المشاركة الأصلية كتبت بواسطة معماري قطري
عادي ممكن ينزل أكثر في عز التفاؤل يبيعون
المهم اللي أسس فيه على أسعار زينة يصبر لو توزيعه يستاهل بيروح فوق
هذا ما كتبته في موضوع المقارنة بين أرباح 2019 وارباح الثلاث أرباع من هذي السنة
قامكو
مشغل اغنية طيارة وطاير على الخط وحقق 0.093 ريال وقبل محقق 0.002 ريال لنفس الفترة العام 2019 محقق 0.0143
في 2019 وزع 0.01 ريال وفي 2020 وزع 0.035 ريال .. نسبة توزيع 2019 وصلت 70% ونسبة توزيع 2020 أذكرها شوي فوق 100%
نسبة ما حققه لسعره 4.9% .. الرقم مغري والنمو مغري والمتوقع خير بإذن الله .. أتوقع لو واصل بنفس المستوى توزيعه يكون 0.12 ريال ويحرج مسيعيد إحراج كبير
تفاؤل الجميع مبرر ولو افترضنا يطلع توزيعه 0.12 ريال المتأملة على سعر اليوم 1.84 يعطينا ربح 6.52% .. الأهم فيه نمو ونموه بيزيد إن شاء الله السنة الجاية لزيادة الطلب العالمي المتوقعة على الألمنيوم وال 6% هذي لو حافظنا على السهم بيعطينا نسبة أكبر على سعر شرائنا .. بالنسبة لي 0.12 على سعر شرائي 1.479 ريال = 8.11%