شكرا على الإفادة.. واقترح عليكم تثبيت موضوع حول المعلومات المتعلقة بتسليم الأرباح من حيث تاريخ ذلك ومكانه.. تقديري لك
أرباح عام 2010 لبعض الشركات لم تصلني بالبريد ولم أستلمها حتى الآن ومنها بروة ودلالة والدوحة للتأمين, فهل من نصيحة عن طريقة تحصيلها؟
سوال للاخوه العارفين
ارقام الحسابات البنكيه لكل مساهم موجوده
بسوق الدوحه للاوراق الماليه
ليش الشركات ما تنزل ارباح المساهمين على ارقام
حساباتهم المدونه بسوق الدوحه كل ببنكه ؟
بدل هل الدوشه كانهم يتعمدون التاخير او يريدون المبلغ يرجع لهم
شدخل شركات حقيرة هههه ..
ياخوي البريد المسجل مكلف .. تخيل ان بعض الشركات عندها فوق الـ 50 الف مساهم وكل مساهم ثلاث والا اربع ريالات ولو برع قطر بين 7 و 9 ريال .. هذا بس ربع مليون ريال او اكثر تكاليف على الشركة !! ..
حالياً في بدائل مثل البنك التجاري الي يوزع للشركات مجاناً وبنك قطر الوطني بس بعض الشركات للحين مصره على رايها .
اخوي انت مب فاهم شسالفه
نعم البريد مكلف بس الرعايه وانا مكلمهم قالولي تبي شيكك تعال واذا تبي عن طريق البريد احنا لحد الان لم نرسلها . هذي واحد
2- وتقولي 50 الف مساهم وباقي الكلام قارن نظام التوزيع بشركات الثانيه البعض مثل المصرف البنك الخليجي بعدها بسبوع تشوف الشيك بالبريد
والحقاره الي اتكلم عنها ليس عن كلام وانما عن اداره
السلام عليكم ,,,, للعلم يا اخوان بنك قطر الوطني يوزع ارباح ( الوطني -الصناعات - الناقلات - بروه - الخليج الدوليه - الميره) , والبنك التجاري يوزع ارباح ( السلام - الخليج القابضه - الملاحه - قطر للتامين).
واذا عرفت باقي الشركات ببلغكم انشاء الله
^
^
^
البنك التجاري ايضاً يوزع أرباح شركة دلاله وشركة الاسمنت