الله يحفظك ويردك سالم .. لك فترة بدينا نشك انك هاجرت
الله يجزاك خير
حد يخلي بلاده وهله
الله يسهل الامور
حصلت هندي في سوبرماركت قال من وين انت قلت من قطر طلع من الكونتر مادريت وين رايح الا هو طالع لي يسلم ويلمني قال 20 سنه كنت في قطر واحب قطر واهلها
يقولون لو ماني بخايف تروح عني الفرصة بالحصول على الجنسية الامريكية ماطلعت من قطر
محد يلومه يا رحال
بالنسبة لي وقعت في حب الخليج من ايام المدرسة
كنت اشوف سياراتكم في الجبيل
و زاد عدد الربع خصوصاً من الخوالد والبوعينين والجيران اللي حولنا
بدوا يسألوني واسألهم يستغربون لهجتي مع اني اشوف لهجتهم مفهومة (بحكم الاعمال الخليجية ف التلفزيون)
نزين بالمسجد اقدر اميز العماني والكويتي بثيابهم .. لكن اضيع القطري لانه نفس اللبس .
الحاصل زياراتي لقطر توالت واكتشفت انها من أعرق الدول بالموروث الخليجي - اضف لهذا نفس الناس ما تغيروا اهل قطر ولا بيتغيرون باذن الله الا للأفضل..وبيقصدكم الناس لاغراض كثيرة ..القرابة و البعض للوظيفة والبعض للسياحة والأعمال التجارية— ويبقى اللي مثلي يزور قطر لقطر نفسها.
ومن خدم الخير بيسخر له الله من يخدمه وهذا اللي نعرفه عنكم والله يجعلكم في حفظه ..
أهل الخليج كلهم متداخلين وأهل .. تعجبني بعض الردود القوية من الخليجيين وبعضهم ما يهتمون لحكوماتهم واللي ساكت معذور .. من نتلاقى معاه برا يبين طبعه وطيبه .. السعودية كثير من أهل قطر يحبونها ويزورونها مرات سنوياً .. بعضهم لهم أهل وعلاقات وبعضهم لهم تجارة .. وكل بلاد فيها مساؤي ومحاسن
اول العام كنا في زيورخ وجانا مطر ولا عندنا مظلة وكنا نمشي عطت أُم العيال إخت سعودية مظلتها واكتفت هي واللي معاها بمظلة .. الحكومات اللي ظلمتنا وضعها غريب ولا قدرت اترجمه للحين
صورت وبنزل الصور الليلة بإذن الله بس لتضحكون
انت نزل وما عليك :playball:
في مخضرم ثاني واقف على الباب بس يجوفك نزلت بيحط صوره
طبعاً الحب المعروف شجرة الكرز كبرت شوي وطلعت فرع ثاني .. قست ورقتها طلعت طول ذراعي وذراعي متر ونص
محتار الاصيص يكفيها لو كبرت أو لا مع اني بدلته مرة بس ما حصلت نوع كبير وايد وكنت خايف من الوزن على سطحة الدرج المعلقة المكان الحين يتحمل وزن أكبر
https://i.imgur.com/B90xY60.jpg
كرسي مكتبي خدمني من 1995 للحين .. صناعة ايطالية مب صناعة الصين يومين متكسر سعره كان ب 1500 أو حولها
https://i.imgur.com/MC3qgCj.jpg
مكينة الحلاقة المفضلة عندي شريتها من أمريكا 2014 .. ميزتها فيها خاصية التبريد تخلي الوجه يثلج بس بطاريتها تخلص سرعة .. دورت مثلها في قطر وألمانيا ولا حصلت مع إن براون ماركة ألمانية اعتقد
https://i.imgur.com/vzEe413.jpg
يمكن هالأشياء تافهة عند كثيرين بس عندي غالية علي
لفت نظري الكرسي..ذكرتني بكرسي خوينا بالمطار سابقاً الأخ ابراهيم الله يرفع قدره... استوى مدير و زاد وزنه وهو من أول جرمه كبير وجابوا له كرسي خاص صناعة أوروبية للأوزان الكبيرة ...الحاصل كلما نقلو ابو خليل لادارة في صالة ثانية صاحوا للددسن وحملوا الكرسي في الحوض و كل الناس تعرف ان ذا كرسي أبو خليل...من كبره
القصة مالها دخل الا بجودة الكراسي الإيطالية والأوروبية عموماً...لا اقعد كلما ثرثرت تواخذوني هههههه
لا وطاولة المكتب بنكهة سعودية .. لو عندكم بلون عنابي راح فيها راعيها