الله يقويك يالشيخ
ETA
http://etamelco.in/images/eta.gif
قريب من دوار التشريفات
44660904
عرض للطباعة
الله يقويك يالشيخ
ETA
http://etamelco.in/images/eta.gif
قريب من دوار التشريفات
44660904
اذا بتركب باب زجاج للفت (وهو الاحلى) لازم يكون حجم كبير (8 اشخاص هو 600 كيلو) ويحتاج مساحه 1.8 متر في 1.8 متر و سعره حوالي 200 ألف ريال (حق 4 stops).
انا سألت عند الهتمي (ميستوشيبي) و الدرويش (اوتس)، و كلهم قالو البانوروما او ابواب زجاج ما عاد يجي حجم صغير.
والافضل ان تركب نوعيه "روم لس" يعني ما يحتاج غرفه فوق.
بالتوووفيق
لا اخوي نظامه عادي جداً نفس اي مصعد والافضل انه مش هايدروليك ..
الفرق ان النظام الجديد مايحتاج إلى غرفه في اعلى المصعد
الآن محتاج فقط مابين 30 - 50 سم عن آخر طابق لتركيب الماكينه
http://products.construction.com/swt...999/411042.jpg
اخوي مركب لفت في بيته من كم سنه (6اشخاص) اخر عقد صيانه جدده معاهم كان 550 ريال في الشهر.
المتسوبيشي ل 4اشخاص أو 300كغم
بـ 120 الف ريال قبل الخصم
الوان الباب : يمكنك الأختيار من بين 7 الوان متوفرة او استيل
اللون الداخلي : متوفر 3 الوان او استيل
الأرضية : تتوفر 6 الوان
لوحة الأزره : تتوفر بلونين فقط اسود و أبيض
ويتوفر في اللفت بطارية طوارئ خاصة تستخدم عند انقطاع الكهرباء
السلام عليكم ورحمة الله وبركاته
الله يعينكم علينا ها الايام النشده واجده والبيت وبدينا ندخل في مراحل تشطيبه
الله يوفقنا في مخلاصه
سوالي بنسبه لشركات المصاعد عندنا
انا تقريبآ خلصت غرفة المصعد في البيت ومساحة الغرفه 1.5 في 2.3 متر
مريت على شركة المعموره للمصاعد وشفت الكتالوج عندهم وشفت اشكال حلوه
عندهم من المصاعد وعلى حسب الكلام انها ايطاليه المنشى
الكتالوج حلو حاولت انزله لكن ماعرفت
المهم شرايكم لانهم عطوني سعر حلو تقريبآ انا مامريت على الشركات الباقيه
لان ولد عمي مشتغل عند نفس الشركه وعاملين لي سعر جيد
نبي النصيحه ومخاب من استشار
عندك شركه المفتاح شارع سلوى عندهم مصاعد البدي صيني والدينمو فوجي ياباني انا مركب عندهم يشيل 8 اشخاص 135 الف وعندهم ارخص على حسب السعه والديزان
تسلم اخوي حسن على المشاركه
وياليت موقعهم بالتحديد
وياليت با اهل الخبره والي مركبين يشاركونا الموضوع
اخوي أنت المفروض تاخذ مواصفات اللفت قبل لاتبني
بالنسبه لي اتفقت مع شركة الهتمي على لفت سعة 4 اشخاص (300 ك ) نوع متسوبيشي
وسعره 120 الف وبيعطيك خصم وقت الأتفاق.
وغرفة اللفت : 1.5 * 1.35 م
,
,
مرحبا
منزل مبروك
ننتظر العشاء ان شاء الله
:)
انا دائما انصح بنوعين ممتازين
otis
او
متسوبيشي
بصراحه ذولا الشركتين
مثل المرسيدس وال بي ام دبليو في الجوده والكفائه
الاثنين توب
:)
وانا انصحك في المتسوبيشي
والراي لك اخوي
,
,
اخوك
شموخ دائم
المتسوبيشي
يمدحونه
مرحبا
هل يحتاج اللفت عقد صيانة سنوية؟ اخبر واحد كان بيركب مصعد وهون يقول ان عقد الصيانة ضروري جدا والشركات تنزل سعر البيع لجذب العميل وعقد الصيانة يطلع عليه بالشي الفلاني..
