أبدا مش مكتوب عليه اي اسم ، لا اسمي ولا اسم اللي ربح بس هم يقولون ان اسم الرابح مسجل عندهم في السيستم، قلت له انا : شوفني اي قرار او اعلان قديم لكم ان ممنوع هالكلام، وقلت له اكتبوا لوحة وعلقوها بالمحل ان ممنوع احد بكوبون ماعليه اسم حتى نعرف
عرض للطباعة
اخوي سؤال :
انت تقول ان الكوبون ماعليه أي اسم
والموظف بعد ماركب العازل زعل على قولتك
طيب شلون زعل بعد ماركبه والكوبون ماعليه أي اسم؟ شلون عرف من الاساس ان مهب انت اللي ربحته؟
هاذي نقطة
ثاني نقطة اخوي
دامك متاكد ان الحق معاك ليش دفعت لهم؟ كان مادفعت وكلمت حماية المستهلك وانت هناك
وهم بيعطونك العلم الأكيد
رأيي : كلم حماية المستهلك وشوف وش راح يقولون لك
مع العلم ان دامك دفعت فهذا يمكن يعد دليل انك راضي بالدفع
أقول يمكن
ويمكن أكون غلطان
انت كلم حماية المستهلك في كل الأحوال واشرح لهم القصة وان كان لك حق باذن الله مايضيع
مب شرط .. لو طلع الحق معاه يرجعونله الفلوس عادي ..
من فترة رفيجي حط موتره في قراج وتم يماطل شهر كامل وبعد ما انتهت الصيانة وخذ مبلغ 11 الف ريال .. خذ السيارة ووداها الفحص يشيك على كل القطع الي تم تركيبها وطلع في تلاعب لانه ماخذ 3500 على تنزيل المكينة والمكينة مب منزله حسب الفحص الفني .. حماية المستهلك تدخلوا معاه والمحل عوض صاحب السيارة على التصليح بالكامل + ترضيه على التأخر علشان يسكرون السالفة بـ 15 الف ريال .
الي انا اشوفه ان من حق المحل يربط الكوبون بالي فايز فقط .. وهذا يمنع التلاعب وبيع الكوبونات بس لازم يكون هالشرط موضح على الكوبون .
روح حماية المستهلك وشوف .. المفروض الشرط يكون واضح من البداية .
الي يضحك هو ان تقدر تغير الملكية بـ 100 ريال وتركب العازل وبعدها ترجع تعدل ملكية السيارة .... يعني الشرط من الاساس ضعيف .
صباح الخير : اولا : لما هو خلص التركيب وجيت أعطيه حسابه عطيته الكوبون بقيمة 2000 ريال + 500 ريال كاش، سألني انت اللي رابح الكوبون قلت له لا ،، موظف عندنا بالشركة هو اللي ربحه وعطانياه هدية، قال لا مايصير ، والكوبون مسجل عندنا في الكمبيوتر باسم اللي ربحه ولازم هو يجي يركب لسيارته او اقرب الأقربين له، قلت له اعتبرني اقرب الأقربين له وبعدين رفض .
ثانيا : انا لما شفته زعل وعصب وقال لي انت ورطتني وانا مجرد موظف قمت عطيته فلوسه كاش وسحبت الكوبون لأَنِّي مابغي مشاكل ولا اقدر انتظر ساعتين او ثلاث لان أكيد اذا مادفعت له رح توصل الأمور للشرطة وروح وتعال وانا ماعندي وقت. قلت الحين ادفع لهم وإذا لي حق بيرجع واليوم أكلم حماية المستهلك باْذن الله واطالب شركة النهدي.
اخي الفاضل ..
تأكد من الشروط والاحكام في القسيمة ..
اذا لم يذكر شئ بخصوص اسم الفائز .. من حقك القانوني ارجاع المبلغ المدفوع
بطرق ودية .. مثل حماية المستهلك
بطرق قانونية .. تحريك دعوة قضائية ..
والموضوع بسيط .. لكن لا تسكت اذا كان لديك حق
غلطان دفعت والله
كان اتصلت في حماية المستهلك بنفس الوقت وقدمت شكوى بدون ماتدفع له
واذا مارضى يستلم خله يولي وخذ موترك وحرك
نصيحة: تكلم مع حماية المستهلك عن الموضوع بأقرب وقت، كل ماكان أقرب كان افضل واشرح لهم القصة كاملة
حماية المستهلك اقرب طريق لاقرب حل
ذولا ما يمشون الا بالعين الحمراء
انا اجزم ان حماية المستهلك راح ينصفك
بلغهم الان