-
بالنسبة لتفصيل الأبواب فيه تفاصيل كثيرة بس عندنا دوم المعتاد فريم لاصق في الجدار وأوقات حتى مبني معاه ومغمور تحت الأرض متصل بالدفان وهذا أسوأ ما يمكن ومعرض للأرضة مهما يكون .. أنا حاب أجرب نوع جديد مودرن أكثر اللي يجي بدون برواز بس بفريم وفريم اساسي يثبت عليه الفريم وإحتمال أطبق الإطار الخرساني لكل الفتحات أبواب ونوافذ وفتحات مرور لتدعيم الزوايا وتقوية تثبيت الباب ولمنع الكراكات بس يكون كله بسمك بسيط حول 10 سم ومن فوق ممكن يزيد حسب عرض الفتحة
بين الفريم الخرساني هذا وفريم الباب يجي السب فريم كسطح ناعم وقوي يثبت عليه الفريم وبنفس الوقت تثبت قناة معدنية شكل U حتى تكون فاصل مستفيم بين الفريم والجدار مثل هذا التفصيل تقريباً .. الغيت الخرسانة واكتفيت بالسب فريم والخرسانة في تجويف الطابوق
https://i.imgur.com/PF3GDFw.png
-
طريقة التركيب تكون السب فريم على الطابوق بعد صب الخرسانة في التجويف ويتثبت ببراغي طويلة تدخل للخرسانة وينوزن عليه البلاستر بعدين يتركب الفريم وتزال قطعة بسيطة من السب فريم بمقدار اليو شانيل حتى تركب داخلها بعد عمل سيليكون يغطي التجويف بين الفريم والسب فريم وتركب عليه الزاوية يستوي عندنا الطالع الفريم والزاوية والبلاستر حول الباب بدون برواز
-
يمكن من أصعب الأُمور تصميم المطابخ لإستفادة قصوى من المساحة وعمل شراحة للمكان .. لأن المطبخ يعتبر قلب البيت حتى ولو كان جانبي .. في تصميمي لبيت ولدي خليت المطبخ مطل على الصالة وعلى مدخل البيت وبانقل صورة لموقعه من البيت للدور الأرضي .. بس قبل هذي صورة للواجهة الداخلية اللي فيها الفرن وتوزيع القطع في المطبخ
https://i.imgur.com/cf1Jfbx.png
بداية الواجهة الداخلية هذي الشمالية فيها قسم الثلاجات اقصى اليمين ملتقي معاها تعتبر الواجهة الشرقية عليها الثلاجات وفوقها مكان الإكس بيكون بوكس للتخزين وفوقه حائط جبسي ( بارتشن ) بسيط للسقف هذا متصل مع أعلى الدريشة والكبتات العلوية للكاونتر مال الفرن .. بهذا بنكون حافظنا على ارتفاع السقف وبنفس الوقت جملنا أعلى الكبتات وأعلى منطقة الثلاجات
-
هذي رسمة الإستشاري بدون تعديل هو خرب شغلي السابق وانا ألحين أعدل عليه .. وضحت هنا مجال الرؤية من المطبخ جهة الباب وحسب موقع اللي في المطبخ ممكن يشوف حتى الصالة الثانية
https://i.imgur.com/uufx9PH.png
هنا توضيح للتوزيع المعدل .. صغرت الجزيرة شوي .. إستوت 3.8 في 1.2 + البروز اللي صوب الكراسي هذا 40 سم وبيكون مرتفع بحدود 30 سم عن سطح الجزيرة .. يمين مكان الثلاجات له أرضية مرتفعة حول 7 سم وبعمق 70 سم هذي تبرز منها الثلاجة حول 5 سم والأرضية ترفعها عن مياه الغسيل .. أرضية الكبتات بتكون مرتفعة 10 سم حتى يقترب اللي يشتغل منها ورجله ما تضرب تحت
عندنا مكان حق الكسرة بعد بعمق 20 سم من يسار العمود لين مكان الكبتات الطوال أقصى اليسار
https://i.imgur.com/1b9XjpO.png
يعني بيكون عمق مكان الفرن وحوله بشوي لين مسافة عرض 3 متر 80 سم .. ممكن المايكروويف يدخل داخل أكثر وسطح العمل يكون أكبر حتى الفرن وراه جزء صغير مرتفع متصل مع واجهة الكاونتر
https://i.imgur.com/bB4pRh1.png
طبعاً مكان مدخنة الفرن بيكون بارز عن الكبتات العلوية اللي داخلة حول 30 سم لترك مجال للحركة ومرتفع شوي أعلى مع إنارة موجهة للفرن ومن فوق مغطى بواجهة جبسية متصلة مع جبس السقف .. يعني الواجهة الجبسية بتكون فوق الكبتات وفوق منطقة الثلاجات وماشية يسار لين الزاوية اليسرى وموقفة هنا والسقف على ارتفاع نفس ارتفاع جبس الصالة يعطينا انفتاح للفضاءات هذي المفتوحة كلها
-
عدلت ارتفاع الكبتات مستحيل حد يوصل فوق مترين بس مضطر أوازن لحدود 2.3 متر بدال 2.6 كما في المخطط السابق وممكن أنزل أكثر حسب الستاندرد المتبع ولو بيكون مرتفع بيكون فيه درج صغير للتخزين فوق طويل الأمد
هذي صورة للمخططات كلها الخاصة بالمطبخ والمخزن التابع له حطيتها في إطار بروحه
https://i.imgur.com/JjnPthe.png