مادري مدى صحة هالكلام الان..حد يعرف اسعار الصيانة وهل هي سنوية وهل توجد مصانع ماتحتاج صيانة
يعطيكم العافية
لا اخوي مشمن الضروره تاخذ الموصفات قبل عمل الخرائط هو على حسب احتياجك فقط
مقاس المساحه يحددها مكتب الاستشاري عند عمل الخرائط ولكن اذا تبي حجم الفت لعدد
معين لابد تاخذ مقاساته من شركة الاصنصيرات
شاكر لك اخوي
مشكور يا اخوي شموخ دوم في خدمة الشعب
يمدحونه بس غالي الله المستعان
وعلى كل بنمر عليهم نشوف اخر اسعارهم
شاكر لك
هلا اخوي
هو اكيد يحتاج لصيانه سنويه
لكن السنه الاولى مجانيه وبعدين العقد السنوي اعتقد 3000 الاف ريال لتصليح الاعطال
مع اعتقد ضمان على القطع لمدة 5 سنوات
شاكر لك اخوي
السلام عليكم ورحمة الله وبركاته
اخواني وخواتي
ودي استفسر عن شركة سيباك للمصاعد، هل مرت على حد منكم ؟
هل حد منكم ركب عن طريقهم ؟
خدمتهم ضمانهم ... أو أي معلومه ... لأني احتمال اخذ مصعد عن طريقهم ...
والشي الاهم شنو نصيحنكم لي بخصوص المصعد ... أخذه من أي شركة ؟؟
وجزاكم الله خير ... وكان الله في عون العبد ماكان العبد في عون أخيه ..
أخوكم .. سحـــاب
والسلام عليكم
السلام عليكم
أبو محمد
بالنسبه لي كلمت شركة سيباك للمصاعد واحس منهم ان تعاملهم جيد ...
بس اليوم مكلم شركة المفتاح وبروح لهم ان شاء الله العصر ... لأنه يوم قارنت الاسعار لقيتها قريبه من بعض ... والضمان في المفتاح خمس سنوات ...
ومصاعدهم ... فوجي ...
مدري .. بس مثلك محتار ... واسال الله لك ولجميع المسلمين ولنا التوفيق ...
أخوك ... سحـــاب
والسلام عليكم
شنو صناعة المصعد وكم سعر التكلفه
طبعا افضل شركتين هم متسوبيشي و اوتيس
انا مركب متسوبيشي 6 اشخاص و العقد السنوي للصيانه ب5200 ريال
شغلهم 100% ماشاء الله
عليكم السلام اخوي سحاب
ياليت اخوي تعطينا علوم شركة المفتاح وشنهو الفرق بينهم وبين شركة سيباك
والبضاعه شنهي ماركتها عندهم لانها مهما
يعطيك العافيه
هلا اخوي قطر ياليتك تفيدنا اذا عندك معلومه عن الشركه
هلا اخوي طاش
بكم طلع لك سعر الاصنصير وهل هو ديكور ولا عادي
اخوي انا مركبة من اربع سنوات و كان السعر 120 الف بدون ديكور
انا سويت الديكور بعد التركيب
بو محمد
بالنسبه للمفتاح ( فوجي ) تجميع سعودي 100%
بالنسبه للرافعه ( المكينه ) اعتقد صناعه صينيه يتم التجميع في السعوديه
بالنسبه لمتسبيشي فيه نوعين من نفس الشركه تايواني هذا حق مش حالك عماره 4 ادوار او 5
اما الابراج ياباني 100%
ممكن تاكد من الشركه نفسها لان هالمعلومه من الشركه متسبيشي
وحتى المفتاح بقولن لك نفس المعلومات الي ذكرتها
هل يشترط استخراج رخصة من البلدية لاضافة المصعد في الفيلا اذا ما كان موجود في الخارطة ؟؟؟؟
تسلم اخوي سهم على المشاركه
يعني عادي اقدر اسوي له ديكور بعد ما يخلصون شغلهم
تسلم اخوي قطر على الرد والتفاعل
هل موقعهم وهل انت مركب عندهم او حد مدح لك شغلهم
لا اخوي مب شرط
بنسبه لي الفله جديده يعني جاي مع التصميم
ولكن ولد عمي الشركه جاوه للبيت وشافو الموقع الي يصلح يحطون فيه المصعد
وعملو له خريطه لعمل غرفة المصعد وبعدين هم كملو شغلهم
فا اتوقع اذا الكهرباء عندك بالبيت قويه وعندك مكان للمصعد عادي بدون موافقه البلديه
والله اعلم
في شركه اسمها باورتيك بعد لفة النصر قبل اشارة السودان
مر عليهم
عندهم اشياء حلوه و صناعة اوروبيه
