المشاركة الأصلية كتبت بواسطة Abdelrahman
السلام عليكم
حبيت اشاركم تجربتي مع الجالكسي نيكسوس
من يومين خذت لي جهاز الاندرويد الجديد "galaxy nexus"
وللاسف انصدمت انه الجهاز غير عملي ابدا
الصراحه كانت صدمه لي بعد ما قريت وايد عن الاندرويد ومميزاته
خلني اتكلم عن عيوب التلفون قبل عيوب النظام
التلفون فيه عيوب وايد اولها صوت السبيكرات سيئ جدا جدا حتى رنة الجوال ما تنسمع
بالاضافه الى اليوتيوب يعني لو قاعد تشوف فيديو ما تقدر تسمع الصوت
العيب الثاني والاهم هي البطاريه .. ما تستمر 8 ساعات !!
تلفون مواصفاته عاليه جدا من ناحية البروسيور والرام وهالسوالف وبطاريته 1750mah
يعني حتى تروح الجامعه وترجع ما يكفيك وأذا تبي تركب بطاريه ثانيه لازم تدفع 100 دولار
وتركب كفر ثاني يخلي حجم التلفون كبير وايد من وره وشكله مب شي
يعني مب عملي ابدا
نظام الاندرويد الايس كريم ساندويش حسيته مقبول
بس بصراحه من ناحية التطبيقات الموجوده في الماركت ما تقدر تقارنها بالعملاق ابل ستور
رحت التطبيقات المجانيه فيه بس 500 تطبيق ولا انا غلطان ؟ تميت انزل تحت تحت ما طلع لي الا 500 !
الصرااحه تحسفت المشكله اني سويت عقد مع الشركه على سنتين وكنت اقدر اختار اي تلفون ثاني بنفس
التكلفه الشهريه حتى الايفون فور اس اللي هو ضعف سعر النيكسوس اذا شريته انلوك
مادري شسوي في التلفون الحين لازم اقطه لانه البطاريه ما تمشي معاي واستخدامي له وايد خصوصا في
الجامعه من ايميلات وترجمه في بعض الاحيان وغيرها
وأذا بعته ما بيجيب لي سعر حده 400 دولار ..
وأذا ابي اخذ لي ايفون فور اس بدفع 800 دولار يعني
وأنا من الاساس بايع ايفون فور من فتره
الصراحه عن تجربه مافي مقارنه بين الاندرويد والايفون