$$$$$ يا حيثك مرادي.. و كيفي.. و ذوقي $$$$$
يا مدور الهين ترى الكايد احلى
اسأل مغني كايدات الطــروق
الزين غالي لكن الازين اغلــى
ولكل شراي بضاعة و سوق
النو عالي و السمى فوقه أعلى
لي فاق علم جاه علم يفوق
الصعب هلَى قلت ياصعب سهلا
دامك تبيني فانت ياصعب شوقي
أحب اعسف المهرة اللي تغلى
و احب اروض كل طرف يموق
و احب أسافر مع سحاب تعلَى
و احب فوق الغيم لمع البروق
و احب اساهر بدري اللي تجلى
و ارسم شعاع الشمس عند الشروق
يامن على ثاير فوادي تولى
خلك على قلب الكرامة شفوق
اكرم عزيز بالعمر ما استذلا
يسوق عمره للمشاريف سوق
اخترتك من الناس للقلب خلاَ
يا حيثك مرادي و كيفي و ذوقي
ما رحت أدور كل زول تحلى
لولاك تسوى ما عطيتك خفوقي
من روائع خالد الفيصل ** غناء محمد عبده
