ابي اكلات تزيد الوزن من 10 الى 20 كيلو..للمراهقات..؟

اقتباس:

---

المشاركة الأصلية كتبت بواسطة حراير قطر

يعني كلهم بدون شرط الا انا :waiting:

خلا ص ما ابيه :tease:

---

خلاص مانبي الطبخه يالناشفة :weeping:

كلام بوعلي صح وانا جربتها بنفسي كنت 42 والحين اوصل 49 باسبوعين

اقتباس:

---

المشاركة الأصلية كتبت بواسطة وحيد-الشوق

عليكم بالكافي بشكل عام والافضل للمتن ميلك شيك باسكن روبنز 1000 سعرة حرارية وماتشبع ههههههه

---

الكوافي متروس كبتهم ..الله يحفظهم مافي فايدة..باسكن روبنز صعبة اوديهم كل يوم مشاوير علي..لو تعرف خلطة ممكن تذكرة لنا

اقتباس:

---

المشاركة الأصلية كتبت بواسطة الارستقراطية

ابتعدي عن الحبوب
جربوها خواتي وحده منهم صار عندها انتفاخات على جفن العين وارتفاع بانزيمات الكبد


خلج على نظام السعرات العاليه
كل الاكلات الي فيها سعرات عاليه مثل الربيان
اكلات بالزبده والسمن
بقلاوه كلها سمن ومكسرات وسكر
الحلاوة الطحينيه صحيه وعاليه بالسعرات الحراريه
قوطي نوتيلا لكل وحده من اكبر حجم
سناك يومي من روب فواكه وحليب شيكولاته مرتين باليوم وملعقة من الحلاوه الطحينيه والنوتيلا
السنيكرز والباونتي
شوفي شنو يحبون وحطي عليه اضافاات
الكابتشينو بعد يمتن

---

خليتهم يقرون ردج عن خطورة حبوب كيرفي ..اشوة خافو

نوتلا كامل في اليوم والحجم الكبير ..اخاف عليهم من السكر لانهم وايد ياكلون كوافي

عندج خلطة للحلاوة الطحينية ؟؟..بروها ياكلونها صعبة

اقتباس:

---

المشاركة الأصلية كتبت بواسطة النهار

انا متابع فقط

---

حياك الله النهار

اقتباس:

---

المشاركة الأصلية كتبت بواسطة ابوعلي

لا الله يسلمج ما اقصد المفتئة

هي خلطة أحد الأخوة بدولة الامارات بسويها وهي خلطة طبيعيه من عسل ومكسرات وفي اضافات ثانية

وطلبت من الشخص يحطها لي حتى اوضحها لكم وبنفس الوقت عنده انستغرام الي يبي يطلع على راي الناس بالخلطة

---

مشكور بوعلي على المعلومات

اقتباس:

---

المشاركة الأصلية كتبت بواسطة ابوعلي

هو عسل طبيعي 100% ومن مكونات الخلطة سمسم ومكسرات وهي تعوض الفيتامينات الناقصة بالجسم

وايضا في الخلطة حبة البركة اللي تزيد مناعة الجسم

وفيها عكبر وغذاء ملكات النحل وهي تعتبر غذاء صحي وتعالج بعض الامراض

---

المكونات مغرية يمي يمي..ليتنى ماامتن بسرعة..طاحت في خاطري الخلطة

اقتباس:

---

المشاركة الأصلية كتبت بواسطة حمد 2002

بوعلي ممكن الانستقرام والرقم مال الخلطه على الخاص

---

مايقصر بوعلي

اقتباس:

---

المشاركة الأصلية كتبت بواسطة Dior'1

البييييرة والسر هو الشعيير
او سوي لهم تلبينة فهي ( طحين الشعيير+ ماء) تضيفين الحليب والعسل
ممكن راح يبارن عليهم
وخل يلعبون رياضة تبني الجسم

سمعت ان فيه ناس يسون رجيم وحمية ويستخدمون الشعير فيها وهذا امر استغربتة لانه عكس ماشفتة
لكن يمكن يكون على حسب الجسم

بالتوفيق

---

اول مرة ان الشعير يمتن..باذن الله بنجرب خلطة الشعير

اقتباس:

---

المشاركة الأصلية كتبت بواسطة حراير قطر

انا بعد ابي انستغرامه :telephone:

---

انا بعد

اقتباس:

---

المشاركة الأصلية كتبت بواسطة بصمة قطرية

وحدة من هلي كانت تنقع الزبيب في ماي
عقب تضربه في الخلاط مع عسل ..

بس أعتقد الأكل ما له علاقة أبداً
و لا حتى السعرات الحرارية ..
هاي طبيعة الجسم ..

