اقتباس:
طال عمرك
انت امبين عليك غرفاوي
و كل اشوي اتجيب لنا دليل عالغرافة !!!!
محد مختلف على ان الغرافة من افضل الفرق القطرية فالوقت الحالي
بس اللي نافع الغرافة انه نادي غير جماهيري
ما في ضغط على الادارة او اللعيبة من قبل الجمهور
صحيح انه جمهور العربي اكثر من جمهور الغرافة (ب200 او 300 نفر تقريبا :telephone:)
لكن هذا ما يمنع ان الغرافة عنده جمهور يحضر تمارين الفريق ويتابعه
لكن الفرق بين الجمهور الراقي اللي عنده ثقافة كروية وبين اللي ما يعرف
الا لون بدلة فريقه ونجومه السابقين .. وممكن جدا انه ما يعرف التشكيلة الحالية للفريق
..
الفئة الغير مثقفة كرويا هي اللي تخرب على الفريق .. وهي ولله الحمد نسبتها قليلة
جدا بين جمهور الغرافة :telephone:
اقتباس:
أما بخصوص ان لاعب واحد فالغرافة يسوى النادي العربي و تاريخه
أعتقد إن النادي العربي بتاريخه و الأسماء اللي العبوا فيه و تشريفه للكرة القطرية خارجيا
يسوى الغرافة و اللي ينتمي للغرافه
انا تكلمت عن تشكيلة الفريقين في النهائيين اللي لعبناهم هالسنة والعام
فاعتقد ان جونينهو بروحه يسوى العربي وتاريخ العربي
فمثلا لو انك تبي تروج للمباراة .. بتقول انه جونينهو يلعب في احد اطراف النهائي
ما تقول ان العربي هو احد اطراف النهائي :weeping:
اقتباس:
من هو الغرافه اللي ذبحتنا عليه ؟؟؟
وش قدم للكرة القطرية على مر تاريخه
كأسماء انفعت المنتخب ....
1. عادل خميس
2. محمود صوفي
3. عامر الكعبي
4. بلال محمد
طيب غيره ؟؟؟؟؟؟؟
سعود فتح - يوسف ادم - مانع سعود وغيرهم
لكن احنا الحين نتكلم عن الفريقين ونقارن بينهم قبل ما يلعبون نهائي كاس ولي العهد
اما هالموال اللي زهقتونا فيه هو مجرد تغطية للفشل :telephone:
واذا تبي تسال قول شقدم العربي للكرة القطرية من انجازات !!
احنا صح انه فزنا في بطولة انا عن نفسي ما افتخر فيها ولا اعتبرها بطولة محترمة
بس على الاقل فزنا بالبطولة العربية ونادينا توه صاعد
والحين الحمدلله صنع له اسم في اسيا وان شاء الله المستقبل يبشر بالخير
اما العرباوية اذونا لانهم تاهلوا للدور الثاني من بطولة الاندية الخليجية
اللي يشاركون فيها اندية المؤخرة و(الفرجان) :telephone:
فما بالكم لو خذوا الكاس
اقتباس:
مافي شيء ...
غير الفوز بالبطولات الداخلية لعدم تكافئ الفرص مع منافسيه !!!
و إذا تبي الدليل ....
سؤال واحد بس ....
وين
الشيخ / جاسم بن ثامر آل ثاني
عن الساحة الرياضية
؟؟؟؟؟؟
شدخل عدم تكافؤ الفرص هههههههههههههه
على فكرة في موسم من المواسم .. الغرافة جابوا محترفين على اعلى مستوى
وباسعار جيدة .. والعربي جابوا لاعبين باسعار خيالية كان من بينهم لوا لوا :telephone:
واكيد نتذكر كلنا شصار في ذاك الموسم ووين وصل الغرافة ووين وصل العربي
يعني هاي يسمونه فن الادارة
اما عن الشيخ جاسم بن ثامر مادري شدخل سؤالك عنه في تكافؤ الفرص
ياريت تفهمني اخوي
اقتباس:
ما يحتاي أكثر أكثر عن تاريخ الغرافة
إللي اتقول انت بأن لاعب واحد بس يسوى العربي
حرام نقول يسوى العربي .. لانه من الظلم مقارنته بمثل هالاندية :weeping:
اقتباس:
عط روحك العافية طال عمرك
و دام الاستثناءات انفعت فريقكم ... خلك معاه و لا تنغشر في جماهير باقي الأنديه
شفيك اخوي معصب .. هدي اعصابك :telephone:
وترى احنا ما كان عندنا الا استثناء واحد هو انس مبارك والحين خلاص يلعب مع المنتخب
اقتباس:
و استر على ناديك
و لا تحط راسك براس العربي
:nop:
مع السلامة