المشاركة الأصلية كتبت بواسطة سالم الزهران
احد الزملاء كان عنده صورة رنج ويبي يشتري له وظروفه ما تساعد، المهم يوم جفت على مكتبه صور رنج روفر وسألته وابتسم ورجع نفسه على الكرسي وتنهد بقوه وغمض عيونه وفتح وقال هذا يبو زيد حلمي وبشتريه بشتريه ما في كلام.
عاد انا اطالع الرجال وكلنا خلق الله لكنه اسمر بالحيل وقلت له انت تذكرني بواحد من الجماعة شرى له روز وهو اسمر وصاروا الناس ينظرون له انه دريول حتى انه باعه من كثر ما يحصل مضايقات.
يعني لو داس لها وشافوه شباب يقولون ترى بنعلم عمك انك تدعس للموتر.
اكملت كلامي للزميل (فحط فبالك يا ابو فلان الناس بيمتحنونك وتعرف سلوكياتنا ومجتمعنا ما يحتاج).
كملت كلامي واجوف الرجل تحطم مسكين وعرفت اني ما سويت خير.. قمت ارقع و اعتذر منه اعتذار وده يقول لي فارقني بس. ما كنت اتصور انه فيه ناس حياتها تتوقف على مشترى سيارة
