-
حاجة مهمة تصميم الكرسي بيكون مبني خرسانة بهذي التشكيلة ومشطب لالبورسلان وبينقص قطع للجزء المقوس من أعلى حتى يكون وقت الجلوس مريح وتحته بيكون تصريف الشور .. وممكن نسوي بخار بعد لو حبينا
https://i.imgur.com/mQzkiDQ.png
-
صار عندي عطل بسيط وبصعوبة قدرت أحله مع برنامج الأوتوكاد .. بإذن الله قبل العيد بكون مخلص كل الواجهات الداخلية ,, ألحين اشتغلت على واجهة الجدران الداخلية الشرقية .. باقي دور البنتهاوس بيكون متكرر من الجزء اليسار للدور الأول ولاحظت خذي التفاصيل تعطينا صورة أشمل للي بيكون عندنا وكيف نوزع الأثاث والكهرباء وشلون تكون خطتنا للأسقف ومهم ما نترك شيء للصدفة
بعد كيف تنعكس هذي الترتيبات على الواجهات لأن مهم وانت داخل بيتك تشوف تناسق وجمال .. الجهات الخلفية عادي لو جات دريشة يمين ووحدة يسار أما في الواجهات ضروري يكون فيه تناسق بين اللي تحت وفوق .. وما ننسى حتى مساحات الزجاج تحت غير عن فوق بس أشوفها متناسقة بإذن الله
https://i.imgur.com/jtYGbwL.png
بداية من اليمين جزء من الغرفة الرئيسية بعدين نطلع للدبل هايت هذا فوق وتحت صالة جلوس جنب المجلس شرقية جنوبية باطلالتين ودريشتين لكل جهة وحدة .. الغرفة الرئيسية بتكون ممتدة محاذية للدبل هايت وباوضح جدرانها واحد واحد بنفسهم في البداية قلت ابدا بالكل بعدين انزل لكل جزء بروحه وارجع أطبق الوضع النهائي على التوزيع الأرضي لكل دور حتى ما يستوي خطأ لأن الإستشاري عفس لي كل شيء يبيني مقيم عند رسامه وأوضح له شابغي
بيكون جزء البنتهاوس في ذي الجهة بس الغرفة والصالة العلوية متقدمة عن غرفة النوم تترك مجال نسوي دريشة جهة اليمين لذلك نقلت الكبت يسار .. بتكون مقابلة جنوب والدريشتين الطوال شرق يطلون على حوش وبعدين شارع وبينهم وبين الشارع قريب ال 15 متر حوش فيه حوض السباحة والمجلس الصغير في الطرف
https://i.imgur.com/fuBdorO.png
عندي عدة تفصيلات لستاير الدرايش منها تكون الستارة في تجويف الدريشة وطوالية ترتفع بكهرباء أو طريقة ثانية تكون مغطية الدريشة وفتحتها وتنفتح على جنب بس يترتب مكان الكبت والسرير شوي غير وفيه طريقة شوي معقدة أكثر نسوي تجويف بارز منجد من خشب .. هذي بتكون أفخم طريقة والفتح بسحبها على جنب وسهلة كلها طول عرض متر ونص الى مترين تقريباً .. نقدر الأطراف طرف طبيعي بيكون ثابت والثاني اللي تنفتح صوبه نخليه لاصق وممكن فتحه يلصق بشريط ثابت على الحائط حتى تعطينا استقامة وعزل جيد للنور هذي بتطلع مودرن أكثر وموفرة
-
السرير هذا مبالغ في عرضه ممكن يكون وايد أصغر خصوصاً الطاولات الجانبية .. وهذي التوزيعة التقريبية اللي ممكن ننفذها حسب واجهة الحايط ذيك
https://i.imgur.com/hlvnh9B.png
