السلام عليكم ورحمة الله وبركاته،
موضوع مفيد جدا يا معماري قطري، جزاك الله كل خير.
تسجيل متابعة.
السلام عليكم ورحمة الله وبركاته،
موضوع مفيد جدا يا معماري قطري، جزاك الله كل خير.
تسجيل متابعة.
يعطيك العافية اخوي معماري
سوْال بخصوص خزان الماي .. الأفضل يكون فوق البنتهاوس ولا نفس مستوى البنتهاوس ؟
واجهزة السخان المركزي و الفلاتر والبمبات تكون نفس مستوى خزان الماي ؟
حي الله سميي .. يا الشيخ العالم كله يحط الخزانات تحت ويستعمل برشر .. وبعض الدول ما فيها خزانات كلش والماي يجيك مضغوط .. واحد من الربع شرى أَرض زراعية في فرنسا وسوى له كوخ خشبي ويقول الماي واصل والكهرباء .. ويوم فتحنا الماي الا من قوة الضغط يطير .. عليهم التمديد بس والاستهلاك وطبعاً فيه عدادات ما ادري شلون طريقتها.
عندنا للمنظر خله في مستوى البنتهاوس وخله مبني ومغطى بخرسانة وله باب ألمنيوم يكفي لدخول التانكي واستبداله وقت الحاجة .. ومن خلال تجربتي اشوف وضع لوحة الكهرباء معزولة بحائط أَفضل حتى تكون بعيدة عن الماي لو تسرب .. والوايرات كلها لازم تكون معزولة ومحمية.
يعطيك العافيه
في ميزان حسناتك ان شاءالله
جزاك الله خير
الله يصبحكم بالخير ..
سجلت خروج ... ورجعت لأن الموضوع قيم جداً
وجيت اشكر راعي المخططات انه عرضها عليك ..
لان كان التوزيع فيه سوء تخطيط وفقدان كبير للمساحات .. مع ان البيت كبير تبارك الرحمن
والتوزيع ما يقدم استخدام وحياة مريحة.
أخوي معماري .. الله يعطيك العافية وفي ميزان حسناتك
اعتبر هالموضوع ورشة عمل مشتركة .. كلنا فيها فايدين ومستفيدين ان شاءالله.
على أي المخططات اقول ملاحظاتي .. قبل التعديل والا بعد التعديل؟
صباح النور والسرور
والله الكل إِختي حتى لو شيء سويته انا غلط وعندج فكرة لتطويره
انا اللي عندي مجرد ملاحظات وافكار .. اقترحها بناءً على الحركة الطبيعية في استخدام الاماكن بالاضافة الى الخدمة اللي تقدمها لي ومدى حاجتها وطبعاً اقتصادية تواجدها..وبعد بناءً على حجم البيت ومستوى الفخامة والرفاهية المطلوب.
أولاً: المجلس الخارجي:
لاحظت انه يتكون من مجلس وحمام ومغاسل بس.
المجالس اليوم تطورت وصارت هي واجهة البيت .. لذلك اقترح ان يكون مدخل صغير hall يودي على المجلس . وضروري جدا يكون فيه مطبخ تحضيري علشان تحضير القهوة والشاي وحفظ الادوات.. حتى لو اعتمد الاسلوب التراثي في الديكور و سوى وجار بعد من الافضل يكون فيه مطبخ.
ويعتمد على راعي البيت اذا هو من نوع يسوي عزايم وايد بيحتاج المطبخ تكون مساحته تستوعب لقانه وباقي الضيافة عقب ما يخلصون الضيوف... خاصة ان مطبخ البيت بعييييد عن المجلس.
الهول يحافظ على نظافة المجلس ويعطيه فخامة اذا تلبس بالرخام والاضاءة بعدين بشكل جيد.