وهذي الواجهة الشمالية بعد التعديل البسيط
https://i.imgur.com/Agu640w.png
وهذا انعكاس السقف والتوزيع الأرضي .. إنعكاس السقف المفروض أوضح كل الإنارة عليه بس للحين أفكر فيها وأزيل الأثاث بس خليته حتى أعرف وين تتركز الإنارة
هذا تقريباً بيكون السقف والإنارة
https://i.imgur.com/UTBlFuS.png
لمنطقة المخزن محتار بين اضاءة عامة ال اي دي بانل ال 60 في 60 أو الإسطواني الطويل الشبيه للنيون القديم معلق حتى يكون قريب من ارفف التخزين وشكلي باروح للمعلق أول شيء قريب للاستبدال ومجربهم يعمرون وانارتهم حلوة بدون تموج .. صورت هذا معلق من سقف مكتبي وسقف مكتبي شوي عالي مايل ومرتفع من الوسط .. بيكون مثل هذا عملي للمخازن ولغرف الملابس لأنه يكون على ارتفاع مترين ونص تقريباً الى 3 ينور ما هو داخل الأرفف والكبتات مب فوقها
https://i.imgur.com/XmTJqlP.jpeg
كان في مكتبي النوع القديم مثبت على السقف مباشرة ويمكن يبين فكيتهم وركبت سلاسل نازلة ومنها علقت ذيلا مكشوفين
هذي الواجهة الجنوبية وهي مفتوحة بعرض 4.8 على الصالة بس بتكون مغطية جزئياً ببروز مدخل المغاسل وغرفة الطعام التابعة للميلس .. هنا عندتا ارتفاع المدخل خليته متصل سقف واحد مع الصالة يعطينا اتصال بالسقف والفراغات
https://i.imgur.com/wQdXCVS.png
تكبير للإنارة المعلقة اللي تكلمت عنها وبتكون تنور الارفف نور كافي وتشتغل تماتيك بحساس حركة
https://i.imgur.com/Zwd8Kgk.png
هذا توضيح لواجهة المطبخ الغربية وهي تنفتح على الممر اللي بيكون مغطى بمنور زجاجي بكامل العرض ومقابل الباب هذا باب ثاني للمطبخ الخارجي .. فيه كبتات بكامل الطول لإستغلالها أفضل للتخزين الإضافي وسطح العمل بيكون كافي في الجزيرة الوسطى
https://i.imgur.com/1CbONKA.png
واجهة المطبخ الأخيرة الشرقية غلطت غلطة بسيطة في الغرافيكس .. المفروض الخط يسار الباب ما يبين لفوق ينتهي في زاوية فتحة الثلاجات وفوق الثلاجات هذي مستطيلات مفتوحة ارفف تخزن فيها سلال التخزين الطويل مثل المعلبات وبعض الجدور قليلة الإستخدام والكبيرة والواجهة فوق جبس مبتصل مع جبس السقف
https://i.imgur.com/S99A3B3.png
-
باب المخزن 220 سم ارتفاعه ودريشة وفتحات البيت وباقي الأبواب 260 سم .. شكلي باعتمد أبواب المخازن وغرف الملابس بس 220 أفضل وأوفر
-
صححت الواجهة وأضفت الزاوية المشطورة حتى تكون ناعمة لو حد اصطدم بها وشكلها يكون حلو هذي بعد ما يطلع الواحد سيدة حولها يساره بعد فترة يجي بيت الدرج واللفت وأفكر أسويه ثري دي حتى أوضح تداخلات كثيرة
https://i.imgur.com/pgljAtb.png
-
هشكل يستوي عندنا تجويف الثلاجات والتجاويف اللي فوق كأنها محفورة بعمق 70 سم ما تكون عائق أو شيء مزعج
-
ما تشجعت أرسم الدرج 3 دي خايف يعلق الكمبيوتر كعادته وبيكون شغل أكثر .. هذي واجهة الجدار جهة الشمال خلف بيت المصعد وبيت المصعد وضحت حدوده بخطين متقطعين .. رسم التفاصيل دوم يعطينا فكرة أوضح عن الفراغ ويخلينا نعدل تعديلات بسيطة لصالحنا ولصالح البناء بحيث ما تستوي ربكة ونقول بعدين يا ليت سوينا هشكل مثل الملح في الطبخة لازم محسوب
https://i.imgur.com/WIcHp8k.png
-
عدلت إرتفاعات الدرايش لإرتفاع معقول هذا بيت درج في النهاية والدرايش شمالية ولازم آخذ إستثناء من التخطيط بخصوصها لأن البلدية طالبين ارتفاع 1.8 متر من الأرض وانا للمخازن حطيت هذا الإرتفاع ومحتاجه لعمل أرفف تحت 180 سم والمخزن اللي فوق تحت 190 سم .. الروشنة المقوسة بتكون ملبسة من داخل ممكن خشب أو بورسلان أو بس مصبوغة مع إنارة ديكورية داخل نسيت أضيفها .. والمخزن التحتي بيكون مناسب الباب باسويه بدون كتف وبعرض 80 سم والكبت ممكن باقي ال 120 سم عرض الدرج وممكن عرض الارفف يكون في حالة الباب 80 حول 40 سم في باقي ال 120 بيكون مناسب لتخزين بعض القطع مثل مواد التنظيف والقطع الكهربية الإستهلاكية بطريقة مرتبة .. الإرتفاع تحت البسطة الأولة 169 سم كافي للأطوال العادية حتى تحت جهة المشاهد ممكن يتخزن شيء كبير لعبة مثلاً كبيرة