صحيح الستارة في الواقع بتكون متموجة وغير بس مشوها خصوصاً المدعوة سين جيم والمدعو سين زين وبالصدفة ابو زيد .. خط الدريشة هذا بمقياس رسم وعرضه 6 سم ممكن يكون 7 وأكثر حسب القطاع لو يو بي في سي وممكن يكون ألمنيوم وأنحف بس ما عندي قناعة بالألمنيوم في الغالب باركب يو بي في سي وقطاع 6 مناسب لأنها درايش صغيرة .. من الخارج تركت 10 سم يركب فيها ناشر النور الخطي التجميلي ينور التجويف .. ومن داخل الدريشة واصلة للأرض وأرضيات الغرف بتكون سجاد سميك مع أندرلي واصل لفريم الدريشة .. هشكل أشوفه أحلى اتصال بين الفضاءات
صورة مقربة لتفصيل تجويف الدريشة وبيكون بين 40 سم و 45 سم حسب سمك البلاستر
https://i.imgur.com/57qjhaU.png
الناشر الضوئي هو الدائرة
-
فيه تفصيل اضافي حق الستارة وكل الستاير الباقية وكله لأني مسوي عمق كافي للجدران بتكون بمحرك كهربائي وصج مغامرة الخوف من الأعطال الزايدة وحتى اليدوي ممكن بسهولة باوضحه وقت ثاني .. ألحين هذي صورة مقربة للصالة التحتية مفكر أخلي الباب جزء واحد بس حتى يستوي لي مكان لكرسي إضافي .. وبما ان البيت دبل هايت وجزء مفتوح بيكون الصوت مشكلة لازم نسيطر عليه لذلك هذي الصالة بتكون مغلقة بزجاج من الداخل وبتكون خاصة بالتلفزيون ومنها ممكن نطلع لحوض السباحة ومطلة عليه حوض السباحة بمستوى أعلى من ارضية الصالة ممكن 20 سم وممكن يتغطى بسقف يكون محصور بين المجلس الخارجي وهذي الصالة والمكتب جنبها
الصالة صغيرة وملمومة لذلك عندنا مجموع صالتين في الدور الأرضي + المجلس
https://i.imgur.com/XyoUy14.png
هنا الستارة بتكون خفيفة وطبقة وحدة .. والرجال هذا كبرته وصل طوله ألحين 181 سم حتى يبين المقياس كيف .. بس الباب مقتنع أسويه ظرفة وحدة باغيره
-
وصلت لمرحلة تفصيل الجدران ومحتوياتها لكل غرفة مع وضع تفاصيل كل جدار وفتحة أو تجويف في الجدار للتنفيذ .. هذا طبعاً يرتب المخطط صح ويعدل بعض الأبعاد بطريقة أرتب ممكن 10 أو 20 سم لا تلاحظ لكن تفرق
هنا غرفة النوم الرئيسية كحيز معماري مستطيل بأربع جدران ناقص بس توزيع السقف وهذا التصور موجود له
https://i.imgur.com/2dDGSjm.png
عملت التوزيع تحت جدار كل مخطط وكتبت اسم الغرفة وجهة النظر داخلها للتسهيل نشوف التوزيع الأرضي تحت وتوزيع الحائط فوق
هذا اليسار الواجهة الداخلية الجنوبية واليمين الشمالية وفي الإتجاه القصير 4.4 متر الدريشة 1 متر بالضبط عرضها وارتفاعها من الأرض 2.6 متر وشرحت طريقة الستارة قبل مشاركة قريبة وتحتاج تفاصيل بسيطة مثل نقطة زر الفتح والإغلاق هذي لازم نشوف الشركة المختصة ويا ليت أحصل يدوي وكهربائي لو تعطل واحد يشتغل الثاني .. البورد فوق بيكون بشكل غير ممكن مستطيل مبسط ومنجد بقماش أو بخشب مصبوغ
اليمين الواجهة الشمالية عبارة عن كبت بكامل الحائط مفصل حسب المساحة ومتصل معاه الجبس
https://i.imgur.com/CHCCzbZ.png
