عرض للطباعة
السلام عليكم ورحمة الله وبركاته
بغيت مشورتكم وخبرتكم في مجال النقل البري
حاب افتح شركة للنقل البري وخاصة ما بين الامارات وقطر لاستيراد البضائع
اتمنى احد يفيدني بالموضوع من ناحية التراخيص والاجراءات والعقبات الي ممكن تواجه هالمشروع
والله يجزاكم كل خير ...
,
,
مرحبا
موفق يارب
ان شاء الله مافي عقبات في الرخص
هذا النشاط مشكلته بس في ( السائق )
1- اكثرهم يحاول ( يهرب )
2- ممكن ياخذ السياره ومايرجع الدوحه لان كل شي في يده خاصه جواز السفر
:)
الايجابيات
الشي الزين ان الشغل متوفر وكثير والبضايع ما شاء الله ما توقف
وخاصه تصدير ( الحديد القطري )
تقدر تاخذ عقود سنويه من الشركات الي تصدر الحديد
يعني تاخذ معاك حديد
وتجيب بضايع
نجاح هذا النشاط يعتمد اعتماد كلي على ( السائق )
انت ونصيبك
,
,
السلام عليكم ورحمة الله
ماقصر اخونا شموخ دائماً كالعادة
بالنسبة حق التراخيص سهله , تعمل سجل تجاري وتضيف نشاط النقل
الاجراءات سهله بعد , سو فيزا حق السائق للدولة الي رايح لها مثلاً ( السعودية /الامارات ) وبعدها تتوكل على الله وعلى كل نقله فيه رسوم جمركية حولي 150 ريال تزيد تنقص شوي
اما في تفاصيل النقل .. فانصيحتي لك مثل ماقال اخونا شموخ دائم ركز على نقل الحديد .. دولة قطر ولله الحمد تصدر حديد حق أغلب دول الخليج ..
الطريقة بأنك تأخذ حصة من مصنع الحديد , يعطونك على حسب عدد شاحناتك وأقل حصه لازم تكون عندك من 5 الى 8 شاحنات أما اذا كانت عندك أقل فا البضائع لابأس فيها
العقبات أخوي قليله , أكثرها التأخير في المراكز أو عطل لا قدر الله خارج الدولة .. ولازم يكون عندك سواق فاهم وشقردي أو تحط فورمان اذا عندك عدد كبير من الشاحنات
واذا الله وفقك واشتغلت في الحديد أبعد عن الامارات وركز على الدمام والرياض وغيرها من المناطق لقلة المراكز ورخص سعر الديزل .. واذا اشتغلت على الامارات مافيه باس ولكن حاول تخليه يرجع محمل بضائع
مشروع ناجح جداً بس يبيله طولت بال في البداية الين الناس الي معاك تفهم الشغل .. واتمنى افدتك بشيء وأي استفسار انا حاضر في الاسعار والديزل والاعاشه وغيره .. وتمنياتي لك بالتوفيق
صراحة مشروع ناجح بيفيدنا وااايد
في فكره تشغيل شاحنتين
و 3دريوليه
ويكون لكل شخص فترة اجازه لين وصول الشاحنه الي بعدها
اتوقع افضل حل لعدم هروبهم
فكرة ممتازة و ممكن تظيف بعد نقل السيارات
مشروع ممتاز ومعروفه التريلات والالات الثقيله خيرها كثير وتطلع ذهب بس مثل ما ذكر الاخوان اهم شي السايق ولنا عبره في موضة التريلات اللي هبو فيها كل اهل قطر قبل 10 سنين وصارو مصيده للنصابين ومشاكل السواقيناقتباس:
المشاركة الأصلية كتبت بواسطة $QTR$
موفق اخوي