طيب واللي ماعنده لاوديعه ولا عقار وشيسوي :)
طيب واللي ماعنده لاوديعه ولا عقار وشيسوي :)
السلام عليكم
اشكر صاحب الموضوع على الطرح السهل والجيد والمنطقي في نفس الوقت وحبيت اضيف نقطه قد تكون مخفيه عن الاغلب عند وجود راس مال فان الاغلب يسعون للاستثماره بدون دراسه لاحوال السوق وحاله البلد الاقتصاديه
نظريتي وصراحه قد تكون سهله يوم تقرونها بس هذي الي حاولت اطلع فيه بحكم قله خبرتي الى الان (ماهو ولماذا وكيف والى متى)
ماهو المجال الي اقدر استثمر فيه راس مالي ؟
لماذا هو الاستثمار الجيد لي ؟
كيف استطيع اداره الامور الماليه من دفع او قرض ؟
الى متى بيتم هالاستثمار هل هدفي نسبه معينه في الربح ام مزواله هذا الاستثمار وانمائه ؟
وفي الاخير القناعه كنز لايفنى والحمدلله على كل الاحول ومن ترك شيئا لله عوضه الله بخير منه
اختي شعنونه انتي في مرحله التحويشه هههههههههه والله يوفقج بس حطي لج هدف واصملي عليه والله يوفقنا وويوفقكم
شكرا للجميع
على المرور الكريم
:)
فيه نقطة مهمة أحب ان الفت انتباه الجميع اليها في هذا الصدد وهي :
يعتبر الخبراء والمحللين الماليين ان المدة العادلة واللازمة لتغطية قيمة العقار هي ما بين 8 - 10 سنوات
والمقصود بذلك تغطية قيمة ( العقار ) فقط باستثاء قيمة الأرض والسبب : ان الأرض باقية مكانها حتى قيام الساعة ( إلا في حالة تملكها منن قبل الدولة .. وهنا يكون فيها تعويض ) .. اما العقار فقد يحتاج الى صيانة .. ترميم .. اعادة بناء .. الخ الخ ..
اما بالنسبة لعوائد الوادئع في البنوك .. فرأس المال يظل كما هو حتى بعد 100 سنة .. والاختلاف في نسبة توزيع الارباح سواء كل 3 اشهر .. 6 أشهر .. سنة .. او سنتان .
يعطيكم العافية
اخوكم العود / مالكم أمل
:)
يعطيك العافية اخونا مالكم أمل مع اني أشوف انه فيه أمل:)
ماشاء الله طرح رائع وعقلاني وردود طيبة وعقلانية أيضا..
فقط أود أن اوضح نقطة قد تكون غائبة عن المستثمر وهي غاية في الأهمية وهي وقت اختيار الاستثمار,, ففي مرحلة الرواج فان الأفضل هو الاستثمار في الاصول كالعقار والأسهم لأنه مع العائد الذي ستحصل عليه,, فانك أيضا ستحصل على عائد رأسمالي جراء ارتفاع قيمة الاصول أوقات الرخاء والطفرات.. وفي نفس الوقت فانك ستحصل على عائد أقل في الوديعة مع ثبات رأس المال المستثمر..
والعكس صحيح.. فانه في حالة ظهور علامات الكساد فانه من الأفضل تخفيض المحفظة من الاصول كالعقارات والأسهم والاحتفاظ بالسيولة لأن قيمة الاصول في انخفاض بينما السيولة في ثبات..
مثال..
لو قام الشخص مثلا بشراء عقار في بداية طفرة اقتصادية بسعر 1 مليون ريال,, وفي عز الطفرة وصل سعر العقار مليونين ريال فانه في هذه الحالة قد حقق 100% كعائد رأسمالي فقط بخلاف الايجارات المتحصلة..
ولو استثمر هذا المبلغ في بداية الطفرة في وديعة فانه في عز الطفرة فان المبلغ سيكون أيضا مليون ريال ولكن مع أرباح سنوية قد تصل الى 6%..
والعكس في المثال صحيح.. فلو افترضنا أن شخصا استثمر مبلغ مليوني ريال في عقار في عز الطفرة,, ومن ثم بدأت علامات الكساد فبدأ سعر العقار في النزول الى أن وصل الى مليون ريال بعد كذا سنة,, فانه سيكون قد خسر نصف رأسماله لو قرر بيع ذلك العقار,, بغض النظر عن الأرباح المتحصلة من عوائد الايجارات,, وفي نفس الوقت نجد أنه لو استثمر مبلغ المليوني ريال في وديعة,, فانه بذلك قد حافظ على أصل رأس المال بالاضافة الى حصوله على أرباح من الوديعة..
والله الموفق
جزاك الله خيراً ما لكم أمل
جزاك الله خير على هالموضوع تصدق اخوي توني ادري ان راس المال في الودائع ممكن اني اخسره ؟< خفت ههههه
انا عندي وديعه في المصرف و كل 3 شهور يطلع لي مبلغ بسيط بس انا حابه الوديعه لانها تحفظ الفلوس لو في حسابي كان طيرتهم في شهر واحد بس
و بعد العقارات غاااااليه يعني يبي لها سلفيات مع اني افضل العقار لان ابوي اكبر مثال لي حتى بعد ما تقاعد ما تغير شي يستلم اكثر من راتبه من ايجار العقارات صج استفاد بس على ايامهم العقارات كانت رخيصه الحين صعبه اشتري عقار
تحياتي لك