هنا تقريب لخط الجبس ومكان دكت التكييف بتفتح في التجويف المقوس ومع الإنارة المخفية لذلك كان صعب اسوي الستارة لفوق داخل الجبس
https://i.imgur.com/95O2zdT.png
التجويف 40 سم من عند الجدار وعمقه بعد 40 سم قابل للتعديل حسب الحاجة
هنا جهة شرق .. عندنا الدريشة اليمنى تطل على واجهة البيت والباب مال الحوش وجنبها كرسيين جلوس ما وضحتهم واليسرى تطل على المدخل الدبل هايت وتنفتح مثل الباب مع بلكونة صغيرة للزراعة في اصيص وتكون متسلقة .. مقابلها مباشرة الباب وبمقاسها ويسار الباب الكبت الموضح ومتصل مع الجبس جاي كأنه غاطس في الحائط
https://i.imgur.com/Az2Lyhi.png
هذا توضيح للدريشة من القطاع الطولي في تجويف الدبل هايت
https://i.imgur.com/cTNJZJd.png
هذي الجهة الغربية المقابلة للسرير .. أدراج الكاونتر وايد باخلي الوسط تحت التلفزيون كبت للأغراض الكبيرة .. وإستوت عندنا طاولة مكياج أو زاوية عطورات يسار
https://i.imgur.com/6gYMyCv.png
بهشكل انتهينا من الغرفة ذي ونروح لحيز ثاني قريب
-
حبيت بس أوضح طريقة الستاير أو البلاك آوت بيكون ينزل من بوكس فوق فيه المحرك الكهربائي وممكن مع آلية الفتح اليدوي وبيكون معمول حفر في البلاستر فيه شانيل خاصة معدن شكل يو حق تكون معتمة 100% والستارة الباقية تنسحب يدوي على جنب وتعلق
https://i.imgur.com/jMyIQFP.png
هشكل بيكون طبقات عزل كثيرة .. عزل الزجاج والفريم والتجويف الخارجي حتى ولو بسيط والعزل بين الفريم والبلاك آوت وبعدين عزل البلاك آوت وبعدين الفراغ بين البلاك آوت والستارة الداخلية وبعدين الستارة الداخلية
-
تفاصيل السقف مهمة ومخطط يسمى انعكاس أو معكوس السقف مهم .. كنا نسويه للمكاتب أوقات بالسيلوتكس القديم 60 في 60 وخطوط الفواصل الألمنيوم الحاملة والإنارة .. كانت الشغلة بسيطة والتفاصيل قليلة لكن للبيوت الموضوع يصعب ويحتاج تفاصيل أكثر وخيال وتوافيق بعد
هذا تفصيل الجبس للغرفة الرئيسية .. فيه الإنارة المخفية في الإتجاه الطولي فقط فوق السرير ومقابل السرير وحطيت خيار الإنارة الدائرية الكبيرة قطر 15 سم أربع بس هذي انتشارية وواضحة قوية وفيها درجات ألوان مريحة مثل ال 3000 كالفن .. الأطراف القصيرة فوق الكبت بيكون متصل وفيه فرزة بسيطة 2 سم زاوية ظل .. خطوط الدكتات موضحة بشكل تقريبي بعرض 40 سم وممكن تزيد حسب الحاجة وتصميم التكييف
https://i.imgur.com/y1ZBU0F.png
أفكر أحط ثرية حديثة في الوسط بتسوي جو .. يعني بتكون عندنا 5 مصادر إنارة أو ست .. السبوتات الكبيرة أو اللي تعتبر داون لايتس انتشارية والمخفي وانارة التجاويف والثريا والأبجورات وأخيراً إنارة الكبت
هذا رسم يوضح فتحة مرور الهواء في طرف الجبس والإنارة المخفية وخط سقوطها على الكورنيش المنحني
https://i.imgur.com/0TxpqHF.png
-