هلا بومحمد
بالنسبه للمفتاح اخذت من هم عدد2 ولحد الان مافيه مشاكل
ومتسبيشي عدد2 واحد من 15 سنه واحد من سنتين وكلهم ممتازين
واتيس عدد 1 من 5 سنوات بعد ممتاز
بالنسبه للمفتاح اتجهت لهم لان متسوبيشي تاخر علي وانا كنت مستعجل
بالنسبه لعقود الصيانه
متسوبيشي 9000 سنوي عدد 1
اوتيس 7000 سنوي عدد 1
فوجي المفتاح 4000 سنوي عدد 1
طبعا هذي كلها عمارات وعتقد انها تفرق معاك بالنسبه للفيلا لان الاستهلاك اقل
واي استفسار انا حاضر
حبيت اتاكد عن اللفت لانه مش مركبينه الحين بالبيت بيكون المكان جاهز وبنسكر مكانه بخشب
بس حبيت اتاكد منكم على كلام المقاول يقول مايحتاج نسوي شي حق اللفت والكهربه فوق البنت هوس غرفه صغيره حق المكاين التشغيل
مساحة اللفت 2 في 2
2 في 2 مساحه ممتازه اذا كانت القياسات من الداخل
اللفتات الجداد ما تحتاج غرفه فوق البنت هاوس لان المكينه تكون داخل مع اللفت
اما الي مع غرفه يعتبر نوع قديم و محتاج تكييف و قيمته ارخص بالطبع
بس بتكون محتاج تقريبا ترفع عمود اللفت متر فوق البنت هاوس و الاحسن تتأكد من شركات اللفتات
لاني مريت على متسوبيشي و قالوا ان مب محتاج صبيات اقدر اسوي مكانه طابوق و اعمده على الزوايا
و متسوبيشي لفتهم الصغير كهربته تو فيس
بس انا خذت نوع ثاني من شركة باور تيك
و مره ثانيه الاحسن تروح حق اي شركة و تاخذ القياسات منهم
للحين ما ركبت بس سويت عقد مع شركة باور تيك
اللفت نسيت اسمه صناعة اوروبية و المواد المانية 3 وقفات و ابواب زجاج 120 الف مع مكينه داخليه
الصيانه ما اتذكر بس حول 3 او 4 الاف
و فيه بطاريات للسيفتي اذا طفت الكهربه ينزل و يفتح الابواب
مساحته 110 في 140 ستالستيل
,
,
مرحبا
بخصوص الاصنصير من الاحسن تحددون الشركه مع بدايه بناء المنزل
لمعرفه المقاس وعمل قاعده له في الارضيه تجهزونها وتتركونها
الشركات المعروفه بقطر وهي الي ننصح فيها دائما
شركات عالميه وفيها مواصفات الامان عالي حسب الترتيب
1- المتسوبيشي
2- otis
3- كوني
الاصنصير يكلف تقريبا من 120 الف الى 200 الف
فرق السعر في عدد المستخدمين شخصين او اربع اشخاص
وفي الاكسسوارات ايضا
مذهب وزجاج ومرايا والحركات هذي ترفع السعر
اول سنه صيانه مجانيه والمتسوبيشي يعطي ضمان اكثر من 10 سنوات
بالتوفيق لك
,
,
اخوك
شموخ دائم
مرحبا اختي
بنسبه للاصنصير على اغلب الشركات الي مريت عليهم
تقريبآ نفس الكلام وطريقتهم وحده
المساحه ممتازه الي انتي مسويتها بنسبه للكهرباء
داخل برج الاصنصير مايحتاج المقاول يعمل شي هذا كله
وقت تركيب الاصنصير هم يركبون بيبات المفاتيح والاصنصير
النقطه الوحيده الي ممكن تعملينها من الان هو موقع مكينة الاصنصير
حدد موقعها بالضبط ومش لازم تكون غرفه فوق البنت هاوس حتى لو تكون تحت
الدرج لان الموقع صغير بيكون اهم شي يكون فيه فيش 3 فيس للطرنبه و موقع لمكيف
التبريد على المضخه اذا كان موقعها لاتوصله تهويه
ميتسوبيشى ومصاعد اوتيس بس غاليين شوي
[quote=خالد32;7437890]للحين ما ركبت بس سويت عقد مع شركة باور تيك
اللفت نسيت اسمه صناعة اوروبية و المواد المانية 3 وقفات و ابواب زجاج 120 الف مع مكينه داخليه
الصيانه ما اتذكر بس حول 3 او 4 الاف
و فيه بطاريات للسيفتي اذا طفت الكهربه ينزل و يفتح الابواب
مساحته 110 في 140 ستالستيل[/uote]
يعطيك العافيه اخوي