الحل عندي يا ذيب زكريت واصلني على الخاص وفالك طيب
عرض للطباعة
الحل عندي يا ذيب زكريت واصلني على الخاص وفالك طيب
اقتباس:
المشاركة الأصلية كتبت بواسطة اهل قطر
الله يسلمج يا اهل قطر وين نلقى مكان الايجار الرخيص هالايام
اقتباس:
المشاركة الأصلية كتبت بواسطة pobox
تكفى في اي بنك تكون نسبة الوديعه 6 % انا سالت واعلى شئ عطوني اياه 3,25
وما اظني هالنسبة تستاهل
اقتباس:
المشاركة الأصلية كتبت بواسطة استغفرالله
تعقدنا -- ما تصلح دخلنا فيها وما نجحنا
اقتباس:
المشاركة الأصلية كتبت بواسطة simsim1963
لا -- لا
تكفى الا ذي ها>ي ساس البلا
البورصه خسرتنا الكثير وما عاد نداني طاريها
اقتباس:
المشاركة الأصلية كتبت بواسطة ذيب زكريت
الدولي الاسلامي 6%
مصرف قطر الاسلامي 5.75 % تقريبا واحيانا 6% حسب ارباحهم
الريان بعد هالحروة
اتكلم عن الوديعة السنوية اللي تنحبس سنة كاملة
مش حسابات التوفير والودائع الشهرية
هممممممممم
اخوي مافكرت تفتح مغسله سيارات ؟
الايجارات صحيح غالية
بس في الرخيصة بعد بتحصلها حوالين الدوحة
مثلا لو الباب بــ 7,500 اشوفه زين
انت محتاج 3 أبواب * 7,500 = 22,500 ايجار المغسله الشهري
حسبة الاغراض ماقدر احدد لك اياها لانه يعتمد على اللي انت تبيه
معدات غسيل + معدات تنشيف + معدات تلميع .. الخ
عدد العمال انت تحدده
لو نقول الغسيل بــ 25 ريال
وفي اليوم جاتك 80 سيارة ( طبعا لازم تضبطها مع العمال انه غسيل السيارة لازم تاخذ الدقايق اللي حاطها في بالك )
مثلا نقول السيارة الوحدة غسيل مع تنشيف تاخذ 10 دقايق
الساعه الوحدة 6 سيارات * الباب الثاني = 12 سيارة في الساعه
ساعات العمل انت تحددها ونقول مثال 10 ساعات في اليوم
12 سيارة * 10 ساعات = 120 سيارة في اليوم
25 ريال * 120 سيارة = 3,000 ريال في اليوم
3,000 * 30 يوم = 90,000 ريال المدخول وليس الصافي
90,000 - 22,500 ايجار المحل = 67,500 ريال
67,500 - رواتب العمال - صيانة معدات - كهربا - ماي - ايجار سكن العمال ... الخ
بعدها بيطلع لك الصافي واعتقد بيطلع لك شي محترم ..
بس هالمدخول متى بيجيك ؟؟
لما انت تكون موجود في المغسله في اغلبية الاوقات او تحط بديل يكمل عنك
ومن رايي تخلي كل غسلة بفاتورة على اساس الحسبه ماتضيع
ومن رايي بعد اللي يجمع 5 فواتير الغسلة السادسة بلاش
هالشكل راح تضمن زباين اكثر وتضمن اللي يجي يغسل ياخذ الفاتورة ^_^
حتى لو حصلت الايجار اغلى شوي بس بعد بيكون عندك مدخول ممتاز .
والعمال عوّدهم على النسبه ولو كانت قليلة بالاضافه الى راتبهم عشان يشتغلون عدل
في البداية اللي تدفعه ايجار المحل + المعاملات الوزارية (سجل تجاري، الرخصة ..الخ ) + المعدات اللازمه + ديكورات المغسلة
ملاحظة: الأرقام والاعداد اللي شفتها هذي افتراضيات وامثله بس متوقعه
والله تعبت من كثر ما اكتب ههههههههه
اسمح لي يمكن بتحصل حرقات او يمكن بتطلع الحسبة عندك غلط او يمكن اني نسيت شي تراني موااصل
والله يوفقك ان شاءالله
مشكور يا بن عدوان الصراحه ما فكرنا في المغسله لانها تبي لها سجل تجاري وعمال وسكن واقامات
ومكاين ومعدات والاكبر يبي لها ايجار وهالميلغ ما يكفي بصراحه
السلام عليكم
لا تعور راسك
حطها بالبورصه وخذ سنويا ارباح بس حطها بسهم محترم
اما الصناعات او وقود
وخذ سنويا ربح 7 الى 8 % واحيانا فوق 9% بالنسبه لوقود
واعتقد في شركات ارباحها اكثر من ذلك
,,,,,,,,,,,,,,,,,,