إنتقلت للمجلس تحت .. وبيكون بإذن الله الحائط الفاصل بينه وبين غرفة الطعام عبارة عن اسمنت بورد مجوف من الوسط حتى نحصل تجويف مناسب لعمل رواشن من الجهتين جهة المجلس وغرفة الطعام فقط في جوانب الفتحة الموصلة بين الفراغين بيكون طابوق بالعرض لتدعيمها وتحديدها .. أشوفه هشكل أفضل وأوفر ممكن
هذي صورة للي أنتجه الاستشاري التعيس بعد ما خرب التصميم اللي أرسلته له
https://i.imgur.com/8nEyF29.png
حاط دوائر توضح أماكن الكسرات اللي كنت طالبها بس ولا همه شغله يمسح ويخربط
وهذي صورة للواجهات الداخلية الشمالية والشرقية اللي انا ابيها وأكيد ما تتناسب مع التوزيع الأرضي للفراغ باتفق عليها حتى تتنفذ والمفروض تعدل قبل العقد والا عقدي بيستوي مجبوس دياي
https://i.imgur.com/otcp4Yw.png
يمكن كان أفضل لي أسوي الفراغات المتصلة كلها المجلس وغرفة الطعام وتكرمون الحمام وباربطها مع بعض سهلة
اليسار جهة غرفة الطعام والفتحة المستطيلة في الجدار اللي بيكون اسمنت بورد مجوف بعمق 40 سم .. بيكون فيه إمكانية نسوي الفتحة مقوسة من فوق بسهولة ونركب شريط انارة في القوس ونازل يمين ويسار بعد بيطلع إضافة حلوة
ما يقارب هذا الشكل .. وفكرت بعد أسوي روشنة حق التلفزيون مع أدراج تحته مرتفعة عن الأرض داخلة في تجويف الجدار تطلع أحلى وتحتها يكون فاضي لسهولة التنظيف لأن هنا بتكون الأرضية بورسلان وممكن حتى ما نحتاج الأدراج ارفف بسيطة كفاية بارتب هذا المقترح ان شاء الله
https://i.imgur.com/iDR4fRa.png
تقريباً بيطلع بهذا الشكل بإذن الله .. الإطارات حول الفتحات براويز خشبية حتى تيجان الستاير فوق مفكر أخليها براويز خشبية بارزة 15 سم بس تخفي الستارة والستارة هنا سويت تفصيلها طريقتها بتطلع حلوة بإذن الله
https://i.imgur.com/r3BRkjp.png
طبعاً البراويز الخشبية بتكون فيها نقوشات ناعمة
-
الباب زدت فتحته ل 120 سم فكرت فيها ألواح البلايوود تكون 122 ويطلع الهالك قليل والتكلفة تطلع متقاربة وشكلي باوحد المقاسات وبدقة حتى أقدر أسويها كلها برا في تركيا أو الصين أو السعودية .. مع الفريم صافي 120 يعني الفتحة حسب سمك الفريم لو 4 بتكون حول 110 سم لأن يصغرونه شوي بدال 120 يسوونه 119 أو 118 حتى يركب في الفتحة ويتعبى فوم أو سيليكون ويتغطى ببرواز
كنت مفكر في النوع اللي يجي داخل في الجدار بدون برواز ذاك بعد فكرة ثانية حسب المنجرة اللي بتنفذ
-
بعد أضفت كبت للعبايات بعمق كامل الجدار المستعار يطلع قريب ال 36 سم وعرض 42 سم وارتفاع حول مترين بيكون فيه رف للشناط وتحت لتعليق العبايات .. واجهته قزاز ملون سرقتها من رسمة قديمة عندي لحد يدقق
البروز عندي بيكون أقصى اليمين خلف فتحة الباب حول 25 سم مع 20 عمق او 18 وحطيت الكراسي وين تقريباً بتكون جهة الرؤية
https://i.imgur.com/uZtXfaO.png