعي للشك :) وموضوع الشريك مالازم كنسلنا
حياك الله عزيزي
الله يحيك ويسلمك ويبقيك
يعلم الله اني ما شكيت في جنسيتك وأتشرف بمعرفة القطري وغير القطري .. كل اللي قلته بس معرفتي بأن فيه مهندس مدني وأول مره أسمع بمهندس بناء وسامحني إن فهمت من كلامي إني متشكك أو شيء ثاني .. وقلت رايي في الشريك قبل وتمنيت لك التوفيق .. والمكتب لو بتفتح حتى لوحدك الأُمور سهالات وإن شاء الله فالك التوفيق
بالتوفيق ان شاء الله
أخوي معماري قطري .. بصراحة من مشاركاتك في المنتدى ونصايحك اللي مابخلت علينا فيها على العام وعلى الخاص .. مبين إنك إنسان فاهم ومتمرس وتنصح للناس ..
ولو علي بقولك أكيد توكل على الله وافتح المكتب .. وما عليك ترى للحين فيه ناس يقدرون الخبرات ..
بس فيه أمور فنية طبعا انت اعلم فيها كمهندس تقدر تتضح لك من خلال نظرتك للمشروع ..
وفيه أمور فنية ثانية متعلقة بالسوق والعرض والطلب والمنافسين وتفرغك للمشروع ..الخ
واتفق بالذات مع إخواني شموخ دائم وبن غيث في اللي ذكروه لك ..
ادرس خياراتك عدل ووازن بينها وبين قدرتك على إدارة المشروع ..والله يوفقك :)
بتكلم لك من حكم خبره وتجربه تلامس وضعك تقريبا
انا موظف وفتحت مكتب هندسي وكنت استهدف الفئه التي تبحث عن التميز والكمال
ولله الحمد مشى المكتب نوعا ما، على الرغم من مشكله اقناع الناس بالسعر وانا خدماتنا مختلفه. طبعا ما تلوم الناس لانه مشروع بناء فيلا خاصه او عماره استثماريه شي لا يتكرر كثيرا لاغلبهم فلهذا لا تجدهم يتكلمون من خبره
المشاكل التي واجهتها هي:
- الحصول على موظفين جيدين
- التكلفه التشغيليه
- متطلبات العملاء والذي للاسف ان بعضهم يعتقد ان كثر الطلبات والتغييرات تؤدي للحصول على تصميم جيد وبنفس الوقت تحليل للمبلغ المدفوع
- التعاون مع مكاتب اخرى محليه وضعني باحراجات كثيره وكبدني خسائر ماديه
- المحافظه على المهندسين المتميزين ، حيث ان بعض المكاتب تعرض عليهم عروض لسرقتهم منك
- تغير اشتراطات الهيئه الهندسيه ، مما اضطرني لاغلاق مكتبي ، حيث انهم اشترطوا التفرغ التام او ادخال شريك متفرغ (شرط جديد من الهيئه الهندسيه بالسعوديه)
من خبرتي العمليه في مجال وظيفتي اتاحت لي العمل تقريباً في جميع مراحل البناء من التصميم الى مراجعه التصميم والى الاشراف على التنفيذ والى الكشف قبل قبول المبنى وغيرها من خبرات ذات علاقه، منها خرجت بفكره اوضح عن مشروعي المستقبلي اذا اردت ان افتح عمل ذا صله بالمجال الهندسي، بحيث اتخصص باحد المجالات التاليه:
- اداره المشاريع
- اختبارات وفحص التربه، الخرسانه ،،،، وغيرها من الاختبارات التخصصيه
- مراجعه المخططات والموافقه عليها وهذه تتطلب شهادات متخصصه خصوصاً فيما يتعلق بمجال السلامه والحرائق
- الدخول بشراكات مع مكاتب عالميه متخصصه بالمشاريع الكبيره ، بحيث اتخصص بالجانب المعماري واترك الباقي لهم. وهذا ما وجدته مطبق بالخارج . طبعاً للمشاريع الكبيره فقط
الله يسلمج أُخت نور وصدقيني مقصر وايد والله والشغل الهندسي يبي له صبر وطولة بال .. إن شاء الله النية موجودة وبارتب أُموري على هالأساس .. المشكلة الحين في الشريك المتفرغ 100% وهو اللي بيكون المدير الرسمي للمكتب .. إذا قطري وموجود الوضع بيكون سهل لكن إذا من برا وكفالة وقصة هذي فيها إحتمال الخسارة وارد.. عقدوا الأُمور لجنة التصنيف بمتطلباتهم.
حي الله الأخ فواز من السعودية
تصدق انت قلت كل اللي اعرفه .. وصدقني إدارة مشروعات التصميم والتنفيذ هي أحسن حل من مكتب تصميم متكامل للأسباب اللي ذكرتها.. انا أعرف مكتب تصميم دولي يشتغل في قطر وكم دولة أُوروبية وآسيوية ويصمم ويشرف على مشاريع دسمة في قطر .. المشكلة يا اخوي ان حصل شفط للمهندسين الخبراء لتصميم وتنفيذ مشروع كبير عبارة عن مدينة متكاملة .. بتكلفة 10 مليارات جنيه استرليني .. بس البلد في آسيا .. والجنيه الاسترليني عملة المكتب الأساسية لأنه في لندن .. المهم حصل جذب كبير للمهندسين وطبعاً تبقى منطقتنا بمهندسين أي كلام والزين يروح للمشروع الجديد، وهذا شيء أساسي من مثل ما تفضلت سرقة المهندسين.
فالأفضل فتح مكتب محدود وتطويره تدريجياً حسب وضع السوق.
بالتوفيق