---

طبيعة جسم بناتي يمتنون في حالة كلو الى حد التخمة وبين الواجبات وهاي صعب بيجيهم تلبك معوي

الزبيب يحبونة بس اشلون طعمة اذا انضرب في الخلاط مستساغ ؟؟

اقتباس:

---

المشاركة الأصلية كتبت بواسطة تلتوله

كلام بوعلي صح وانا جربتها بنفسي كنت 42 والحين اوصل 49 باسبوعين

---

اللى يبشرج بالخير 7 كيلو في اسبوعين ممتاز

مشكورين جميعا على الردود الطيبة لاخلا ولاعدم

انا عن نفسي كنت ظ¤ظ* و صرت ظ¥ظ* قبل جربت وايد خلطات وادوية مافاد معاي الا خلطة اللي جابوا لي من ضمن مكوناته جنين القمح انا وخواتي ورفيجتي وخواتها كلنا متنا مع ظ£ علب خلال شهرين زدنا ظ،ظ* كيلو

جوفي هذي نصيحتي لانه انا خضت تجربه في زيادة الوزن وانقاص الوزن وصار عندي الموضوع سهل الحمدلله


زيادة الوزن هذي اهم الوجبات

العيش
الباستا
البطاط
الشوفان
الخبز
هذي الي تزيد من حجم الشخص واكيد معاه بروتين الي هي اللحوم والبيض والخ
الفتامينات مهمه بعد والحليب ومشتقاته
مايحتاج خلطه سحريه ولا شي ولا حبوب فتح شهيه مع الايام الشهيه راح تنفتح
على الاقل 5 وجبات فاليوم لي زيادة الوزن
واظن الواحد يعرف شالي يحبه فايضيف مع الكاربوهيدرات

اقتباس:

---

المشاركة الأصلية كتبت بواسطة بريق الحق

جوفي هذي نصيحتي لانه انا خضت تجربه في زيادة الوزن وانقاص الوزن وصار عندي الموضوع سهل الحمدلله


زيادة الوزن هذي اهم الوجبات

العيش
الباستا
البطاط
الشوفان
الخبز
هذي الي تزيد من حجم الشخص واكيد معاه بروتين الي هي اللحوم والبيض والخ
الفتامينات مهمه بعد والحليب ومشتقاته
مايحتاج خلطه سحريه ولا شي ولا حبوب فتح شهيه مع الايام الشهيه راح تنفتح
على الاقل 5 وجبات فاليوم لي زيادة الوزن
واظن الواحد يعرف شالي يحبه فايضيف مع الكاربوهيدرات

---

يختلف كل جسم انا كل الأكلات اللي كتبتي كلتهم اصلا كنت اكل وايد فست فود باستا بانواعه عيوش خبز كوافي كوكتيل عصائر كل شي ظ¢ظ¤ ساعه اكل بس ماكنت أمتن حتي سويت تحاليل شكيت في نفسي قالوا مافيني شي كل شي اوك فيني

لاااااالاااا

النوتيلا بس ملعقة وحده في اليوم مب قوطي كامل بينقمتون

حلاوة الطحينية افيد لهم لانها سمسم مطحون كلها كالسيوم زينه للعظام ونموها ومعاها مكسرات كلها مفيده بعد اي وجبه غدا او عشا ياخذون منها ملعقة كتحلية مع روب فواكة

وكثري من الميلك شيك
الضعاف اسهل لهم الشرب عن الاكل ركزي على المشروبات مثل ماقلت حليب جوافه او شيكولاته او اوفاكادو او كوكتيلات
اذا يحبون النيدو سوي لهم حليب نيدو على العصاري وقبل النوم النيدو ينفخ ويسمن

اقتباس:

---

المشاركة الأصلية كتبت بواسطة الخيالة

يختلف كل جسم انا كل الأكلات اللي كتبتي كلتهم اصلا كنت اكل وايد فست فود باستا بانواعه عيوش خبز كوافي كوكتيل عصائر كل شي ظ¢ظ¤ ساعه اكل بس ماكنت أمتن حتي سويت تحاليل شكيت في نفسي قالوا مافيني شي كل شي اوك فيني

---

كم الكميه الي تاكلينها اصلن ?

ترى انا واحد (:

خخخخخ سوري اخوي والله وايد في اليوم طول ما انا قاعده اكل لين وقت النوم ريوق كامل بيض وجبن وحمص وهالسوالف غذا مجبوس معكرونة مشاوي عشا سندويشات همبرجر بيتزا باستا لازانيا اي شي والعصر فواكه كوافي عصائر كوكتيل ميلك شيك فراوله وكافي يعني طول اليوم كنت اكل عشان هاي أقول شكيت في نفسي قلت بِسْم الله يمكن فيني شي وسويت تحاليل في مكانين والحمدلله كل شي فيني زين

انا مااتكلم كم وجبه او اذا طول الوقت تاكلين
اقصد كمية الاكل فالوجبه ؟
كم بيضه تاكلين 5 وطالع
العيش شكثر تاكلين ؟